Post honetan, Goteon aurki ditzakezun ikonoen esanahia azaltzen dugu. Ikonoek modu grafikoan laburbiltzen dituzte itzulkin kolektibo motak eta plataforman argitaratutako proiektuek eskaini ahal dituzten sari indibidualenak.

Hortaz, proiektuak gizartearekin konpartitzen dituzten emaitzen arabera bilatzeko balio dute, baita lortutako babesagatik eman den sari indibidual gisa eskaintzen diren produktuen edo zerbitzuen arabera bilatzeko ere.

“Artxibo digitalak” ikonoak musika-lanak, irudiak, bideoak, testuak, etab. barne hartzen ditu. Eduki digital kulturalak dira, normalean deskargatu ahal dira edo web orrian beren estekak daude, eranskin gisa ere bidaltzeko, sortu ondoren.

"Iturburu-kodea" da edozein programa informatikoren edo software-piezaren kodea. Ikono hau kodearen jatorrizko egileek soilik esleitu ahal dute, lizentzia egokiaren bidez eskuragarri jartzeko. “Artxibo digitalak” kategoriako itzulkinekiko desberdintasuna da ez dela produktua bera, produktuaren kodea baizik

“Diseinuak” orotariko dokumentu zehatzak izan daitezke: planoak, patroiak, eskemak, zirriborroak, diagramak, etab. eta, ondorioz, zerbait eraiki edo sortzeko ohar grafikoak izan daitezke.

“Eskuliburuak” diogunean, zerbait egiteko urratsak zehazten edo zerrendatzen dituzten dokumentu praktikoei buruz ari gara. Material didaktikoak, bussiness planak, “how to”ak edo ezagutzaren bat modu ordenatuan transmititzeko orotariko errezetak izan daitezke.

“Produktua” ikonoak objektuak, tramankuluak, fetixak eta, oro har, mugatuak diren lan “analogikoak” barne hartzen ditu, hau da, pertsona-kopuru mugatu bati soilik eskaini ahal zaizkienak (eta sortuz gain bidali egin behar dira :-)

“Zerbitzuak” sinboloak beste pertsona batzuei presentzialki edo online eskainitako jarduerei egiten die erreferentzia, adibidez, honakoei: prestakuntza, laguntza teknikoa, aholkularitza, etab. eta, ondorioz, denbora eta ezagutza konpartitzearekin dago lotuta.”

"Euroa" ikonoak, jakina, itzulkin ekonomikoei egiten die erreferentzia. Aukera hau egindako dohaintzaren zati bat edo kopuru osoa Goteon plazaratutako beste ekimen batzuk finantzatzeko itzultzeko gai diren proiektuen sustatzaileentzat dira.

Gogoan izan Goteon gogor egiten dugula apustu itzulkin kolektiboen alde (deskribatutako formatu hauetako edozeinekin), proiektuak irekitzea, irisgarri egitea, irabazi kolektibo erabilgarriak eta komunitatearentzat baliotsuak direnak sortzea ahalbidetzen dutenak direlako. Ez dago benetako finantzaketa kolektiborik irabazi kolektiborik gabe!