DELIKATETXE, agroeconomía circular de cercanía.

Arrasate hiribidea, 1. Elorrio
artxibatua 22 / 01 / 2020
Artxibatuta...
Jasota
€ 3.885
Minimoa
€ 5.000
Hobezina
€ 27.380
50 Finantzakideak
Jartzen € 5
Gure hodeia
  • Zure ekarpena eskertzeko zure izena eta gainontzeko kolaboratzaileena gure web-ean jarriko dugu, ikusgarri.
  • Gure emozioa partekatzeko eta gure salda noiz merkaturatzen dugun ahalik eta lasterren jakin dezazun, gure aurrerapen guztietaz informatuta mantenduko zaitugu!
> 00 Finantzakideak
Jartzen € 15
Gure hodeia plus
  • Aurreko sariak, eta, gainera,
  • Delikatxek antolatzen dituen ekitaldi garrantzitsuenetara etortzera gonbidatuko zaitugu.
> 05 Finantzakideak
Jartzen € 25
Delikatetxe komunitatea
  • Aurreko sariak, eta, gainera,
  • sortuko dugun komunitatearen parte izango zara, gure produktuen dastatze eta erakustaldietara gonbidatuko zaitugularik.
  • Gure I+G+B proiektuen berri emango dizugu, parte hartzeko aukera izan dezazun.
> 03 Finantzakideak
Jartzen € 40
Bisita
  • Aurreko sariak, eta, gainera,
  • gure lantegia bisitatzera gonbidatuko zaitugu. Urrun bizi bazara, zure bisita antolatzen lagunduko zaitugu.
> 09 Finantzakideak
Jartzen € 100
Produktu sorta
  • Aurreko sariak, eta, gainera,
  • Delikatetxek egindako produktu sorta bat zure etxera bidaliko dizugu, zuk edo maite dituzun pertsonekin dasta ditzazun!
> 13 Finantzakideak
Jartzen € 300
Banakako bisita eta dastaketa
  • Aurreko sariak, eta, gainera,
  • Argi dago gure proyektua zeozer eragin dizula. Elkar ezagutzea gustatuko litzaiguke, zure laguntzari esker lortu duguna erakusteko. Horrekin bat, banakako bisita antolatuko dizugu, gure instalazioak ezagutu ditzazun, Delikatetxe produktuen dastaketa barne.
> 03 Finantzakideak
Jartzen € 1.000
Baserrira bisita
  • Aurreko sariak, eta, gainera,
  • Eusko Label arraultzen oilo erruleen baserri bat bisitatzera eramango zaitugu. Bertan ikusiko duzu zelako kontu handiz zaintzen dituzten baserritarrek beraien oiloak eta zuri eskerrak emateko aukera emango diezu ere.
> 00 Finantzakideak

Proiektu honi buruz

Kalitatezko 0Km ko produktu naturalak lortzeko Eusko Label arrautzak erruten dituzten oiloen ustiapen integrala
Eginkizuna Minimoa Hobezina
Eguzki-panelen instalazioa
Eguzki panelen instalazioa eta sistema osoa martxan jartzeko lanak.
€ 5.000
Azpiegitura Minimoa Hobezina
Eguzki-panelak
Proiektu osoa oso ondo pentsatuta daukagu. Oilo-hazleak eta nekazariak gurekin ditugu. Ekoizte metodoak ikertu ditugu eta entseguen bidez hobetu. Ontzien prototipoak baditugu. Behardugun ia guztia modu efiziente eta arduratsuan ekoiztu dezakegu. Zer falta zaigu, bada? Gure idealekin bat datorren ahalik eta energiarik gutxien erabiltzen duen ekoizte-modua martxan jartzeko eguzki-panelak. Izan ere, gure salda egiteko erabiliko ditugun marmitetan ura irakiteko energia asko beharko dugu. Ez dugu energia hau sare konbentzionaletik hartu. Gure energia sortu nahi dugu iturri berriztagarriak erabiliz. Hor dago zure laguntzaren beharra. Aipatutako eguzki-panelei esker, eguzkiaren izpiak gure marmitentzako bero bihurtzeko gai izango gara. Gure esku geratuko da egosketaz aparteko gainontzeko pausuak ahalik eta efizienteen izan daitezen. Adibidez, bukatutako saldaren tenperatura jeisteko ez dugu arigindarrik erabili behar izango. Zure laguntzari esker gure proiektua martxan jarriko dugu eta ekoizleen, kontsumitzaileen eta gure onura dakarten produktuak sortzeko aukera izango dugu.
€ 22.380
Guztira € 5.000 € 27.380
Nahitaezkoa
Gehigarria

Informazio orokorra

Delikatetxe sortu dugu oilo salda bikaina egin nahi dugulako. Asmo gutxiko ideia delakoan? Emaiguzu unetxo bat eta gure ekimena zergatik den aparta eta horrenbeste gauza on nola sustatzen dituen kontatuko dizugu.

Eusko Label arraultzak erruten dituzten oiloekin salda egingo dugu; kontu handiz hazten dituzten eta horren arraultz goxoak erruten dituzten oiloekin, hain zuzen. Zer egin dezakete baserritarrek oilo hauekin erruteari uzten diotenean? Ezertxo ere ez. Hemen datza gure abagunea. Oilo hauek bilduko ditugu eta guztion hobe beharrez azkeneko erabilera emango diegu.

Bestalde, salda goxoa gure baserrietako barazkiekin hobetuko dugu. Badakizu supermerkatuan barazkirik dotoreenak saltzen dizkigutela, guztiak molde berberarekin egindakoak diruditenak. Zer gertatzen da horren disdiratsuak ez direnekin? Bota egiten dituztela. Guretzat beste aukera ezin hobea da hau, erabiltzeko batzen baititugu. Azken finean, osasungarriak dira oso. Zergatik ez ditugu gure errezetan sartuko, bada?

Oiloen bularrekin hanburgesa iharrak egingo ditugu. Galdarraztatutako porruak poteratuko ditugu eta tipularekin marmelada egingo dugu. Oilo-izterrekin eta gainontzeko barazkiekin txakurrentzako jaki osasungarria egingo dugu. Gehiago ekoiztu, xahutu edo kutsatu ordez, nahiago dugu ditugun baliabideak ahalik eta hobekien erabiltzea.

Gure helburu nagusia haratago doa, ordea. Natura maite dugu, halaber, pertsonak. Alde batetik zuek, gure kontsumitzaileak izango zaretenak. Bestalde, gure proiektuaren protagonistak: gure baserritarrak. Oiloak eta barazkiak hazten sekulako ahalegina egiten dute. Beraien eginahala sari handiagoa izan dezan lagundu nahi ditugu. Produktu horiek eraldatuko ditugu eta salmentaren etekinaren parte bat emango diegu. Horrela ekonomia-zirkulua itxiko dugu eta haiek lan gehiegorik egin gabe mesede egingo diegu.

Nola lagun gaitzakezu? Zure diru-ekarpenak ezinbestekoak dira eguzki-panelak erosi ahal izateko. Hauei esker, gure salda irakiteko behar dugun argindarra asko murriztuko dugu, eguzkiaren izpiak erabilita. Gure salda sukaldatzeko marmita bereziak ere behar ditugu.

Gutxi balitz ere, kalitete ezinhobeko salda hau oso prezio lehiakorrean eskainiko dizugu. Nola lortuko dugu? Gure baserritarrekin elkarlanean, existitzen diren lehengaiak aprobetxatzen ari garelako, mota askotako kostuak aurreztuz. Produkturik hoberena eskaini nahi dizugu, eta ez beste ezer.

Negua hemen daukagula, gustoko al duzu katilu bat salda bero? Askoz ere gozoago da osasungarria eta naturarekiko eta ekoizleekiko arduratsua dela jakinda, ez da?

Zure laguntzari esker gure ekonomia zirkularreko proiektua egi bihurtzea lortuko dugu eta etorkizunean produktu osasungarri, jasangarri, kalitatezko eta 0Km-ko gehiago eskainiko dizkizugu.

Oinarriko ezaugarriak

Delikatetxe osatzen dugun kooperatibistek honako hau nahi dugu:

  • Hondakinik gabe ekoiztu, ekonomia zirkularra jarraiki.
  • Ahalik eta argindar gutxien erabili.
  • 0Km produktuak ekoiztu.
  • Kalitate handiko elikagaiak sukaldatu.
  • Elikagai osasungarria eskaini.
  • Bertako ekoizleei mesede egin.

Zerk bultzatzen zaitu eta nori doakio proiektua

Proiektu hay zuri zuzenduta dago, zu

  • Ingurunea balioesten duzulako eta bere zainketan parte hartu nahi duzulako. Zurekin ados gaudelako, gure nekazari eta abeltzainek ahalegin handiz sortu eta alferrik galdu behar dituzten baliabideak aprobetxatzeko ekoizte-sistema bat eskaintzen dizugu. Gainera, ahalik eta saretik ahalik eta energia gutxien hartzen saiatuko gara, eguzki-panelei esker.
  • Ekoizle txiki eta ertainek primerako lana egiten dutela uste duzu eta lagundu nahi diezu. Horregatik beraien baserrietara joango gara oiloen bila eta beraien soroetara barazkien bila, erabilera on bat emateko.
  • Ona dena balioesten duzu. Gure salda egiteko lehengarik hoberena erabiltzen dugu: Eusko Label arraultzak erruten duten oiloak. Merkatuko gainerontzeko saldak oilaskoz eginak daude. Oilaskoaren koipea irabiatu beharra dago eta horregatik dauka kolore txuri bereizgarria. Gure saldaren kolorea benetako saldaren itxura dauka, etxean egiten duzunaren modukoa. Are gehiago: salgai dauden saldak %0,5 eta %22 bitartean dira oilasko; Delikatetxeren salda, ordea, %40a da oilo. Itxura ezin hobea dauka. Atsegingarria da. Ondo sentituko zara.
  • Ez duzu uste kalitatezko produktuak garestiagaoak izan behar direnik. Ondo dakigu dirua arduraz irabastea eta gure familiak aurrera ateratzea oso zaila dela. Beraientzat hoberena nahi dugu, baina ez dugo behar baino gehiago gastatu nahi. Horregatik gure produktuak modurik eraginkorrenean ekoizten ditugu eta horri esker, bidezko prezio batean eskeini ahal dizkizugu. Horretan datza gure abantaila.
  • Hubiltasunean eta komunitatean sinesten duzu. Inguruko baliabideak erabiliz, bertako ekonomia laguntzen dugu. Guztiok biltzen ditugu ahaleginak elikadura egokia ekarriz eta ingurunea errespetatuz.

Aurretiko esperientzia eta taldea

Kooperatiba txikia gara. Guretzak sekulako garrantzia du honek, ez baitugu nahi gure proiektua kapitalaren menpe egon daiten. Pertsonak nagusi diren iharduera garatu nahi dugu, ordez.

Delikatetxe Kooperatiba Elkarte Txikia lau lagun gara:

  • Iratxe, bertoko baserritarra, arraultza ekologikoak erruten dituzten oiloak hasten dituena.
  • Alazne, gure administrazioaren eta salmenten arduraduna.
  • Edurne, txakurrentzako elikaduran aditua.
  • Xabier, gure ingeniaria, ekoizte-prozesuen eta eraginkortasun energetikoaren gain dagoena.

Compromiso social