España en llamas

finantzatua 01 / 11 / 2012
Ondo!
Jasota
€ 6.430
Gutxienekoa
€ 4.650
Hobeezina
€ 9.040
142 Aldi bereko finantzakideak
Canal
  • Eman € 10

    Web orrian aipatzea

    Zure izena aplikazioko esker onen atalean agertuko da

    > 52 Aldi bereko finantzakideak
  • Eman € 30

    Tester

    Widget-aren proba-aldian parte hartzeko aukera esklusiboa + Eskerrak web orrian

    > 22 Aldi bereko finantzakideak
  • Eman € 50

    Scoop

    Gure ikerketa-lerroak argitaratu baino lehen, horiei buruzko informazio esklusiboari buruzko buletin bat jasoko duzu + Tester Zerbitzua + Eskerrak web orrian

    > 17 Aldi bereko finantzakideak
  • Eman € 100

    Babestu istorio bat

    Ikerketa-lerro bat babestu ahalko duzu. Lehenbizi zein ikerketa-lerro jarraitzea nahi duzun bozkatu ahalko duzu, informazio esklusiboa jasoko duzu horri buruz eta, gainera, jarraitu ditugun ikerketa-metodoen berri emango dizugu + Tester Zerbitzua + Scoop Zerbitzua + Eskerrak web orrian

    > 13 Aldi bereko finantzakideak
  • Eman € 400

    Mezenas

    Zure izena edo zure logotipoa (enpresa bat edo erakunde bat izanez gero) aplikazioaren web orriaren footer-ean agertuko da, eta zure babesaren berri emango dugu finantzaketa-fasearen osteko komunikazio-jardueretan + Istorio bat babestea + Tester Zerbitzua + Scoop Zerbitzua + Eskerrak web orrian

    > 03 Aldi bereko finantzakideak

Proiektu honi buruz

Gure estatuan ematen diren suteen zergatien eta datuen ikerketa eta multimedia ikerketa

Beharrak Azpiegitura Gutxienekoa Hobeezina
Hosting
Zerbitzari bat alokatzea aplikazioa eta istorioak urtebetez gordetzeko.
€ 300
Beharrak Eginkizuna Gutxienekoa Hobeezina
Datuak eguneratzea
2011ko suteen inguruko datuak eskatzea, garbitzea, prozesatzea eta aplikaziora sartzea. Datuen analisia eta istoriotxoak sortzea ondorioekin.
€ 500
Konpartitzeko widget-a
Erabiltzaile bakoitzaren bilaketak eta erabilera pertsonalak konpartitzeko widget bat sortzea. Diseinua eta garapena.
€ 800
Optimizazio teknikoa
Tresnaren arintasuna hobetzeko, geruzak gehitzeko eta okerrak zuzentzeko programazio-lanak.
€ 500
1. ikerketa-istorioa
[Diru horrekin, kazetariari, programatzaileari eta bistaratzaileari ordainduko zaie] SUTEEN INGURUKO GASTUAK AUTONOMIA-ERKIDEGOAREN ARABERA. Suteekin lotutako gastua autonomia-erkidego bakoitzaren araberakoa da, eta, ondorioz, edozein analisi kuantitatibo egiteko, ezinbestekoa da datuak biltzea eta konparazioa egiteko estandarizatzea. Hala ere, ondorio garrantzitsu batzuk atera daitezke. Adibidez, sute gehiago dituzten eskualdeetan gastuak behera egin ala edo prebentziorako inbertsio faltak su gehiago izateko eragina duen ikusi ahalko da.
€ 900
2. ikerketa-istorioa
[Diru horrekin, kazetariari, programatzaileari eta bistaratzaileari ordainduko zaie] ERANTZULEAK. Nahita eragin diren hainbeste sute zergatik ez diren epaitegietara iristen jakin nahi dugu, baita epaitzen diren kasuak zein diren ere. 2006an, Ingurumenaren arloko Fiskaltza sortu zen, besteak beste, baso-suteen delituen prozesuak arintzeko, eta gaur egun Zigor Kodea gogorrago egitea ari da planteatzen. 2008a eta 2010a artean, horrelako 378 kasu itxi zituzten. Epaien ehuneko 72 zigortzaileak izan ziren. Epai guztiak ikusteko baimena eskatuko dugu, analizatu egingo ditugu, errudunei buruzko informazio zehatza bilatuko dugu (epaiak anonimotu egiten dituzte) eta informazioa aplikazioan sartuko dugu.
€ 900
Oihartzuna eta ikusgarritasuna
Arrakasta izateko, gure ustez, funtsezkoa da nor garen jakitea. Horretarako, komunikazio-ahalegin zehatzak egin behar ditugu horretan diharduen pertsona batekin. Gizarte-sareetan eta hedabideetan mugituko gara, eta, horrez gain, interesatuta egon litezkeen kolektiboekin harremanak izango ditugu, adibidez, ingurumena babesteko lan egiten duten erakundeak eta Ingurumen Zientzietako ikasleak eta profesionalak.
€ 300
3. ikerketa-istorioa
[Diru horrekin, kazetariari, programatzaileari eta bistaratzaileari ordainduko zaie] KUDEAKETA-PLANIK EZ. WWFk 2008an egin zuen azterketa baten bidez egiaztatu zen Espainiako mendien ehuneko 87k ez dutela kudeaketa-planik. Horrelako planak izatea derrigorrezkoa da, legez. Azken urteotan zein mendik izan duten kudeaketa-plan bat eta zeinek ez jakin nahi dugu, baita agintaritza autonomikoak arazoa konpontzeko beharrezko neurriak hartzen ari diren ala ez ere. Gero, informazioa eta suteak egon diren tokiak alderatuko ditugu, eta ekidin zitezkeen ikusiko dugu.
€ 1.100
4. ikerketa-istorioa
[Diru horrekin, kazetariari, programatzaileari eta bistaratzaileari ordainduko zaie] BIRKALIFIKATZEKO ERRETZEN AL DA? 2003ko Mendien Legeak baso-erabilera duten lurzoru erreak 30 urtez birkalifikatzea debekatzen du. Momentuz, ez du inork egiaztatu legea betetzen den ala ez. Azken hamarkadako 100 sute garrantzitsu hartuko ditugu, eta lurzoru horiekin zer gertatu den analizatuko dugu. Horretarako, datuak lurzoruen erabileraren datu-basearekin, katastrokoarekin eta kasu bakoitzaren gaineko ikerketa tradizionalarekin alderatuko ditugu.
€ 1.200
5. ikerketa-istorioa
[Diru horrekin, kazetariari, programatzaileari eta bistaratzaileari ordainduko zaie] LEGEA APLIKATZEN DA? Riba de Saelices-en (Guadalajara) barbakoa batek eragin zuen eta 11 hildako izan zituen sute baten ondorioz, legeria aldatu egin zen. Harrezkero, baso-suteak izateko arrisku altuko eremu gisa izendatuta dauden esparruetan, suteen sasoi altuan jarduera batzuk debekatuta daude, adibidez, uztondoa erretzea, sua piztea, tabakoa erretzea... Hala ere, horrelako kasuak daudela ikusi dugu, datu-baseari esker. Araudi autonomikoa analizatu nahi dugu, kasuak behar bezala detektatu nahi ditugu eta zer gertatzen den ikusi nahi dugu.
€ 850
Erabiltzaileak sortutako informazioaren sistema
Erabiltzaileek suteekin lotuta bizi dituzten esperientziak, iruzkinak, estekak edo argazkiak konpartitu ahal izateko sistema bat garatzea. Datu-basea “gizatiarrago” egiten lagunduko du, eta komunitateak informazio kuantitatiboa aberastu ahalko du.
€ 800
Beharrak Materiala Gutxienekoa Hobeezina
Komisioen ordainketa
Goteo.org crowdfunding zerbitzurako (% 8) eta ordainketa-bideetarako ezarritako komisioen ordainketa (lortutako kopuru osoaren % 10 inguru barne hartzen dute).
€ 450
Komisioen ordainketa minimoa gainditu ondoren
Komisioak lortutako kopuru osoaren % 10 inguru dira. Hau da, gutxienekoa gainditu ondoren, gehiago ordaintzen da. Hoberena lortuko bagenu ordainduko genukeen kopuru osagarria jarri dugu.
€ 440
Guztira € 4.650 € 9.040
Nahitaezkoa
Gehigarria

Informazio orokorra

Urtero entzuten dugu albiste bera udan: suteak daude. Hondamendi naturalak aipatzen dira, milaka hektarea erreta... baina gutxitan analizatzen da xeheki zer gertatu den eta, bereziki, zergatik.

Civio Herritar Fundazioak Nekazaritza, Elikadura eta Ingurumen Ministerioak basoetako suteei buruz duen datu-base nazionalera sartzeko aukera izan du. Dagoeneko landu egin dugu eta, datu-base horrekin, www.espanaenllamas.es web orria sortu dugu. Bertan, 2001a eta 2010a artean egon diren 100 hektareatik gorako baso-suteak mapa batean ikus daitezke, baita albiste garrantzitsu batzuk ere.

Orain, lehenengoz ezagutzera eman den informazio xehe hau honako puntu hauek ikertzeko aprobetxatu nahi dugu:

  • Nor diren suteen errudunak eta zer gertatzen zaien
  • Zenbat gastatzen den suteak prebenitzeko edo itzaltzeko
  • Espainiako mendiak zainduta dauden ala beren egoera txarrak suteei hedatzen laguntzen dien
  • Sua legez kontra erabiltzen den lurzorua birkalifikatzeko
  • Suteak prebenitzeko legea betetzen den

Datuen analisi kuantitatiboaren eta ikerketa tradizionalaren bitartez, konklusio argiak definituko ditugu. Artikuluak eta bistaratzeak prestatuko ditugu hain informazio konplexua ulergarri egiteko.

Ziurrenik ez dituzu hedabideetan ikusiko, baina lagungarriak izan litezke gure herrialdeko arazo argi bat hobetzeko. Komunikabideek ez dutenez gai honetan inbertitzen, zuk laguntzea nahi dugu.

Gogoan izan datu hau: 2001a eta 2010a artean, suteek Murtziako Eskualde osoaren pareko azalera bat erre zuten.

Oinarrizko ezaugarriak eta helburuak

Dagoeneko 2001a eta 2010a artean izan ziren 100 hektareatik gorako baso-suteen mapa erakusten duen beta bertsio bat dugu (www.espanaenllamas.es). Bertan, hainbat mailatan eraiki nahi dugu:

4.600 EUROKO GUTXIENEKORA IRISTEN BAGARA, HONAKOA EGINGO DUGU:

  • Aplikazioa 2011ko datuekin eguneratuko dugu (urteko hirugarren hiruhileko honetan egon beharko lukete eskuragarri). Datu-basea garbitu eta tratatu egin behar da erabili ahal izateko. Gainera, analizatu egingo dugu, zein ondorio atera daitezkeen ikusteko. Eta aplikazioan daudenen antzeko istoriotxoak sortuko dira.

  • Zure bilaketak zure komunitatearekin konpartitzeko aukera emango dizun widget bat sortuko dugu. Adibidez, Facebook-en eta Twitter-en jakinarazi ahalko duzu azken 10 urteotan une honetakoaren moduko x sute egon direla.

  • Bi ikerketaren emaitza dagoeneko dagoen aplikaziora sartuko dugu, eta, gainera, artikuluak eta bistaratze gehiago prestatuko ditugu:

*1. ikerketa-istorioa: SUTEEKIN LOTUTAKO GASTUA AUTONOMIA ERKIDEGOAREN ARABERA: Suteekin lotutako gastua autonomia-erkidego bakoitzaren araberakoa da, eta, ondorioz, edozein analisi kuantitatibo egiteko, ezinbestekoa da datuak biltzea eta konparazioa egiteko estandarizatzea. Hala ere, ondorio garrantzitsu batzuk atera daitezke. Adibidez, sute gehien dituzten eskualdeetako gastuak behera egin duen, edo prebentzioan inbertsio falta izatea sute gehiago egotearekin lotuta dagoen.

*2. ikerketa-istorioa: ERANTZULEAK. Nahita eragin diren hainbeste sute zergatik ez diren auzitegietara iristen jakin nahi dugu, baita epaitzen diren kasuak zein diren ere. 2006an, Ingurumenaren arloko Fiskaltza sortu zen, besteak beste, baso-suteen delituen prozesuak arintzeko, eta gaur egun Zigor Kodea gogorrago egitea ari da planteatzen. 2008a eta 2010a artean, horrelako 378 kasu itxi ziren. Epaien ehuneko 72 zigorrak ezartzearen aldekoak izan ziren. Epai guztiak ikusteko baimena eskatuko dugu, analizatu egingo ditugu, errudunei buruzko informazio zehatza bilatuko dugu (epaiak anonimotu egiten dituzte) eta informazioa aplikazioan sartuko dugu.

GUTXIENEKOA GAINDITZEN BADUGU:

Istorio edo aldaketa bakoitza egiteak izango lukeen kostuaren aurrekontua egin dugu. Gutxienekoa zenbat gainditzea lortzen dugun kontuan hartuz, gehiago ala gutxiago egin ahalko ditugu. Gainera, 100 euro baino gehiago ematen dutenek zein gai edo ekintza gauzatuko diren lehenbizi erabaki ahalko dute:

  • Erabiltzaileek suteekin lotuta bizi dituzten esperientziak, iruzkinak, estekak edo argazkiak konpartitu ahal izateko sistema bat garatuko dugu. Datu-basea “gizatiarrago” egiten lagunduko du, eta komunitateak informazio kuantitatiboa aberastu ahalko du.

  • Beste hiru ikerketaren emaitza dagoeneko dagoen aplikaziora sartuko da, eta, gainera, artikuluak eta bistaratze gehiago eragingo dira. Gutxienekoa zenbat gainditzea lortzen dugun kontuan hartuz, gehiago ala gutxiago egin ahalko ditugu:

*3. ikerketa-istorioa: KUDEAKETA-PLANIK GABE. WWFk 2008an egin zuen azterketa baten bidez egiaztatu zen Espainiako mendien ehuneko 87k ez dutela kudeaketa-planik. Horrelako planak izatea derrigorrezkoa da, legez. Azken urteotan zein mendik izan duten kudeaketa-plan bat eta zeinek ez jakin nahi dugu, baita agintaritza autonomikoak arazoa konpontzeko beharrezko neurriak hartzen ari diren ala ez ere. Gero, informazioa eta suteak egon diren tokiak alderatuko ditugu, eta ekidin zitezkeen ikusiko dugu.

*4. ikerketa-istorioa: BIRKALIFIKATZEKO ERRETZEN AL DA? 2003ko Mendien Legeak baso-erabilera duten lurzoru erreak 30 urtez birkalifikatzea debekatzen du. Momentuz, ez du inork egiaztatu legea betetzen den ala ez. Azken hamarkadako 100 sute garrantzitsu hartuko ditugu, eta lurzoru horiekin zer gertatu den analizatuko dugu. Horretarako, datuak lurzoruen erabileraren datu-basearekin, katastrokoarekin eta kasu bakoitzaren gaineko ikerketa tradizionalarekin alderatuko ditugu.

*5. ikerketa-istorioa: LEGEA APLIKATZEN DA? Riba de Saelices-en (Guadalajara) barbakoa batek eragin zuen eta 11 hildako izan zituen sute baten ondorioz, legeria aldatu egin zen. Harrezkero, baso-suteak izateko arrisku altuko eremu gisa izendatuta dauden esparruetan, suteen sasoi altuan jarduera batzuk debekatuta daude, adibidez, uztondoa erretzea, sua piztea, tabakoa erretzea... Hala ere, horrelako kasuak daudela ikusi dugu, datu-baseari esker. Araudi autonomikoa analizatu nahi dugu, kasuak behar bezala detektatu nahi ditugu eta zer gertatzen den ikusi nahi dugu.

captura-de-pantalla-20120813-a-las-1.35.23-am.png

Zerk bultzatzen zaitu eta zeini zuzenduta dago proiektua

Proiektu hau herritar batekin hasi zen, Juan Elosuarekin, hain zuzen. Galizian, bere autonomia-erkidegoan, sute ugari zeudela-eta kezkatuta zegoen. Berak eskatu zuen datu-basea, eta hilabete luzez borrokatu zen lortzeko. Hor kanpoan “Juan” ugari egon litezkeela uste dugu. Suteak arazo larria dira gure herrialdean, eta erdia baino gehiago nahita eraginak dira.

Datu-basea lortu izana mugarri garrantzitsua da herrialde honetarako, opakotasuna baita nagusi eta —oraindik— ez baitago informazio publikoa oro har eskuratzeko legerik. Hala bere, ingurumenarekin lotutako informazioa lortzeari buruzko lege bat dago, eta gai hau ikertzen lagunduko digun informazioa lortzeko erabili nahi dugu. Espainian gardentasun handiagoa lortzeko borrokatzen lagunduko digu.

Proiektua zuri zuzenduta dago honako ezaugarri hauek badituzu:

  • gardentasuna nahi baduzu, guk bezala
  • suteen arazoekin edo ekologiarekin lotutako gaiekin sentsibilizatuta bazaude
  • Open Data, datuen analisia eta datuak edukiak sortzeko erabiltzea (datuen kazetaritza) atsegin baduzu
  • komunikabideen egungo egoerarekin etsita bazaude eta eduki eta kalitate hobeak sor daitezkeela uste baduzu
  • idealista bat bazara eta gizarte zibiletik gure herrialdea hobetzen lagun dezakezula uste baduzu

Lagundu!

Crowdfunding-eko kanpainaren helburuak

Komunikabideak krisi garrantzitsu bat jasaten ari dira. Ez dute ia inbertitzen nolabaiteko konplexutasuna duten eta ikertzeko denbora eskatzen duten proiektuetan. Zaila da gurea bezalako proposamen bat prentsan, telebistan edo irratian ikustea. Baina horrek ez du esan nahi ez denik sakonean ikertu behar gure herrialdeko suteen arazoa.

Zer gertatu zen jakiteko aukera ematen digun datu-basea dugu, prest izateko eta bistaratzeko ahalegina egin dugu. Kanpaina honi zure babesa emanez laguntzea nahi dugu, suteen zergatia ulertzeko.

Aldez aurreko esperientzia eta taldea

Civio Herritarren Fundazioa (www.civio.es, @civio) duela gutxi sortu zen, 2012ko otsailean, baina dagoeneko hainbat proiektu arrakastatsu lortu ditugu. Access Info Europe-z gain, www.tuderechoasaber.es web orria ere sortu dugu, informazioa bilatzeko eta Espainiako erakunde publikoei eskatzeko. Dagoeneko ia 500 eskaera ditugu eta batzuek erantzun interesgarriak izan dituzte. Hasierako finantzaketa 150 pertsonak baino gehiagok eman zuten Goteoren bitartez.

Gainera, beste web orri bat dugu: www.dondevanmisimpuestos.es, eta, bertan, estatuko eta autonomia-erkidegoen aurrekontu orokorrak ulertzeko balio du. Horretaz gain, herritar-jarrera aktiboa sustatzen dugu eta datuen kazetaritzaren arloko prestakuntzan ere lan egiten dugu.

Civioren zuzendaria, Mar Cabra (@cabralens), ikerketa- eta datu-kazetaria da, eta Ikerketa-kazetarien Nazioarteko Partzuergoko kide da (www.icij.org). Bere ikerketa-lanak sarituak izan dira eta hainbat hedabidetan argitaratu dituzte, hala nola, The International Herald Tribune, PBS, Le Monde, El País, El Mundo... Ingurumenarekin lotutako gaien ikerketan esperientzia du, adibidez, Espainiako arrantza-industriak jaso dituen diru-laguntzen arloan (www.icij.org/projects/looting-seas-ii).

Gainera, proiektu honetan hauen lankidetza dugu:

  • Juan Elosua (@jjelosua) freelance programatzaile bat da, eta esperientzia du datuen bistaratzearen garapenean eta mugikorretarako aplikazioen arloan. Civiorekin batera lan egin zuen www.dondevanmisimpuestos.es ekimenean, zati autonomikoa garatu baitzuen.

  • This is Visual (www.thisisvisual.info) Chiqui Estebanek (@chiquiesteban) zuzentzen duen grafiko eta narratiba bisualeko enpresa bat da, eta Yahoo!, L'Equipe, Eurosport eta Univision ditu bezero, besteak beste. Chiqui, gainera, lainformacion.com-en narratiba berrien zuzendaria da eta 10 urtetik gorako eskarmentua du herrialdeko hedabide nagusien sailetan.

Giza konpromezua