COPYLOVE

Copylove se inició, de manera local, como una red informal de investigación sobre commons y prácticas feministas. Esa comunidad local construyó el marco para una investigación abierta y pública: “La Ontología del Copylove”, un mapa conceptual relacionado que funcionó como nuestro tablero de juego.

En la actualidad el proyecto de investigación está coliderado por Sofía Coca (de ZEMOS98, Sevilla), Txelu Balboa (de ColaBoraBora, Bilbao) y Rubén Martínez (de ZZZINC, Barcelona). Desde 2011 Copylove ha puesto en valor espacios de co-investigación no centrados en el logocentrismo mediante las denominadas Residencias (que se han celebrado en Sevilla, en los Encuentros de Verano de la UNIA y en el Museo Reina Sofía en Madrid). Estas residencias han sido la mejor manera de poder contrastar y lanzar hipótesis de trabajo, y sobre todo, de recoger datos cualitativos con comunidades de diversos territorios del estado español. En 2013 hemos creado una web www.copylove.cc que recoge, en bruto, las aportaciones realizadas mediante vídeos, esquemas, desarrollos metodológicos, reseñas.

Copylove ha sido siempre una investigación en abierto pero en este momento necesitamos tiempo para construir y afinar los conceptos, las relaciones y las posibles derivas de este trabajo. Sentimos que existe una comunidad informal en torno al concepto y lanzamos esta campaña de financiación colectiva para poder devolver herramientas útiles que permitan seguir usándolo y enriqueciéndolo.

Delako “commons” horretara, ekonomia feministara eta prozesu demokratiko berrietara gerturatze hau ez dago soilik esparru aktibistari zuzendua, akademiari, kulturan eta ingurune sortzaileetan lan egiten duten pertsonei, gizarte-ekonomia ardatz duten prozesuei eta gizarte-ikerlariei ere dei egiten diegu.

Proiektuaren lehen fasea ixten ari gara eta talde-finantziazio kanpaina honekin, azken 3 urteetan diseinatutako edukiak eta metodologiak sistematizatu ahal izateko argitalpena sortu nahi dugu. Prozesu honi esker, komunarentzat erabilgarri izango diren lan ildoak irudikatu ahal izango ditugu, beti ere Copylove egitasmoaren aterkiaren babesean. Beraz, eman behar ditugun hurrengo pausuak aurkitzen ditugun bitartean, egindako guztia antolatu eta partekatu ahal izateko, aurretik ekoiztutakora itzuli beharra daukagu. Arkeologo bat behi baten digestioan sartu eta lizentzia librea erabiliz, dena sarera igoko balu bezala.

Hastapenetatik bertatik, abiarazi zen lekuetatik eta martxan jarri genuen pertsonetatik haratago, Copylove egitasmoa hainbat testuingurutan aplikagarri izateko sortua izan zen. 2011. urtean hasi genuen ikerketa hau beti modu irekian egin badugu ere, askotariko metodologiak, materialak eta baliabideak erabili izanak, edukiak neurrigabe hedatzea ekarri du eta horrek, ez du errazten ikerketa errepikatu ahal izatea. Muga kitzikagarri gisa jokatzen duen bertute handi bat ere aurkitu dugu: Copylove, testuinguruaren araberakoa da erabat. Hori dela eta, testuinguru desberdinetan aplikatzea errazagoa izan dadin, material guztia kontzeptualki eta funtzionalki antolatu beharra dago,. Honi guztiari esker, dagoeneko on-line aurki daitezkeen metodologia batzuk errepikatu eta kontzeptu zenbait berrekoizteaz gain, kode osoa eskuragarri egongo da, hots, zer horretara ez ezik, nola eta zergatik horietara ere sarbidea izango da.

Copylove ekimenean bizi izan diren kontzeptu, hausnarketa, dinamika eta egoeren kutxa handiak antolatuta egoteaz gain, formatu aldaketa behar du beste lekuetan martxan jarri nahiko lukeen edozein eskuk berriz asmatu ahal izateko. Honi esker, metodologiak errepikatu beharrean, bakoitzak berea asmatuko du; kontzeptuak berregin beharrean, adiera berriak gehitu edo beste batzuk sortuko dira; hausnarketak bikoiztu beharrean, beste batzuetara, hurrengoetara edo kontrakoetara eramango gaituzten bideak marraztuko dira. Hitz batean, Copylove edozein testuingurutatik, eta ez horrenbeste testuinguru berri batetarako, pentsatzea ahalbideratuko duen argitalpena izango da.

2011. urtetik asko izan dira proiektuan parte hartu duten pertsona, talde, zein erakundeak (Tramallol, Ehcofab, Marina Garcés, Ateneu Candela, Patio Maravillas, Carolina del Olmo, Helvéticas, Mujeres de Negro, Taraceas, Marta Malo, Débora Ávila, Etcéteras, Histeriak Kolektiboa, Lakabe, Despacho de Pan, Periódico Diagonal, Carolina León… 200 pertsona baino gehiago biltzen dituen zerrenda). Gainera, proiektuak ZEMOS98 Jaialdiaren (Sevillako Arteen Zentroko egonaldietan hartu gintuzten), Universidad Internacional de Andalucía-ko udako ikastaroen eta Museo Reina Sofía-ren laguntza eta finantziazioa jaso du.

Copylove ekimenaren koordinazio-taldeko partaideak:

Txelu Balboa
Artistaren “pack osoa” ikasi zuen: arte ederrak, doktoretza-ikastaroak eta Euskal Arteari buruzko espezializazio-masterra. Honek guztiak non egon nahi ez duen jakiten lagundu dio. Artista gisa zuen konpromisoa bideratu egin zuen; hasiera batean AMASTÉ ideien bulegoan, eta gaur egun (bilakaera logiko baten ondorioz), ColaBoraBora-n, nagusi den errealitatearen eta irudikatzen dugun nahiaren arteko irlan. Irla honetan, komunaren, askearen eta irekiaren inguruko antolamendu-, ekoizpen- eta harreman-modu berriak sortzeko hainbat ekintza eta prozesu gertatzen dira. ColaBoraBoraren jarduera prokomunaren, elkarlaneko praktikaren, jakintza askearen, kode irekiaren eta gizarte ekintzailetasunaren inguruko kontuetan oinarritzen da. (http://www.colaborabora.org/)
Helbide honetan izan dezakezu bere berri: www.twitter.com/volantebb

Sofía Coca
Kazetaritzan lizentziatu zen Sevillako Unibertsitatean eta 2005. urteaz geroztik ZEMOS98ko Koordinazio Taldeko kide da. ZEMOS98 Jaialdia bezalako proiektuen garapen, ekoizpen eta komunikazioan parte hartu du, baita argitalpenen edizioan, ikerketa kulturalaren inguruko proiektuetan eta hainbat kultura-esparrutako mintegi, workshop, biltzar, erakusketa, hitzaldi, ikastaro eta emanalditan ere. Asteroko RADIOACTIVOS podcast-eko arduraduna izan da, Radiópolis irratian, 2007 eta 2011. urteen artean egin den kultura askearen inguruko irratsaioa. Gaur egun, ZEMOS98 Jaialdia koordinatu eta antolatzen du eta 98lab-ean parte hartzen du irakasle eta tutore gisa. (http://zemos98.org/)
Helbide honetan aurki dezakezu: www.twitter.com/preescolar

Rubén Martínez
Prestakuntza eta ekoizpen kulturalaren inguruko proiektuetan eta ikerkuntzan aritzen da. ZZZINC plataformaren -kulturaren esparruko I+G laborategia- sortzaile eta kideetako bat da. 2002 eta 2011. urteen artean, YProductions ekoizpen enpresako sortzaile eta zuzendarietako bat izan zen, ekoizpen enpresa honek kulturaren ekonomia politikorako ekarpenak egin zituen. Gaur egun, Universitat Autònoma de Barcelona (UAB)-ko Zientzia Politikoak sailean, gizarte berrikuntzaren inguruko prozesuen egituraketari eta komunitate-kudeaketari buruzko doktoretza-tesia egiten ari da. IGOPnet (IGOP/UAB) ikerkuntza-taldeko kide eta UOCeko Kulturaren Teoria Graduan irakasle/aholkulari da.
Ley Seca-n izango duzu bere berri. (http://leyseca.net/)