Hirugarren urtean segidan, Gipuzkoako Foru Aldundiak eta Goteo fundazioak META! abiarazi dute, Gipuzkoako leku desberdinetatik datozen 15 kultura proiektu gauzatzen dituen ekimena.

META!  kofinantzaketako modu berritzaile bat da, izena duena matchfunding: erakunde funtsek -70.000 arte- proiektuek mikro-mezenazgoaren bidez (crowfundigaren bidez) biltzen dituzten funtsak osatzen dituzte.  Alegia, herritar bakoitzak ematen duen euro bakoitzeko, Aldundiak beste euro bat jartzen du, ekarpen horren balioa biderkatuz.

Formula horrekin berarekin, aurreko bi edizioetan 300.000 euro bildu ziren 36 kultura proiektu finantzatzeko, eta arrakasta globalak % 97 izan zuen. Arrakasta handia beraz, ahalbidetu dutenak Amarenak: historias que se llevan puestas eta antzeko proiektuak gauzatzea, eta oihartzuna eta ikusgarritasuna lortzea.

Gaurtik aurrera, 15 proiektuek 40 egun dituzte gutxieneko diru kopurua biltzeko, hartara proiektua gauzatzeko; lortzen badute, bigarren fasera pasako dira, eta 20 egun gehiago izango dituzte dirua biltzen jarraitzeko eta aurrekontu egokia lortzeko. Eskatzen den batez besteko aurrekontua 7.756 euro da, eta egokia 13.498 euro.

Ekimenak, honaino iristeko, prestakuntza eta aholkularitza tarte trinko bat igaro dute. Hori Goteoren aholkularitza taldeak eskaini die, eta bertan talde sustatzaileei proiektuen aurkezpena hobetzen lagundu zaie eta gako batzuk lantzen, esan nahi baita komunikazioa eta sariak, hartara kanpainen arrakastarako aukerak handitzeko.


Proiektuak

Ko-finantzaketa kanpainak abiatu dituzten proiektuak dira:

    1. Rocky Horror Bang Bang Show. Zinema eta antzerkia ikuskizun berean, Donostiako Antzoki Zaharrean. Kultur ekitaldi parte hartzailea eta partekatua.

    2. Epikultur. Kultura inklusiborako bidean, programa honek proposatzen du epilepsia duten pertsonei kulturara iristeko eta kulturaz gozatzeko aukera ematea.

    3. Amalur: garapen jasangarrirako musika. Tokiko eragileekin batera 10 abesti original sortzeko proiektu bat da, Nazio Batuen Erakundeak 2030erako aurreikusitako garapen jasangarriko helburuetan inspiratuta. 

    4. Exposición por cese. Erakusleihoak inbaditzea kontzientzia sortzeko. Hausnarketarako gune bat hiriko erdiguneetako merkataritza errealitatearen erdian.

    5. Zinebai: Zine irisgarria euskaraz. Euskarazko zinema irisgarriaren lehen erakusketa zentzumen desgaitasuna duten pertsonentzat, asmo argi batekin: zinemak pertsona guztiak elkartzea.

    6. «Matxitxakoko heroiak» dokumentala. Matxitxako lurmuturreko 1937ko bataila epikoaren kontakizunaren bitartez, azaltzen du zer izan zen Euzkadiko Gudontzidia, eta bizirik dirauen azken kidearen bidez egiten du:    Juan Azkarate.

    7. Goazen Antzerkira. Umeentzako antzerki profesional ibiltariko kanpaina bat, 1.500 biztanletik beherako udalerrietako ikastetxeei zuzendua. Hemen ere badugu antzerkia!

    8. Käffka. Kamikaz Kolektiboak, Gehituren laguntzarekin, nerabeei zuzendutako euskarazko antzezlan lesbiko bat prestatuko du, emakumeen arteko amodioaren ikuspegi positiboa eta normalizatua eskaintzeko.

    9. Modu Eskola : Duseinua, Joskera eta Moda.  Diseinuak lagun dezake ederragoa den eta esanahi gehiago duen mundu bat sortzen. Helburu horrekin, espazio bat ekipatu nahi da arropa eta bestelako ehun-gaiak sortzeko: DIY, Arts & Crafts y mucho más.

    10. Aztarnak - Huellas. Dokumental formatuko hausnarketa bat, gure bizitzako lehenengo urteek, baita umetoki barneko bizitzak ere, utzitako arrastoen inguruan. Ahaztutako leku horretara egindako bidaia pertsonal bat.

    11. Miles Along, ALL ROADS. Asmoa ez da artile merinoz egindako kamisetak ekoiztea bakarrik, baizik eta jasangarritasunean eta bidezko merkataritzan oinarritutako mikroekoizleen sare bat sortzea. Mailakagarria ez den ekoizpen helburua, jarduera duina eta arduratsua bermatzeko. Hori da slowfashion.

    12. Roman y Julieta. Shakespearek Romeo eta Julieta idatzi zuenean, bi gazteen sentimenduekiko gizarte intolerantziaz eta desegokikeriaz hitz egiten zigun. Eta zer gertatuko litzateke maitasun hori (eta gatazka hori) hirugarren adinean kokatuko bagenu.

    13. Desde 1,50. Mugitzeko arazoak dituzten pertsonei aukera ematea eta beharrezkoak diren tresnak eskaintzea, argazkiak modu autonomoagoan ateratzeko. Ustezko urritasun fisikoak "zuzendu" beharrean, parte hartzea eta inklusioa optimizatzen lagunduko duten tresnak jartzea.

    14. Difusión "HILOS". Madejas contra la violencia sexista proiektuaren bigarren zatia, indarkeria sexistaren prebentzioa agerian jarri nahi duen kilometro askoko pieza artistikoa. Ikus-entzunezko lana zabaldu eta banatzeko garaia da!

    15. Genopharus sp. Ekintza parte-hartzaile bat DNA aztarnak, denboraren kapsulak eta faroak batzen dituena. Eta balioez hitz egiten du: aniztasuna, eta gure herentzia eta gure ingurua ulertzea.

Orain bai: Lagundu kultura eta biderkartu x2!