Goazen antzerkira proiektuarekin 1500 biztanletik beherako herrietara eraman nahi dugu euskarazko haur antzerki profesionala. Hemen ere badago antzerkia. Crowdfunding proiektu baten bitartez, zubi bat sortuko da erakunde publiko zein pribatuen artean: udal txikiak, bertako ikastetxeak, Aldundia, gu geu eta zuek ere. Aulki polit baten 4 oinak, Goazen antzerkira.
Gela txiki zein handietan egingo ditugu gure antzezlanak, gimnasio txiki zein liburutegietan, betiere argiztapen, soinu eta eszenografia egokiez hornituta. Kanpainarako aukeratu dugun ikuskizuna Sergei Prokoffief-en Peru eta otsoa da, Didau taldeak egokitua 4 urtetik gorako haurrentzat. Herri txiki batean gertatzen den adiskidetasunaren inguruko istorio soil bat da, sinfonia handi batez lagunduta. Literatura eta musika, antzezlan dibertigarri batean bihurtuta.
Goazen antzerkira kanpainak 4 urteko ibilbidea izan du Zarautzen, oso emaitza onekin.
Kanpaina honetan, kofinantziatzaileak behar ditugu. Izan ere, zure ekarpen txikia behar dugu neska-mutilentzat antzerkirik onena egiteko.
Oinarrizko ezaugarriak eta helburuak
- Haur antzerki profesionala zabaltzea, balore etiko zein estetikoetan hezteko eskaintza bat egitea.
⁃ Antzerkia desentralizatzea, herria indartuz topagune eta abenturak sustatzeko beharrezko lurralde bezala.
⁃ Antzerkia eta hezkuntzaren arteko hurbilketa sustatzea (aisialdi sortzailea eta formakuntza).
Ezaugarrien artean nabarmentzekoak:
⁃ Ikuslea eta antzezlanaren arteko hurbilketa. Neska-mutil kopuru handiena, 150 haur da ikuskizuneko. Herri bateko haurrekin ez badira eserlekuak betetzen, hurbileko beste herri bateko haurrekin osatuko dira.
⁃ Ikastetxearen bitartez antolatuko da antzezlana (Eskola kontseilua, IGE). Ikastetxea herriko kulturaren sustapenean partaide izatea bultzatuko da horrela.
⁃ Ikusleen formakuntza: parte hartzen duten ikastetxeek ikuskizunaren Jarduera fitxak jasoko dituzte, ikuskizunaren aurretik edo ondoren ikasgelan egiteko.
⁃ Jarduera sozio-kultural-hezigarriak sortzea herri txikietan.
Egunen deskribapena
8:00tan herrira iritsi. Argiztapen, soinu eta eszenografia muntatu.
11:00-12:00 antzezlana.
Ondoren, ekipo teknikoa eta eszenografia jaso.
Bazkaldu eta etxera.
Zerk bultzatzen zaitu eta zeini zuzenduta dago proiektua
MOTIBAZIOA, ETA PROIETUA NORI ZUZENDUA DAGOEN
Herri txikietako neska-mutilentzat proiektu sortzaileak sustatuz eguneroko ingurunea aberastea eta gizaki aske bezala hezteko baloreak transmititzea izan da 1985 urtean hasi ginenez geroztik motibatu gaituena. Hori lortzen dugunean sentitzen dugu gure burua eta gure ingurunea hobeto ezagutzeko balio izan digula. Horregatik, beharbada horrelako proiektu bat martxan jartzeko motibaziorik handiena aurkikuntza pertsonal eta profesionaren abentura horixe bera da, eta ahalik eta baldintzarik onenetan haurrei transmititzea.
Aldez aurreko esperientzia eta taldea
Ainhoa Agirre (Zarautz 1967). Aktore, eszenografo eta atrezista, formatzaile eta ekoizle, 20 urteko esperientziarekin. Aktore bezala haur antzerkiaren 13 ikuskizunetan parte hartu du, Euskadin eta Andaluzian; eszenografo eta atrezista bezala, haur eta helduentzako 21 ikuskizunetan parte hartu du; formatzaile bezala, haur antzerkirako hastapen tailerrak egin ditu, Zarautzen, Orion, Dos Hermanasen eta Alcalá de Guadaíran; ekoizle bezala, Didau antzerkiaren azken 4 ekoizpenak egin ditu, kanpainen zabalkundeaz, antolaketaz eta kudeaketaz arduratuz.
Juanma Álvarez (Algeciras 1955). Aktore, zuzendari eta antzerki autore, kudeatzaile eta ekoizle, 36 urteko esperientziarekin. Autore bezala haur, gazte eta helduentzako 23 ikuskizunetan parte hartu du. Autore eta egokitzaile bezala, 17 haur antzezlan idatzi ditu, Euskadin, Sevillan eta Madriden estrenatu direnak. Kudeatzaile eta ekoizle bezala, San Pol eta La Bicicleta aretoen kofundatzaile eta zuzendari izan da Madriden; eta eskola antzerki kanpainen zuzendari Madriden (Teatro Lavapiés, Sala Ideal, Sala San Pol eta La Bicicleta) eta Sevillan (Sala Cero). Sevillako Expo´92an parte hartu zuen (kale antzerki programaren zuzendari) eta Zaragozako Expo 2008an (Aragoiko pabeloiko animazioaren diseinua).
Gaur egun, Euskadin eta Nafarroan gure ikuskizunen gira egiteaz gain, hastapen tailerrak egiten ditugu Zarautzen eta Orion, eta Goazen Antzerkira diseinatzen eta aurre-ekoizten ere ari gara une honetan.