Sare honek, ekimen eta proiektuetan elkarlanerako esparru erabilgarria eskaintzen du. 2007 urtean sortu zenetik, hainbat jenderen ekarpenekin hazten joan da, besteak beste, biztanle kezkatuak, hiri aktibista, ikasle eta irakasle, artista, kultura kudeatzaile, paisajista, ekolojista, urbanista, arkitekto, jurista, soziologo, hacker edo kooperatibistak parte hartu dute. Azken finean, gizaki talde heterogeneo eta zabala da, bizi duten ingurua gertuago izateko gogoa duten biztanleak dira.
Partekatutako abentura honetan geundela, uneoro elkarren artean komunikatu ahal izateko lekuaren beharra ikusten genuen. Gure proiektuak eta interesak hedatzea posible egingo lukeen lekua eta elkarlanerako esparru bat eskainiko zukeena. Honela sortu zen ArquitecturasColectivas.net lekua. Kode irekiko tresna bat da. Leku honetan, hiri espazioaren inguruko sormen partekatua erraztu ditzaketen aplikazioak biltzen dira.
Elkartu, ikasi edo informazioa hedatzeko, edonori irekita dagoen lekua da.
Oinarrizko ezaugarriak eta helburuak
ArquitecturasColectivas.net, elkarlanerako tresnak eta edukiak hedatu ahal izateko lekua ematen duen plataforma bat da.
Erabili ahal izateko erregistratzea besterik ez da behar, hau egiteko, nahikoa da izen bat eta posta helbidea ematea. Webean emandako informazioa edukien jatorria jakin ahal izateko eta lekuaren kudeaketa teknikorako bakarrik erabiliko da.
Inguruaren eraikuntza partekatuari buruzko berriak zabaltzeko hedabide bat da. Norberak editatu dezake. Edonork igo ditzake berriak, deialdiak edo bideoak. Baldintza bakarra, Arkitektura Kolektiboak sarearen lan ildoekin erlazioa izatea da.
Elkarlanerako tresna bezala, lan taldeetan antolatzeko aukera eskaintzen da. Edozein erabiltzaileak sortu eta kudea ditzake talde hauek. Talde bakoitzak, bere kabuz aukera dezake, zein neurritan erlazionatzen den gainontzeko sarearekin, taldekide berriak onartu, edukiak elkarlanean sortu, artxibategiak kudeatu eta abar.
Tresna hau interes orokorreko informazioekin osatzen da, esate baterako, izaera tekniko edo juridikoko gidak. Aldi berean, erabiltzaileen arteko komunikaziorako tresnak txertatzen ari dira, chat edo posta zerrenda bezalakoak.
Zerk bultzatzen zaitu eta zeini zuzenduta dago proiektua
ArquitecturasColectivas.net sortzearen arrazoia, erkidegoa eta hiriaren eraikuntza anitz eta partekatuan interesa dugun pertsonak komunikatu eta batzea da.
Gaur egun publikatu eta hedatzeko tresna ugari dago merkatuan. Hauetariko asko jabego-softwarea dira eta gure iritzian, sarritan erabiltzaileen eskumenak ez dira nahikoa errespetatzen. Gure proposamena elkarlanerako tresna irekiak, modu bateratuan aurki daitezkeen lekua eskaintzea da.
-
Eboluziona dezakeen tresneria: behar anitz eta aldakorrei molda daitezkeen lan moduak sortuko dituzten baliabide propioekin lan egitea.
-
Teknologia burujabetasuna: Interes edo kapital pribatuen menpetasunik ez duten baliabide propioekin lan egitea. Honetarako kide itzelen sorbaldetan bermatzen gara, Drupal, PhP eta OpenLayers bezalako sistema irekiak. Aldi berean, sistema hauek etorkizunean izango duten hazkuntzan lagundu nahi dugu baita ere.
-
Helburu komertzialekin erabil ditzaketen enpresei, erabiltzaileen daturik ez ematea.
-
Gure lana lizentzia irekiekin argitaratu, edonork erabil dezaken gizartearen ondare izatea.
Crowdfunding-eko kanpainaren helburuak
Arquitecturascolectivas.net gaitasunen sistema organiko moduan eratzen da, erabiltzaileen esperientzian oinarrituta eboluzionatuko duena.
Helburua plataforma osatzen joatea da, esperientzia hauetatik abiatuta sortzen diren hobekuntzak ezarri eta erabilera partekatuan aurkitzen diren beharrak asetzea.
Hainbat atal garatu behar ditugu, nagusiki, mapatze eta Geolokalizazio tresna, sarearen erabiltzaileen arteko komunikazioa, interakzioa, atal bakoitzaren erabilera erraztu, lantaldeen eskaera zehatzak bete eta lekuan dauden zenbait eduki estatiko osatu.
ArquitecturasColectivas.net tresna hobe eta errazagoa izatea. Lurraldea eraiki eta hobetzeko elkarlanaren alorrean, erreferentzia izango den komunikazio bide auto-kudeatu, erakargarri eta eguneratua bihurtzea.
Aldez aurreko esperientzia eta taldea
Arkitektura Kolektiboak sarearen baitan bost urtetik gorako esperientziatik abiatzen gara. Esparru honetan topaketak sustatu eta antolatu, hiri eraldatze proiektuak, gizartea ahalduntzeko tresnen ikerketa, sormen eta hedatze lanak egin ditugu
Gero eta jende gehiago ari gara ArquitecturasColectivas.net tresnaren garapenean lanean, une honetan lan talde iraunkorra osatzen dugunak hauek gara: David Juárez, Edgar Saumell, Eliseu Arrufat y Gorka Rodriguez (colectivos Straddle3, LaCol eta Zaramari Hiri Ekologia).