Aurreko astelehenean, azaroaren 16an, PiztuMeta! 2020 egitasmoaren 15 proiektuek amaitu zuten crowdfunding kanpainen lehen txanda, sutsuki ospatuz proiektu guztiek gutxieneko finantzaketa helburua lortu zutela! Herritarren babesak eta matchfundinaren eragin biderkatzaileak agerian utzi dute, aurten ere, deialdia oso errotuta dagoela Gipuzkoan eta kulturak toki nabarmena duela gipuzkoarren artean.
40 egun zenbatekotan laburtuta:
40 egun horietan 135.456 € bildu dira, horietatik 70.000 euro Gipuzkoako Foru Aldundiko Kultura Departamentuak jarri ditu eta gainerakoa herritarrek, aurkeztutako ekimenei babesa emanez. Baina zure laguntza oraindik ere ezinbestekoa da zenbateko horrek gora egin dezan eta, horrela, proiektuek zenbateko hobeezina lor dezaten🌟.
Gainera lehengo fase horretan, kanpainek, guztira, 1.193 dohaintza jaso dituzte! Herritarrek egin dituzten ekarpenen «top hirua» kanpaina hauek osatzen dute: sailkapenaren buruan, 🥇Crack soinua herritarren 215 ekarpenekin, jarraian, 🥈Zinema lekuak 116 dohaintzekin eta hirugarren tokian, berriz, 🥉Dis-like eta 🥉Eskuminak daude 91 ekarpenekin.
Eta zer gehiago gertatu da?
Topaketak 1. fasean. 👩💻🧑💻 👨💻 👩💻
Bizi dugun ohiz kanpoko errealitate horren aurrean, aurten, Goteok ahalik eta gertuenetk lagundu nahi izan ditu proiektuak, eta gune batzuk eskuragarri jarri ditu elkarlanean aritzeko, iritziak kontrastatzeaz, dudak argitzeaz edo gomendioak partekatzeaz gain, lankidetza eta proiektuen arteko loturak sor ditzagun, elkarren arteko laguntza indartu eta ekimenen arteko epe luzeko harremanak eratze aldera.
Lehenengo topaketa telematikoa, urriaren 16an izan genuen, kanpainak abiarazi eta astebetera, estreinaldia nola joan zen lehen eskutik ezagutzeko. Oro har, taldeek balorazio positibo egin zuten hasieran, emozioen nahasketa bat transmititzen zuten, poztasunetik hasi eta urduritasuneraino iristen zirenak, galdera asko sortu ziren, baina gehienak kanpainen funtzionamenduaren eta kudeaketaren ingurukoak izan ziren.
Urriaren 30ean gure bigarren topaketa digitala burutu genuen, orduan proiektuek kanpainen erdialdea gainditu berri zuten, eta proiektuen kezka gehienak ez zuten zerikusirik lehenengo bideo-deian jorratutako gaiekin. Oraingo honetan, haien kezka kanpainen komunikazio eta hedapenen estrategia berriak aurkitzea baitzen. Gainera, sustatzaileek ere agerian jarri zuten kutsatze bolada berriak eragindako inpaktua, herritarren babesak jasotzea geldiarazten ari baitzen.
x3 Gramifikazioa 🧞♂️ 🧞♀️🧞
Aurreko edizioetan bezala, aurten ere gramifikazioa izango dugu! Zuetako batek ez baduzue oso ondo ezagutzen gramifikazioaren funtzionamendua, jarraian labur-labur azalduko dizuegu: Goteo taldearen irizpidearen arabera 24 eta 28 ordu bitarteko 3 une puntual aktibatzeko 1€-tik 1€-ra bitarteko proportzioa aldatu egiten da eta biderketa 2€ izan beharrean, 3 izatera pasatzen da. Hau da, pertsona batek proiektu bati 100€ ematen badizikio, Aldundiak 200€ gehituko dizkio, horrela, proiektuak guztira, 300€ jasotzen ditu.
Noiz aktibatu genuen x3 gamifikazioa?
👉Urriaren 3ko goizeko 10:00etan hirukoiztea aktibatu genuen lehen aldiz, herritarrek proiektuei egindako ekarpen guztiak bikoiztu beharrean, salbuespenez, hirukoiztu egin baitziren 24 orduz. Mugak bikoizketaren berdinak ziren, hau da, pertsona bakoitzak proiektu bati egindako lehen ekarpena bakarrik hirukoizten zen, 100 euroko gehieneko zenbatekoarekin. Gamifikazioa aktibatuz 9 kanpainek gutxieneko aurrekontua lortu zuten, eta aurretik lortu zuten beste bi kanpainak gehituz, 4 proiektu baino ez ziren geratu aurrekontu hori lortzetik gertu.
👉Kofinantzatutako 11 proiektuak buru-belarri saiatu ziren lortu ez zuten proiektuak zabaltzen eta babesten; hala, azaroaren 14an, lehen txanda amaitu baino 2 egun lehenago, guztiek lortu zuten euren helburua, eta, beraz, 48 orduz, berriz aktibatuko da x3, egindako lanaren sari gisa. Zorionak berriro guztioi👏🥳!
Javier Carrillo Palacios 
Goteo 