Al Mukhayam: Caminando hacia la autogestión

Imagen de cabecera
Ikusi bideoa
finantzatua 22 / 07 / 2017
Aldi berean finantzatuta!
Jasota
€ 5.902
Gutxienekoa
€ 4.500
Hobeezina
€ 10.500
45 Aldi bereko finantzakideak
Canal
  • Eman € 5

    Esker ona

    Gaza: Tierra y Libertaden webgunean esker ona, non proiektuaren garapenaren berri emango zaizun.

    > 02 Aldi bereko finantzakideak
  • Eman € 15

    Esker ona + detailetxoa

    Gaza: Tierra y Libertaden webgunean esker ona + elkartearen bi pegatina.

    > 01 Aldi bereko finantzakideak
  • Eman € 25

    Elkartearen poltsa

    Gaza: Tierra y Libertad elkartearen logodun esku-poltsa (%100 kotoia) + elkartearen bi pegatina, bata txuria eta bestea beltza (bidalketa-gastuak direla kausa, EB-ko herrialdeetara bidaliko dira soilik).

    > 04 Aldi bereko finantzakideak
  • Eman € 50

    Elkartearen poltsa + kamiseta

    Gaza: Tierra y Libertad logodun esku-poltsa + elkartearen kamiseta + elkartearen bi pegatina, bata txuria eta bestea beltza (bidalketa-gastuak direla kausa, EB-ko herrialdeetara bidaliko dira soilik).

    > 03 Aldi bereko finantzakideak
  • Eman € 70

    Al Mukhayam-en gau bat

    Bi lagunentzako gau bat Al Mukhayam-en, gosari palestinar tradizionala barne (behin zentroa irekita eta beranduenez urtebetera kontsumitu beharreko egonaldia).

    > 06 Aldi bereko finantzakideak
  • Eman € 75

    Kufiyah + kamiseta

    Kufiyah (Palestinan bertan egina) + elkartearen kamiseta + elkartearen bi pegatina, bata txuria eta bestea beltza (bidalketa-gastuak direla kausa, EB-ko herrialdeetara bidaliko dira soilik).

    > 03 Aldi bereko finantzakideak
  • Eman € 100

    Gau bat + afari palestinar tradizionala

    Bi lagunentzako gau bat Al Mukhayam-en, gosari eta afari palestinar tradizionala barne (behin zentroa irekita eta beranduenez urtebetera kontsumitu beharreko egonaldia).

    > 11 Aldi bereko finantzakideak
  • Eman € 175

    Al Mukhayam-en asteburu pasa

    Bi lagunentzako bi gau, gosari eta afari palestinarra barne + Sierra Grande de Hornachos-en barna txango gidatua, gotorleku moriskoa, bainuak eta harkaitzetako margoak bisitatuz (behin zentroa irekita eta beranduenez urtebetera kontsumitu beharreko egonaldia).

    > 15 Aldi bereko finantzakideak
  • Eman € 400

    Hitzaldi pertsonalizatua

    Elkarteko bi kide zeuek esandako tokira gerturatuko dira, Al Mukhayam proiektua eta elkarteak Gazako zerrendan egiten duen lana bertatik bertara azaldu eta eztabaidatzeko.

    > 00 Aldi bereko finantzakideak
  • Eman € 700

    Babesle berezia

    Zure logoa Al Mukhayam-en webguneko babesleen sailean agertuko da, baita zentroko bisitariei banatuko zaizkien mapa eta liburuxketan ere (zure printzipioak eta elkatearenak antagonikoak ez diren bitartean, betiere).

    > 00 Aldi bereko finantzakideak

Proiektu honi buruz

Al Mukhayam proiektu solidario bat da, helburu bikoitza duena: batetik, herrien arteko elkar-ulertzea, elkartasuna eta babesa sustatzea eta, bestetik, Gaza: Tierra y Libertad izeneko elkartearen independentzia ekonomikoa bermatzea, landetxe gisa dituen au

Beharrak Materiala Gutxienekoa Hobeezina
Zentroko eraikin nagusirako hornikuntza
Sukaldeko materiala eta altzariak behar dira eraikin nagusirako. Bertan jatetxea, Palestinako artisau-denda eta erabilera anitzeko aretoa egongo da.
€ 4.000
Proiektorea
Proiektorea eta pantaila jarriko dira filmak ikusteko. Pelikula hauek betiere elkartearekin bat datozen balioak bultzatuko dituzte, baita Tierra de Barros eta Extremadurako ondare kultural, natural eta historikoa nabarmendu ere.
€ 850
Palestinako artisautza
Arrisku-egoeran dauden emakume palestinarrek (alargunak, bananduak, preso ohiak…) Gazan bertan egindako eskulanak salgai egongo dira zentroko bisitarientzat. Kontuan hartu behar da lan hauek Extremaduraraino ekartzeak dituen kostuak; izan ere, Gazako zerrenda sufritzen ari den blokeoaren eraginez, oso zaila da merkantziak batetik bestera garraiatzea eta kostuak ere biderkatu egiten dira.
€ 3.000
Beharrak Eginkizuna Gutxienekoa Hobeezina
Komisioak
Bankuko komisioak, Pay Pal eta Goteo-ren gastuak.
€ 500
Erakusketa
Zentroko espazioa egokitu behar da eta argazkiak inprimatu erakusketa iraunkor bat jartzeko. Gazako argazkiez gain, palestinar artista gazteen lanak egongo dira ikusgai.
€ 700
Beharrak Azpiegitura Gutxienekoa Hobeezina
Harrizko labea
Harrizko labe tradizionala jarriko dugu ogia eta bestelako produktuak egiteko, bai jatetxerako, bai erabilera pedagogikorako.
€ 850
Baratze tradizionala
Metodo tradizionalen bitartez, produktu ekologikoak eta landare medizinalak landatuko dira baratzean. Horretarako, makinak alkilatu eta materialak erosi behar dira. Ortua ere, besteak beste, helburu pedagogikoetarako erabiliko da.
€ 600
Guztira € 4.500 € 10.500
Nahitaezkoa
Gehigarria

Informazio orokorra

Orain arte, Gaza: Tierra y Libertad elkarteak aurrera egin du berau osatzen duten kideen baliabideei esker. Azkenaldian, ordea, konturatu gara proiektu berriei ekiteko eta hazten jarraitzeko, beharrezkoa dugula diru-sarrera egonkorrago bat, gure independentzia bermatuko duena.

Duela gutxi sortu zitzaigun Hornachos (Badajoz) gestionatzeko aukera, landa eremuko 8 apartamentuz eta jatetxe batez osatua. Mota honetako proiektu batean inplikatzeak, ordea, halabeharrez eskatzen zuen espazio bat ekintza desberdinak antolatzeko, betiere elkartearen printzipioekin bat egingo zutenak: solidaritatea, laguntasuna, biltzar bidezko funtzionamendua eta parte-hartze aktiboa.

Aipatzekoa da Hornachoseko herria penintsulako azkenetariko gotorleku moriskoa izan zela. Ondare historiko eta kultural aberats baten aurrean gaude, beraz; horren adibide dira, esaterako, presentzia islamikoa erakusten duten aztarnak. Horrek guztiak leku ezin hobea bilakatzen du zentro bat eraiki eta bertan kultura moriskoa, herrien arteko elkar-ulertzea eta palestinar herriarekiko solidaritatea bultzatzeko.

Oinarrizko ezaugarriak eta helburuak

Zentro edo etxe honek taberna-jatetxe bat izango du janari zein edari mediterraniarrak emango dituenak, bai hispaniarrak, bai arabiarrak. Erabiliko diren produktuak, gainera, bertakoak, sasoikoak eta ekologikoak izatea lehenetsiko da. Era berean, Israelgo produktuei boikota egingo zaie, baita erregimen sionistarekin elkarlanean ari diren enpresei ere. Bestalde, zentroak hitzaldi edota dokumentalen proiekzioetarako erabiliko den gela bat izango du. Gainera, arabiar estiloan dekoratutako 8 landa-apartamentu izango ditu zentroak.
Bisitariek, halaber, aukera izango dute artisautza-dendan arrisku egoeran dauden emakume palestinarrek egindako eskulanak erosteko. Modu horretan bisitariek ekonomikoki lagundu diezaiekete emakume horiei, euren familiei eta elkarteari. Gogoratu behar dugu Gazatik penintsularaino produktuak ekartzea zaila izateaz gain, garestia ere badela, kontuan izanda Gazako zerrendak nozitzen duen blokeo egoera Israel eta Egiptoren partetik.
Bukatzeko, eta aintzat hartuta irabazi-asmorik gabeko elkartea dugula, proiektua da modu bat elkartean aurrera eramaten diren ekintzak autogestionatzeko. Beraz, behin proiektuarekin lotutako gastuak berdindu ditugunean, lortutako diru guztia elkarteak Palestinan egiten dituen lan desberdinetara bideratuko da.

Bestalde, elkarteak berak antolatzen dituen ekintzez gain, bestelako zerbitzu batzuk ere eskainiko dira, xede dutenak Tierra de Barros eskualdeko eta Hornachos herriko ondare natural, kultural eta historikoa susatzea:

  • Zailtasun maila desberdinetako mendi-ibiliak Sierra Grande de Hornachosen. Inguru eder horretan hamaika landare eta animalia espezie topatuko dituzu, baita kobazulo harrigarriak ere. Horretarako, elkarteak NATUREX parkea kudeatzen lan egiten duen kooperatiba barruko jendearen laguntza jasotzen du, eta, jakina, guztiek dute ekintza horietarako beharrezkoa den formakuntza.
  • Bisita turistikoak Sierra Grande de Hornachosen. Hornachoseko iragan moriskoa nabarmenduko da, euren labar-pintura goraipatu eta meatze-ustiapenak utzitako aztarnak ikusi. Helburua da eskaintza hau zabaltzea mota honetako ekintzak egiten dituzten beste elkarte, erakunde eta kolektibo batzuei eta, hala, eskualdeko garapen turistikoa bultzatzea.
  • Hornachosen kokalekua aintzat hartuta, aukera egongo litzateke eskaintza turistikoa hedatzeko eta bisita gidatuak egiteko Santos de Maimona, Hinojosa eta Zafra bezalako herrietan, baita Merida eta Badajozen ere.
photo-2017-02-16-11-22-56.jpg

Zerk bultzatzen zaitu eta zeini zuzenduta dago proiektua

Egitasmoa sortzeko arrazoiak bi dira; lehenengoa, elkartearen ekiteko ahalmena areagotzea eta, bigarrena, bere independentzia ekonomikoa bermatzea. Proiektua, batez ere, zuzenduta dago Palestinako auziarekin konprometituta dagoen jendeari, baina baita ere turismoaren garapen jasangarrian eta Tierra de Barros nahiz Hornachoseko ondare historiko, kultural eta naturalean eta sinisten dutenei.

img-8559.jpg

Crowdfunding-eko kanpainaren helburuak

Crowdfunding kanpainaren bidez Al Mukhayam martxan jartzeko bitarteko ekonomikoak lortu nahi ditugu eta, gainera, proiektuan parte hartzeko aukera eman nahi diogu gure ideal eta helburuekin bat egiten duen jendeari.

Momentu honetan, 8 landa-apartamentuak dagoeneko prest daude. Halere, eraikuntza nagusiko altzari guztiak falta zaizkigu oraindik, baita sukaldeko eta taberna-jatetxeko hornitzeko zenbait material ere.

Era berean, Gazara egin genuen azken bidaiatik ekarri genituen eskulan gutxi batzuk dauzkagu. Dena dela, zerbait esanguratsua edo nabarmena egin nahi badugu, beharrezkoa dugu inbertsio handi bat egitea, banatuko litzatekeena zenbait elkarteren artean, guztiek ere lan egiten dutenak Gazako zerrendan arrisku egoeran dauden emakumeen alde.

photo-2017-02-16-11-23-49.jpg photo-2017-02-16-11-24-17.jpg

Aldez aurreko esperientzia eta taldea

Gaza: Tierra y Libertad elkartea 2014an sortu genuen, Israelek egindako erasoa gertatu bitartean –eta batez ere haren ondoren- Gazako zerrendan ziharduten nazioarteko ekintzaileen presentzia urriak arduratuta. Herrien arteko elkartasun eta babeserako elkarte internazionala da gurea.

Ordutik hona, elkartearen ekarpen nagusia eskualdean bertan dokumentazio lanak egitean datza. Orobat okupazio sionistak Gazako zerrendako bizilagunen aurka egin krimenak salatzea eta blokeoarengatik jasaten dituzten bizi-baldintza izugarriak ezagutzera ematea.
Ereite eta uzta-jasotze garaietan, halaber, beren lursailak Gaza eta 1948an okupatutako lurraldeak bereizten dituen hesitik gertu dituzten nekazariak laguntzen aritu izan gara. Noizbehinka baita arrantzaleak ere, zeintzuek sionisten okupazio indarren eguneroko erasoak nozitzen baitituzte.
Gaza: Tierra y Libertad elkarteak Gazako zerrendako hainbat kolektibo eta elkarterekin elkarlanean dihardu eta, era berean, bere burua eskaintzen du Gazako gizarte zibila eta gure gizartearen arteko komunikazio bide eraginkorra izan dadin. Horrengatik guztiagatik, eta jakinik ere karidadea ez dela gure ohiko ekintza-eremua, “argi garbia” bezalako kanpainetan parte hartzea erabaki genuen. Palestinako Sindikatuen Federazio Orokorrak (Gazako Saila) antolatutako ekimen horri esker, inongo diru-sarrerarik gabeko 39 familia (5 seme-alaba edo gehiago dituztenak) laguntzea lortu zen, euren etxeetan LED argiteria-sistema eta bateria bat jarrita. Ordu arte familia hauek, 20 orduko elektrizitate eten luzeek iraun bitartean, kandelen bidez argitzen zituzten bizilekuak, honek dakartzan arrisku guztiekin (suteak batez ere).
Azkenik, bi urteotan hainbat jardunaldi eta hitzaldi antolatu dugu estatu espainolean barna, Palestinako auziarekiko konpromisoa eta herrien arteko elkartasuna sustatzea helburu eta betiere interes inperialisten mesedetan diharduten komunikabideen desinformazioari aurre egiteko asmoa ahaztu gabe.

img-4523.jpg

Giza konpromezua

Objetivos de Desarrollo Sostenible

  • Trabajo decente y crecimiento económico

    Promover el crecimiento económico sostenido, inclusivo y sostenible, el empleo pleno y productivo y el trabajo decente para todos

  • Ciudades y comunidades sostenibles

    Lograr que las ciudades y los asentamientos humanos sean inclusivos, seguros, resilientes y sostenibles

  • Paz, justicia e instituciones sólidas

    Promover sociedades, justas, pacíficas e inclusivas