Canal 
Eman € 5
Inagurazio Jaia
Proiektuaren aurkezpen festarako gonbidapena
> 10 Aldi bereko finantzakideak
Proiektu honi buruz
Lur honek gauza asko ditu esateko. Ahotsa falta zaio.
Beharren zerrenda erakutsi
Eginkizuna
|
Gutxienekoa | Hobeezina |
|---|---|---|
|
Web berriaren diseinua
Interneten aritzeko erabiltzen diren euskarri guztiei egokitutako Web-a diseinatuko dugu (ordenagailuak, tabletak, mugikorrak…)
|
€ 2.000 | |
|
Webgunearen kudeaketa eta Ikusentzunekoen produkzioa.
Komunikazio proiektu berri honen plantila bi pertsonek osatuko dute, koberturak egingo dituztenak eta web-a gaurkotuko dutenak.
Hasierako hilabeteetan gosez ez zaizkigula hilko ziurtatzeko, crowfunding-aren diruaren zati bat soldata duin bat ordaintzeko erabiliko da. 5000 eurorekin hilabete batzuetarako lana zihurtatuko genuke.
|
€ 5.000 | |
|
WEBGUNEAREN KUDEAKETA ETA IKUSENTZUNEKOEN PRODUKZIOA.
Komunikazio proiektu berri honen plantila bi pertsonek osatuko dute, koberturak egingo dituztenak eta web-a gaurkotuko dutenak.
Hasierako hilabeteetan gosez ez zaizkigula hilko ziurtatzeko, crowfunding-aren diruaren zati bat soldata duin bat ordaintzeko erabiliko da. 3000 euro gehio lortzen badira ia urte osoko lana zihurtzen dugu.
|
€ 4.500 |
Materiala
|
Gutxienekoa | Hobeezina |
|---|---|---|
|
Baliabide materialak erosi
Kazetari lanetarako beharrezkoak diren tresnak erostea da gure helburua: bideokamara bat, P2 txartelak, mikrofonoak, disko gogorrak, etab.
|
€ 5.000 | |
|
Bideo eta Argazki Kamerak erosi
Bideo kamera eta argazki kamera lan espezifikoagoak egiteko. Bideoklipak, kalitatezko erreportaiak herri mugimenduarentzat eta beste komunikabideentzat ...
|
€ 3.500 | |
| Guztira | € 12.000 | € 20.000 |
Nahitaezkoa
Gehigarria
Informazio orokorra
Nafarroak komunikazio proiektu berria behar du sarean, herri mugimenduaren zerbitzura.
Euskal Herriak, eta nafarroak bereziki, une hagitz gogor eta itxaropentsuak bizi ditu aldi berean.
Orain, inoiz baino gehiago, gaur egungo sistema politiko eta ekonomikoak bizi duen krisi larria nabaritzen da. Gainera, gizarte mailan, gainbehera ekonomikoaren ondorioek agerian uzten dute gure lurraldean pairatzen diren ezberdintasun ikaragarriak: aberatsak gero eta aberatsagoak dira eta gizartearen gehiengoa gero eta pobreagoa izateaz gain, gure eskubideak murrizten dizkigute egunetik egunera.
Azken hamarkadetan lortutako eskubideak arriskuan daude, eta honen aurrean egunero mobilizazio eta ekimen ezberdinak antolatzen dira. Gero eta jende anitzagoa da eskubide eta lorpen hauen aldeko borrokan batzen dena. Baina aberatsek kontrolatzen dituzten komunikabideetan borroka hauek baztertuak geratzen dira, eta “kasketa” sozial bezala saltzen dizkigute, kriminalizatu eta kondenatzen ez dituztenean.
Gainera, gero eta argiago ikusten da Nafarroa dela Euskal Herriko gatazkaren konponbiderako eta subiranotasunerako giltza. Honen aurrean, Nafarroako eskuinak, Europan daudenetatik atzerakoiena egunero erakusten digunez, bere neurri errepresiboekin modu bortitzean erantzuten du.
Oinarrizko ezaugarriak eta helburuak
Auzolanean eginiko Web-a
Nafarroako momentuko informazioa bilduko duen web-a martxan jartzea planteatzen dugu, bere sare sozialekin, ikusentzunezko formatoak erabiliko dituena batez ere.
Komunikabide berri honek, Nafarroa osoko kolektiboek emailez bidaliko duten informazioa bilduko duen erredakzio taldea izango du.
Zure laguntza behar dugu horretarako, proiektu hau auzolanean oinarritzen delako. Zu eta zu bezalako pertsonik gabe ezinezkoa delako. Eman beharreko lehenengo pausua finantziazio ekonomikoa da: gure kalkuluen arabera 30.000 euro inguru behar dira proiektua mantendu ahal izateko. Aurrekontu honen zati bat, herri mugimenduarentzat eginiko zerbitzuen diru sarreratik eta publizitatetik lortuko da. Honetaz gain, salgai jarriko ditugu ikusentzunezko produkzio ezberdinak. Hala ere, proiektua martxan jarri ahal izateko eta beste finantziazio bideak finkatu ahal izateko bultzadatxo bat behar dugu. Gure helburua 12.000 euro dira. Badakigu kuotetaz, fakturetaz eta gastuetaz gainezka gaudela, eta dirua ez daukagula soberan. Orduan, zegatikm lagundu behar diguzu? Ba guk geuk ez baditugu gure komunikabideak eraikitzen, beste batzuk izango dira herri honetako historia idatziko dutenak, aberatsak hain zuzen ere. Guk ahotsa jarri nahi diogu herri honetan ematen diren herri borroka guztiei, horretan dago gure etorkizuna.
Zerk bultzatzen zaitu eta zeini zuzenduta dago proiektua
Herri mugimenduak interneten bere ahotsa entzun arazteko bide nahikorik ez izateak arduratzen gaitu. Argiago ikusi dugu Auzitegi Nazionalak Ateak Ireki ixteko agindua eman zuenetik. Informazio eta adierazpen askatasunaren kontrako eraso berri honen ondoren, herri ekimenak bere aldarrikapenen difusiorako tresna bat galdu du. Gauzak aldatu eta beraien eskubideak errespetatuak izan daitezen nahi duten guztiek, beraien eskaerentzat bozgorailua galdu dute.
Honengatik guztiagatik, zure ahotsa entzun araztea nahi dugulako, kalean, lanpostuan edo ikastetxean adierazten zaren indar eta irmotasun guzti horrekin, interneten komunikazio proiektu berria jarri nahi dugu martxan. Baimendutako ahotsa izan nahi duen komunikabidea, eztabaida politikopetan eragingo dueña, Nafarroako aldaketa politiko eta soziala lortu ahal izateko mobilizazioa bultzatuko duena, Nafarroako herri borrokak isladatuko dituena. Oinarritik eraiki nahi dugu gure ahotsa entzun arazteko informazio espazio hori, herri mugimendu eta ezkerreko eragile sozial eta politikoekin elkarlanean.
Crowdfunding-eko kanpainaren helburuak
Urteko aurrekontua 35.000 eurotakoa izango da. Aurrekontu honetan baliabide pertsonal, material eta kudeaketa gastuak sartuko lirateke.
Finantziazio iturri ezberdinak martxan jartzen goazen heinean, ekonomikoki independenteak izango gara, beti ere herri mugimenduaren babesarekin. Baina hasteko 20.000 euro behar ditugu web-a eta komunikazio proiektu honen tresnen diseinurako, lehenbiziko soldatetarako eta materiala erosteko. Horregatik jartzen dugu crowfunding-a martxan.
Komunikazio esperientzia ezberdinetatik gatozen pertsonak izango gara tresna berri hau kudeatuko dugunak.
Baina talde hau guztiz irekia dago nahi duzuen ekarpen edo kolaborazioei. Hori baita gure beste helburuetako bat, ahalik eta jende gehien inplikatzea proiektu honetan.
Proiektuan interesatuak dauden pertsonentzat, komunikazioaren inguruko hainbat formakuntza ikastaro eskeiniko ditugu. Bideo edizioa eta berrien erredakziorako oinarrizko aholkuak horien artean.
Webgunea Nafarroa osora zabaltzea da gure asmoa eta, horregatik, herrialde osotik kolaboratzaile eta korrespontsalen sarea sortzea pentsatu dugu.
Giza konpromezua
Partekatutako materialak
-
edukien argitaratzea CCbySA lizentziarekin
argitaratzea web-ean CCbySA lizentziarekin.CC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua -
Etorkizuneko Webgunea
Edukien argitaratzea CCbySA lizentziarekinCC - Onarpena - BerdinPartekatua
Creative Commons Lizentzia (ondasun arrunt sortzailea) egiletzaren onarpenarekin eta baldintza berdinetan partekatua