Proiektu bat aurkeztu eta crowdfundingera egokitzeko asmoa dutenei ahalik eta informazio gehien eskaintzeko asmoz, martxoaren bigarren hamabostaldian hainbat prestakuntza- eta zabalkunde-jarduera antolatuko dira CROWDSASUNA ekimenaren barruan: bi lantegi praktiko eta on-line saio irekia.

Beraz, CROWDSASUNArentzat proiektu osasuntsu bat baduzu, baina proposamena aurkezteko bideei, crowdfunding kanpaina antolatzeko moduei, itzulera kolektiboei edota Ureztatze Kapitala banatzeko moduei buruz zalantzak izanez gero, jarduera hauetan parte hartuz ebatz ditzakezu. Jarraian, izena emateko informazio guztia eta beharrezko estekak.

LEARNbyFUNDING LANTEGIAK

Zer dira?

LEARNbyFUNDING lantegien helburua CROWDSASUNAra bidali aurretik, proposamenak gauzatu eta hobetzeko laguntza eskaintzea da, hau da, hainbat gaien inguruko ikasketa-kit bat eskaintzea: finantziazio kolektiboaren inguruko oinarrizko alderdiak, itzulera kolektiboak, ebaluaziorako gakoak eta irizpideak eta bestelako gai praktikoak. Dagoeneko martxan dauden proposamenak aztertuz, elkarrekin ikasteko saio praktikoak izango dira.

Noiz eta non?

Zuk aukeratu hobeto datorkizun hiria:

• Bilbo, martxoaren 25ean. 9:00etatik 13:30era. BEAZ (Sabino Arana etorbidea, 8, Bilbo).
• Donostia, >> DATA ALDAKETA!! << apirilaren 2an. 09:30etik 14:00etara. Sukaldea (Tabakalera).Bajos de la Torre Atotxa.Duque de Mandas 32.

Nola har dezaket parte?

Lantegi hauek euren burua CROWDSASUNAra aurkeztu nahi duten eta hasierako ideia gaindituta, garapen fasean dagoen proposamen bat (edo gehiago) duten pertsonei/erakundeei zuzenduta daude. Izena emateko, beharrezkoa da on-line inprimakia betetzea aurkeztu nahi den proposamenaren inguruko informazio zehatza emanez. IZENA EMAN NAHI DUT

BIDEOKONFERENTZIA

Zer da?

Konektatuko diren pertsona guztien artean hitz egin eta deialdiari buruzko zalantzak ebazteko on-line ingurunea. CROWDSASUNAko taldea izango da moderatzailea eta beharrezkoa izango den informazio guztia eskainiko du.

Non eta noiz?

Martxoaren 19an, 17:30etik 19:00etara. Google+-eko Hangout bidez, edozein gailu erabilita konekta zaitezke.

Nola har dezaket parte?

Parte hartu ahal izateko beharrezkoa da izena ematea eta Google+-eko kontua izatea. Bertara bidaliko dizugu Hangout-en edo Youtube bidez sartzeko gonbidapena. IZENA EMAN NAHI DUT

Jarduera hautako batean parte hartzea aukerakoa da eta EZ du proiektuen aurkezpena baldintzatzen. Hala ere, biziki gomendatzen ditugu CROWDSASUNA ekimenerako proposamenak aurkeztu nahi dituzten guztientzat.

Baietz zure proiektuaren osasunak onera egin!