Book Box herritarrentzako liburutegi mugikor bat da eta, bertan, liburu, aldizkari, komiki
eta fanzine erabiliak topatu daitezke, herritar guztientzat eskuragarri daudenak.
Erabilera herritarrentzat eta herriarena da; beraz, denon ardura izango da liburutegian
liburuak eta bestelakoak uztea, ondoren beste edonork hauek gozatu ditzan.
Book Boxek irakurketa sustatzeko asmoa du, partekatzearen ideia eta, bide batez,
ahazturik edo erabili gabe dauden aleen berrerabilera bultzatuz, elkarbizitza, kultura eta jakintza garatzeko.
Book Box guzti hau gauzatu ahal izateko gai da.
Oinarrizko ezaugarriak eta helburuak
Kanpaina honen bitartez Book Box gehiago sortu nahi ditugu. Minimoa lortuko bagenu Book Box bat eta gaur egun ditugun Book Boxen kudeaketarako web gune bat sortuko genuke eta optimora iritsiko bagina, 3 sortuko genituzke, web gunearekin batera. Edonor aske da bertatik liburu bat edo batzuk hartzeko eta hauetaz gozatu ahal izateko, bai bertan edo etxera eramanda ere. Makal egurrez egindako altzari bat da, geuk diseinatua eta garraiatzeko erraza dena. Liburu asko biltzeko diseinatua izan zen eta bookcrossingaren bidez herritarrei liburuen trukaketarako leku fisiko bat emateko.
Book Box doako liburutegia izateaz gain, denetariko ekintza kulturalak antolatzen dituen plataforma da. Ipuin kontalariak, liburu aurkezpenak, kontzertuak, zuzeneko irakurketak... Egiten dira eta askotariko artistak josetzen ditugu: idazleak, ilustratzaileak, komikigileak, musikariak, olerkigileak.... Guzti honen bitartez agenda kultural anitz bat sortzen dugu.
Zerk bultzatzen zaitu eta zeini zuzenduta dago proiektua
Kalean egon zitekeen altzari bat diseinatu nahi genuela ondorioztatu genuen eta honek bere inguruan bizirik egongo zen proiektu bat behar zuela erabaki genuen. Ikertu eta landu ostean liburutegi herrikoiaren funtzioa izango zuen altzari bat diseinatuko genuela erabaki genuen, praktikoa, funtzionala eta diseinu originalekoa izango zena.
Irakurle amorratu zein irakurle berrientzat bideratua dago eta herritarrak proiektuaren zati aktiboa dira, hau da, herritarrek beren ahazturiko liburuak hartzen dituzte Book Boxen uzteko, besteek irakur ditzaten.
Crowdfunding-eko kanpainaren helburuak
Kanpaina honen helburua Book Box gehiago sortu eta denon eskura jarri ahal izateko dirua lortzea da. Minimoa gaindituz gero Book Box bat eta ordurarte dauden Book Box guztien kudeaketarako web gune bat sortuko genuke. Jasotakoa gehiago balitz, 3 egitera iritsi gintezke, optimoa lortuz gero.
Book Box proiektu erreferentzial bat bihurtzea gustatuko litzaiguke, liburu trukaketarako puntuak sortuz, hiritar guztieri iritsi ahal izateko. Gainera, denetariko artistentzako erakustoki dela uste dugu.
Aldez aurreko esperientzia eta taldea
Book Box Markel Elizaldek eta Jorge Pinedak sortu eta diseinatutako proiektu bat da. Hirikilabsen (kultura digital eta teknologia laborategian) jaio zen. Bertan sorkuntza prozesua eta prototipoa sortu genituen. Gaur egun guztiz erabilgarria den prototipo hau Tabakalera 4. solairuan topa daiteke, eta 2. Book Box bat dugu Intxaurrondoko K.E.
Jendearen proiektuarekiko jarrera ona izan dela ikusi ostean, Book Box gehiago hiritik sakabanatua egotea nahi dugu, liburu trukaketarako puntu gehiago egoteko eta herritar guztientako eskuragarri egon dadin.
-Markel Elizalde: Publizitate eta Harreman Publikoak ikasten ari da, ikus-entzunezko
hainbat eduki sortu ditu eta autogestionatutako hainbat proiektu (Donostiako Piratak, Letamen Gaztetxea, Uliako Lore Baratzak...) kudeatzen ditu.
-Jorge Pineda: JP Arquitecturako arkitektoa da, hirian esku-hartzeak egitera bideratu du
bere ibilbidea, eta altzarien diseinua, ahaztutako espazioen berrerabilera, arkitektura
jasangarria, herritarren parte-hartzea, hiri-artea eta abar interesatzen zaizkio.
Sorkuntza prozesuan, proiektua aurrera ateratzen lagundu duten Donostiako kolaboratzaile askorekin harremana sortu da:
-Material hornitzaile eta bertako arotzek eraikuntza prozesuan.
-Poriektuaren lehen pausuetan liburuak ematen lagundutako erakunde eta liburutegiak.
-Proiektua ezagutarazten lagundu gaituzten eragile kultural eta erakundeak.
-Book Boxen iguruan sortu izan ditugun ekitaldietan parte hartu duten bertako artistak.