Kosta ahala kosta, hemen gaude berriro! Matchfunding META! deialdia bosgarren urtez jarraian egin da. 4 edizio arrakastatsu egin ondoren (guztira, 65 proiektu finantzatu eta 604.708 euro banatu dira), programa honek badaki konfiantza sortzen, interesa pizten du bere inguruan eta Gipuzkoan finkatzen ari da, kultur eragileek tokiko sarea aberasten eta indartzen ari diren ekimenak finantzatzeko eskura duten tresna gisa. Baina ez zaitugu zifra gehiagorekin nahastuko, eta itxaroten ari zinen horretara pasako gara. Proiektu hauek dira beren crowdfunding kanpainak argiratuko dituztenak datorren urriaren 8an eta Gipuzkoako Foru Aldundiak emandako matchfunfing pizgarria izango dutenak!

  • BURUKOAK: munduari buelta eman zioten euskal burukoen historiak euskal kulturaren historia interesgarri bat berreskuratuko du ahanzturatik, diseinuaren eta moda jasangarriaren bidez. Ilustrazioa, herritarren inplikazioa eta tokiko ekoizpenerako laguntza.

  • Dis-likek, Foro Antzokiaren eta Errealitate Birtualaren bitartez, sare sozialen eta aplikazio mugikorren erabilera okerrak eragindako irudi pertsonalaren nahasmenduak antzemateko, detektatzeko eta saihesteko tresnak emango ditu.

  • Zinema-lekuak proiektuak zinemaz gozatzeko modu berri bat proposatuko du, distantzia sozialeko garaian. Aukera berriak eskaintzen dituzten espazio berriak bilatuz, espazialak zein eztabaida, ezagutza eta gogoeta proposatzekoak.

  • Aniztasunaren Liburuak aniztasunaren inguruan kontzientziatuko du, errealitate desberdinak ikusarazteko, ilustrazioaren bidez.

  • Kobid garaiko bizipenak proiektuak itxialdian bizitako esperientziak, emozioak eta abar jasoko ditu. Adinekoen, familien eta haien ondoan egon diren profesionalen ikuspegitik.

  • Beiruteko itzalak Libanoko errefuxiatuei buruzko film labur bat izango da eta horren bitartez salatu nahi da zein baldintza penagarritan bizi diren.

  • Merino Loversek moda jasangarria bultzatuko du, emakumearen gorputzaren errealitatea ikusarazteko, «Body Positive» mugimenduaren barruan. Mugimendu horrek iraunkortasuna bilatzen du 0km-n ekoitzitako jantzi minimalistetan, eta % 100 jasangarria den ehuna erabiltzen du, bai jatorriari bai trazabilitateari dagokionez.

  • Argi klimatikoak argazki sorta bat sortuko du Gipuzkoako herritarren arreta erakartzeko eta eztabaida pizteko hainbat herritan itsasoaren igoerek izango luketen eraginaren inguruan, eta krisi horri aurre egiteko eta proposamen original, partekatu eta tokikoekin erantzuteko gaur egun egin daitekeenaren inguruan.

  • DravetTZARIk euskal kultura eta haren jarduerak erabiliko ditu gizartea eraldatzeko elementu gisa, eta oso ezagunak ez diren gizarte zaurgarritasuneko egoerak ikusaraziko ditu, hala nola Dravet sindromea, eta kontzientziazio eta babes guneak sortuko ditu, kultura inklusiboa.

  • EHXPERIENCE LABS, IK109: elkarrekin sortutako zentzumen anitzeko laborategia izango da, COVID-19aren aurrean irtenbideak eskaintzeko, hala nola adinekoen eten digitala, hezkuntza eredu berrien miaketa, errealitate birtuala eta hedatua, edo teknologia berrien eta artisautza prozesuen arteko harremana.

  • Berriz aurkitu Gipuzkoa! ekimenak Gipuzkoako herri eta hirietako ondare arkitektonikoaren artxibo bisuala sortuko du, kale historikoak eta elementu adierazgarrienak ardatz hartuta. Kaleen egungo egoeraren irudikapen bat; bakoitzaren jatorrira itzultzeko modu bat, ilustrazio tekniken eta postalen bidez etorkizunerako gordeta gera daitezen. Ilustrazioak, postalak eta fitxa teknikoak.

  • Txikia ederra da ehungintzako jakintza eta praktika tradizionalei buruzko dokumentala izango da. Tokiko artisautza tailer eta kultur ibilbide parte hartzaileekin.

  • Crackaren soinuak salaketa dokumental bat grabatuko du, indarkeria metodoak ezagutzera emateko, hala nola Mendebaldean erabiltzen diren tortura modernoak.

  • Angela antzezlan bat izango da, Iparragirre poeta eta musikariaren emaztea zen Angelaren irudia ezagutarazteko. Emakumearen ikuspegitik kontatuko du historia, haren irudia nabarmenduz.

  • Alquimia, kolektibo kalteberen eta hirugarren sektorekoen emozioak lantzeko esperientzia eta sormen programa.

Horietako bakoitzak lortutako puntuazioa jakin nahi baduzu, hemen kontsulta dezakezu.

Edizio honetan 36 proiektu jaso ditugu, guztiak ere kultura kritiko, inklusibo, proaktibo eta jasangarriago batean inplikatuta, bizi dugun krisi soziosanitarioari erantzuna emateari aipamen berezia eginez. Kulturarako sarbidea ezinbestekoa da osasun propio eta kolektiborako, eta, beraz, oso pozik gaude egoera zail honetan hainbeste proiektu aurkezteko egindako ahaleginarekin.

Hautaketa egiteko, hainbat alderdi baloratu dira, eta guztizko puntuaziorik altuenak lortu dituzten ekimenak hautatu dira. Eskerrik asko deialdi honetara aurkezteko denbora hartu eta energia gastatu duzuen guztioi, eta gaurtik bertatik, aurrera jarraitzera animatu nahi zaituztegu, PiztuMETA2020tik kanpo bada ere Goteoren orri orokorraren bidez proiektua bultzatzera. Beti bezala gure laguntza izango duzue zuen ideia errealitate bihurtzeko, hobekuntza ekarri eta gizartean eragin positibo izan dezan.

Zorionak hautatutakoei! Laster hasiko gara matchfunding-eko laguntza espezifikoa ematen aholkularitzen bitartez, eta lagunduko dizuegu zuen kanpainak lantzen, indarguneak balioan jartzen, hedapen ekintzak planifikatzen eta, azken batean, Goteotik igaro diren proiektu arrakastatsuen bitartez bildu ditugun jardunbide egoki guztiak zuekin partekatzen.

Gehiago jakin nahi duzu? Sare sozialetan #PiztuMeta2020ren berri ematen jarraituko dugu! Jarraitu iezaguzu!

📌Twitter
📌 Instagram
📌 Facebook