Joan zen ekainaren 30ean itxi zen CROWDSASUNAren deialdi publikoa, Innobasquearekin abian jarri den finantzaketa kolektiborako ekimena, euskal gizartearen osasun-maila eta bizi-kalitatea hobetzen laguntzeko proposamen berritzaileak egiteko helburua zuena.

 1.200 bisita baino gehiago jaso ditugu, eta horregatik eskerrak eman behar dizkizuegu parte hartu duzuen guztioi ekimena zabaltzen, bertan kolaboratzen... Oso atsegingarria izan da zuekin guztiokin lan egitea.

Baina CROWDSASUNAk aurrera jarraitzen du; euskal lurraldeetatik etorritako 47 proposamen jaso ditugu, eta horietatik 26k erregistro-prozesu osoa burutu dute.  Jasotako ekimen guztiak oso interesgarriak, oso berritzaileak eta, batez ere, oso beharrezkoak izan dira; baina horietatik 5ek bakarrik dute aukera 2013ko urriaren 1ean hasiko den crowdfunding kanpainan sartzeko. Prest zaudete guztiok?

Hona hemen CROWDSASUNArako aukeratutako 5 proiektuak:

  • La ciudad de las niñas y los niños/Neska-mutikoen Hiria, aurkezleak: Emaús Movilidad Sostenible eta DEUSTOTECH: serious game bat, haur eta gaztetxoek etxetik eskolara egiten duten bidean mugikortasun iraunkorra sustatzeko, eta horretan komunitate osoa nahasteko.
  • Gimnasio Emocional/Emozioen Gimnasioa, aurkezlea: Asociación Vasca Pro Salud Mental - ASVASAM- Osasun Mentalaren Aldeko Euskal Elkartea: Gure burua eta gure emozioak entrenatu eta lantzeko, erregulatzen ikasteko, egunerokotasunean duten erabilgarritasuna eta esanahia ulertzeko... leku bat da.
  • Sistema mundial de vigilancia toxicológica pediátrica en urgencias/Larrialdietan zaintza toxikologiko pediatrikoaren mundu-sistema, aurkezlea: Gurutzetako larrialdi pediatrikoetarako taldea, Santi Mintegik koordinatua: munduan dauden intoxikazio pediatriko akutuen artean egon daitezkeen ezberdintasunen ikerketa eta ebaluaziorako ekimen bat, horrela prebentzio-neurri eraginkorragoak diseinatu ahal izateko.
  • Bicicletas para todos/Bizikletak guztientzat, aurkezlea: Burdinkleta: Proiektu honek bizikleta egokituak bilatu nahi ditu dohainik lagatzeko Bizkaiko Burdin Mendiak bide berdean, leku hartan dagoelarik enpresa.
  • CUIDAdano ataria, aurkezlea: Farapi Evidentis: Auzoko artean laguntza-sare bat eraikitzeko gida, “cuidadanía” (edo “zaindutasunaren”?) ideia indartuko duena, hau da, herritarren erantzunkidetasuna herrikideak zaintzeko, eta atari, etxe sail eta auzuneetan zaintza- eta laguntza-sare bat ezartzeko jarraibideak proposatuko dituena.

Orain aukeraturikoen izena ezagutzen duzunez, ez zalantzarik izan, urrian beraiekin kolaboratu ahal izango duzu GoteoEuskadiren webgunean egin dezakezun mikrofinantzaketaren bidez.