Proiektu hau espazio bat ekipatzean datza, joskintza tailer funtzioa bete dezan, sorkuntza eta ikaste prozesua burutzeko lekua izan dadin.
Tailer bat, non haur, gazte eta helduek joskintza eta moda proiektuak garatzen ikasiko duten, betiere ingurumenari errespetua eta jasangarritasuna kontuan izanda. Leku bat, non edonork izan dezakeen patroiak eta ehunak zabaltzeko, bere proiektuak aurrera eramateko espazioa, behar dituen erremintak eskura dituela.
Moda / diseinua / tradizioa / berrikuntza / ingurugiroa / konpromezua/ ekonomia zirkularra / berziklatzea / upcycling / artisautza / ekoizpen pertsonala / ezaguera / komunitatea / ehun-lana / artea / teknika / sormena/ moda jasangarria / ardura / ekodiseinua ….
Modan eta zuntzera zuzentzen dugu gure jarduna honek diziplina tekniko, artisau eta artistiko zabala hartzen duenez proiektu eta jarduera ugari gara ditzakegulako .
Ehun edo zuntzaren industria oso handia da eta planetarekin bortitzen portatzen den gizakiaren ekintza nagusienetarikoa. Denok erabiltzen dugu arropa eta josten ikasten denean eta arropari beste begirada batekin hurbiltzen gatzaizkionean jantzi bat sortzea zenbat kostatzen den jabetzen gara
Espazio honen helburuak :
Ezagueraren transmisioa: josten erakutsiko dugu, patroiak egiten, diseinatzen, birziklatu eta eraldatzen, arropa eta osagarriak konpontzen eta pertsonalizatzen.
Sorrera eta sormena zoriontsuago izateko medio
Eskuz egindako gauzak eta denbora pasa arren mantentzen direnen balioaz jabetzea. Irauteko egiten diren gauzak.
Modaren inguruko ofizioei balioa eman: teknikak, materialak eta diseinuak berreskuratu.
Teknologia berriak hartu eta 3d inprimaketa eta material berriak sartu zuntzaren munduan.
Sormen gunea elkartzeko gune bezala bertan pertsona ezberdinen artean trukaketa eman dadin.
Sormen prozesuak, diseinua, modaren eta zuntza edo ehunaren ofizioen ikasketa eta praktika tailer eta eskola espezializatuetatik publiko orokorrarengana eraman nahi dugu.
Oinarrizko ezaugarriak eta helburuak
Proiektuaren deskribapena, sendotasunak edo indar guneak eta ezberdintasunak
Oinarrizko Ezaugarriak
- Gazte, haur eta baita helduei ere diseinatzen erakusten diegu, patroiak egiten, josi eta jantziak egiten.
- Sortzaileei beraien kolekzioak sendotzen laguntzen diegu.
- Gure arropa pertsonalizatu eta konpontzen lagunduko diguten oinarrizko eskuzko trebetasun eta teknikak berreskuratzen ditugu.
- Ezagutzak eta jakintzak partekatzen ditugu era irekian gure kulturaren hainbat alderdi gal ez daitezen.
- Sormena erreminta oso garrantzitsua da, arropak guk pentsa dezakegun baino askoz bizitza luzeagoa dauka. Has gaitezen arropak sortu eta eraldatzen eta horrela, agian, munduaren ikuskera eta gure parte hartzea bertan aldatu egingo dugu.
Helburuak
Espazio bat dotatu jendea bertara hurbil dadin ikasi eta bere ehun- proiektuak garatu ditzan; esperimentazio eta ikaskuntza prozesuetan laguntza emango dugu josteko makina eta 3d inprimagailua erabiliz ; halaber eskuz josteko beharrezko trebetasuna lortzen bere arropa edo proiektuak konpondu edo pertsonalizatzeko , marrazkiaren bidez ideiak adierazteko eta eredu edo prototipoak egiteko beharrezko diren patroiak garatzen lagunduko dugu.
Ikasketa eta akonpainamendua
- Azaldu nola egokitu, pertsonalizatu, berrerabili arropa eta zuntzak edo ehunak beste jantzi batzuk sortzeko.
- Eskuz eta makinaz eta fabrikazio gehigarria erabiliz arropa josteko trebetasunak lortu.
- Baliabide minimoak ahalik eta gehien optimizatuz sormena indartu eta garatu.
- Ekonomia zirkularra babestu eta bultzatu.
- Hausnarketa egin arropa erostera eramaten gaituen benetako beharren inguruan eta geure bizitzan zein paper jokatzen duen.
- Kontsumo arduratsu eta kontzientea bultzatu: guk erosten dugun arropa nondik datorren eta nola fabrikatzen den . Alternatibak bilatu eta ez erruduntasunak.
Ondarea eta jaraunspen kulturala
- Arropak, pitxiak, teknika eta ohiturak berreskuratu eta mantentzen ditugu eta hausnarketa egiten dugu material, eredu, erabilera …..ezberdinen inguruan.
- Halaber ikasleak diseinatzaile eta artista ezberdinen sorkuntza prozesuen inguruan lehen urratsak azalduko dizkiegu Paco Rabanne, Coco Chanel edo Cristóbal Balenciaga besteak beste , maisu hauek gure ingurunearekin duten gertutasuna eta beren lanen berrikuntza kontuan izanda, beste moda eta diseinu sortzaile euskaldun batzuk ahaztu gabe.
Zerk bultzatzen zaitu eta zeini zuzenduta dago proiektua
Motibazioa eta nori zuzendutakoa den proiektua
Gure esperientziak esaten digu gero eta interes handiagoa dagoela kosturaren inguruan arrazoi ezberdinegatik.
Hainbat dira animatzen gaituzten motibazioak:
- Jendearen ahalmen sortzaileak eta lankidetza ahalmenak sustatu
- Ehungintza proiektuetan bai ikasketa garaian baita sorkuntza denboran ere bidelagun izan
- Ekonomia zirkularra kontzeptua garatu.
- Ekonomia zirkularrari aplikatutako diseinu proiektu eta prozesuak garatu
- Partekatutako ezaguera eta ezaguera irekia bultzatu ekonomia zirkularra zabal dadin.
Gure inspirazioak:
- Tradizioa, artea eta modernotasuna uztartzen dituen "Arts & Crafts" Dekorazio-Arte Mugimendua .
Bauhaus Eskola, non oinarrizkoenari ematen zitzaion garrantzia azalekoen eta ekoizpen sistemen aurrean. Bertan sortzen dira "Gutxiago gehiago da" esaldi famatua bezalako ideiak
- XX.mende amaieran sortzen den Slow Mugimentua . Mugimentu honek gizakien ekintzak lasaitzea bultzatzen du teknologiaren erabilera eta paseatu edo sozializatzeko beharrezkoa den denboraren artean oreka aurkituz.
- Gaur eguneko Maker Mugimendua, egitearen kultura, fabrikatzailearen kultura o maker kultura, zeinak brikolajearen DIY kulturaren teknologian oinarritutako luzapenean ordezkatzen duen.
Uste dugu pertsonak uste dugun baino gaitasun gehiago dugula sortzeko eta kontsumitzaile pasiboak izatea utzi eta gure inguruaren sortzaile aktiboa izatearen ideian tematu nahi dugu.
Joskintzan, modan eta hauen inguruan eskuz egindako ofizioetan interesatuak dauden pertsonei zuzentzen gatzaizkie, jarduera hauek hobeto ezagutu eta beren trebetasunak garatu nahi dituztenei; batez ere gazteengana zuzentzen gara tradizioak ezagutzera emateko asmoz eta balore batzuk transmititu nahian, nahiz eta gure proposamena guztientzako modukoa da: haurrak, gazteak eta helduak, beraien sorkuntza eta gaitasun teknikoak indartzeko motibatuta daudenak, inguruneari zor zaion errespetuaz sentsibilizatuta daudenak eta ofizio tradizionalak baloratzen dituztenei.
Aldez aurreko esperientzia eta taldea
Modu osatzen duten taldea txikia da baina diseinu eta moda munduan formazio sakona eta esperientzia handia duena. 2015etik ari gara joskintza klaseak ematen. Orain arte klase eta tailer hauek kultur etxeetan eta gureak ez ziren espazioetan eman ditugu. Orain geure lokaletan eskainiko ditugu eta geure estiloa, modaren ikuskera, diseinua eta lan egiteko era jarraituz.
Une honetan Oiartzunen espazio txiki bat daukagu, geure lana garatzeko gutxieneko baliabide batzuekin, baina ez da nahikoaeskola osatzeko, eta hori da gure helburua. Urte amaierarako lokal handiago batera pasatzeko asmoa daukagu jarduera hau bere osotasunean garatu ahal izateko.
Kolaboratzaile sare bat sendotu nahi dugu. Londreseko eta Bartzelonako diseinu, artea, eta arkitekturako irakasleekin elkarlanean ari gara, baita emego zenbait sortzaileekin.
- Diseinatzaileak, artistak eta arlo ezberdinetako sortzaileak, ehunaren mundukoak eta horren ingurukoak edo kidekoak.
- Jostunak, brodatzaileak, ehuleak eta ehungintza teknika ezberdinetan espezialistak, horietako batzuk bere espeziean azkenak, belaunaldi txanda edo aldaketa emateko zaila dutenak, diziplina ezberdinetan artisauak , zeintzuek tailer ezberdinak emango dituzten beren jakinduria azaleratuz