Arqueología en el patio

Imagen de cabecera
Ikusi bideoa
  • Eman € 5

    Eskerrak

    Ekarpena eskertzeko zure izena proiektuaren sustatzaile moduan memorian agertuko da.

    > 04 Aldi bereko finantzakideak
  • Eman € 10

    2 orri-markatzaile diseinu desberdinekin + eskerrak

    2 orri-markatzaile jasoko dituzu nahi duzun helbidean.

    > 03 Aldi bereko finantzakideak
  • Eman € 20

    Museo Oiasso sarrera + 2 orri-markatzaile + eskerrak

    Museoan sartzeko sarrera bat lortuko duzu + aurreko guztia.

    > 05 Aldi bereko finantzakideak
  • Eman € 30

    Indusketara bisita gidatua + sarrera + 2 orri-markatzaile + eskerrak

    Gure lana zuzenean ikusteko aukera izango duzu.

    > 08 Aldi bereko finantzakideak
  • Eman € 50

    ARKEOLANeko argitaralpena + Bisita indusketara + Sarrera + 2 orri-markatzaile + Eskerrak

    Hauetako bat aukeran:
    Nº 17: “Arqueología del hierro medieval. Los escoriales del distrito de Legazpi (Gipuzkoa)”
    Nº 15: "Dominio e integración de pueblos de montaña en el estado romano: vascones, isaurios y pueblos alpinos"
    Nº 14: "Las villas nuevas medievales del suroeste europeo. De la fundación medieval al siglo XXI : análisis histórico y lectura contemporánea".

    > 03 Aldi bereko finantzakideak
  • Eman € 100

    Arkeologoa izan + argitaralpena + Bisita + Sarrera + 2 orri-markatzailea+ Eskerrak

    Gure lan taldeko kidea izango zara egun batean.

    > 04 Aldi bereko finantzakideak
  • Eman € 150

    Arditurrira bisita gidatua

    Arditurrira bisita gidatua, erromatar garaiko meazuloak ikusko aukerakin (4 lagun gehienez).

    > 03 Aldi bereko finantzakideak
  • Eman € 250

    Erromatar garaiko meatzaritzari buruzko hitzaldia

    Arkeolaneko aditu bat hitzaldi bat emango du (Gipuzkoako lurraldera mugatua).

    > 00 Aldi bereko finantzakideak

Proiektu honi buruz

Irungo Pio Baroja Institutuko ikasleei zuzendutako esperientzia arkeologikoa. Bestela ikasteko era bat.

Beharrak Eginkizuna Gutxienekoa Hobeezina
Zuzendaritza eta arkeologi lanak
tekniko-arkeologo baten lana indusketa burutzeko, eta ikasleen formakuntza burutzeko.
€ 900
Laguntzaile/delineante lanak
Indusketan zehar beharrezko diren lanak betetzeko asistente edo dalineante/topografo bat.
€ 600
Adituen hitzaldiak
€ 600
Memori zientifikoa
Emaitzen ikerketa, planimetria digitalean lantzea, ...
€ 650
Kanpainaren gastuak
Gestioa, Goteoko komisioak, bidalketak, ...
€ 550
Erakusketa on-line
Erakusketaren edukien prestaketa, eta zabalkuntza lanak.
€ 900
Beharrak Materiala Gutxienekoa Hobeezina
Lan tresnak
Ikaslerentzat beharrezkoa izango den material ( atxurrak, triangeluak, palak, cuboak, eskularruak, ...)
€ 450
Materiala
Ekintza aurrera emateko beharrezkoa izango diran materialak ( papaera, karpetak, fotokopiak, zorroak,...)
€ 250
Dietak
€ 250
Beharrak Azpiegitura Gutxienekoa Hobeezina
Indusketa gunea estaltzeko karpa bat
Ikusita gure lurraldean euri asko egiten duela karpa bat erosiko dugu lantaldea babesteko.
€ 250
Guztira € 4.250 € 5.400
Nahitaezkoa
Gehigarria

Informazio orokorra

Ondare arkeologikoa ezagutzea, oro har, lan gaitza izaten da, diziplina eta jarraitasuna eskatu ohi du eta. Arkeologia ulertuko bada, terminologia, testuinguru kronologikoak tipologiak, eta abar menperatu behar dira, eta oztopo hauek gainditzeko gogor ikasteari ekin behar zaio. Baina badira diziplinara hurbiltzeko bestelako moduak ere, lan gutxiagokoak, kultura orokortzat hartu eta norberaren formazio oinarrizkoa handitzeko balio dutelako interesgarriak izan daitezkeenak.
Horregatik, "Arkeologia jolastokian" proiektuak beren helburuen baitan ikerketa zientifikoa ere sustatzen duen arren, batxilergoko ikasleei gutxieneko formazioa eskaintzea izango da xede nagusia, ondare arkeologikoaren berri izanda harekiko sentiberatasuna areago dezaten, betiere sormenari eta jardueraz gozatzeari uko egin gabe.
Hartara, 2016/2017 ikasturtean Irungo Pio Baroja Institutuan gauzatuko den jarduera proposatzen da; hain zuzen, institutuko berdegunean indusketa arkeologiko txiki bat egingo da. Izan ere, azaleran burdin zepak topatu dira, Irunen antzina egindako meatzaritzarekin lotutako burdingintzaren aztarnak izan litezkeenak.
Jarduera formazio-aktibitate osagarrien baitan egingo da, eta ikastetxeko ezein ikaslek parte har dezake, ikasten ari den modalitatea zeinahi dela ere. Jarduerak gehienez ere 20 partaide izango ditu, eta honako gai hauek jorratuko ditu: arkeologia, metodoak eta teknikak, antzinako meatzaritza...
Horrez gain, indusketak iraun bitartean ate zabaleko jardunaldiak proposatuko dira, dirutan lagundu duten emaileentzat, publikoak zuzenean ikus ahal dezan nola gauzatzen den indusketa arkeologiko bat, diziplinarekiko ikusmina asetze aldera.
Jarduera burutzeko, betiere finantzazioak goia jotzen badu, formatu digitaleko erakusketa bat egingo da, dibulgatzeko asmotan, jardueraren unerik interesgarrienak ez ezik jasotako ondare arkeologikoa erakusteko ere balio izango duena.
Jasotzaileak: batxilergoko ikasleak
Iraupena: sei hilabete, jardunaldi bat asteko (ebaluazio- eta opor-garaietan izan ezik)
Jardueraren kokalekua: Irun, Pio Baroja Institutua
Helburua: Arkeologiaren munduan murgilduz Batxilergoko ikasleei formazio osagarria jasotzeko aukera eskaintzea, diziplina honek zientzia kimikoak, estatistika, topografia, geologia, historia, eta abar darabiltza eta. Ondarearekiko gazteen sentiberatasuna ere areagotzea nahi du, zeren eta frogatua baitago beren formazioan iraganaren adierazpenekin lotutako jarduerak egiten dituztenak ondarearen aurrean errespetu handiagoz aritu ohi direla.

Oinarrizko ezaugarriak eta helburuak

Arkeolan Fundazioak ondare arkeologikora heltzeko aukera duten batxilergoko ikasleak sentsibilizatu eta sormenez formatu nahi ditu. Helburu hori betetzeko, eta haien formazioan jarduera osagarri gisa, indusketa arkeologiko txiki bat egin nahi du Irungo Pio Baroja institutuko berdegunean, bertan Irungo antzinako meatzaritzarekin lotuak egon litezkeen burdin zepak topatu dira eta.

wp-20160722-11-01-10-pro.jpg

Zerk bultzatzen zaitu eta zeini zuzenduta dago proiektua

Proiektua, lehen-lehenik, Irungo Pio Baroja Institutuko ikasleei zuzendua dago, ondare arkeologikoa zuzenean eta era atseginean jo dezaten, eta oro har Kultur Ondarearekiko sentiberatasuna areago dezaten. Bigarrenik, ikerketa bera ere bilatzen da, indusketa arkeologikoan lor daitezkeen emaitzak interesgarriak izan daitezkeelako, mundu zientifikorako ez ezik, baita, zabalago, gizarte osorako ere.

ardi1.jpg

Crowdfunding-eko kanpainaren helburuak

Crowfunding kanpainaren bidez, finantzazioa bilatzen da, indusketa arkeologikoa eta ikasleen formazioa zuzentasunez eta langile egokien bidez egin ahal daitezen.

18.4.jpg

Aldez aurreko esperientzia eta taldea

Arkeolan, arkeologia hiritar eta profesionalaren ezagutzari egindako ekarpenengatik ez ezik, hainbat ikerketa burutu duelako ere bada aipagarria; hala nola, antzinako meatzaritza eta erromatarren garaiko testigantzak, Erdi Aroko eta ondoko burdingintza, Erdi Aroko hiribilduen azterketa arkeologikoak, artzaintza-esparruak, eta abar. Aurrera eramaten ari den dibulgazio-lanak ere aintzat hartzeko modukoak dira, bere jardunbide luzean askotariko publiko motentzako arkeologia-ikastaro eta tailer asko antolatu baitu; hona, besteak beste:
-1989: Gazteak hiri-arkeologian formatzeko ikastaroa, Gipuzkoako Foru Aldundiaren kolaborazioaz.
-1997: Gazteak arkeologian eta dendrokronologian formatzeko ikastaroa, ADEBISA Bidasoaldeko Garapen Agentziaren kolaborazioaz.
-2001: Arkeologia tailerra Goikobalun, Arrasateko Udalaren kolaborazioaz.
-2002/03: "Arkeologia eta Arkitektura" ikastaroa Urgull mendian, (Donostian) Donostiako Arkitektura Eskolaren kolaborazioaz.
-2013: Ondare Materiagabean formatzeko ikastaroa, GOIEKI Goierriko Garapen Agentziaren kolaborazioaz.
-2013/14: Arkeologia tailer pedagogikoak (Gordailua, Irun) Gipuzkoako Foru Aldundiaren kolaborazioaz.

Lantaldearen arduradunaren gaitasuna:
Pia Alkain. Historian lizentziatua, Arkeologian espezializatua, Valladolideko Unibertsitatean (1995); unibertsitate berean Tradizioaren Ikasketei buruzko graduondoko ikastaro bat ere egin zuen, 1994-1996an, eta Gaitasun Pedagogikoko Ziurtagiria dauka. 1998az geroztik arkeologo lanak egiten ditu Arkeolan Fundazioaren baitan, eta kultur ondareari lotutako hainbat proiektutan parte hartu du. Aspaldiko urteotan lan gehiena kudeaketa-arkeologiaren arloan egin du, arlo horrexetako burua da eta. Ibilbide profesionalean egindako lan desberdinek emandako eskarmentuari esker, hainbat garai eta alor historikotako ikerketak egin izan dituenez gero, Gipuzkoako lurraldearen arkeologia sakonki ezagutzen du.

14.2.jpg

Giza konpromezua