Gogoan (En la memoria)

finantzatua 06 / 05 / 2018
Ondo!
Jasota
€ 30.122
Gutxienekoa
€ 22.896
Hobeezina
€ 33.534
392 Aldi bereko finantzakideak
Canal
  • Eman € 10

    Obraren parte zara

    Zure izena eskulturaren oinarrian sarturiko “denboraren kutxa” batean agertuko da

    > 38 Aldi bereko finantzakideak
  • Eman € 20

    Esker oneko opariak

    Zure izena eskulturaren oinarrian sarturiko “denboraren kutxa” batean agertuko da + Sf-78ko pina + "Oroitarria", German Rodriguezen omenezko hilarriari buruzko dokumentalaren DVD bat

    > 112 Aldi bereko finantzakideak
  • Eman € 50

    Esker oneko opariak (musika)

    Zure izena eskulturaren oinarrian sarturiko “denboraren kutxa” batean agertuko da + SF-78ko pina + musika CD bat (1978ko sanferminen 40. urtemugaren karira egindako edizio esklusiboa, GOR diskoetxeak argitaratua)

    > 88 Aldi bereko finantzakideak
  • Eman € 75

    Esker oneko opariak (bildumak)

    Zure izena eskulturaren oinarrian sarturiko “denboraren kutxa” batean agertuko da + Memoria historikoari buruzko dokumentalen DVD sorta bat + postal bilduma (1978ko sanferminen 30. urtemugarako sorturiko obra artistikoen edizio esklusiboa)

    > 14 Aldi bereko finantzakideak
  • Eman € 100

    Esker oneko opariak (argitalpen berriak)

    Zure izena eskulturaren oinarrian sarturiko “denboraren kutxa” batean agertuko da + Begoña Zabalaren "Feminismo, Transición y sanfermines del 78" liburua + musika CD bat (1978ko sanferminen 40. urtemugaren karira egindako edizio esklusiboa, GOR diskoetxeak argitaratua)

    > 54 Aldi bereko finantzakideak
  • Eman € 200

    KOLEKTIBO ETA ELKARTEAK Esker oneko opariak (artistaren obra 1)

    Zure izena eskulturaren oinarrian sarturiko “denboraren kutxa” batean agertuko da + Eskulturaren serigrafia bat, Dora Salazarek egina + Bisita gidatua Iruñeko karriketan barna. Ibilbide bakana, 78ko sanferminak zuzenean bizi izan zituzten pertsonen eskutik

    > 19 Aldi bereko finantzakideak
  • Eman € 200

    Esker oneko opariak (artistaren obra 1)

    Zure izena eskulturaren oinarrian sarturiko “denboraren kutxa” batean agertuko da + Eskulturaren serigrafia bat, Dora Salazarek egina

    > 11 Aldi bereko finantzakideak
  • Eman € 500

    TALDEAK ETA ELKARTEAK Esker oneko opariak (artistaren obra 2)

    Zure izena eskulturaren oinarrian sarturiko “denboraren kutxa” batean agertuko da + Miniaturazko eskulturaren erreprodukzioa, Dora Salazarek burdina forjatuan egina + Bisita gidatua Iruñeko karriketan barna. Ibilbide bakana, 78ko sanferminak zuzenean bizi izan zituzten pertsonen eskutik

    > 03 Aldi bereko finantzakideak
  • Eman € 500

    Esker oneko opariak (artistaren obra 2)

    Zure izena eskulturaren oinarrian sarturiko “denboraren kutxa” batean agertuko da + Miniaturazko eskulturaren erreprodukzioa, Dora Salazarek burdina forjatuan egina

    > 06 Aldi bereko finantzakideak

Proiektu honi buruz

Kaleko diru bilketa 1978ko gertaerak oroitarazteko monumentu bat Iruñean sortzeko

Beharrak Eginkizuna Gutxienekoa Hobeezina
Obra
Eskultura sortzea eta beharrezko materialak eskuratzea
€ 18.000
Kudeaketak
Proiektua kudeatzeko gastuak eta sariak
€ 3.600
Obraren inaugurazioa
Obraren inaugurazio ekitaldiaren zabalkunde eta antolakuntza gastuak (ekainean) eta monumentua paratu aurreko eta ondoko beste jarduerenak, 40. urtemugan: argazki erakusketa, zinema zikloa, hip-hop jaialdia, hitzaldiak, e.a.
€ 10.000
Beharrak Azpiegitura Gutxienekoa Hobeezina
Gutxieneko azpiegitura
Zerbitzuak ematearen eta banku transakzioen komisioak (lehen erronda)
€ 1.296
Azpiegitura (2. erronda)
Zerbitzuak ematearen eta banku transakzioen komisioak (bigarren erronda)
€ 638
Guztira € 22.896 € 33.534
Nahitaezkoa
Gehigarria

Informazio orokorra

Kanpaina honen xedea da 1978ko sanferminetan Iruñeak jasan zuen erasoa oroitarazteko monumentu bat elkarlanean sortzea. Monumentua Iruñeko Zezen plazaren inguruetan paratuko da.

Iruñeak badu hilarri bat, uztailaren 8 hartan eraildako Germanen oroigarri. Orain obra eskultoriko berria eraiki gogo dugu, bereizi gabeko eraso hura, Poliziak funsgabeki kolpatu zuen hiriaren bihozmina adieraziko duena. Egun hartan, zezen plazan zeuden hogei mila pertsonatatik edonor edo Iruñeko karriketan zezenketa ondoren sanferminak ospatzen ari ziren beste askotatik edonor izan zitekeen German.

Garai hartan hilarriarekin jokatu zen bezala, gure asmoa da herritarrek eurek ekarpen ekonomikoa egitea, eskultura egin eta paratzea erabat ordaindu dadin. “Gogoan” burdina forjatuzko eskultura bat da, bi metro inguruko altuerakoa, 20 zentimetroko oinazpiko baten gainean eraikia. Haren oinarrian “denboraren kutxa” bat sartuko da, bertan kanpainari ekarpena egin dioten pertsona, kolektibo eta entitate guztien izenak zehazturik.

Oinarrizko ezaugarriak eta helburuak

Kaleko diru bilketan biltzen dugun dirua honetarako erabiliko da:
• obra eskultorikoa sortzea eta horretarako behar diren materialak (Ermuko –Bizkaia- Urkoase galdategian gauzatuko da)
• monumentua paratzeko gastu beharrezkoak eta inaugurazio ekitaldiko kosteak ordaintzea
• sarien igorpenak, plataforma hau kudeatzeko gastuak eta hortik etorritako banku komisioak kitatzea

Hauek ditugu gutxieneko helburuak baina baikor gara eta espero dugu kaleko diru bilketa honetan lortzen ditugun funtsak aski izatea, bigarren erronda batean, 40. urtemuga antolatu gogo ditugun bestelako jarduerak ordaintzeko (argazki ezezagunen erakusketa, memoria historikoari buruzko zinema zikloa, kontzertuak...), bereiziki 2018ko uztailaren 8an, sanferminetan, ospatuko ditugun ekitaldiak 1978ko gertaeren 40. urtemugaren bukaera gisa.

gogoan-3.gif

Zerk bultzatzen zaitu eta zeini zuzenduta dago proiektua

1978ko sanferminetan Poliziak, inolako begirunerik gabe, gure hiria suntsitu zuen. Datu ofizialen arabera, uztailaren 8 hartan 5.000 goma pilota, 1.000 ke pote, beste horrenbeste negar gasezko pote eta munizio errealeko 150 bala jaurtiki ziren. Ondorioak ezagunak dira: German Rodriguez gaztea eraila, su armazko 11 zauritu, zezen plazako erizaindegian eta ospitaleetan artatutako ehunka lagun, bestak bertan behera uztea... “Disparar con todas vuestras energías. No os importe matar”, grabatu zen poliziaren irratitik.

Sanfermin haietan gertatutakoa, oro har, isilarazia eta baztertua izan da, baita desitxuratua ere. Horregatik funtsezkotzat jotzen dugu gertatuari buruzko egia erreskatatu eta harekin ezarritako ahanzturak sorturiko lubakia betetzea. Belaunaldi berriek jakin behar dute zer gertatu zen zimendu sendoetako etorkizuna finkatzeko, orduan gertatutakoa inoiz errepikatzea saiheste aldera. Iraganari so egin eta orainean abiada hartzea. 1978ko uztaileko memoria bizi eta demokratikoa berreraikitzeak orainarekin gatazkatsu behar du eta egun borrokatzen duten pertsonekin jarraitutasun hariak finkatzen saiatu.

Gainera, Dora Salazar obraren egilea izaki, emazteki artisten obra kopurua gure hiriko esparru publikoan handitzen lagunduko du, hiri esparru gehienetan gertatu bezala urri baitira. Emakume sortzaileen existentzia eta kontribuzioa aro, mugimendu eta abangoardia artistikoetan ez dira behar bezala ordezkaturik (anitzetan bazter utziak) esparru publikoetan, museo eta galerietan edo historia liburuetan.

campana5.jpg campana3.jpg

Aldez aurreko esperientzia eta taldea

Sanfermines 78 gogoan! herri ekimenak sustatzen du kanpaina hau. 2018. urtean zehar, 1978ko sanferminetako gertaeren 40. urtemuga ospatzen baita, gauzatuko diren sentsibilizazio jardueren multzoan txertatzen da. Gure taldeak proposaturik, Dora Salazar (Altsasu, 1963) izanen da obra eskultorikoaren egilea.

Arte garaikidearen munduan erreferentziazko artista plastikoa da Dora Salazar eta Donostia eta Bilboren artean egiten du lan, azken horretan tailerra baitu. Bere obra zenbait hiritan erakutsi du: Madril, Berlin, Nueva York, Paris..., erakusketa kolektiboetan zein banakoetan. Eskultura bereziki lantzen du, beste diziplina batzuetan (pintura, ilustrazioa edo antzerki eszenografia) aritu bada ere. Besteak beste, honako sari hauek hartu ditu: Gure Artea Eskulturaren Lehen Saria, Estrasburgoko L’Art Contemporain Nazioarteko Aretoaren Saria edo Zarauzko (Gipuzkoa) Itsas Pasealekua Eskulturaren Lehen Saria.

dora3-web-1.jpg dora2-web-2.jpg dora1-web-2.jpg campana-2.jpg

Giza konpromezua

Objetivos de Desarrollo Sostenible

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles

  • Paz, justicia e instituciones sólidas

    Promover sociedades, justas, pacíficas e inclusivas