Amarenak: historias que se llevan puestas.

Imagen de cabecera
Ikusi bideoa
  • Eman € 5

    Aipamena, kaikuen etiketetan eta gure web orrian

    Gure web orrian Eskerrak emateko atalean aipatuko zaitugu, honetaz aparte, zure izena kaikuen paperezko etiketetan idatziko dugu: "kaiku hau errealitate bihurtu da ...... esker." esanez.

    > 04 Aldi bereko finantzakideak
  • Eman € 25

    Aipamena + diru-zorroa

    Ukondokoa da kaikuen zatirik bereizgarriena. Horregatik, aipamenaz aparte, kaikuen ukondokoez egindako diru-zorro bat jasoko duzu! Soberan geratzen zaizkigun oihal zatiekin egingo ditugu, 0 zabor! Aukeratu zure kolorerik gogokoena (urdina edo orlegia 1. argitalapean, grisa bigarrenean).

    > 08 Aldi bereko finantzakideak
  • Eman € 50

    Aipamena + Kaiku "early adopter"

    Aipamenaz aparte (hala nahi ezkero), Zure kaikua salneurri ezinhobean lortuko duzu (bakarrik 10 pertsona askarrentzako). Aukeratu zure kolorerik gogokoena (urdina edo orlegia 1. argitalapean, grisa bigarrenean), neurria eta emakume edo gizonezkoentzat nahi duzun.

    > 20 Aldi bereko finantzakideak
  • Eman € 100

    Aipamena + kaikua

    Aipamenaz aparte (hala nahi ezkero), zure kaikua ekoizpen kostuagatik eskuratuko duzu. Aukeratu zure kolorerik gogokoena (urdina edo orlegia 1. argitalapean, grisa bigarrenean), neurria eta emakume edo gizonezkoentzat nahi duzun.

    > 35 Aldi bereko finantzakideak
  • Eman € 115

    Aipamena + diru-zorroa + kaikua

    Kit osoa! Aipamenaz aparte, zure diru-zorroa eta zure kaikua salneurri murriztuan eskuratuko dituzu. Aukeratu zure kolorerik gogokoena (urdina edo orlegia 1. argitalapean, grisa bigarrenean), neurria eta emakume edo gizonezkoentzat nahi duzun.

    > 13 Aldi bereko finantzakideak
  • Eman € 130

    Aipamena + diru-zorroa + kaikua + pintxo eta garagardoa

    Kit osoa eta parranda pixka bat! Aipamena, zure diru-zorroa eta zure kaikua salneurri murriztuan eskuratuko dituzu eta guzti honetaz gain, zurekin pintxo eta garagardo batzuek hartzeko ohorea izango dugu bildumaren aurkezpenaren egunean. Honela zuzenean eskertu ahal izango dizugu zure laguntza. Aukeratu zure kaiku kolorerik gogokoena (urdina edo orlegia 1. argitalapean, grisa bigarrenean), neurria eta emakume edo gizonezkoentzat nahi duzun.

    > 01 Aldi bereko finantzakideak
  • Eman € 160

    Aipamena + Diru-zorroa + Kaiku pertsonalizatua

    Weborrian eta etiketetan aipatuko zaitugu, diru-zorroa izango duzu, baina horretaz aparte zure kaikua nola nahi duzun erabaki ahal izango duzu. Zure istorio pertsonalizatua izan dezazun! Aukeratu zure kolorerik gogokoena (urdina edo orlegia 1. argitalapean, grisa bigarrenean), neurria eta emakume edo gizonezkoentzat nahi duzun. Gero biesak (ertzak) nola nahi dituzun erabaki dezakezu, zein kolore edo estanpatuarekin eta botoien kolorea ere. Ez badakizu zein aukeratu, elkarrekin zerbait sortuko dugu! ;)

    > 05 Aldi bereko finantzakideak

Proiektu honi buruz

Euskal beroki tradizionalak berpizteko proiektua, hemengo moda ekoizpena sustatuz eta oihal natural eta artisau-eran eginak erabiliz.

Beharrak Materiala Gutxienekoa Hobeezina
Artile oihala
68 kaiku egin ahal izateko, ardi merinoko 36m.ko 2 bobina artile oihal erosi behar ditugu. Soberan geratzen diren zatiekin diru-zorroak ekoiztuko ditugu. Bobina osoa erosiz gero, oihal metro 1, 25,84€ balio du, garraioa barne.
€ 1.860
Botoiak
48 botoi dituzten 12 kutxa erosiko ditugu (kaiku bakoitzak 8 botoi behar ditu).
€ 105
biesak
20m. ko 35 bies bobina, kolore ezberdinetan (kaiku bakoitzak 10m gutxi gora behera behar ditu).
€ 280
Oihalezko eta paperezko etiketak
Oihalezko etiketen kostua (neurria, konposizioa, garbitzeko aholkuak, e.a. aipatzeko) eta paperezko etiketak, bertan, kofinantzaileen izenak aiparuko ditugu (gutxienez 500 ale erosi behar dira).
€ 250
Kremailerak
Diru-zorroentzako kremaileren erosketa. 220 ale.
€ 60
Broderiak
Poltsikoen broderia, 1,5€ kaiku bakoitzeko, pikajea barne.
€ 102
Artile oihala - 2. eargitalpena
34 kaiku gehiago egin ahal izateko, ardi merinoko 36m.ko bobina bat. Soberan geratzen diren zatiekin diru-zorroak ekoiztuko ditugu. Bobina osoa erosiz gero, oihal metro 1, 25,84€ balio du, garraioa barne.
€ 930
Botoiak - 2. argitalpena
48 botoi dituzten 12 kutxa erosiko ditugu (kaiku bakoitzak 8 botoi behar ditu).
€ 53
Biesak - 2. argitalpena
20m. ko 18 bies bobina, kolore ezberdinetan (kaiku bakoitzak 10m gutxi gora behera behar ditu).
€ 144
Kremailerak - 2. argitalapena
Diru-zorroentzako kremaileren erosketa. 220 ale.
€ 30
Enbalatze berezia
Diseinatu dugun enbalatze berezi baten ekoizpena. Honela zure kaikua jasotzerakoan oraindik ilusio gehiagorekin egingo duzu. 102 aleentzako kalkulatua.
€ 816
Beharrak Eginkizuna Gutxienekoa Hobeezina
Jostunak
Jostuneei 30€ ordainduko dizkiegu, kaiku bakoitzagatik.
€ 2.040
Patronaia eta mozketa
30€ ordainduko ditugu kaiku bakoitzeko, oihalen mozketagatik eta patroiak egin eta eskalatzeagatik.
€ 2.040
Bideo - dokumentala
Bideo - dokumental honetan gure istorio guztia kontatuko dugu, prozesu guztia azalduz, hasieratik, diseinuaren birmoldaketa, ekoizpena,...
€ 600
Jostunak - 2. argitalpena
Jostuneei 30€ ordainduko dizkiegu, kaiku bakoitzagatik.
€ 1.020
Bidalketak - 2.argitalapena
Kofinantzaileei haien ordain-sariak bidaltzeko kostua (34 kaiku eta 10 diru-zorroentzako kalkulatua).
€ 268
Patronaia eta Mozketa
30€ ordainduko ditugu kaiku bakoitzeko, oihalen mozketagatik eta patroiak egin eta eskalatzeagatik.
€ 1.020
Komunikazioa
Itzultze bezala ulertzen dugun kontakizuna. Amarenak-en istorioaren komunikazio kanpainaren kostua.
€ 500
Broderiak - 2.argitalapena
Poltsikoen broderia, 1,5€ kaiku bakoitzeko, pikajea barne.
€ 51
Beharrak Azpiegitura Gutxienekoa Hobeezina
Bidalketak
Kofinantzaileei haien ordain-sariak bidaltzeko kostua (68 kaiku eta 20 diru-zorroentzako kalkulatua).
€ 535
Komisioak eta kudeaketa gastuak
PayPal, goteo eta ordainketa bideen komisioak: 6%.
€ 436
Komisioak eta kudeaketa gastuak - 2. argitalapena
PayPal, goteo eta ordainketa bideen komisioak: 6%.
€ 326
Guztira € 7.708 € 13.466
Nahitaezkoa
Gehigarria

Informazio orokorra

Kaikua edo lekeitiarra Euskal Herriko ohiko beroki bat da. Hasiera batean euskal arrantzaleak, itsasgizonak edota bale harrapariak erabiltzen zuten. Artilezko oihalez egiten zen, ezinhobea iparraldeko eurite eta haizete gogorrak jasateko. Geroago, bertako amonek haien bilobentzat josten hasi ziren ere, adin eta mota guztietako jende artean zabaldu zen arte. Haur guztiek ikastolara joateko janzten zuten, baina baita zenbait gizon haien ezkontzetan janzten zuten.

Gaur egun kaikuak ez dira ia erabiltzen eta gazte asko ez dute ezta ezagutzen ere, nahiz eta , behin jantzi zuten haiek maitasunez gogoratzen duten ere. Orain bat erosi nahi ezkero, bakarrik souvenir edota euskal jantziak saltzen dituzten zenbait dendetan topatu daiteke, eta bai hauen diseinua bai kalitatea kaskartu egin dira.

Oinarrizko ezaugarriak eta helburuak

Amarenak edizio berezi bat aurkezten du hemen, gutxienez 68 kaiku egingo ditugu (emakumezkoak edo gizonezkoak segun zer aukeratzen duen bakoitza) eta beste 34 diru gehiago lortu ezkero. Kaiku hauek diseinatzeko gure amonaren kaikuan oinarritu gara (hemendik datorkigu izena), honen funtsezko bereizgarriak mantenduz (ukondokoak, poltsikoak, ...) baina forma pixka bat egokituz.
Bilduma honetarako erabiliko ditugun oihalak 100% kalitate handiko artile Merinoz egindakoak dira, artisau eran Gaztela eta Leon-en. Lehenengo 68 aleak urdin ilun eta botil berde koloreetan egingo ditugu, eta hurrengo 34ak grisak izango dira. Botoiak, etiketak eta gainontzekoak ere herrialdeko leku ezberdinetik datozte. Beraz, esan genezake, gure kaikuek Km0 deritzon hori direla, garraioa eragiten duen kutsadura murriztuz ere.
Bai gizonezkoentzat bai emakumezkoentzat, eskaintzen diren neurriak S, M, L eta XL dira.

goteo-amarenak-logo.jpg

Zerk bultzatzen zaitu eta zeini zuzenduta dago proiektua

Txinan zenbait urte bizi eta gero, eta Asiako lurralde ezberdinen errealitatea ezagutu eta gero bi gauza nituen argi: bat, etxera bueltatu behar nintzela hobeto egiten nekienarekin nolabait lagunduz, eta bi, egin beharreko hori bertan egingo nuela, gure herrian dirua eta lanpostuak sortu edo hobetzen saiatzeko.
Dena hasi zen nire amonaren kaikuarekin. Bai Txinan, bai bizi nintzen beste herrialdeetan ere, beti maletan eramaten nuen nire kaikua. Erosoa eta dotorea zela iruditzen zitzaidan. Zaharkitu zenean beste bat erosten saiatu nintzen, baina ez nuen halakorik aurkitu eta honela ni neu egitea erabaki nuen. Ikusi zutenean, jendeak galdetu egiten zidan eta haientzat bat egitea eskatzen zidaten, eta honela jaio zen Amarenak, kaikuak eta bestelako beroki tradizionalak berreskuratzeko.
Zuk ere amaiera zoriontsuak dituzten istorioak gustuko baldin badituzu, gauza bereziak eta bakarrak, arropak hotzaz babesteko baina zerbait gehiagorako balio duela uste baldin baduzu, eta ekintza txikiek gauzak hobetzeko balio dutela ere sinizten baduzu, orduan pertsona aproposa irakurtzen ari gaitu.

goteo-amarenak---historias-que-se-llevan-puestas-k

Crowdfunding-eko kanpainaren helburuak

Bertako jostun lantegi txikiekin lan egitea erabaki genuenean, hemengo arropa industria sustatzen laguntzeko, norbaitek ameslari hutsak ginela esan ziguten. Naturalak eta ingurugiroa errespetatzen zituzten oihalekin soilik lan egingo genuela esan genuenean, kontsumitzaileei prezioa bakarrik axola ziela esan ziguten. Baina gu, gure pentsakeran sinizten genuen eta aurrera jarraitzea erabaki genuen.

Mundua aldatzen ari dela uste dugu, gizarteak geroz eta gehiago moda arloan gauzak hobetu behar direla dakiela, badaudela gure kultura eta ingurugiroa zaintzea nahi dugun pertsonek. Honegatik, kanpaina hau oker ez gaudela egiaztatzeko da eta bestetik, edonork ikus dezan janzten dugun arroparen atzetik dagoen lana eta dirua ikustarazteko.

Baina istorioa ez da hemen amaitzen. Baita ere, zenbait museoekin gaude harremanetan, Donostiako Untzi Museoa eta Zumalakarregi Museoarekin esate baterako, haien artxibo eta biltegietan hausnartzeko, berreskuratzeko jantzi gehiagoren bila. Kanpaina hau aurrera badihoa, hau bakarrik hasiera izan dadin.

goteo-amarenak-fabrica.jpg

Aldez aurreko esperientzia eta taldea

Amarenak talde txiki bat gara, zenbait kolaboratzaileekin osatzen delarik.

  • Oihane Pardo, arkitektoa, diseinatzailea eta Amarenak-en fundatzailea. Polifazetikoa eta egonezina da eta txikitatik bere arropa eta pitxiak egiten zituela. Eskuz eta maitasunez egindako gauzaz maiteminduta, kulturaz eta diseinuaz, 2010ean bere bikotekidearekin diseinu grafiko eta moda marka bat sortu zuen. Orain, Amarenak-en barne diseinuarekin ikusi behar duen guztiaz arduratzen da, patroiak eta oihalak aukeratzeaz eta mozteaz. Baita hornitzaile eta bezeroekin harremanez arduratzen da.

  • Naiara Pardo, humanitate eta komunikabideetan lizentziaturiko neska estiloduna, modan aditua. Azken urteak bertako zenbait denda eta marken zare sozialak kudeatzen aritu da eta bere jakintasunarekin Amarenak aholkatzen du.

  • Gipuzkoako jostun zenbait lantegiak: Urte askotako esperientziarekin, Amarenak-en laguntzaile baliotsuenak dira. Haiek Oihanek mozturiko kaikuak amaitzeaz arduratzen dira, maitasun osoz.

-Artile oihalaren artisauak: Gaztela eta Leoneko herritxo batean, belaunaldiz belaunaldi, oihal ezberdinak ekoizten aritu dira, beti haien artilea erabiliz. Haiek kaiku bilduma honetan erabiliko ditugun oihalak ekoiztuko dituzte.

  • En Clave de Sol: Donostiako komunikazio eta ekitaldi antolatzaile enpresa honek, Amarenak ideia bat baino ez zenetik ezagutu zuen, eta handik aurrera harreman estu bat mantendu dute. Bi urte baino gehiagoko esperientziarekin, haiek dira ere istoriaren protagonistak eta komunikazio eta jardunaldien antolakuntzaz arduratzen dira.
goteo-amarenak---historias-que-se-llevan-puestas-k-2 goteo-amarenak-12.jpg

Giza konpromezua