baSo aHaztuak

finantzatua 11 / 01 / 2014
Ondo!
Jasota
€ 8.000
Gutxienekoa
€ 5.200
Hobeezina
€ 6.200
173 Aldi bereko finantzakideak
Canal
  • Eman € 5

    Kreditu tituluetan eskertzea

    Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 04 Aldi bereko finantzakideak
  • Eman € 15

    Estreinaldiko jaira gonbidapena + kreditu tituluetan eskertzea

    Abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 10 Aldi bereko finantzakideak
  • Eman € 20

    Deskarga digitala Full HD + estreinaldiko jaira gonbidapena

    Dokumentala zure ordenagailuan deskargatzeko aukera izango duzu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 19 Aldi bereko finantzakideak
  • Eman € 25

    Arratiako Basogintza liburua + Deskarga digitala Full HD

    Arratiako Basogintza liburua zure etxera bidaliko dizugu eta dokumentala zure ordenagailuan deskargatzeko aukera izango duzu Abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 13 Aldi bereko finantzakideak
  • Eman € 30

    baSo aHaztuak kamiseta + Deskarga digitala Full HD

    baSo aHaztuak kamiseta zure etxera bidaliko dizugu eta dokumentala zure ordenagailuan deskargatzeko aukera izango duzu Abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 42 Aldi bereko finantzakideak
  • Eman € 35

    baSo aHaztuak DVD

    baSo aHaztuak DVDa zure etxera bidaliko dizugu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 13 Aldi bereko finantzakideak
  • Eman € 50

    baSo aHaztuak DVD + kamiseta

    baSo aHaztuak DVDa eta kamiseta zure etxera bidaliko dizkizugu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 40 Aldi bereko finantzakideak
  • Eman € 60

    Bertako zuhaitz landaketan kolaboratzaile

    Erreka ertzetako landaredia berreskuratzeko landaketa proiektuan langunduko duzu, zuhaitz eta landareen landaketarekin.
    Dokumentala zure ordenagailuan deskargatzeko aukera izango duzu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 06 Aldi bereko finantzakideak
  • Eman € 100

    baSo aHaztuak DVDa + fotograbatua [edizio mugatua]

    baSo aHaztuak DVDa eta edizio mugatuan sortutako fotograbatua zure etxera bidaliko dizkizugu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 14 Aldi bereko finantzakideak
  • Eman € 200

    Emanaldia eta egileekin hitzaldia

    Dokumentalaren emanaldia aukeratzen den lekuan eta egileekin hitzaldia.
    Dokumentala zure ordenagailuan deskargatzeko aukera izango duzu eta abenduaren 13an, Igorren (Bizkaia), ospatuko dugun estreinaldiko jaira gonbidatzen zaitugu. Zure izena kreditu tituluetan agertuko da.
    Kreditu tituluetan agertzeko, finantziazioa kanpainako lehenengo 30 egunetan egin beharko da DVDaren argitalpena dela eta.

    > 03 Aldi bereko finantzakideak
  • Eman € 300

    Kolaboratzaile PLUS

    Zure logotipoa dokumentaleko kreditu tituluetan agertuko da dokumentaleko kolaboratzaile bezela.

    > 01 Aldi bereko finantzakideak

Proiektu honi buruz

baSo aHaztuak dokumentalak, gure inguruko basoek jasan duten transformazioa kontatzen du, aro neolitikotik XXI. Menderarte. Dokumental honek, tokian tokiko basogintzaz eta basoko kulturaren zimentzez zenbait hausnarketa sustatu nahi ditu.

Beharrak Materiala Gutxienekoa Hobeezina
Material teknikoaren alokairua
Grabazioak burutzeko material teknikoaren alokairua: fokoak, kamarak, pértiga mikroa, Canon kablea, tripodea.
€ 600
ITZULEREN KOSTUAK
Sariak: DVDen diseinua, maketazioa eta inprimaketa, kamisetak, fotograbatua... Bestelako kudeaketa gastuak
€ 1.500
KOMUNIKAZIOA ETA DIFUSIOA
Dokumentalaren komunikazio eta difusioari dagozkion gastuak (kartelak, triptikoak, kontaktuak egitea, gutunak, etab.)
€ 400
Beharrak Azpiegitura Gutxienekoa Hobeezina
GIDOIA ETA AURREPRODUKZIOA
Gidoia lantzea, lokalizazioak topatzea eta aurreproduzitzea. Gizarteko aktoreen abaniko zabal bat kontaktatu eta elkarrizketak egin dizkiogu, Bizkaia, Gipuzkoa, Araba eta Nafarroan (18 lagun), eta beste hainbeste kilometro egin ditugu basoak eta esperientzia interesgarriak ezagutu eta grabatzen.
€ 600
Beharrak Eginkizuna Gutxienekoa Hobeezina
ANIMAZIOEN PRODUKZIOA
Dokumentalean zertzelada artistikoa zenbait animaziok (marrazki bizidunek) emango dute. Hiru animazio izango dira garai desberdinetan basoaren eta gizartearen eguneroko bizitzak ilustratuko dituztenak.
€ 600
OFF AHOTSAREN ESTUDIOKO HARTZEA
Ahotsa grabatzeko estudioaren alokairua, produkzioa eta aktorearen ordainketari dagozkion gastuak.
€ 500
EDIZIOA ETA MUNTAIA
Dokumentalaren edizio eta muntaiarekin erlazionatutako gastuak. Materialaren berrikustea, ebaketak eta muntaia.
€ 800
ITZULPENA ETA AZPITITULUAK
Dokumentala azpititulatzeko itzulpengintza lanak egiten ari gara gaztelerara eta frantsezera.
€ 600
SOINU BANDA
Jatorrizko soinu bandaren produkzioa. Sortzailearekin hurbiltze prozesua, sortzea eta grabatzearen inguruko gastuak. Orain arte lizentzia irekia duten abestiak erabili dira, baina gehigarri baliotsua izango litzateke jatorrizko soinu banda bat izatea.
€ 600
Guztira € 5.200 € 6.200
Nahitaezkoa
Gehigarria

Informazio orokorra

baSo aHaztuak tokian tokiko basogintzaz eta basoko kulturaren zimentzez zenbait hausnarketa sustatu nahi duen dokumentala da. Pinuaren erabileraren inguruan ingurumen-eztabaida luze bezain antzua eman da gure artean, pinuari egotzitako onura eta kalteen artean oreka, konponbide zein adostasunik lortu ez delarik. Gure lan honen helburua eztabaida horretan sakontzea da, elementu berriak mahaigaineratuz, esperientzia interesgarrien berri emanez, azterketa zientifikoen ondorioak lehenetsiz eta, batez ere, naturaren eta bioaniztasunaren garrantzia azpimarratuz.

Paisaia jakin batekin sortutako loturak gizatalde oso baten ondarearen osagai bihurtzen dira. Gure arbasoek naturarekin oso harreman estua gorde izan dute, errespetuan eta ezagutzan oinarritua. Ildo horretatik, ulertzen dugu saskigileak basoarekin mantendu duen harremana milaka urtetan ondu eta borobildu den baso-jakintza dela. Gaur egun, bitxia da ikustea nola saskia gure artean bizi izan den modu bertsuan ari den gure artetik desagertzen, apalki eta umilki, alegia. Dokumental honek balio beza, era berean, saskigintzak belaunaldiz belaunaldi gaurdaino iraunaraz dezan lagundu duten gizon eta emakumeen lan isila omentzeko.

Oinarrizko ezaugarriak eta helburuak

Proiektuak gure basoen ibilbide historikoa kontatzen du. Paisaia primijeniotik habiatuta ibilbide historiko bat burutzeko asmoz, ikatz begetala ekoiztea helburu zuen basoen kudeaketaren hastapenetatik pasa, ondoren iraultza liberalak zein desamortizazio prozesuak gure basoetan izan zuten eragina esplikatzen saiatu, eta azkenik XX. mendera iristeko, non Pinus radiata pinuaren monolaborantza kantauriar-isurialdean inposatu zen. Behin landaketa hauek Bizkaiko familien ekonomian izan zuten garrantzia onartuta, XXI. mendeko gure basoen diseinua zehaztu bidean eztabaidarako ikuspegi berria.

Dokumentalean garatutako gaiak oso tekniko-zientifikoa dela suposatu dezake. Proiektu honekin, sormena erabiliz eta ikutu poetikoak integratuz, gizarteari gerturatu nahi zaio biziraupenerako hain garrantzitsua den eta era berean hain delikatua den gaia, basoa. Kalitatea eta bioaniztazuna bezalako faktoreak oso kontutan hartu dira lan osoan zehar basoen kudeaketa jasangarri batera bideratzeko asmoz.

Egindako proiektua, gizarteko esparru ezberdinetan (eskolak, interpretazio zentruak, etab.) tresna pedagogiko bezela erabilgarria izateko helburuaz ere sortu da.

Proiektu honen bitxikeria nagusia elkarrizketatuko ditugun lagunen sorta zabalean datza, zeinek gure ustez eszenario ekologiko honetan aktore sare konplexua osatzen baituten: historialariak eta antropologoak, sendabelarretan espezializatu diren unibertsitateko ikasleak, paisailariak, nekazal perituak eta biologoak, baso-jabeen elkarteak, erlezainak, fruitagintza esperimentazio guneko teknikariak, basozainak, enpresari egurgileak, kultur-elkarteak eta artisauak... Etorkizuneko basogintzan hartuko den norabidea zehazteko guztien ekarpenak beharrezkoak direla pentsatzen dugu.

Basoarekin lotura estuan beti, saskigintzaren teknika landare-zuntzak ehuntzen ibili da menderik-mende, eta horrela joan da antzinako ezagutza zaharrak bilduz. Gaur desagertzeko harriskuan dago gure arbasoen jakituria aberats eta ordezkaezin hura. Ez genuke aukera hau pasatzen utzi nahi euskaldunon ondare kulturalaren zati garrantzitsua den jende horri gure omenaldi apal hau egin gabe.

ba-mosakikoalow-.jpg captura-de-pantalla-2013-10-08-a-la-s-12.24.38.jpg

Zerk bultzatzen zaitu eta zeini zuzenduta dago proiektua

Proiektua saskigintzaren inguruko dokumental labur bat egiteko asmoarekin hasi zen, baina haritik tiraka hasi eta ezagutzera emateko hainbat gauza zeudela konturatu ginen eta oso garrantzitsua zela gure basoen ibilbide historikoa, monolaborantzaren arazoa eta gaur egun bai etorkizunerako posibleak diren alternatibat laburtzen zituen dokumentu bat garatzea.

Proiektuaren asmoa gaur eguneko egoerara nola heldu garen ulertu eta oroitzea da, horretarako historia apur bat eginez. Ondoren, ikerketa zientifikoen ondorioak aipatzen dira, gure lurra galtzen ari gara, gero eta kalitate gutxiagoko lurrazala dugu, orografia, klima eta basoko lanetarako erabiltzen diren makinak eta teknikak direla-eta. Azkenik, zenbait eredu interesgarri eta baliagarri azaldu eta proposatzen dira, gaian jakitunak diren lagunei egindako elkarrizketen bidez.

Dokumentala baso-kulturaren memorian interesatutako edonori bideratua dago, baita gaur egun basoen kudeaketa ereduez hausnartu nahi duenari ere. Orokorrean ikusi, ikasi eta hazi egin nahi duen edonorentzat, beste hitzetan, gizarte eraldaketan jardun nahi den ororentzat.

Pasa den apirilean ikesleekin lehen kontaktu bat izan genuen. Tokian tokiko basogintzako Jardunaldiak aprobetxatuz, dokumentalaren aurre proiekzio bat egin zen grabatutako irudi batzuekin. Bertaratutako pertsonek oso feedback positiboa eman zuten eta interesa piztu zitzaien azken emaitza ikusteko.
Dokumentalaren estreinaldia, abenduaren 13an izango da Igorreko (Bizkaia) Kultur Etxean.

captura-de-pantalla-2013-10-08-a-la-s-12.27.59.png captura-de-pantalla-2013-10-08-a-la-s-12.40.38.jpg

Crowdfunding-eko kanpainaren helburuak

Aurreko ataletan komentatu bezela, dokumentaleko grabazioak eginda daude. Momentu honetan produkzio lanetan gaude eta azpitituluak garatzen, estrinaldirako dena prest izateko.

Kofinantziazio kanpainarenn helburuak, batetik proiektua ezagutaraztea eta bestetik, dokumentalaren garapenean izandako gastuak ordaintzea. Lortutako diruarekin proiektuan zehar egindako ekintzak eta erabilitako baliabideak ordainduko dira, hala nola, gidoiaren sortzea, aurreprodukzioa, Euskal Herriko leku desberdinetan egindako irudien grabaketak eta aditu desberdinekin egindako elkarrizketak, edizioa, ondorengo produkzioa eta frantsez eta gaztelerazko azpitutuluak.

Finantziazio ezin hobea lortuz gero, difusio indartsuago bat egingo da eta ahal izanez gero soinu banda bat egingo zaio dokumentalari.

koadernoar.jpg captura-de-pantalla-2013-10-08-a-la-s-12.47.59.png

Aldez aurreko esperientzia eta taldea

Lan honen egileak, naturan eta ikus-entzinezko artean interesatutako, hiru arratiar gazte gara, Maite Yurrebaso, Ibai Pujana eta Iker Yurrebaso.

Ibai, ikus-entzunezkoen eta ikuskizunen errealizazioan teknikaria (Mendizabala Institutoa, Gasteiz). Taldean zein bakarka argitaratutako lanak: ESAIOK (2009), Arkaitz Basterraren zuzendaritzapean; EGUNON PRINTZESA! (2010), Urtxintxa Eskolak eta Emakundek babestutako laburmetraia; HIKI (2011), Karabie Produkzioak; GORBEIA SUZIEN (2012), mendi lasterketarako spota; Komiki lanak (2011/12/13...). Egun, OFF AHOTSAK (Gasteizen, Martxoaren 3ko gertaeretan oinarrituta) eta BASO AHAZTUAK dokumentaletan sartuta. Baita Igorreko memoria historikoaren bankua sortze lanetan ere.

Iker, paisaiagintzan teknikaria (Toulouse eta Lyon, Frantzia), beti ibili izan da kulturgintzaren eremuan arraunean (argitaratutako liburuak: Ametz 2006 eta Haizea Aurpegian 2011). Egun, ingurugiroaren defentsa eta elikadura subirautzaren alorrak lantzen dihardu.

Maite, Arte Ederretan lizentziatua (EHU), marrazki bizidunen mundura salto egin zuen. Gaur egun, animazioa, 2D eta stopmotion eran lantzen ditu, proiektu esperimental eta komertzialetan.

anima-1.jpg

Giza konpromezua