Nuestros bosques, nuestro futuro / Gure basoak, gure etorkizuna

Imagen de cabecera
Ikusi bideoa
finantzatua 01 / 01 / 2018
Aldi berean finantzatuta!
Jasota
€ 37.459
Gutxienekoa
€ 20.000
Hobeezina
€ 37.000
385 Aldi bereko finantzakideak
Canal
  • Eman € 15

    Aipamen berezia + Undabasora bisita

    Gure web orrian aipamena eta esker ona eta proiektuaren eremua bisitatzeko gonbidapena Undabaso (Ibarruri auzoa, Muxika)

    > 57 Aldi bereko finantzakideak
  • Eman € 30

    Aipamen berezia + Undabasora bisita+ opari berezia

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika) eta Lurgaia Fundazioaren argitalpen baten ale bat.

    > 50 Aldi bereko finantzakideak
  • Eman € 50

    Aipamen berezia + Undabasora bisita+proiektuaren kamiseta

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika) eta proiektuaren kamiseta.

    > 122 Aldi bereko finantzakideak
  • Eman € 100

    Aipamen berezia + Undabasora bisita+ Naturako argazki bat

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika), eta gure argazkilariak (Joseba del Villar) egindako naturako argazki bat luma-kartoian inprimatua.

    > 37 Aldi bereko finantzakideak
  • Eman € 250

    Aipamen berezia + Undabasora bisita+ irteera batera gonbidapena

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika) eta Lurgaiaa Fundazioak urtean zehar antolatzen dituen irteera batera etortzeko gonbidapena. Irteera gure ondasun naturala ezagutzeko antolatzen ditugun bat izan daiteke edo zetazeoak eta itsas hegaztiak ikusteko.

    > 13 Aldi bereko finantzakideak
  • Eman € 250

    #Elkarte eta enpresentzat# Aipamen berezia + Undabasora bisita

    Gure web orrian aipamena eta esker ona eta proiektuaren eremua bisitatzeko gonbidapena Undabaso (Ibarruri auzoa, Muxika)

    > 08 Aldi bereko finantzakideak
  • Eman € 500

    Aipamen berezia + Undabasora bisita+ kamiseta + argazkia+ irteera batetara gonbidapena

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika), proiektuaren kamiseta, gure argazkilariak (Joseba del Villar) egindako naturako argazki bat luma-kartoian inprimatua, eta Lurgaiaa Fundazioak urtean zehar antolatzen dituen irteera batera etortzeko gonbidapena. Irteera gure ondasun naturala ezagutzeko antolatzen ditugun bat izan daiteke edo zetazeoak eta itsas hegaztiak ikusteko.

    > 02 Aldi bereko finantzakideak
  • Eman € 1.000

    Aipamen berezia + Undabasora bisita+ kamiseta + argazkia+ irteera batetara gonbidapena (guztia 2 pertsonentzat)

    Gure web orrian aipamena eta esker ona, proiektuaren eremua bisitatzeko gonbidapena Undabaso (Ibarruri auzoa, Muxika), proiektuaren kamiseta, gure argazkilariak (Joseba del Villar) egindako naturako argazki bat luma-kartoian inprimatua, eta Lurgaiaa Fundazioak urtean zehar antolatzen dituen irteera batera etortzeko gonbidapena. Irteera gure ondasun naturala ezagutzeko antolatzen ditugun bat izan daiteke edo zetazeoak eta itsas hegaztiak ikusteko. Guztia 2 pertsonentzat.

    > 02 Aldi bereko finantzakideak
  • Eman € 1.000

    #Elkarte eta enpresentzat# Aipamen berezia proiektuaren panelean + Undabasora bisita

    Gure web orrian eta eremuan ipiniko dugun panel nagusian aipamena eta esker ona eta proiektuaren eremua bisitatzeko gonbidapena Undabaso (Ibarruri auzoa, Muxika)

    > 02 Aldi bereko finantzakideak
  • Eman € 2.000

    #Elkarte eta enpresentzat# Aipamen berezia proiektuaren panelean + jardunaldi korporatiboa

    Gure web orrian eta eremuan ipiniko dugun panel nagusian aipamena eta esker ona eta jardunaldi korporatibo baten antolakuntza, hamaiketako agroekologikoarekin 50 lagunentzat gehienez. Gurekin harremanetan jartzea beharrezkoa izango da onarpena jasotzeko.

    > 00 Aldi bereko finantzakideak
  • Eman € 4.000

    #Elkarte eta enpresentzat# Aipamen berezia proiektuaren panelean + landaketa jardunaldi korporatiboa

    Gure web orrian eta eremuan ipiniko dugun panel nagusian aipamena eta esker ona eta landaketa jardunaldi korporatibo baten antolakuntza non bertoko zuhaitzak eta zuhaixkak landatuko ditugun Undabason, hamaiketako agroekologikoarekin 50 lagunentzat gehienez. Gurekin harremanetan jartzea beharrezkoa izango da onarpena jasotzeko

    > 01 Aldi bereko finantzakideak

Proiektu honi buruz

Sor dezagun Urdaibai Biosfera Erreserba barruan egongo den hariztirik handiena

Beharrak Azpiegitura Gutxienekoa Hobeezina
LURSAILEN EROSKETA
31 hektarea erosteko adostutako ordainketari (80.000 €) aurre egiteko falta zaigun dirua, erosiko ditugun lursailak pinudi izateari utzi, eta bertoko basoa bihurtuko dira eta horrela Urdaibai Biosfera Erreserba barruan egongo den hariztirik handiena sortuko dugu.
€ 18.000
LURSAILEN EROSKETA
31 hektarea erosteko adostutako bigarren ordainketa aurre egiteko falta zaigun dirua, erosiko ditugun lursailak pinudi izateari utzi, eta bertoko basoa bihurtuko dira eta horrela Urdaibai Biosfera Erreserba barruan egongo den hariztirik handiena sortuko dugu.
€ 14.000
Beharrak Eginkizuna Gutxienekoa Hobeezina
SARIEN GASTUA
Eskainitako sariei aurre egiteko gastuak, bidalketa gastuetatik hasi eta jardunaldietan landatuko diren zuhaitza eta zuhaixkak ordaintzeko.
€ 1.000
KOMISIO GASTUAK
Banku gastuak (0,8%)+ Goteoko gastua (4%)
€ 1.000
SARIEN GASTUA
Eskainitako sariei aurre egiteko gastuak, bidalketa gastuetatik hasi eta jardunaldietan landatuko diren zuhaitza eta zuhaixkak ordaintzeko.
€ 2.300
KOMISIO GASTUAK
Banku gastuak (0,8%)+ Goteoko gastua (4%)
€ 700
Guztira € 20.000 € 37.000
Nahitaezkoa
Gehigarria

Informazio orokorra

Lurgaia Fundazioak 10 urte daramatza UNDABASO (Ibarruri, Muxika, Bizkaia) inguruan lanean, Urdaibai Biosfera Erreserba barruan, arriskuan dagoen ekosistema bat berreskuratzen: bertako basoa.

Naiz eta basoa gure paisaiaren parte nagusi izan eta haritza gure zuhaitzik adierazgarriena, gaur egun gero eta baso gutxiago daude gure lurralde osoan, eta bertoko zuhaitzen ordez hasiera azkarreko beste zuhaitz batzuk landatuak daude, besteak beste pinua eta eukaliptoa. Gure basoen egoera ez da bat ere ona. Hariztiek jatorriz okupatzen zuten lurraldearen %90a galdu dute eta honek paisaia guztiz aldatu du. Urtaroak apenas igartzen dira gaur egun, eta udazkenaren koloreak ere ez dira igartzen jada gure mendi eta basoetan, dena da berdea, pinu eta eukaliptoen kolorea.

Basoa esaten dugunean, 100 urte eta 100 hektarea gutxienez behar dituen ekosistema konplexu batez hitz egiten ari gara. 100 urte itxaron beharraz ez gara arduratzen, ez dugu presarik, naturari laguntzen diogu eta ez ditugu emaitza azkarrak espero, argi dugu baina, egun gure basoak zaintzeak gure etorkizunean eragin positiboa izango duela. Hariztien berreskurapena oso garrantzitsua da, ez bakarrik gure ondare-naturala berreskuratzeko, baizik eta aldaketa klimatikoari aurre egiteko, higadura prozesuak gutxitzeko edo eta gure ibai eta erreken uraren kalitatea hobetzeko.

Aurten, elkarrizketa ugariren ostean, beste bi lursail lortzeko aukera izan dugu, gaur egun intsinis pinua dago bertan landatuta. Hitzarmen berri honekin 31 hektarea gehitzen dizkiogu, jadanik kudeatzen ditugun 26 hektareei. Honek Urdaibaiko Biosfera Erreserba barruan egongo den HARIZTIrik zabalena sortzeko bidean pauso garrantzitsu bat suposatzen du, 57 hektarea (76 San Mames adina lur) pinudi izateari utzi, eta bertoko basoa bihurtuko dira.

Gainera, gure motibazioa ez da hor amaitzen, dibulgazio lana eta lan soziala ere egin nahi dugu. Horretarako, zuen laguntza izatea espero dugu helburu hau lortzeko, guztion artean basoak berreskuratzeko eta Urdaibai Biosfera Erreserba barruan egongo den hariztirik handiena sortzeko. Hau lortzeko, dirua behar dugu lehenengo fase honetan, baina ostean zuhaitzak eta zuhaixkak landatzeko jardunaldiak antolatuko ditugu eta zuen parte hartzea oso garrantzitsua izango da baita. Proiektu honetan ahal denik eta jende gehienak parte hartzea nahi dugu, horrela denon artean hain onuragarriak izango diren ondasun ez-material horiek lortuko ditugu: bizitza gehiago, ur garbiagoa, higadura gutxiago, CO2 gutxiago,.... .

Oinarrizko ezaugarriak eta helburuak

UNDABASON 100 hektarea zaintzea da gure helburu nagusia, eta egun dagoen pinua eta eukaliptoa jendarte osoarentzat izango diren bertako basoagatik ordezkatzea. Gure helburua ondare-naturalaren kontserbazioa eta hobekuntza dira: behin lursaila gureganatzen dugunean, etekina izatea bertan behera geratzen da eta etorkizuneko baso izateko bidea hasten dute.

Aurten, beste bi lursail lortzeko aukera izan dugu, gaur egun intsinis pinua dago bertan landatuta. Hitzarmen berri honekin 31 hektarea gehitzen dizkiogu, jadanik kudeatzen ditugun 26 hektareei. Honek Urdaibaiko Biosfera Erreserba barruan egongo den HARIZTIrik zabalena sortzeko bidean pauso garrantzitsu bat suposatzen du, 57 hektarea (76 San Mames adina lur) pinudi izateari utzi, eta bertoko basoa bihurtuko dira.

2017aren bukaera aldera bi lursail hauen eskriturak egingo ditugu. Lurra da erosiko duguna eta ez landatuak dauden pinuak (egurrari egungo jabeek aterako diote etekina). Guztira hiru urtetan 108.000 € ordainduko ditugu 3 epeetan.Hauek dira adostutako epeak: eskriturak egitean, %75a ordainduko dugu (80.000€), bigarren urtean, 2018ko bukaeran, %12,5 (14.000€) eta hirugarren eta azken urtean falta den beste %12,5 (14.000€).

Lehengo ordainketa egiteko Lurgaiak 62.000€ dauzka gordeta, diru hau urteetan egindako lanetik eta bazkideen kuotetatik eratorri da. Kanpaina honekin, zuen laguntzaren bidez, lehengo ordainketarako falta zaizkigun 18.000€ak jasotzea espero dugu, eta honi bigarren urteko ordainketa egiteko beste 14.000 €ak batu dizkiogu.

Aurtengo neguan lursail berri honetako 10 hektareetan dagoen pinua moztuko da, eta bertoko zuhaitz eta zuhaixkak landatzera ekingo diogu. Beste 21 hektareetan mozketa hurrengo urteetan egingo da, pinuei sasoia heldu ahala.

mapa-terrenos.jpg

Zerk bultzatzen zaitu eta zeini zuzenduta dago proiektua

Egitasmo honen helburu nagusia gure basoak berreskuratzea eta honekin gure etorkizuna hobetzea da. Kontutan izan behar dugu gure baso bereizgarriena hariztia dela, hau da haritzez osatutako basoa. Gaur egun gure basoen egoera ez dela bat ere ona, bertoko diren zuhaitzak pinu edo eukaliptoagatik ordeztuak izan direlako. Hariztiak ia bizkaia osoan desagertu egin dira eta beraiekin batera bertoko fauna eta flora. Gure basoak berreskuratzeak etorkizun hobe bat ekarriko digu guztioi, egur landaketek biodibertsitatea gutxitzen dutelako modu erasokorrean. Horretaz gain etorkizuneko basoek CO2aren gutxitzean eta aldaketa klimatikoaren arintzean eragin positiboa izango dute.

voluntariado.jpg

Crowdfunding-eko kanpainaren helburuak

Kanpainaren helburua, Undabason 31 hektareako lursaila erosteko finantziazioa lortzea da, bertoko basoak sortzen jarraitzeko xedearekin.

Ia 10 urte daramatzagu Urdaibai Biosfera Erreserba barruan dagoen eremu honetan lanean, bertoko basoak berreskuratu nahian. Egun 26 hektarea kudeatzen ditugu, eta kanpaina honekin hau biderkatzea lortu nahi dugu. Egitasmo hau QUERCUS programaren barruan kokatuta dago, eta bere helburuak ekologikoak zein sozialak dira.

voluntariado-undabaso-2.jpg

Aldez aurreko esperientzia eta taldea

Lurgaia Fundazioak 15 urte daramatza basoen berreskurapena, kontserbazioa eta naturaren dibulgazioaren inguruan lan egiten. Gaur egun 155 lursail kudeatzen ditugu zaintza akordioei esker (kudeaketa akordio edota erosketen bidez), guztira 250 hektarea. QUERCUS programa martxan jarri zenetik, 100.000 zuhaitz eta zuhaixka landatu ditugu, bertoko 30 espezie ezberdinak zirenak, eta gehienak landaketa jardunaldietan zehar landatuak izan dira milaka pertsona boluntarioen laguntzaz.

QUERCUS programaren egitasmo nagusiak Urdaibaiko Biosfera Erreserba barruan kokatzen dira. Bertan bi gune nagusi aipatuko genezake, Amunategikoa (non 30 hektarea berreskuratzen ari diren) eta Undabasokoa (egun 26 hektareekin baina 57 izatera iristeko asmoarekin). Lur eremuak kudeatzera heltzen gara edo jabeekin egiten ditugun akordioen bidez edota erosketaren bidez. Azken kasu honetan, garrantzi berezia hartzen dute
Lurgaiaren bazkideek, hauek jartzen duten kuoten diruarekin lortzen baita lurrak erostea.

Patronatua biologiako alor ezberdinak ezagutzen dituzten 4 naturalistak osatzen dugu. Aipatzekoa da ere laguntzaile sare aberatsa dugula eta fauna eta flora, zein prozesu ekologikoetan adituak diren zientifikoen aholkua jasotzen dugula.

Gainera Lurgaia “Asociación de Fundaciones para la Conservación de la Naturaleza (AFN)” estatu mailakoa den elkartearen parte da,egun 18 fundaziok parte hartzen dute bertan. Eta 2011tik Lurgaia Fundazioa Naturaren Kontserbaziorako Nazioarteko Erakundearen (UICN) kide da.

Gaur egun 276 bazkide ditugu. Aipatzekoa da ere antolatzen ditugun jardunaldietan milaka lagunek parte hartzen dutela..

Baliabide eta azpiegiturei dagokionez, gure eguneroko lana aurrera eramateko bulego bat daukagu. Horrez gain, jatorrizko landareen mintegi propioa daukagu eta landaketak egiteko beharrezkoak diren tresnak.

voluntariado-undabaso.jpg

Giza konpromezua

Objetivos de Desarrollo Sostenible

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles

  • Acción por el clima

    Adoptar medidas urgentes para combatir el cambio climático y sus efectos

  • Vida de ecosistemas terrestres

    Gestionar sosteniblemente los bosques, luchar contra la desertificación, detener e invertir la degradación de las tierras y detener la pérdida de biodiversidad