Sinergiak eta finantzaketa behar dituzu proiektu ireki baterako? Nahikoa da 10 urrats egitea zure buruko ideia, ekimena edo prototipoa Goteoren komunitatearen babesarekin baloratu ahal den proiektu bihurtzeko. Eta egokia izanez gero, argitaratu eta egia bihurtuko dugu:

  1. Eman izena Goteon erabiltzaile gisa eta aktibatu zure kontua iritsiko zaizun emailaren bidez.
     
  2. Zure erabiltzaile-paneletik proiektu berri batera sartuz, ekimena deskribatzeko formulariora iristen zara. Hor, laguntza-tresna batek pausoz pauso gidatuko zaitu.
     
  3. Azaldu zein garrantzitsua eta beharrezkoa den proiektua, zein ona den, eta zu edo/eta zure taldea zaretela (jarri are argiago uzten duten beste jarduera edo proiektu batzuen estekak).
     
  4. Banakatu proiektua burutzeko beharrezkoak diren kostuak, eginkizunak edo/eta materialak, eta zehaztu zure ideia gauzatzeko behar duzun gutxieneko aurrekontua eta aurrekontu onena. Baita ekonomikoa ez den laguntzarik behar duzun ere. Garrantzitsua: sustatzaile gisa (zu edo zure taldea, sustatzaile bat baino gehiago bazarete), kostu gehienez arduratu beharko duzu. “Azpikontratazioek” eta materialen erosketak azken kopuruaren zati txikiago bat izan behar dute.
     
  5. Aukeratu zure proiektuak liberatu ahal duen itzulkin kolektibo bat gutxienez, ondasun komun bihurtzeko :) Lizentzia libre edo irekia duten hezkuntza-materialak, iturburu-kodea, artxibo digitalak, etab. Proiektua gauzatu baino lehenago zure ideia edo ekimena erregistratu nahi baduzu, jabetza intelektualeko Safe Creative partner-arekin egin ahal duzu (copyleft-ekin %100 bateragarria da). Zure proiektua ez bada horrelakoa (ADN irekia), horrela irudikatzera animatzen zaitugu. Funtsezkoa da Goteon argitaratua izateko.
     
  6. Pizgarri gisa sari indibidualak sar ditzakezu, diru-kopuru bakoitzerako sari bat proposatuz: adibidez, 10 eurogatik eskerren atalean agertzea, 20 eurogatik proiektuarekin lotutako zerbait jasotzea, 100 eurogatik aholkularitza edo instalazio pertsonalizatua lortzea, etab.
     
  7. Proiektuak potentziala badu, argitaratu baino lehen egin ditzakezun hobekuntza posibleak aipatuko dizkizugu, xehetasunetan ados jarriko gara eta aurkezpena optimizatuko duzu. Arrazoiren baten ondorioz azkenean ez bazaigu argitaragarria iruditzen, guztion ongizaterako irekitzeko moduari eta crowdfunding-aren klabeei buruzko aholkularitza eskainiko dizugu (hori ziur lortuko duzu :)
     
  8. Zehaztu duzun gutxieneko aurrekontua biltzeko 40 eguneko kanpaina hasiko da, eta aldi horretan sare ezagun guztietan topera mugitu behar da. Proiektua elkarrekin ematen dugu ezagutzera eta jendea elkarrekin erakartzen dugu finantzakideen arreta lortzeko, komunikazio-gida honetan crowdfunding-erako argitaratzen ditugun klabeen eta aholkuen arabera.
     
  9. Epe horren ostean proiektuak gutxieneko diru-bilketa lortzen edo gainditzen badu (bankuko txartelaren edo PayPal-en bitartez), beste 40 eguneko txanda bat hasiko da aurrekonturik onena lortzeko. Beraz, zure finantzakideak informatuta mantendu behar dituzu eta ekoizpen-prozesuaren garapenei buruzko nobedadeak argitaratu behar dituzu.
     
  10. Zehaztutako kopururik onena lortzen edo gainditzen duzunean, lehenengo txandan lortutako funtsekin batera sartzen dizute (bigarren fasean kopuru osoa biltzea lortzen ez bada ere). 12 eguneko epean, gehienez, hartu duzun konpromisoari dagozkion itzulkin kolektiboak eta sari indibidualak bete behar dituzu.

Zer deritzozu? Ausartuko zara ala ez? Abestiak dioen bezala, It's a long way to the top! :)