ROCKY HORROR BANG BANG SHOW

Imagen de cabecera
Ikusi bideoa
  • Eman € 5

    BIRJINA ZARA?

    Guri buruz zerbait iritsi zaizu. Planak erakartzen zaitu, baina zergatik edo hargatik ez zara Bang Bangeko saio batera inoiz agertu…

    Ekarpen honekin gure betiereko eskerrak izango dituzu eta gainera posta zerrendan sartuko zaitugu, saio berrietarako sarrerak noiz saltzen diren beste inork baino lehen jakin dezazun. Nork daki? Beharbada horrela estreinatuko zara…

    > 00 Aldi bereko finantzakideak
  • Eman € 12

    ZURE ZENBAKIA EMANGO?

    Ezagutzen gaituzu. Agian gustukoak gaituzu ere. Baina oraindik gehiagorako unea iritsi ez dela uste duzu eta hobeto ezagutu nahi gaituzu. Beraz, zera egingo dugu: hemen duzu gure telefono zenbakia. Gera gaitezen egun batean eta gero ikusiko dugu...

    Aukera honek hau du barne:

    Abenduaren 29ko saiorako sarrera bat (Rocky Horror Bang Bang Show)
    Opari bat
    Gure betiereko eskerrak

    > 45 Aldi bereko finantzakideak
  • Eman € 18

    EA ZEOZER LORTZEN DUDAN…

    Gogoz zaude. Bang Bangeko gogoz, zinemaz eta “lo que surja”. Zineak, antzerkiak, krispetek eta garagardoek itxura ona dute, baina festarik gabe ezin plana nahi bezala amaitu... Ulertzen dugu.

    Horregatik, aukera honekin zera daukazu:

    Abenduaren 29ko saiorako sarrera bat (Rocky Horror Bang Bang Show)
    Egun berean “Esan agur urteari Bang Bang-en eskutik” festarako sarrera bat + 2 edari
    Opari bat
    Gure betiereko eskerrak

    > 45 Aldi bereko finantzakideak
  • Eman € 24

    LEHENENGO ZITA

    Plana gustukoa duzue, baina konpromisorik gabe. Zinea eta kitto. Festarik ez, gero gauzak nahastu egiten baitira batzuetan eta lasaitasunez hartu nahi duzue.

    Argi dago, hau da zuen aukera:

    Abenduaren 29ko saiorako 2 sarrera (Rocky Horror Bang Bang Show)
    2 opari
    Gure betiereko eskerrak

    > 50 Aldi bereko finantzakideak
  • Eman € 36

    GAU BATEKO KONTUA

    Ez izan lotsarik. Martxa gustatzen zaizue eta abenduko planak itxura bikaina du, baina ez duzue konpromisorik nahi. Beste batean ikusiko dugu elkar berriz. Edo ez…

    Ados. Guk ez dugu inongo oztoporik jarriko. Izan ere, gauzak asko erraztuko dizkizuegu aukera honekin:

    Abenduaren 29ko saiorako 2 sarrera (Rocky Horror Bang Bang Show)
    Egun berean “Esan agur urteari Bang Bang-en eskutik” festarako 2 sarrera + 4 edari
    2 opari
    Gure betiereko eskerrak

    > 30 Aldi bereko finantzakideak
  • Eman € 39

    ERLAZIO BAT NAHI DUT

    Filma eta antzerkia nahi dituzu. Baita festa ere, baina hurrengo egunean goiz jaiki behar zara, eginbeharrak dituzu… Laburrean, ezin zara festara geratu. Ez da ezer gertatzen. Ulertzen dugu.

    Hori bai, ez duzu Bang Bang Zinemaren denboraldia galdu nahi. Nola ez zara joango egutegian gorriz datak markatuta badauzkazu eta hurrengo saiorako falta diren egunak kontatzen bizi bazara? Ba sarrerarik gabe gelditzeko beldurraz ahaztu.

    Aukera honekin hurrengo saioetarako sarrerak bermatuta izango dituzu, eta horretaz gain:

    Abenduaren 29ko saiorako sarrera bat (Rocky Horror Bang Bang Show)
    Otsailak 9, apirilak 13 eta ekainak 8ko saioetarako abonua
    Opari bat
    Gure betiereko eskerrak

    > 25 Aldi bereko finantzakideak
  • Eman € 45

    DEN-DENA NAHI DUT

    Ez duzu ezer galdu nahi. Eta ez da harritzekoa, gero damutuko baitzara. Filmak nahi dituzu, festa nahi duzu. DENA nahi duzu. Zuk Bang Bang Zinemaren goiburua argi duzu: “Bertan ez
    bazaude, galdu egingo duzu”.

    Baina aukera honekin lasai baino lasaiago egon zaitezke, guzti hau zurea izango baita:

    Abenduaren 29ko saiorako sarrera bat (Rocky Horror Bang Bang Show)
    Egun berean “Esan agur urteari Bang Bang-en eskutik” festarako sarrera bat + 2 edari
    Otsailak 9, apirilak 13 eta ekainak 8ko sesioetarako abonua
    Opari bat
    Gure betiereko eskerrak

    > 46 Aldi bereko finantzakideak
  • Eman € 78

    ZURE GURASOAK EZAGUTU NAHI DITUT

    Argi daukazue. Zuena serioa da, baina momentuz muga batzuk jarri dituzue (ez duzue festarik nahi). Hori bai, antsietatez itxaroten duzue zita bakoitza: ardurarik gabeko gau hori, bi hilabetero.

    Beno, ba ezustekorik egon ez dadin, hona hemen zuen plana denboraldi osorako:

    Abenduaren 29ko saiorako 2 sarrera (Rocky Horror Bang Bang Show)
    Otsailak 9, apirilak 13 eta ekainak 8ko saioetarako 2 abonu
    2 opari
    Gure betiereko eskerrak

    > 15 Aldi bereko finantzakideak
  • Eman € 90

    DENA NAHI DUGU

    Noski baietz. Guk ere dena nahi dugu. Bang Bang-ek engantxatu egiten baitu eta beti gehiago nahiko zenukete. Saioak nahi dituzue. Festa nahi duzue. DENA nahi duzue. Ondo sentiarazten gaituen horretaz ez baitugu nahikoa inoiz.

    Ba zuek dena eskatzen baduzue, guk dena emango dizuegu. Hona hemen zuen aukera:

    Abenduaren 29ko saiorako 2 sarrera (Rocky Horror Bang Bang Show)
    Egun berean “Esan agur urteari Bang Bang-en eskutik” festarako 2 sarrera + 4 edari
    Otsailak 9, apirilak 13 eta ekainak 8ko saioetarako 2 abonu
    2 opari
    Gure betiereko eskerrak

    > 20 Aldi bereko finantzakideak

Proiektu honi buruz

Zinearen eta antzerkiaren behin betiko fusioa zuzeneko ikuskizun ahaztezina.

Beharrak Eginkizuna Gutxienekoa Hobeezina
Proiekzioaren artxiboa
Publikoaren parte-hartzerako artxiboaren sorkuntza
€ 150
Malabrigo Antzerki Konpainia
10 aktoreen parte-hartzea saioa dinamizatzeko
€ 2.000
Aurkezpena
Aurkezlearen ordainsaria eta aurkezpenerako elementuak
€ 300
Convent Gardenean egingo den festa
Saioaren ostean Convent Gardenean egingo den edukiera mugatuko ebentoa, musika eta ustekabe ezberdinek girotuta
€ 1.000
Aurkezpen festa
Kutxa Kultur Plazan egingo den proiektu-aurkezpen festaren antolakuntzaren kostea
€ 600
Langilego laguntzailea
Langilego tekniko eta logistikoaren kontratazioa Rocky Horror Bang Bang Show saioarentzat
€ 1.300
Laburpen bideoa
Gauean zehar gertatuko (ia) guztia jasoko duen kliparen grabazio eta muntaia, gizalde eta gizalde guztierako gordeta gera dadin.
€ 600
Sopresak eta opariak
Bertaratutakoen artean banatutako opari txikiak, gaua are bereziago eta ahaztezinago izateko
€ 1.500
Beharrak Materiala Gutxienekoa Hobeezina
Photocall
Rocky Horror Picture Show unibertsoan oinarritutako photocall-aren diseinu, ekoizpen eta muntaia
€ 600
Sariak
Ekarpen ezberdinen sarien material ezberdinen kosteak
€ 5.710
Beharrak Azpiegitura Gutxienekoa Hobeezina
Plataformaren gastuak
Goteo plataformaren gastuak eta bankuaren komisioak
€ 1.000
Plataformaren gastu optimoak
Goteo plataformagatik eta banku komisioengatik gastu estrak
€ 150
Guztira € 12.660 € 14.910
Nahitaezkoa
Gehigarria

Informazio orokorra

Oraingo honetan zinema eta antzerkia zuzeneko ikuskizun batean uztartu nahi ditugu. Bilboko Malabrigo Teatro konpainiak lantzen duen “The Rocky Horror Picture Show”-az ari gara. Zuzeneko emanaldia Antzoki Zaharrean, abenduaren 29an, izango litzateke.

  1. hamarkadan Broadwayen izandako arrakastaren ondorioz, “The Rocky Horror Show” mundu osoko eszenatokietan egoten jarraitu du. Espektakuluak izen berdineko kultuzko musikal glam eta lotsagabe batean funtsatzen da: Z serieko film bati omenaldia da, non zientzialari trabesti batek Frankenstein ilehori eta gihartsu bat sortzen duen.
    Filmaren eta antzerkiaren arrakastak “The Rocky Horror Picture Show - Audience Participation” ikuskizuna bultzatu zuen. Horretan, 70. hamarkadako filmaren proiekzioaz gain, antzerki konpainia batek antzezpen bat egiten zuen publikoak parte hartu ahala (publikoari atrezozko osagarriak eta beste konplementu batzuk ematen zizkioten).
    Dibertsioa, sormena, giro ona eta abesti bikainak zinema eta antzerkia uztartzen dituen aparteko ikuskizuna, non funtzio bakoitza errepikaezina izango den. Hau da, Bang Bang Zinema bere osotasunean.
    Baina Bang Bang Zinemak prestatutako saio hain berezi honek gehiago eskaintzen du oraindik. Ikuskizuna eta filma bukatzean, Convent Gardenen festa bat egingo dugu. Umorez, zuzeneko musikaz, opari eta jardueraz beteriko festa izango da. Eta une bat bereziki azpimarratu behar da: “kanpai-hots bangbangeroak”. Bang Bang estiloaz blai urteari agur esateko moduz ezin hobea.

Oinarrizko ezaugarriak eta helburuak

Gure helburuekin osoki bat datorren proposamena da hau, geure formula bereziaren bidez hazten lagunduko gaituena: zinema ekitaldi kultural partekatua eta parte-hartzailea bihurtzea, aldi berean kultur kontsumo ohitura geroz eta indibidualista eta isolatzaileei aurre eginez.
Guretzako, zinemara joatea festa bat da, elkarrekin gozatzeko aukera. “The Rocky Horror Bang Bang Show”-arekin helburu honi bultzada berria emango diogu, publikoari saio ezberdin eta errepikaezinetan guztiz murgiltzeko aukera emanez, zinema bizitzeko modu diferentea eskainiz: umorea, giro ona eta parte-hartzea giltzarri direlarik.
Denboraldi guztietan zehar Bang Bang Zinema antzoki batean egin da, eta ikuskizun honekin gure egoitza den Antzoki Zaharraren onurak guztiz aprobetxatzea dugu xede, ikuskizun eszeniko dibertigarri eta lotsagabe batekin, zeinetan publikoa bereziki nabarmenduko den.

rocky-horror-malabrigo-bilbao.jpg sesion-4x01-mikel-001.jpg

Zerk bultzatzen zaitu eta zeini zuzenduta dago proiektua

Proiektua zerbait gehiago nahi dutenei zuzenduta dago, zinema saio klasiko baten ordez esperientzia kultural bateragarri bat bizi nahi duen orori hain zuzen.
Antzerkiaren eta filmaren emanaldien bateratzea guk zinemari buruz daukagun ideiarekin bat dator, hau da: zinema ahal bezain esperientzia zabala izan daitekeela; aretoan bertan sartzearekin soilik, elementu guztiak ikuslearentzat gertakizun errepikaezina sortzera zuzenduta egon behar dute.
Geure zinema-gertakizun formulari urteetan zehar mundu osoan maila goreneko aktoreek antzeztutako espektakulu hau eranstea, Bang Bang Zinema planteatzen dugun moduaren ondorio logikoa da: galdu nahi ez dugun aukera bat.

sesion-4x03-enusoy-011.jpg img-9552.jpg

Aldez aurreko esperientzia eta taldea

2018/2019an Bang Bang Zinema bere bosgarren denboraldian dago, orain arteko 18 saioen arrakastak proiektua hiriko eskaintza kulturalean errotu duelarik. Datu soil batek esandakoa ondo azaltzen du: azkeneko 12 emanaldietan sarrerak agortu egin dira. Aurreko lau denboraldietan zinema-gertakizun bilakatzeko formula jorratzen joan gara, filmaren proiekzioaz gain ekitaldi ezberdinak antolatuz, eta beti ere publikoa bereziki protagonista izatea bilatuz. Lan horren fruitua komunitate bangbangero gero eta zabalago bat da.
Bang Bang Zinema osatzen dugunon muina ez da jadanik familia-antzeko talde txiki batera murrizten, baizik eta kolaboratzaile gartxu eta desinteresatuez jositako sare batera. Horiek gabe proiektua ez litzateke posible izango.
Eremu ezberdinetatik eratorriak, beti ere kulturaren arloarekin lotuta, eta zinemarekiko pasioa eta esperientzia kulturala ulertzeko moduak elkarturik (originaltasuna, parte-hartzea, dibertsioa, baliabideen aprobetxatzea eta komunitatearen laguntza), bakoitzak bere ikuskera eta egiteko modu ezberdinak gehitzen dizkio beti erronka berriei aurre egiteko prest dagoen proiektu ireki honi. Erronka horiek, halaber, koordinatutako eta kolektiboki kudeatutako sare horri esker soilik aurrera eraman ditzakegu.

sesion-4x01-mikel-010.jpg bbz-4x04-mikel-003.jpg

Giza konpromezua

Objetivos de Desarrollo Sostenible

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles