CROWDSASUNAren bihotza taupadaka hasi da berriz osasunaren arloko proiektu berritzaileen bigarren deialdiaren ibilbidea egiteko. Aurreko urteko edizioaren ondoren, Innobasquek CROWDSASUNAren beste deialdi bat sustatzen du. Euskadi mailan, osasunaren eta bizitza osasuntsuaren arloko ekimen berritzaileak, eta gizartearentzat itzulera kolektibo irekiak sortuko dituztenak, proposatzeko, bultzatzeko eta elkarrekin finantzatzeko bide berriak arakatzea da helburua.

Produktu-ideia bat izan daiteke, edo zerbitzu bat, ikerketa bat, teknologia berri bat, zabalkunde eta kontzientziaziorako elementu bat... Garrantzitsua zera da, oro har gizartearen edo biztanleriaren zati jakin baten bizi-kalitatea eta osasun-maila hobetzen laguntzea.

5 proiektu aukeratuko dira. Ondoren, proiektuok crowdfunding kanpaina batean sartuko dira. Obra Social “la Caixa”ri esker, kanpaina horrek Ureztatze-Kapitaleko 12.000€ko poltsa izango du.

Deialdia martxoaren 11tik apirilaren 11ra bitartean egongo da irekita eta proposamenak CROWDSASUNAren web-gunean eskuragarri dagoen on-line inprimaki baten bidez bidaliko dira.

Informazio guztia (epeak, proiektu-ereduak, berezitasunak eta bestelakoak) Oinarri Arautzaileetan dago xehe azaldua. Gainera, prestakuntzarako eta zabalkunderako hainbat jarduera antolatu dira. Martxoaren 11n, jendaurreko aurkezpena Bilbon; martxoak 19an on-line galdera-saioa eta martxoaren 25ean eta 26an, bi lantegi praktiko Bilbon eta Donostian.

Jarduera hauei buruzko informazio zehatza eta izena emateko eta parte hartzeko moduei buruzko xehetasunak, HEMEN aurki daitezke.

Adi, prest, JA!