Gure proiektua babesteko arrazoiak galdetuko dizkiozu zeure buruari. Jarraian, horietako batzuk azaltzen dizkizugu, baina, bizirik dauden proiektu guztiak bezala, etengabe eztabaidatzen eta eraikitzen ari den egitasmoa dela kontuan hartuta. Oraingoz, honakoa izatea nahi dugu:
• Etxe bizia, pentsamendu kritikoa praktikatik eraldatzea bilatzen duena, zeinetan oinarri izango dira: bizikidetza horizontala eta ongi bizitzea bultzatzen diren, feminismoa, eko-sozialismoa, elikadura-subiranotasuna...
• Etxe komunitarioa "eskubideen defendatzaileak/ekintzaileak” elkartzeko, migratzaileak edo autoktonoak, igarobidean daudenak edo iraunkorrak, ostatu hartu dutenak edo ez. Atseden hartzeko aterpe solidarioa da, eta haien atzeguardia, aterpea eta ahotsa.
• Pertsona migratzaileei eta errefuxiatuei bidezko harrera egiteko moduari buruzko prestakuntza- eta gogoeta-gunea, non praktika berriak ikasteko esperientziak elkartrukatuko diren, defendatzaileekin kontrastatuz eta askotariko jarduerak eginez, ibilbideak eta zirkuituak sortuz.
• Mugimenduak elkartzeko espazio bat; gizarte-mugimendu desberdinen zeharkako eskola bat, egungo testuinguruan aktibismo berri baterantz aurrera egiteko balio duena, teorian eta praktikan. Gizarte-erakundeak topatu eta elkartzea —elkartrukeak, bilerak, tailerrak, ikastaroak, hitzaldiak, kongresuak antolatuz—, eta gai ezberdinak lantzea: agro-ekologia, osasuna, harrera, desobedientzia zibila…
• Herri Eskola iraunkorra, herri-heziketan lan egiten duten beste eskola eta tailer batzuekin elkarreragin eta elkarlanean ari dena.
• Arratiako eta inguruko aktibismoaren eta jendearen bidegurutzea izatea. Bere etxea aktibismoaren eta bailarako/inguruko jendearen arteko hurbilketa naturala egiteko. Eta Artea Sarea koordinatzeko gune bat.
• Bizitzeko, barre egiteko eta amets egiteko lurralde liberatua. Basoan dagoen etxe bat, gozatzeko eta emozionatzeko, eta herri kultura bere aberastasun eta aniztasun osoan berreskuratzeko.
Oinarrizko ezaugarriak eta helburuak
Basoa hitzak, batez ere, zuhaizti bati egiten dio erreferentzia; batzuetan, basatia eta ederra da, eta, beste batzuetan, hotza eta beldurgarria. Hala ere, Basoak babesleku izan nahi du: babestu, elkartasuna sentiarazi eta gizartea eraldatzeko proiektu bat gorpuztu nahi du.
Basoa Arratia bailaran kokatuta dago, Bizkaian, eta eskualdeko aktibismoaren bidegurutzea izango da du, Arratiako eta inguruko eragileen eta pertsonen arteko topagunea. Bailaran errotuta, euskara eta euskal kultura izango ditu ardatz, baina kultur aniztasuna izango du helburu.
Esperimentazio gunea, komunitatean bizitzeko eta jarduteko modu bat; autokudeaketan, horizontaltasunean eta parte-hartzean oinarrituta. Bizitza xume eta apala bilatuko du, balio materialei garrantzirik emango ez diena. Bizitza sinple horrekiko, denboraren eta jakintzen gozamenarekiko zaletasunak maitasun- eta elkarrekiko zaintza-katea osatuko du.
Erakundeen mendekotasunetik bereizitako proiektua, gizarte-antolaketako eredu alternatiboak bilatzen dituena. Finantza-autonomia, jabetza kolektiboa, energia-autosufizientzia, kontsumo zirkularra, ekologikoa eta tokian tokikoa.
Artea Harrera Sareari eta lurrari lotutako gune horrek 6 hektarea baratze ditu etxetik 100 metro eskasera. Etxea eta inguruko lurrak jabetza kolektibokoak izango dira. Guneak izango ditu logelak, txabolak, kanpina, jantoka, txoko irekia eta bilera-aretoak.
Feminismoaren eta ekologismoaren arteko elkarrizketaren emaitza gisa ulertutako ekofeminismoaren aldeko apustua; bizitza mantentzeko zer den beharrezkoa pentsatzen dugunean eta naturarekiko ekodependenteak eta elkarrenganako mendekoak garela konturatzen garenean sortua. Matxismoari, bere forma guztietan, aurre egiteko lekua, proiektu osoaren erabakiak hartzean zeharkatuko duena. Emakumeen eta LGTBI pertsonen aurkako edozein indarkeria matxistari buruzko hausnarketa, prebentzioa eta arreta sustatuko ditugu. Gure komunitatean teoria eta praktika feminista erabiliko ditugu komunitatearen lan-tresna gisa.
Antolaketari dagokionez, lana kolektiboa izango da, produktiboa, erreproduktiboa, kulturala, aisialdikoa edo antolaketa-zereginena. Erabakitzeko horizontaltasuna deliberazioaren, biltzar-antolaketaren eta hausnarketaren emaitza izango da.
Basoa ongi bizitzearen filosofian murgilduko da, elkartasuna eta praktika politikoa gozamenarekin eta zaintzarekin uztartu. Etxe bizia izango da, eta pentsamenduaren eraldaketa praktikatik sustatuko du.
Basoa giza eskubideen defendatzaileen komunitate-etxea izango da. Aterpe solidarioa, atsedena, denbora eta zaintza eskainiko die, beren jatorrizko lurraldeetan isilarazi nahi izan duten ahotsa berreskuratzeko. Sistemari aurre egiteko eta pertsona horien jazarpena edo kanporatzea eragin duten arrazoiak ikusarazi eta salatuko ditugu.
Herri-heziketan oinarrituriko aktibismo berria eraikitzeko eskola iraunkorra izango da.
Zerk bultzatzen zaitu eta zeini zuzenduta dago proiektua
Migratzaile, errefuxiatu, defendatzaile eta ekintzaile guztiei zuzendua, bizi diren lekuan bizi direla. Etxea fisikoki Arratiako bailaran egon arren, Bizkaian, muga fisiko, mental eta sinbolikoak gainditzeko bokazioa du.
Erabateko eraldaketa soziala eta ezarritako botereari desafio zabala konbinatu nahi dituzten pertsona, erakunde, komunitate eta gizarte-mugimendu guztiengana iritsi nahi dugu, espazio askatuak eta behekoek eta behetik artikulatutako bizimoduak eraikiz, errebeldia isilak ereiteko, estatutik eta merkatutik kanpo.
Utopiak eraikitzen hasteko lurralde astea, hemen eta orain.
Aldez aurreko esperientzia eta taldea
Harreran dugun esperientzia oso handia da; izan ere, proiektu honetako gure sare edo ekipoan Artea Sareko jendea dago, 2016tik aurrera hainbat etxetan etorkinak eta errefuxiatuak hartzen dituen sarea.
Artea Sareak taberna, jatetxea eta ostatua dituen herriko taberna kudeatzen ditu. Ostatu hori eta Bizkaiko etxe sare bat 700 lagun baino gehiagori babesa ematen aritu dira azken urteotan. Horregatik, babesa emateko esperientzia handia dugu.
Sare horrek urteak daramatza harrera alternatibo bat izaten, bizitza-komunitate osatze helburu duena arreta humanitario eskaini baino gehiago.
Gainera, hainbat gizarte-mugimendutan, feminismotik ekologismora eta internazionalismotik igarota, konpromiso-ibilbide luzea duen giza taldea du. Proiektu honek mundua aldatzeko ilusioa eta gogoa uztartzen ditu, erresistentziarako eta gure ustez bidezkoagoa dena praktikan jartzeko asmoz.
Gainera, asanblada eta lantalde bat dugu, hainbat batzordetan banatuta (finantzak, defendatzaileak, logistika, komunikazioa, egutegiak-ekitaldiak, talde eragilea), eta gizarte-mugimenduetan eta erakundeetan aktibismo-esperientzia handia duten pertsonek osatzen dute.