El portal CUIDAdano

Jartzen € 5
aipamen berezia gure blogean
Aintzatespena proiektuaren blogean aipamen berezia eginda, pertsona edo erakunde laguntzaileentzat gordetako atal berezi batean.
> 06 Finantzakideak
Jartzen € 10
Aipamena CUIDAdano atariko eskuliburuan
Aintzatespena CUIDAdano atariko eskuliburuan egindako aipamen bereziaren bidez. Zure izena jasoko dugu eskuliburuaren atal batean, proiektuaren pertsona edo erakunde ongile gisa. Halaber, aintzatespena jasoko duzu proiektuaren blogean.
> 09 Finantzakideak
Jartzen € 15
CUIDAdanoaren pegatina
Proiektuaren 4 pegatina bidaliko dizkizugu. +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan.
> 04 Finantzakideak
Jartzen € 20
CUIDAdanoaren eskuliburu digitalaren artxibo digitalak
CUIDAdano atariko eskuliburua aldez aurretik bidaliko dizugu, PDF formatuan, +4 pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan.
> 17 Finantzakideak
Jartzen € 25
'CUIDAdanoa' ohialezko poltsa
CUIDAdano atariko oihalezko poltsa bat bidaliko dizugu (diseinu esklusiboa), +4 pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan. Igorpen-gastuak barru sartuta daude Penintsula barruko igorpenetarako.
> 09 Finantzakideak
Jartzen € 35
CUIDAdano atariko eskuliburua, idatzizko bertsioan
CUIDAdano atariko eskuliburua, paperean idatzia, bidaliko dizugu, +4 pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan. Igorpen-gastuak barru sartuta daude Penintsula barruko igorpenetarako.
> 06 Finantzakideak
Jartzen € 55
Bihur zaitez CUIDAdanoa
CUIDAdano atariko eskuliburuaren kopia bat, paperean idatzia, bidaliko dizugu, +oihalezko poltsa (diseinu esklusiboa), +4 pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan. Igorpen-gastuak barru sartuta daude Penintsula barruko igorpenetarako.
> 11 Finantzakideak
Jartzen € 80
Oparitu CUIDAdanotasuna
CUIDAdano atariko eskuliburuaren hiru ale, paperean idatzia, bidaliko dizugu, +10 CUIDAdano pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan. Igorpen-gastuak barru sartuta daude Penintsula barruko igorpenetarako.
> 01 Finantzakideak
Jartzen € 150
Leku bat CUIDAdano izateko prestakuntza-ikastaroan
Leku bat gure CUIDAdano ad-hoc ikastaroan. Bi orduko iraupena edukiko du, CUIDAdano atari bat diseinatzen ikas dezazun. Tailerra proiektu honetan erabilitako metodologia lantzeko hastapeneko prestakuntza izango da: etnografia eta baterako diseinua, zure proiektu pertsonaletan aplika ditzazun, +CUIDAdano atariko eskuliburua, paperean idatzia, +4 CUIDAdano pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan.
> 02 Finantzakideak
Jartzen € 600
5 leku prestakuntza-ikastaroan
Bost leku gure CUIDAdano ad-hoc ikastaroan. Bi orduko iraupena edukiko du, CUIDAdano atari bat diseinatzen ikas dezazun. Tailerra proiektu honetan erabilitako metodologia lantzeko hastapeneko prestakuntza izango da: etnografia eta baterako diseinua, zure proiektu pertsonaletan aplika ditzazun, +CUIDAdano atariko eskuliburua, paperean idatzia, +4 CUIDAdano pegatina, +Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan.
> 01 Finantzakideak
Jartzen € 1.000
Aholkularitza proiektua zure auzunean ezartzeko.
Etnografia aplikatuko ikastaro espresa, eta zuen ataria CUIDAdano atari bihurtzeko aholkularitza. (Gipuzkoan bada, gu joango gara zuk esaten duzun lekura prestakuntza ematera. Beste nonbait bada, tutoretza proposatzen dizugu, bideo-konferentzia bidez). Aintzatespena aipamen berezia eginez blogean eta CUIDAdano atariko eskuliburuan, proiektuarekiko pertsona edo erakunde ongileentzat gordetako lekuan.
> 00 Finantzakideak

Proiektu honi buruz

Co-diseño, prueba piloto en un vecindario y creación del Manual "Portal CUIDAdano". Como fomentar la idea de ciudadanía corresponsable de los cuidados de vecinas-os (CUIDAdanía)
Eginkizuna Minimoa Hobezina
Komunitate parte hartzailea identifikatu
Donostialdeako hainbat ataritako zenbait pertsonekin (aldez aurretik aukeratuak) hitz egingo dugu, haien premiak hobeto ezagutzeko eta CUIDAdano atariaren proba pilotuan parte hartuko duena aukeratzeko.
€ 800
Lehen zabalpena: bilera
Komunitatea identifikatuta, proiektuaren lehen zabalpena egingo dugu. Komunitate osoari lehen bilera egiteko deia egingo diogu. Bileran, proiektuaren berri emango diegu. Halaber, motibazio-kanpainarako kartelak diseinatu, inprimatu eta jarriko dira, flyer-ak banatuko dira, eta abar.
€ 890
INGURUA EZAGUTU: INKESTAK
Aukeratutako komunitateko pertsonen premiak antzemateko, lineako eta lineaz kanpoko inkestak egingo dira, eguneroko lanak, gustuak, jarduerak... zein diren ezagutze aldera. Hortik, auzokideen artean egon daitezkeen lankidetza-aukerak antzeman ditzakegu. Horrela, auzokideei laguntzeko zerbitzua diseina dezakegu.
€ 520
Baterako sorkuntza-prozesua
Aldez aurretik lortutako informazioa abiapuntu hartuta, baterako sorkuntzarako tailer bat egingo da komunitateko kideekin. Tailer horretan, denen artean, lankidetza-aukerak bilatuko dira auzokideen artean, eta auzokideen laguntza-zerbitzuaren zirriborroa egiten hasiko gara.
€ 1.670
Analisia
Fase honetan, proiektuaren urrats guztietan jasotako datuak aztertuko ditugu, eta CUIDAdano atariaren eskuliburuaren zirriborroan laburbilduko ditugu. Halaber, antzeko proiektuetan lan egiten duten taldeekin kontrastatuko dugu, aipatu eskuliburua osatze aldera.
€ 460
Emaitzak argitaratu eta zabaldu
Azken fase horretan, CUIDAdano atariko eskuliburua bukatuko dugu. Halaber, beharrezkoak diren bideo eta material guztiak editatuko dira, nahi duen edozein ataritarik prozesua aplikatzeko gida erraz bat sortze aldera.
€ 1.170
Emaitzen argitalpen eta zabalpen premiuma
Materialen maketazio eta inprimatze premiuma Domeinu propioko eta diseinu profesionala edukiko duen web orria sortu. Bideoen edizio eta materialen diseinu profesionala
€ 1.980
KOMUNITATE PARTE HARTZAILEA OSOKI IDENTIFIKATU
Pertsonekin hitz egiteaz gain, hainbat interes-talde elkarrizketatuko ditugu, aniztasunik gehien jasoko duen komunitatea albait hobekien aukeratzeko, errealitatera albait gehien egokituko den prototipoa burutze aldera.
€ 355
LEHEN ZABALPENA: TAILERRA
Komunitatea identifikatuta, proiektuaren lehen zabalpena egingo dugu. Komunitate osoari baterako sorkuntzako tailer baterako deia egingo diogu. Prestakuntza 'express' baten bidez, pertsona guztiak motibatuko ditugu prozesuan parte hartzeko.
€ 420
Guztira € 5.510 € 8.265
Nahitaezkoa
Gehigarria

Informazio orokorra

Txakurra paseatzera atera, landareak ureztatu, zaborra jaitsi, haurrekin paseatu, jateko pixka bat gehiago prestatu eta auzokideari ontzitxo batean gorde...

Gurutze Gorriaren Atari Solidarioko taldearen lankidetzarekin, proba pilotu bat egingo da auzune batean, eta auzokideak artatzearen inguruan herritar erantzukideen ideia (CUIDAdanotasuna) sustatzeko baliagarria izango den CUIDAdano atariaren eskuliburua sortuko da. Eskuliburu horrek atarietan, etxadietan, auzoetan, eta bestelakoetan pertsonen onurarako izango diren eguneroko zainketak antolatzeko eta kudeatzeko jarraibideak proposatuko ditu.

Oraingo honetan, atari bateko auzokideekin lan egingo dugu, beren esperientzia sortze aldera. 'CUIDAdano' atariko eskuliburua xumea izango da, eta jarraibideak eta aholkuak jasoko ditu, edozein auzunek CUIDAdanotasuna lantzeko prozesua martxan jartzeko aukera izan dezan. Eskuliburuaz gain, gizarte-prozesu bat bertatik bertara nola antolatzen den erakutsiko duen bideoa prestatu nahi dugu, baita aholkuak uzteko, antzeko bestelako esperientziak igotzeko, eta bestelakoetarako aukera emango duen web orria ere. Horrela bada, aplikazioa xaloa, dinamikoa eta bisuala izango da, eta lankidetzan.

Oinarriko ezaugarriak

Ideia hau beste proiektu batetik sortu zen. Horretan, pertsona talde batengana hurbildu ginen nola bizi ziren eta zer premia zituzten ezagutzeko. Hainbat elkarrizketa eta bisita egin ondoren, jabetu ginen horietako asko bakardadean bizi ziren, eta ez zutela laguntzaile-sare bat ondoan; egoera horrek, kasu gehienetan, kaltetu egiten du pertsona horien bizimodua. Bakardadean bizi ziren pertsona horietako askok aipatu ziguten bazeudela beraiek lagun zezaketen bizilagunak, eta beraiek ere bizilagunak laguntzeko prest zeudela, zerbitzuak, ezagutzak eta bestelakoak elkarri trukatuz.

Proiektu hartatik, ordenagailu bidezko mediku-telelaguntzarako zerbitzu bateko erabiltzaileengandik hurbilen zegoen komunitatea dinamizatzeko asmoa sortu zen, Internet bidezko jarraipenarekin laguntze aldera.

Zergatik ez bultzatu dagoeneko auzunean dauden bitarteko teknologikoen elkarlaneko erabilera, ordenagailuak bakarka erabili beharrean? Zergatik ez erabili laguntza teknologikoa aitzakia gisa gizarte-kohesioa sortzeko? Zergatik ez abiatu premia zehatz batetik (ordenagailu bat erabiltzea kasu) premia guztiak betetzeko baliagarria izango den zerbaitera??? Txakurra paseatzera atera, landareak ureztatu, zaborra jaitsi, haurrekin paseatu, jateko pixka bat gehiago prestatu eta auzokideari ontzitxo batean gorde... Gurutze Gorriaren 'Komunitateko Osasun Sustatzailea eta Atari Solidarioa' izeneko programako taldeak (cruzrojarenteria.blogspot.com.es/p/portal-solidario.html) agerian utzi zigun ideia bideragarria gertatzen ari dela.

Gure atarietan bizi diren pertsonak dira hurbilen ditugunak, eta horiek lagun dezakete erraz eta modu jasangarrian eguneroko zeregin txikietan, auzunean bertan laguntzarako sare solidarioak sortuz.

Beste hainbat eremutara eraman daitekeen prototipoa sortzeko proiektuak honako fase hauek ditu:

  1. ALDEZ AURRETIKO AZTERLANA
    Gurutze Gorriak 2005az geroztik 'Komunitateko Osasun Sustatzailea' izeneko programarekin duen esperientzia, batetik, eta 'Komunika' proiektua, bestetik, baliagarriak izan zaizkigu atarietako jendeak dituen eguneroko ohiturak eta premiak ezagutzeko. Komunitatea eta auzokideen arteko babesa aktibatzeko baterako sorkuntza-prozesuak bultzatuko ditu, batetik, pertsonaren osasunaren jarraipena egiteko zereginetan laguntzea, eta bestetik neskatxak, abereak, landareak eta nolabaiteko bizia izan dezaketen bestelako espezieak zaintzen, brikolajean, sukaldean, erosketak egiten, irakurtzen, paseoak ematen eta festetan laguntzea. Bizilagunei sor eta lagun diezaiekeen guztia.

  2. KOMUNITATE PARTE HARTZAILEA IDENTIFIKATU
    Gurutze Gorriaren 'Komunitateko Osasun Sustatzailea eta Atari Solidarioa' izeneko programako sareari eta 'Komunika' Proiektuko esperientziari esker atari bat identifikatuko da Donostialdean.

  3. LEHEN ZABALPENA

Komunitatea identifikatuta, proiektuaren berri emango da lehenengoz, eta komunitate osoari informazio-bilera baterako gonbidapena egingo zaio (auzokideak, ondoko dendak, eta abar). Bilera horretan, babes-sarearen partaide izateko asmoa duten pertsonak ere identifikatuko dira. Halaber, auzoan eragin izango duten edo auzokoak diren proiektuen/baliabideen beri emango da, horien parte-hartzea estrategikoa izan badaiteke.

  1. INGURUNEA EZAGUTU
    Hirugarren urratsa auzokoen aurrera begirako laguntza-zerbitzua zein ingurunetan landuko den ezagutzea izango da. Horretarako, informazioa biltzeko eta aztertzeko hainbat metodo erabiliko dira. Horiek, aurreko fasean antzemandako premien eta ezaugarrien arabera alda daitezke.

  2. BATERAKO SORKUNTZA-PROZESUA
    Hirugarren urratsean lortutako informazioa abiapuntu hartuta, hainbat emaitza mugatuko dira. Emaitza horiek baterako sorkuntza-tailerra prestatzeko oinarria izango dira.
    Tailer horretara, interesa duten pertsona guztiak deituko dira, baita antzeko esperientziatako eta eredu izan daitezkeen profesionalak ere. Emaitzen aurkezpena abiapuntu hartuta, zerbitzua diseinatzeko proposamenak sortzen hasiko dira, parte hartuko duten pertsonen parte-hartzetik eta elkarreraginetik sortuak.

  3. ANALISIA
    Prozesu osoa garatuta, egon daitezkeen soluzioak kontzeptualizatuko dira. Horretarako, jasotako informazio guztia aztertu beharko dute proiektu hau osatzen duen diziplina anitzeko taldeko kideek. Horrela, antzeman eta ezagutu ahal izango dira zein modu desberdinetan uztartu ahal izango diren premia orokorrak eta zehatzak auzokideen erritmoekin eta erabilgarritasunekin, auzokide horiek guztiek bizi dituzten errealitate desberdinen arabera.

  4. EMAITZAK ARGITARATU ETA ZABALDU
    CUIDAdano atariaren eskuliburua: Prozesuaren emaitzak auzokide-sare edo 'CUIDAdano atari' hori sortzeko urratsetan eta gomendioetan jasoko dira.
    Helburua da eskuliburu hori ikasgai- eta sentsibilizazio-tresna izatea beste komunitate batzuentzat, eta komunitate horiek modu xalo eta dinamikoan aplikatu ahal izatea.

Zerk bultzatzen zaitu eta nori doakio proiektua

Gure motibazioa aldez aurretik landu den 'Komunika' proiektuan antzeman ditugun hobekuntza-aukerei soluzio errealak eta nabariak ematea da, eta, halaber, dagoeneko Gurutze Gorriaren Atari Solidarioak martxan jarria duen gizarte-berrikuntzari jarraipena ematea.

Prozesu horretatik hainbat ondorio atera ditugu, eta horiek bidea eman digute 'CUIDAdano ataria' izeneko proiektu hau proposatzeko:

  • 'Teknologia' kontzeptuak, horrela esanda, gaitzespena sortzen dio pertsona askori. Gainera, pertsona askok ezintasun fisikoa dute ordenagailu bat erabiltzeko, mugikortasun falta nahiz hainbat minusbaliotasun tarteko (sentsorialak edo minagatik).

  • IKTekiko arbuioa sortzen duen alderdietako bat 'pertsonekiko harremana galtzea' da. Kontsultatutako pertsona askorentzat makina batekin elkarreraginean jardutea nahikoa da beldurra izateko. Hori dela-eta, urrutiko komunikazioa lantzeko soluzioen bila, harreman pertsonalak izan beharko luke formularen zati bat.

  • Gure analisian, elkarrekiko oso profil desberdina duten pertsonengana hurbildu gara. Pertsona horiek erabilgarri dituzten baliabideak gorabehera, baliabide horiekiko kontaktua ezartzea, eta horien artean nolabaiteko harreman egotea da pertsona horiek guztiek duten faktore komuna. Alegia, hurbil eta erabilgarri egon daitezkeen pertsonak eta baliabideak baino garrantzitsuagoa da harreman pertsonal bat egotea.
    Hori dela-eta, garrantzitsua da hurbileko harremanak suspertzea, eta harreman horiek erabiltzaileentzat euskarri bihurtzea bultzatzea, osasun-baliabideekin komunikatu ahal izateko. Auzunea funtsezko elementua da horretarako.

Prototipo bat martxan jarri nahi dugu, horretarako baliabide mugatuak eta hurbilekoak erabiliz, aldibereko erantzun bat emateko egun ditugun hainbat erronkari:

  • Pertsonen bakardadeari; batez ere, adineko pertsonengan, baina, oro har, adin guztietan. Berriz ere komunitatean bizi.
  • Herritarrak desgenerizatu; hau da, emakumeak zein gizonak CUIDAdano izan daitezkeela ulertuta.
  • Zainketak bistaratu, pertsonak inplika daitezen, eta horrela beste pertsonen zainketan oinarritutako balioetan eta gaitasun enpatikoetan heztea lortzeko. Horrekin, bestelako herritartasun-eredu berriak eraikiko ditugu (CUIDAdanotasuna), hainbat autore feministak sustatuak.

Prototipo horrekin ekimena aurrerago ere erreplikatu ahal izango da, komunitate gehiagotan, gizarte-eremu gehiagotan, eta abar.

Crowdfunding-eko kanpainaren helburuak

  1. CUIDAdano atariaren eskuliburua sortu, edozein komunitatek, nahi izanda, bere pertsonez arduratzen den auzune bihurtzeko aukera izan dezan.
  2. Web orri bat dinamizatu. Horretan, burutuko diren esperientzien inguruko jarraibideak eta aholkuak emango dira, eztabaidak sortuko dira, bideoak partekatuko dira...
  3. Parte hartuko duten komunitateetako adinekoen eta mendekotasuna dutenen autonomia bultzatu, auzunean babes-baliabide bat diseinatuta.
  4. Babes-harremanetan oinarritutako herritartasun-eredu berriak eraikitzen lagundu.
  5. Parte hartuko duten komunitateak baterako sorkuntzako prozesu batean sartu, babes-baliabidea diseinatzera bideratuko dena.

Aurretiko esperientzia eta taldea

Farapi-Evidentisek urtebete darama lankidetzan 'Komunika' proiektuan: gizarte- eta osasun-zerbitzuen eta horien erabiltzaileen artean komunikazioa egokitzeko proposamenak lantzen. 'Komunika' proiektuan gaixotasunak dituzten eta Donostia Ospitaleko telematika bidezko jarraipen-zerbitzu bat erabiltzen duten pertsonekin egin dugu lan. Gaixo horien jarraipena haien etxeetatik egiteak berrospitaleratzea saihestea ekarri du; horrela, osasun-kostua murrizteaz gain, pertsonen eta horien ingurukoen bizi-kalitatea hobetu da.

'Komunika' proiektuak pazienteen eta ospitalearen urrutiko komunikazioa hobetzeko bestelako formulak bilatu ditu, erabiltzaile horien errealitateetara egokituak. Proiektua garatuta, hainbat jarduera-ildo sortu dira, jarraipena izan dezaketenak. Horietako bat erabiltzailearekiko hurbilen dagoen komunitatea (bizilagunak) dinamizatzea izan da, premiak betetzen laguntze aldera. Proiektuak Miarritzen 2013an egin den CONFERE nazioarteko kongresuan INRIE fundazioaren saria jaso du.

Farapi-Evidentisek hamar urte daramatza gizarte-inpaktua sortzen duten proiektuak lantzen: generoa, mugikortasuna, partaidetza, giza- eta osasun-zerbitzuak. Taldea zortzi lagunek osatzen dute, hainbat diziplinetan esperientziadunak: antropologian, produktuen eta zerbitzuen diseinuan, ingeniaritza.

Taldea osatzen dugu Nere, Araitz, Ana, Bego, María, Lucía eta Evak. Halaber, laguntza emango digute José Antonio Fernándezek eta Maider Gonzálezek, Gurutze Gorriaren 'Komunitateko Osasun Sustatzailea eta Atari Solidarioa' programakoek. Eta orain, zuk ere bai.

Compromiso social