ELIKAGUNEA. Kontsumo eredua eraldatuz

Imagen de cabecera
Ikusi bideoa
finantzatua 30 / 12 / 2017
Aldi berean finantzatuta!
Jasota
€ 7.610
Gutxienekoa
€ 3.500
Hobeezina
€ 7.500
83 Aldi bereko finantzakideak
Canal
  • Eman € 10

    BABESTU PROIEKTUA

    Babestu ezazu Elikaguneko proiektua! Web orrialdean aipamena. Eskerrik asko proiektu honetan sinesteagatik!

    > 03 Aldi bereko finantzakideak
  • Eman € 30

    BABESTU PROIEKTUA

    Babestu ezazu Elikaguneko proiektua! Web orrialdean aipamena eta Elikaguneko poltsa eskuratuko dituzu. Eskerrik asko proiektu honetan sinesteagatik!

    > 03 Aldi bereko finantzakideak
  • Eman € 50

    EGIN ZAITEZ BAZKIDE

    Egin zaitez bazkide! Bazkide txartela, web orrialdean aipamena eta Elikaguneko poltsa eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 41 Aldi bereko finantzakideak
  • Eman € 100

    EGIN ZAITEZ BAZKIDE eta eskuratu erosketa bale bat

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan erabili ahal izateko 50 eurotako bale bat eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 14 Aldi bereko finantzakideak
  • Eman € 150

    EGIN ZAITEZ BAZKIDE eta eskuratu erosketa bale bat

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan erabili ahal izateko 100 eurotako bale bat eskuratuko dituzu. Urteko bazkide kuota ordainduta.
    Eskerrik asko proiektu honetan sinesteagatik!

    > 10 Aldi bereko finantzakideak
  • Eman € 250

    ERAGILE EDO NORBANAKOENTZAT

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan edo zerbitzuetan erabili ahal izateko 200 eurotako bale bat eskuratuko duzu. Urteko bazkide kuota ordainduta. Eskerrik asko proiektu honetan sinesteagatik!

    > 04 Aldi bereko finantzakideak
  • Eman € 500

    ERAGILE EDO NORBANAKOENTZAT

    Egin zaitez bazkide! Bazkide txartela, web orrialdean aipamena eta Elikaguneko poltsaz gain, erosketetan edo zerbitzuetan erabili ahal izateko 450 eurotako bale bat eskuratuko duzu. Urteko bazkide kuota ordainduta. Eskerrik asko proiektu honetan sinesteagatik!

    > 02 Aldi bereko finantzakideak

Odriozola, Aizpuru eta Izagirre: “Elikadura burujabetza lortzeko, ezinbestekoa da bertakoa jatea”

22 | 11 | 2017
Odriozola, Aizpuru eta Izagirre: “Elikadura burujabetza lortzeko, ezinbestekoa da bertakoa jatea”

Urola Kostako HITZA

Euskal Herriko "elikagaien topagunea" izango den Elikaguneak urtarrilean zabalduko ditu ateak, Azpeitik Azoka Plazan.

Artxara Kooperatiba Elkarte Txikiak kudeatuko du Azpeitiko Azoka Plazako Elikagunea. Agurtzane Odriozola (Azkoitia, 1979), Ioritz Aizpuru (Azpeitia, 1983) eta Xabi Izagirre (Azpeitia, 1986) dira Artxara osatzen duten lagunak, eta proiektua herriratzeko bazkidetza kanpaina abiatu berri dute. Saltoki arruntetatik “bereiziko” den gunea izango dela diote. Elikagunea urtarrilean irekitzea aurreikusten dute.

Zer da Elikagunea?

Azpeitia erdigune bezala hartuta, 150 kilometroren bueltan ekoitzitako lehengaiak jasotzen dituen lekua izango da Elikagunea. Bertan, janari denda, harategia eta sukaldea egongo dira, baina saltokia izatetik harago, Elikagunea dastaketa eta heziketa gunea izatea nahi dugu. Helburua da bertako produktuei balioa ematea eta lehen sektorea indartzea, baita herritarrei informazioa ematea ere.

Proiektu honetan murgildu aurretik, ba al zenuten harremanik lehen sektorearekin?

Odriozola: Ni baserritarra naiz betitik, baserrian bizi izan naiz. Abereak zein baratzea beti gertu izan ditut. Bestalde, hiru urte daramatzat harategian lanean, eta asko gustatzen zait bertako produktuen mundua.
Aizpuru: Gurasoak baserrikoak dira, baserria gertu izan dut beti, eta gaur egun baserrian bizi naiz. Beti erakarri izan nau lehen sektorean jarduteak, baina sekula ez naiz animatu pausoa ematera. Elikagunearen aukera ikusi nuenean, ordea, interesa piztu zitzaidan, eta hirurok eman diogu forma ideia hutsa zenari.
Izagirre: Ni kalekumea naiz, kar, kar, kar. Nahiz eta orain arte lehen sektorearekin ez dudan zuzeneko harremanik izan, banuen lehen sektorearen gaineko sentsibilizazioa. Sukaldaria naiz, eta nahiago dut bertako jeneroa prestatzea.

Zein pauso jarraitu dituzue proiektua gorpuzteko?

Oinarrian, udalaren proiektua eta diseinua dago, bai filosofia aldetik eta baita fisikoki ere: bertako produktuei balioa emango dien saltokia. Proiektu herritar bat lantzea zen aurreneko asmoa, eta argi ikusi genuen kooperatiba forma eman behar geniola Elikaguneari. Horregatik, hasieratik nahi izan dugu Euskal Herriko txoko ezberdinetako ekoizleekin eta kontsumitzaileekin elkarlanean jardutea. Horren harira, bazkidetza kanpaina jarri dugu martxan. Bestalde, Artxara kooperatiba bai, baina irabazi asmorik gabekoa izatea adostu genuen.

Zergatik da garrantzitsua bertako produktuak bertako herritarrek kontsumitzea?

Argi dagoena da kontsumitzaileak bertako produktuen alde egiten duela. Ikusi besterik ez dago supermerkatu kate handiak bertako produktuak txertatzen hasi direla. Hori positiboa da; baina tristea bada ere, marketin kanpainetan gelditzen dira. Marketin mezu horietatik harago, denda txikiei lagundu nahi diegu, ez dituztelako saltoki handien erraztasunak. Halere, bertakotasunaren garrantzia ez da moda kontua, logika hutsa da. Lehen sektorea indartzeko eta elikadura burujabetza lortzeko, ezinbestekoa da bertakoa bertan jatea.

Baserritarren plazara zoazte. Haiek ikusiko al dute konpetentziarik Elikagunean?

Beraien plazara goaz, bai, baina guk nahi duguna da haien produktuak modu iraunkor batean ematea beste erosle profil bati. Era berean, esan behar dugu baserritarrei erosiko dizkiegula produktuak. Jarri gara harremanetan baserritarrekin, banan-banan hitz egin dugu haiekin, eta asmoa da elkarrekin ekimenak egiten hastea. Esaterako, azoka egunetan baserritarren produktuekin dastaketak egitea nahi dugu. Orain arte, jarrera ona erakutsi dute. Kontsumo taldeekin ere hitz egin dugu jada, beraien saskiak-eta guk banatzeko Azoka Plazan.

Bazkidetza kanpaina jarri duzue abian. Zertan datza?

Hiru bazkide langileon ekarpen ekonomikoarekin egin diogu aurre proiektuaren oinarria finkatzeari. Baina Elikagunea martxan jartzerako, pentsatu genuen komeni zela likidezia lortzea. Bestalde, bazkidetza kanpaina Elikagunea ezagutarazteko bitarteko ona izan zitekeela ikusi genuen, baita Elikagunearen inguruko komunitate bat sortzeko ere.

Zenbateko ekarpena egin dezakete herritarrek?

10-30 euro jartzen dituztenek, proiektuari babesa emango diete. 50 eurotik gorako diru ekarpena egiten dutenek, berriz, bazkide txartela eskuratuko dute. 50 euro baino gehiago jartzen duten lagunek, kopuru horretatik gorako dirua erosketa txarteletan gastatzeko aukera izango dute. Finantzaketa kolektiboko bazkidetza kanpainak 40 egun iraungo du.

Sukaldea izango du Elikaguneak. Zein da haren funtzioa?

Hasieran, plater prestatuak egiteko erabiliko dugu. Horrez gain, catering zerbitzua eskaini nahi dugu. Bestalde, dastaketak egingo ditugu. Azpimarratu nahi dugu denetariko jatekoa prestatu nahi dugula, garaikoa baina gustu eta behar guztietara egokituko dena: beganoa, alergenoa…

Jakin-min handia piztu duen egitasmoa da. Zer sentsazio dituzue irekieraren atarian?

Ilusioz, gogotsu eta urduri gaude. Jendeak bere aurreikuspenak egin ditu, eta presio horrek errespetua sortzen du. Eragile eta herritar ezberdinen elkarlana lortzen badugu, oso proiektu erakargarria izango da. Denborak esango du…