365 HILOS DE SORORIDAD

CROWDFUNDING KANPAINAREN HELBURUAK
Eguneroko ehuntze lanaren bitartez, indarkeria sexista deuseztatu dadila aldarrikatzeko modua topatu zuten emakume anonimoen historia kontatu nahi dugu. Haientzat ikusgarritasun publikoa eta aukera berriak zabaltzea ekarri zuen ehuntzeak, bidaiatzera eta beste emakume batzuekin sareak sortzera eraman zituen. Sareak denboran zehar jarraitzen du, eta sororitate begiztekin indartzen da egunero.
Dokumentala MATAZAK egitasmoan parte hartzeko gonbita izan dadin nahi dugu, eta emakumeok pairatzen dugun indarkeriaren inguruko gogoeta sakona egiten lagundu dezan ere bai. Besteekin topatzetik, ehuntzeko gaitasunean biltzen diren era eta ikuspegi anitzetatik sortzen gogoeta izan dadin nahi dugu. Baina ez soilik hariak ehuntzeko gaitasunean, isiltasuna hausteko eta besteekin topo egiteko mezu bilakatzen diren hitzak ehuntzekoa ere bai.
Dokumentala 2018 urtean zehar filmatuko da, begiztak bidaiatzen duen lekuetan zehar, prozesuak eta aldarrikapenak azaltzeko eta ikusgarri egiteko. Horretarako, emakume protagonistei ahotsa emateko abenturan lagunduko gaituen talde teknikoari ordaindu nahi diogu.

MATAZAK EGITASMOAREN JARDUERA 2018AN
• Begiztaren mantenu, neurketa eta paketatze lanak, topaketa lekuetara bidaltzeko.
• GIPUZKOA BERDINTASUNA EHUNDUZ 2018 egitasmoa aurkezteko Astigarragako Udaletxean egindako prentsaurrekoa. 2018ko martxoa.
• Fuenlabradako "CLARA CAMPOAMOR, PENTSAMENDU FEMINISTAREN ESKOLA" V. JARDUNALDIAK, apirilaren 26 eta 27an (Marcela Legarde eta Amaia Valcárcel-en parte-hartzearekin, besteak beste). 700 emakumek eman dute izena.
• Topaketa UGENA-n, TOLEDON, 300 emakume ingururekin elkartuko gara apirilaren 27, 28 eta 29an.
• OLATU TALKA DONOSTIAN, maiatzaren 26 eta 27an, Zuloaga plazan hiritarrekin ehuntzen egongo gara.
• MATAZAK SUEDIARA joango da ekainean (WANAS FOUNDATION, KNISLINGUE-n).
• ONDAREAREN INGURUKO EUROPAKO JARDUNALDIAK, aurtengo gaia: Ondarea, emakume oinordetza. MATAZAK PASAIAKO MATER MUSEOAN (itsasontzi atunketaria) egongo da urrian.
• EMAKUMEEN AURKAKO INDARKERIA DEUSEZTATZEKO NAZIOARTEKO EGUNEAN, azaroaren 25ean, egitasmoaren alde kanpaina egin duten Gipuzkoako udalerrietan zehar ibiliko gara.
• Urtean zehar ekitaldi gehiago sor daitezke...

MATAZAK EGITASMOAREN HELBURUA BATASUNARI ESKER GAUZAK ALDATUKO DITUEN SARE HORI EHUNDU ETA ZAINDU.
MATAK LANAREN ARDATZAK:
Hiru ardatz lantzen ditugu:
• Emakumeen ahalduntzea (nola heltzen den tamaina honetako egitasmo bat izatera, esperientzia pertsonalak...).
• Indarkeria Sexistaren kontrako borroka (datuak, hildako emakume guztien eta horien seme-alaben oroimena).
• Sororitatea, gure arteko batasuna, toki ezberdinetatik eta proposamen anitzekin taldean lan egitea.
MATAZAK EGITASMOA BADABIL, HONAKOENGATIK:
• Kolektibo askorentzat ikusgarri bihurtzen da, sentsibilizatu egiten dira (ikastetxeetako umeengandik hasi eta eguneko egoitzetako adinduenganaino).
• Parte hartzen duten emakumeak oso anitzak dira (Andaluzian olibak jasotzen dituztenetatik hasi eta Asturiaseko meatzarien alabenganaino)
• Egitasmo honekin, heltzea zaila den tokietara ere heltzen da ekintza feminista.
MATAZAK egitasmoko herrialde guztietako emakume guztiok LANTALDE HANDIA osatuz parte hartzen dugu, eta denok elkarrekin EGITASMOA HAZTEA ETA BIZIRIK EGOTEA lortu dugu (4 urtez, dagoeneko).

NORI DAGO ZUZENDUA?
Indarkeria sexistaren aurka azaltzeko gune sortzaileen bila ari den pertsona orori dago zuzendua.
Emakumeen aurkako indarkeriak deuseztatzeko borrokan parte hartzeko interesa duten emakume guztiei.
Begizta handi horren zati izan nahi duten pertsona guztiei, artile zatien bitartez batuz, topaketetan parte hartuz, egitasmoa lagunduz.
Zuregana zuzentzen gara, indarkeriarik gabeko errealitatea eta begiztak eta sororitatea mundu berdinzaleago bat sortzeko tresna izan daitezen nahi duzun horrengana.
Matazak honakoek osatzen dute: elkarte feministek, emakume taldeek, talde kulturalek, eskola taldeek, hainbat erakundek -udalak, fundazioak, erakunde autonomikoak- eta hiritarrek, oro har, munduko hainbat lekutatik egunero begizta zati bat gehituz batzen direnak.

ASTIGARRAGAKO HARITUZ ELKARTEA
HARITUZ ikasketa esperientzia batetik sortu zen. Esperientzia Eskolan emakume talde batek izandako parte-hartzea tarteko - 2012ko urtarriletik- antolatzen eta espazio kolektibo bat ehuntzen hasi zen.
Horrela, 2013ko martxoan elkarte bilakatu eta emakumeen eta gizonen arteko berdintasunaren eremuan ekintzak dinamizatzen hasi ziren,
Prozesua banakako eta taldeko eraldaketaren ondorio da, bertan parte- hartzaileak protagonista bilakatzen dira.
HARITUZ osatzen duten emakumeek beste zenbait egitasmotan parte hartzen dute. Hori dela eta, hainbat entitate eta erakunderekin elkarlana eta harremana sortu da, euren ekimenak aurrera eraman ahal izateko, besteak beste, Emakunde, Gipuzkoako Aldundiko Berdintasun Organoa eta Astigarragako Udala.
ESPERIENTZIAREN ESKOLA
AHALDUNTZE ESKOLA ETA TAILERRAK
MATAZAK INDARKERIA SEXISTAREN KONTRA EGITASMOA
BELAUNALDI ARTEKO TAILER EGITASMOA (IKASTOLA)
SENTSIBILIZAZIO JARDUERAK
Harituz-en egitasmo garrantzitsuenen artean "Matazak Indarkeria Sexistaren Kontra" dago, 2014an Astigarragan sortu zen. Sare sozialei esker, Harituzek artile zati andana jaso du, eta gaur egun 4 km baino gehiago duen begizta edo xingola osatzen dute. Lau urte hauetan zehar, munduko txoko guztietatik, kideek genero bortizeriaren kontrako mezuak jaso dituzte, eta gaur begizta osatzen jarraitzen dute, atxikimendu berriekin eta hainbat hiritan topaketak burutuz.

ENEKO OLASAGASTI
IBILBIDEA Euskal Herriko Unibertsitatean Kazetaritza ikasketak egin zituen. 1984.urtean Eusko Jaurlaritzako Arte Dramatiko Eskolan, Antzertin, alegia, diplomatu zen. 1980ko hamarraldian euskal produkzio ugaritan egin zuen lan aktore gisa eta 1990.hamarraldiko lehenengo urteetan zuzendaritzara eta gidoi idazketara jauzia egin zuen bere lagun, Carlos Zabalarekin batera, telebistarako zenbait saioen gidoiak idatziz eta zuzenduz. 1994.urtean, zuzendari bezala egin zuen debuta zineman, Maité filmarekin. 1998.urtean, beste pertsonekin batera, Tentazioa produkzio-etxea sortu zuen. Enpresa honen bidez, hainbat ikus-entzunezko proiektu eta antzezlan garatzen hasi zen. Bestalde, Mondragon Unibertsitatearen Humanitate eta hezkuntza Zientzien Fakultateko irakaslea da eta prentsan idazten jarraitzen du.
FILMOGRAFIA 2018 Lur eta Amets (Zuz. Imanol Zinkunegi) (Gidoia)
2018 Joan-etorria (Zuz. Caroline Richter Bonini) (Gidoia)
2017 Nur eta Herensugearen tenplua (Zuz. Juanba Berasategi) (Gidoia)
2013 Alardearen seme-alabak (Zuzendaritza)
2012 Barrura begiratzeko leihoak (Zuzendaritza)
2012 Baztan (Casting-eko zuzendaritza)
2006 Kutsidazu bidea, Ixabel (Ekoizlea)
2001 Los caracoles no sienten nostalgia (Ekoizlea)
1998 Sí, quiero... (Zuzendaritza/Gidoia)
1994 Maité (Zuzendaritza/Gidoia/Aktorea)
1989 Ander eta Yul (Elkarrizketak/Aktorea)
1987 Lauaxeta, a los cuatro vientos (Aktorea)
1987 Amor light (Zuzendari laguntzailea/Aktorea)
1986 Petit Casino (Zuzendari laguntzailea)
1983 The Hit (Aktorea)