Berriz ere matchfunding META! deialdia egin dugu eta aurtengoa bosgarren urtea da jarraian. 4 edizio arrakastatsu egin ondoren (guztira, 65 proiektu finantzatu eta 604.708 euro banatu dira), programa honek badaki konfiantza sortzen, interesa pizten du bere inguruan eta Gipuzkoan finkatzen ari da, kultur eragileek tokiko sarea aberasten eta indartzen ari diren ekimenak finantzatzeko eskura duten tresna gisa.

PiztuMETA izeneko deialdi honetan kultura proiektuak finantzatzeko estrategia emankorra sendotu egin da, kulturaren munduarentzat ohiko dena baino egoera delikatuago honetan. Hori dela eta, aurtengo leloa da «Gure kulturak balio bikoitza izatea lortuko dugu!» Oztopoen aurrean, energia bikoiztua aurrera egiteko.

Urriaren 8an kanpainara aterako diren aurtengo proiektuen hautaketan, talde sustatzaile bakoitzaren konpromisoa baloratu dugu, eta hautatutako 15 ekimenetan argi eta garbi ikusi dugu eragin handiko itzulera Gipuzkoako gizartean. Klima aldaketari eta aldaketa horrek kostaldeko herrietan duen berehalako eraginari buruzko kontzientziazioa, eta Alzheimerraren gaixotasuna edo Euskal Autonomia Erkidegoan izandako tortura gertakariak bezalako gai oso hurbilak eta ikusezinak lantzeko ikus-entzunezko sorkuntza, besteak beste. Hainbat kanpainatan, ikuspegi osagarrietatik, zaintza eta aniztasuna lantzen dira, elkartasuna oztopatzen duela dirudien gizarte batean eta informazioaren teknologiak hobeto erabiltzeko aztertzea komenigarria den gizarte batean.

Jarraian, kanpaina bakoitzaren aurkezpen labur bat egingo dugu, eta, horrekin batera, gure esker ona adierazi nahi diegu sustatzaileei Goteo Fundazioan duten konfiantzagatik. Halaber, proiektuen eta herritarren artean zubi lanak egiten jarraitzeko eta elkarrekin aurrera egiteko prest gaudela azaldu nahi dugu Bereziki aipatu behar da Txikia Ederra Da - Lo Pequeño es Hermoso. Izan ere, deialdi honetako hautaketa prozesua proiektu eder batekin gainditu ondoren, haren parte hartzea geroratzea eskatu zigun, proposamen sendoagoa eraiki ahal izateko. Hurrengoan topo egingo dugulakoan, Eskuminak proiektuari harrera beroa emango diogu. Ongi etorriak denak!

[#Lxs15PiztuMeta]

  • Burukoak: munduari buelta eman zioten euskal burukoen historiak euskal kulturaren historia interesgarri bat berreskuratuko du ahanzturatik, diseinuaren eta moda jasangarriaren bidez. Ilustrazioa, herritarren inplikazioa eta tokiko ekoizpenerako laguntza.

  • Dis-likek, Foro Antzokiaren eta Errealitate Birtualaren bitartez, sare sozialen eta aplikazio mugikorren erabilera okerrak eragindako irudi pertsonalaren nahasmenduak antzemateko, detektatzeko eta saihesteko tresnak emango ditu.

  • Zinema-lekuak proiektuak zinemaz gozatzeko modu berri bat proposatuko du, distantzia sozialeko garaian. Aukera berriak eskaintzen dituzten espazio berriak bilatuz, espazialak zein eztabaida, ezagutza eta gogoeta proposatzekoak.

  • Aniztasunaren Liburuak aniztasunaren inguruan kontzientziatuko du, errealitate desberdinak ikusarazteko, ilustrazioaren bidez.

  • Kobid garaiko bizipenak proiektuak itxialdian bizitako esperientziak, emozioak eta abar jasoko ditu. Adinekoen, familien eta haien ondoan egon diren profesionalen ikuspegitik.

  • Beiruteko itzalak Libanoko errefuxiatuei buruzko film labur bat izango da eta horren bitartez salatu nahi da zein baldintza penagarritan bizi diren.

  • Merino Loversek moda jasangarria bultzatuko du, emakumearen gorputzaren errealitatea ikusarazteko, «Body Positive» mugimenduaren barruan. Mugimendu horrek iraunkortasuna bilatzen du 0km-n ekoitzitako jantzi minimalistetan, eta % 100 jasangarria den ehuna erabiltzen du, bai jatorriari bai trazabilitateari dagokionez.

  • Argi klimatikoak argazki sorta bat sortuko du Gipuzkoako herritarren arreta erakartzeko eta eztabaida pizteko hainbat herritan itsasoaren igoerek izango luketen eraginaren inguruan, eta krisi horri aurre egiteko eta proposamen original, partekatu eta tokikoekin erantzuteko gaur egun egin daitekeenaren inguruan.

  • DravetTZARIk euskal kultura eta haren jarduerak erabiliko ditu gizartea eraldatzeko elementu gisa, eta oso ezagunak ez diren gizarte zaurgarritasuneko egoerak ikusaraziko ditu, hala nola Dravet sindromea, eta kontzientziazio eta babes guneak sortuko ditu, kultura inklusiboa.

  • EHXPERIENCE LABS, IK109: elkarrekin sortutako zentzumen anitzeko laborategia izango da, COVID-19aren aurrean irtenbideak eskaintzeko, hala nola adinekoen eten digitala, hezkuntza eredu berrien miaketa, errealitate birtuala eta hedatua, edo teknologia berrien eta artisautza prozesuen arteko harremana.

  • Berriz aurkitu Gipuzkoa! ekimenak Gipuzkoako herri eta hirietako ondare arkitektonikoaren artxibo bisuala sortuko du, kale historikoak eta elementu adierazgarrienak ardatz hartuta. Kaleen egungo egoeraren irudikapen bat; bakoitzaren jatorrira itzultzeko modu bat, ilustrazio tekniken eta postalen bidez etorkizunerako gordeta gera daitezen.

  • Eskuminak: Memoriatik abiatutako film labur bat proiektua Agustinek mundua ikusteko duen moduari buruzko dokumental bat izango da, protagonistaren izaerarekin konektatuz, Alzheimerdun gaixo gisa bizi duen prozesuan.

  • Crackaren soinuak salaketa dokumental bat grabatuko du, indarkeria metodoak ezagutzera emateko, hala nola Mendebaldean erabiltzen diren tortura modernoak.

  • Angela antzezlan bat izango da, Iparragirre poeta eta musikariaren emaztea zen Angelaren irudia ezagutarazteko. Emakumearen ikuspegitik kontatuko du historia, haren irudia nabarmenduz.

  • Alquimia proiektuak kolektibo kalteberen eta hirugarren sektorekoen emozioak lantzeko esperientziak eta sormen tailerrak programatuko ditu.

Gehiago jakin nahi duzu? Sare sozialetan #PiztuMeta2020ren berri ematen jarraituko dugu! Jarraitu iezaguzu!

📌Twitter
📌 Instagram
📌 Facebook