Deialdia:

Ba al duzu kultura proiekturik Gipuzkoako kultura bultzatzeko? Goteo Fundazioak #Metakulturaren lau deialdi egin ditu eta Gipuzkoako Foru Aldundiak 70.000€ ematen ditu 15 proiektu finantzatzeko gehienez ere. Zure ideia hemen aurkeztea bezain erraza da, gure crowdfunding tailerretan parte hartzea eta, aukeratuta izanez gero, zure kanpaina abiaraztea, herritarrek zein erakundeak baliabide ekonomikoak eman ditzaten eta arrakasta lortzen lagun diezazuten.

Online tailerrak:

Aurten ekainaren 23ko eta uztailaren 2ko tailerrak bideokonferentziaren bidez egingo dira. Dagoeneko ezagutzen dugun egoerak baliabide hori erabiltzera eraman gaitu eta zurekin partekatu nahi ditugu Eloisa gure lankideak errealitate berri horri buruz egin dituen gogoetak.
Ikaskuntzari dagokionez: «Ikaskuntzetako bat hauxe izan da: ezerk ezin du aurrez aurrekoa ordezkatu. Eta, ziurrenik, bai tailerrak ematen dituztenentzat bai eta jasotzen dituztenentzat ere. Online tailerretan beti baitago tarteko interface bat. Hori dela eta, ikaskuntzaren zati bat, emozionala dena, ez da behar bezala iristen. Motibaziorik gabeko ikaskuntzarik ez dagoen bezala, emoziorik gabeko motibaziorik ez dago. Eta, noski, gure artean pantaila bat jartzen dugunean, emozioa txikiagoa da. Baina ez gara gelditu, hori da albiste ona. Ikasten jarraitzeko motibazioak pandemiak ekarritako paralisia gainditu du, eta, itxialdiaren memento gogorrenetan ere, ugari ziren tailerretan inskribatzen ziren pertsonak. Eta hori datu itxaropentsua izan zen.»
Itxaropena: Nolabait ere, pentsamendua hau zen: «Prestakuntza jasoko dut, hori erabili ahal izango dut eta», horrek esan nahi du erabili nahi dela eta espero dela «uneren batean» erabiltzea. Hau da, gauzak egiten jarraitu ahal izango genuela eta «mundua ez zela amaituko». Eta hori gauza polita da, etorkizun hurbila elkarrekin eraikitzen hasteko ideia kutsatze hori.
Etena: Beste alderdi positiboa zen «eten digitalari» genion beldurra. Kezkatuta geunden jende guztiak ezingo zuelako ikaskuntza hori aprobetxatu zailtasun teknikoengatik, edo hain trebeak ez zirenekin espazio ez-inklusibo bat sortuko zelako. Eta ondorio sendoak izateko datu gehiegirik ez badugu ere, egia da beldur horiek ez zirela gauzatu: adineko pertsonak edo teknologiak gutxi erabiltzeko profila zuten pertsonak tailerretan izena eman zuten eta gainerako parte hartzaileekin batera aprobetxatu zituzten tailer horiek. Izan ere, hasieran, denok ohitu behar izan genuen bideo-deietara, mikrofonoa isilaraztera, hitz egiteko txandak errespetatzera..., eta polita izan zen ikustea pertsonen artean adimen partekatua agertzen zela. Taldearen zaintza, taldeko esperientzia optimizatzeko.
Egiaztatu dugu teknologiak aukera ematen duela aurrez aurreko edozein jarduera online egiteko. Teknologiak dena ahalbidetzen dizu, pertsonen arteko aurrez aurreko harremana izan ezik. Hori dela eta aurten esfortzu bikoitza egiten ari gara plataforman proiektuak bultzatzeko. Horregatik, oso egokia iruditzen zait PiztuMeta2020 ekimenaren aurtengo leloa: Gure kulturak balio bikoitza izatea lortuko dugu!

Ekainaren 23ko lehen tailerra

Azkenean, #PiztuMeta2020! ekimenaren lehen tailerra egin genuen ekainaren 23an, eta urte honetarako proposamenak ezagutzen hasteko aukera izan genuen.
Proposamen asko aurreko sustatzaileek gomendatuta datoz eta bakarren batek deialdi honetan izan du gure berri. Horrek adierazten digu oraindik ere lan handia egin beharra dagoela deialdi bikain hau ezagutarazteko.
Lagundu nahi badiguzu, zure kontaktuekin parteka dezakezu uztailaren 2ko tailerreko irudi hau, bai eta informazio guztira eta izena emateko formulariora iristeko estekak ere. Copypaste bat egitea bezain erraza izango da, eta zerbait ederra sortzen lagun dezakezu. Ba al dago uda hasteko modurik hobea maite dituzun pertsonen ideiak bultzatzen laguntzea baino? Goazen!

Info: https://www.goteo.org/workshop/41
Inscripción: https://goteo.cc/formacionmeta2020