2011. urtearen hasieran ireki zituen uhateak GOTEOk eta orduz geroztik, gauza asko gertatu dira. Gertatutako gehienak positiboak izan dira, asko eta asko ezustekoak eta beste hainbat ikasteko eta hobetzeko aukera eman digutenak. Azken finean, bide ona egin dugu jende eta proiektu askoren ondoan eta 2013. urtea hastear dagoen honetan, ekimen horien guztien errepasoa egitea merezi duela iruditu zaigu. .

Horretan ginen, datuak irudikatzen espezialista eta artista den Franc Camps-Ferrer, Brooklyn eta Bartzelona artean bizi dena, agertu zenean. Berak galderak eta zifrak grafiko dinamikoetara itzultzeko zenbait proposamen egin zizkigun.

Alde batetik, lanean ari gara plataformak on komunaren inguruko proiektuak jasotzeko eta edonork erabili ahalko dituen datu irekiak (honela, hain berria den crowdfunding-aren inguruan beharrezkoa zaigun denon arteko ezagutza zabaltzeko) askatzeko bidea eman dezan eta bestetik, Franc Camps-ek kanpainen, erabiltzaileen eta ekarpenen estatistika zehatzak ezagututa, GOTEOren lehen urtea hain gogoko ditugun infografia eta ondorio hauetan irudikatzea lortu du.

Infografiekin batera agertzen den bideoak erakusten digu irudikatze-modu honek eman dezakeen zehaztasun eta ulermen maila. Kasu honetan, 2011.eko azaroa eta 2012.eko azaroa bitarteko kofinantziazioen portaera geografikoa ikus dezakegu. Franc-en lanean bestelako gauza garrantzitsuak ere ikus daitezke, hala nola, hasierako egunetan antzeko arrakasta izan zuten kanpainen garapen desberdinak, proiektuari buruzko informazioa aldizka eguneratzeak zabalkundean izan dezakeen garrantzia edota, itzulera kolektiboak eskaintzen ez dituzten bestelako plataformetan baino altuagoa den ekarpenen batezbestekoa (hau bere garaian ere egiaztatu ahal izan genuen GOTEO garatzen hasi aurretik Platoniq-ek egindako ikerketari esker previa al desarrollo de Goteo).

( {"video_url": "http://www.youtube.com/watch?v=CIObJ-w8s7o"} )
Zer gertatu da 2012. urtean?

Denbora aurrera doa eta hau hazten ari da etengabe, beraz, urte berriarekin GOTEOren historia laburrean garrantzitsuak izan diren hainbat gertaera ekarri nahi genituzke gogora.

2012. urtean ireki da GOTEO Euskadi , plataformako lehen nodo autonomoa (laster nodo gehiago izango ditugu, esaterako Andaluziakoa, sinisten dugun eredu deszentralizatua sendotuz). Azken hilabete hauetan, aurkezpen eta hitzaldi asko egin ditugu (adibidez, hau TEDxMadrilen) eta finantziazio kolektiboa lantzeko 15 lantegi baino gehiago proposatu ditugu hainbat testuinguru eta hiritan (Madril, Bilbo, Zaragoza, Tenerife, Cáceres, Berlin, Erroma, Dublin, Nantes, Caracas, Maracaibo...).

Boluntario askoren laguntza ordainezinari esker, plataforma katalanera, ingelesera, euskarara eta frantsesera (hizkuntza honetanliburu zoragarri bat ere egin da) itzuli da. Iturburu-kodearen lehen bertsioa GIthub-en jarri da libre AGPL lizentziapean (dakigunez, crowdfunding-eko beste bi plataformek gutxienez aprobetxatu ahal izan dute dagoeneko kode hau). Ordainsariari uko egin dioten kofinantzatzaileek emandako dirua desgrabatu ahal izateko erabiltzailearen menutik bertatik prozesatu daitekeen APIa garatu dugu. Era berean, urte honetan eskala-arazoak pairatu eta gainditu ditugu, Premio Focus de Conocimiento Libre delakoa jaso dugu erakunde arrakastatsu gisa eta gizarte-aldaketarako crowdfunding plataformen artean lehen postua lortu dugu P2PFoundation blogean.

Bukatzear dagoen urte honetan, Pau Llop-ekin elkarlana hasi dugu Colaboratorio de eldiario.es blogean, elkarlaneko ekonomiari buruzko gauza interesgarriak idatziz. Gainera, GOTEO plataformaren blogean ere mugimendu asko egon da; Berliner Gazette edo UOC-eko Mosaic aldizkarietarako idatzi dugu; Felex Stalderek elkarrizketa egin digu Shareable-rako eta oihartzuna lortu dugu hainbat komunikabide eta ekitaldietan. Bestalde, udako zein neguko katalogoak argitaratu ditugu (oraindik Errege egunerako opariren bat falta bazaizu, itzulera kolektiboa eskaintzen duen kanpaina berriren bat laguntzera animatzen zaitugu) :)

Gaur egungo hainbat datu

Post honetako zifrak eta irudikapenak osatuz, plataformak 17.761 erabiltzaile ditu dagoeneko (8.917 kofinantzatzaile aktiboak dira eta horietatik 1.000 baino gehiagok kanpaina bat baino gehiago kofinantzatu du), eguneko 10.400 bisita jasotzen ditu gutxi gorabehera, 2012. urtean guztira 2.500.000 bisita baino gehiago izan ditu eta gizarte sareetan 10.000 jarraitzaile inguru ditu. Oraingoz, 150 proiektu argitaratu dira, guztira 430.000 eurokoa da bildutako diru-kopurua, batezbesteko 40euro kofinantzatzaile bakoitzeko eta kanpainen arrakasta maila %60koa izan da. Honetaz guztiaz gain, elkarlanerako 765 eskaintza izan ditugu. Itzulera kolektiboei dagokienez, gehienetan aukeratu den lizentzia Creative Commons Aitortu-EzKomertziala-PartekatuBerdini zan da.

Hau guztia (eta postean sartzen ez den beste hainbat gauza ere) ezinezkoa izango zatekeen, plataformaren bitartez kanpainan zeuden proiektuei euren diru-laguntza, denbora, ezagutza eta bestelako baliabideak eskaini dizkieten pertsona guztiak gabe, beraz GOTEOren sustatzaileen eta taldearen aldetik

E S K E R R I K A S K O

erraldoi bat idaztea besterik ez zaigu geratzen eta 2013. urtea izan dadila on komunaren urtea denontzat.