Goteo plataformatik igaro diren META! ekimenari (Gipuzkoako Foru Aldundiarekin batera 2016az geroztik bultzatzen ari garen matchfunding deialdi arrakastatsu bat) esker finantzatu diren proiektuetako esperientziak ikusarazteko #DiálogosMETA izeneko blog honen bornean sekzio berri bat inauguratu dugu. META! ekimenari esker gaurdaino Gipuzkoako 49 proiektu finantzatu dira eta 454.227 euro banatu dira. Zenbateko horretatik % 44 Aldundiak eman du.

#DiálogosMETA blogarekin META! ekimenean kanpaina bat bultzatu dutenen ikaskuntzak, matchfunding ekimenaren abantailak, zailtasunak eta finantzazioa lortu ostean izandako aldaketak partekatu eta ikusarazi nahi ditugu, eta tresna praktikoak ere partekatu nahi ditugu. Baina, era berean, zein puntutan dauden ikusi nahi dugu eta ahal badugu, elkarren artean, bertako ekimenen inpaktua neurtu. Bide batez, eta kontatu zigutena irakurri eta entzun aurretik, jakin nahi al duzu zer ikasi genuen elkarrizketa hori esker? Ezagutu nahi dituzu zure ekimena META! 2019ra aurkezteko dituzun 5 arrazoiak?:

1. Zure proiektua finantzatzea errazagoa da, matchfundinga biderkatzeari eta deialdiaren ikusgaitasunari esker.
2. Zure taldeari eta zure ekimenari legitimitatea ematen dien esparru batetik eskatzen duzu laguntza.
3. Ikusgaitasun gehiago eta kontaktu/kolaboratzaile/jarraitzaile gehiago irabaziko dituzu.
4. Zure proiektua hobetu egituratu, antolatu eta aurkezten laguntzen zaitu.
5. Azalpenak ematen eta zure proiektua defendatzen ikasten duzu, komunikazio eta storytelling alorrean.

Oraintxe abian da deialdiaren 4. edizioa eta ekainaren 7ra arte Gipuzkoatik eta Gipuzkoarentzat pentsatutako kultur arloko ekimenak aurkez daitezke. Jarraian datorrenari so egiten badiozu, zu ere aurkezteko gogo asko sartuko zaizkizu, ziur! 😉

Bi kanpaina, bi esperientzia. Egon ote da match?

Lehen topaketa honetan Cristina Ureta gonbidatu dugu, META! 2016 edizioan finantzatutako Arteria Magazine proiektua sustatu duen taldeko kide, eta baita Jorge Pineda ere, 2017an finantzatutako BookBox delakoaren sustatzaileetako bat. DNA irekiko aldizkari digital bat (ezaguna egiten zaigu, ezta? 😉) vs hiri liburu-denda mugikor bat. META! izenekoarekin izandako beren esperientziaren inguruan solasean aritzea proposatu genien eta, sorpresa! elkar ezagutzen zuten eta lan-espazioa partekatu zutela jakin genuen. Beraz, eta izenburuko galderari erantzunez, horixe match! egon dela! Solasaldia, hasiera batean hiruren arteko bideo konferentzia bidez izango zena, oso jariotsu eta naturala izateaz gain, mahai beretik egin zuten, orpoz orpo. Izugarri atsegin ditugu xehetasun horiek eta gure plataformaren inguruan eta hari esker sortzen diren konplizitate horiek♥!

Hitz egin dezagun META! bidez finantzatu dituzuen proiektuen inguruan…
Jorge Pineda (JP): BookBox proiektu pertsonala da, Hirikilabs (Tabakalera) delakoan sortutako ideia sinple batetik hasi zena: altzaria diseinatu genuen baina harago joan zedila nahi genuen, proiektu batera eta zenbait ideia oso argira. Irakurketa sustatu eta aleak berrerabiltzearen alde egin genuen. Beraz, altzari horretan, azken batean, edozein pertsona/erakundek dohaintzan emandako liburuak daude, edozein pertsonarentzat eskuragarri. META! 2017 edizioari esker bigarren altzaria finantzatu ahal izan genuen, HirikiLabs izenekoan finantzatutako prototipoaren ondoren. Gaur egun 5 BookBox ditugu.
Cristina Ureta (CU): 2015az geroztik buruan geneukan Gipuzkoan egiten diren gauza politak jendeari nola ikusarazi. Arteria Magazine aldizkari digital bat da eta arte modernoa du mintzagai, modu ireki eta doakoan, eta tokiko sortzaile eta artistak zer egiten ari diren erakustea du xede. Aldizkariaren berezitasuna artistak gure eduki artistikoa haienaren inguruan sortuz aurkeztea zen. META! 2016 edizioarekin aldizkariaren lehen zenbakia zerotik finantzatzeko aukera ikusi genuen. Beste 2 zenbaki ateratzea aurreikusten dugu.

Zein abantaila ditu crowdfunding kanpaina bat abiatzeak META! moduko matchfunding deialdi baten barnean?
CU: Doako zerbitzu edo produktu bat eskaintzen duzunean oso zaila da finantzazioa lortzea eta, horrenbestez, oso zaila da proiektu bat modu irekian mantendu eta talde sustatzailea manten dadin lortzea...
JP: Proiektua mantendu eta, are, hastea. Horregatik, nire ustez, META! izenekoan parte hartzearen abantaila nagusia arazo nagusia konpondu ahal izatea da: eragozpen ekonomikoa. Ideia bat dut buruan eta forma eman nahi diot, baina hori egiteko finantzazioa behar dut, izan ere, ideia oso ona izan daiteke baina gauzatzen ez baldin badut inork ez du ikusi eta estimatuko. Halaber, kanpainaren arretiko, kanpainan zeharreko eta kanpainaren osteko prozesu honetan sortzen den guztia hor dago: egiten dituzun harremanak, laguntzen zaituzten lagunak… Dena da onura. Ez da eskatzeagatik eskatzea, baizik eta harago doa: komunikazio eta ikusgaitasun alorrean.
CU: Nire ustez, abantaila nagusia zera da, ekarpenak eskatzea esparru fidagarri batetik egiten ari zarela, Aldundiaren babesarekin. Eta Goteo plataformak nolabaiteko egitura eskaintzen dizu zure proiektua antolatu eta aurkezteko, bere deskribapenarekin, bere bideoa,… Hori guztiori lagungarri zaizu jendeari dirua eskatzeko orduan, nolabaiteko seriotasuna, legitimitatea ematen dizu.

Ikaskuntza zehatzen bat crowdfundingari esker eskuratua?
CU: Pertsonalki, nire proiektua defendatzen ikasi dut eskura ditudan tresnekin. Eta proiektu batean lan asko egiten duzunean askoz ere errazagoa zaizu hura defendatzea, atzean lana dagoenean komunikatzeko orduan nabaritu egiten da.
JP: Azaltzen errazago zaizu. Deitu pasioa…

Eta, aitzitik, zein dira aurkitu dituzuen zailtasunak? Hots, gero zera pentsatu duzuelarik: hau kontuan izan behar nuen..
JP: Lehendabizi sustapenaren aurretiko lan guztirako prestatu behar zara. Kanpainan zehar lan oso gogorra da, nahiz eta ondoren esfortzuak bere saria duen. Ez da kanpaina abiatu eta kito. Ee dut uste esfortzurik gabe proiektu batek emaitzak izan ditzakeenik. Horregatik, ez dut uste oztopoez hitz egin behar dugunik: esfortzua eta lana crowdfunding kanpainaren parte dira. Ez dago desabantailarik, lana besterik ez!
CU: Komunikazio-kanpaina bat zer den ikasi dugu: edukia prestatu, egituratu, programatu, bideetan pentsatu, publikoa aintzatetsi eta kontua izan dena ez dela gizarte-sareetara mugatzen.

Eta bat-batean helburua lortu duzue, kanpaina ixten da… Zer sentitu duzue META ostean?
JP: Kanpaina amaitzen denean ez da bere horretan bukatzen dena. Eskuratutako ikasbide hori guztiori (Gizarte Sareak, komunikazioa,…) zure egunerokotasunera eramaten duzu, dagoeneko badituzu tresna berriak. Kanpainan zehar eginahala izugarria da, baina amaitzen denean jarraitu egin behar da.
CU: Gizarte Sareko komunitatea, esate baterako, META! bidez egindako crowdfunding kanpainan zehar lortu genuen hain zuzen. Halaber, kanpainaren ondorioz kolaboratzaile berri bat batu zen aldizkarira.

arteriamagazine.com webgunearen sekzio bat

Dagoeneko denboratxo bat igaro da zuen proiektua finantzatu duzuenetik. Zer-nolako inpaktua izan dute zuen proiektuek?
JP: Uste dut bide oso bat dela, prozesu bat. Eta honen zati bat crowdfunding kanpaina da. Kanpainan zehar online bidez egindako guztiaz gain, offline lana ere egin nahi genuen, izan ere, herritarrekin harremanetan sartzeko beharra sentitzen genuen, gure proiektua haientzat baita. Ekitaldi asko egin genituen crowdfundinga zer den azaltzeko, baina baita gure helburu nagusia zena egiteko: altzaria eraikitzea. Kalera atera genuen, hirian barna mugitu genuen, jendeak ikus zezan, uki zezan. Ireki eta bertan ezkutatzen ginen jendearen erreakzioa ikusteko… horrela gure ingurukoa ez den jende askorekin egin genuen harremana.
CU: Arteria Magazine aldizkarian digitalki neurtu genuen inpaktua, bisiten arabera, jatorrizko herrialdeen arabera: 1.100 erabiltzaile baino gehiago lehen zenbaki honetarako, 6.000 bisita orrialdera, 4 orrialde inguru erabiltzaileko. Europatik ez ezik, Hego Amerika eta Iparramerikatik irakurri gaituzte. Orain gure hurrengo nahimena digitala kalera jaistea da, ekitaldiak antolatuz, exporen modukoak, tokiko inpaktu horren xerka. Momentuz inpaktu globala izan dugu, positiboki harritu egin gaituena. Uste dut aurtengo urtea baliagarri izan zaigula lehen zenbakia ateratzeko behar genuen lan-bolumenaz jabetzeko, eta zein inpaktu zuen ikusteko… eta espero genuena baino askoz ere handiagoa da!

Eta zer esango zeniokete META! 2019 ediziora aurkezteko asmotan dabilen proiektu bati?
JP: Nik aurkezteko gomendatuko nioke zalantza izpirik gabe, abagune bat baita, baina lan egin beharko du gogotik, ongi antolatu beharko da. Eta joaten den moduan doala ere ikaskuntza, erabiltzaileak edota kolaboratzaileak irabaziko ditu.
CU: Nik Jorgek bezalaxe pentsatzen dut, aurkez dadila, eta lan asko dagoela ere bai. Et aholku bat: eta ez dezala etsi amaitu arte, gorabehera asko egon daitezke bidean, horregatik egin behar da lan gogotik. Eta kanpaina aurreari denbora eskain diezaiola…
JP: Bai, kanpainaren aurretik egin dezala plangintza bat, bidean zehar zuzenketak egon daitezkeela kontuan izanik.
CU: Eta are, bere helburua lortzen ez badu ere, esperientziak merezi du eta bidean dago. Ez da galtzen duzun zerbait, aitzitik: beti ikasten duzu zerbait.

Bernardo Atxaga eta BookBox

Zenbat jakinduria ezta? Eta ez gara soilik Cristinak esandako azken esaldiaz, Antonio Machado oroitarazten diguna. Izan ere, #DialogosMeta hauekin bereziki gozatu dugu, bi proiektuak oso gustura baitzeuden eta oso modu erosoan hitz egiten zen haiekin, baina baita Cristina eta Jorgek hitz egiten jakin dutelako, denbora berean, pragmatismo eta poetikarekin. Beren kontakizunak partekatu dizkigute, bitxikeria polit eta dibertigarriz beteak, proiektu bat aurrera ateratzeko izan behar den pasioaz hitz egin digute, motibatzen zaituen eta sinesten duzun haren alde borrokatuz eta ekinean jardunez. Baina, aldi berean, oso sendoak diren aholkuak eman dizkigute, crowdfunding kanpaina bat prestatzeko arduraren inguruan, denboren inguruan, gizarte-sareen inguruan, digitalaren eta presentziazkoaren arteko uztarketaren inguruan.

Eta zu, animatuko zara? 🔥💪