MALDITO BULO, MALDITA HEMEROTECA, MALDITA CIENCIA y MALDITO DATO: horrek guztiak, zurekin, Maldita.es osatzen du. Gezurren inguruan ohartarazi gaituzu edota gure ezeztapenak zabaltzen lagundu diguzu. Urtebete daramagu dirua irabazteko asmorik gabeko egitasmo independente hau burutzen. Orain, berriro ere, zu behar zaitugu.
Twitterreko kontu bat besterik ez zena geroago telebista eta irrati saioetako atal izatera igaro zen, eta gaur egun bai nazio mailan eta bai Europa mailan desinformazioaren aurkako erreferente den egitasmo independentea da. Maldita.es-en 12 pertsona baino gehiago aritzen dira elkarlanean, zuekin batera helburu argi bat duena: ez gaitzatela engainatu.
Maldita.es enpresa bat izan zitekeen, baina dirua lortzeko asmorik gabeko elkartea izatea erabaki zen, eta orain fundazio bihurtu nahi du. Maldita.es-ek ez duelako inorena izan behar. Horregatik orain fundazioaren partaide izatera gonbidatzen zaitugu.
#FUNDAMALDITA GUREKIN
Espainian fundazio bat sortzeak 30.000€-ko kostua du. Dirua irabazteko asmorik gabeko eta interes publikoko eredu honek zuekin enpresa-eredu bat baino gardenagoak izatea ahalbidetuko digu. Gainera, gure lan sozialarekin jarraitu nahi dugu: desinformazioari aurre egitea. Horretarako lankide gehiago behar ditugu: kazetari eta ingeniari gehiago. Gutxiago engaina gaitzaten gehiago izan.
Oinarrizko ezaugarriak eta helburuak
Zihur entzun duzula desinformazioa irabazten ari dela, baina borroka ez dago galduta: zure laguntza behar dugu gezurrari aurre egiteko.
Zurekin egia aurkitu, egiaztatu, ezeztatu eta zabaldu egiten dugu. Gurekin abisatuz, ezeztapenak zabalduz eta politikarien diskurtsoak kontrolatuz laguntzen digun komunitate bat izanda, edozer da posible.
Engainatu ez gaitzaten komunitate sendo eta informatuagoa. Hori da gure helburua. Hori da Maldita.es. Desinformazioaren aurka borrokatzea. Datorren lekutik datorrela. Baina momentu honetan, desinformazioz beteriko ekosistema batean, kazetari eta tresna gehiago behar dira, eta gezurrei modu eraginkorrago batean aurre egiteko hobeto komunikatzea. Horregatik behar zaitugu, zure denbora behar dugu, eta baita laguntza ekonomikoa ere gure helburua lortzeko.
Zerk bultzatzen zaitu eta zeini zuzenduta dago proiektua
Motibazioa eta egitasmoa nori zuzenduta dagoen
Guztiok gaude desinformazioaren ikusgai. Gero eta berri gehiago kontsumitzen ditugu mugikorraren bitartez, eta horrela gu engainatzea posibleagoa da. Gezur edo datu faltsu bat identifikatzea ez da beti erraza. Horregatik guk horiek ezeztatzeko egiten dugu lan, eta zuri egia denaren eta ez denaren artean desberdintzea ahalbidetzeko.
Desinformazioak gure erabakiak informatuta hartzeko gaitasuna mehatxatu egiten du, eta horrek zuzenean gure gizarteari eta demokraziari eragiten dio. Guztion erantzukizuna da ekosistema hau garbiagoa izateko lan egitea.
Desinformazioaren inguruan eta Maldita.es-en horren aurka egiten dugunari buruz gehiago jakin nahi baduzu, honako TedX hitzaldi honetan duzu desinformazioaren aurka borrokatzean ikasi dugun guztia:
Aldez aurreko esperientzia eta taldea
Aurretiko esperientzia eta taldea
Gure lehenengo proiektua, MALDITA HEMEROTECA (2015ean sortua), 2015ean José de Manuel Porquet de Periodismo sariarekin saritua izan zen, eta Europa Press Prize 2016-ko finalista izan da. MALDITO BULO ere sari honen finalista izan zen 2017an. Bestalde, 2017ko ekainetik International Fact Checking Network sareko kide gara bere Printzipioen Kodearen sinatzaile gisa, eta 2018tik Europar Batasuneko “fake news” eta desinformazioaren inguruko Goi-Mailako Adituen Taldeko hedabide bakarra gara.
Maldita.es-en sortzaileak Clara Jiménez Cruz eta Julio Montes dira. Clarak bere ibilbide profesionalaren zatirik handiena LaSexta-n egin du, lehenengo albistegi zerbitzuetan eta ondoren kateko beste hainbat programatan. 2013tik 2018ra Ana Pastorren El Objetivo-ko taldean parte hartu zuen. International Fact-Checkin Network sareko Batzorde Aholkulariko kide da. Juliok hamarkada bat baino gehiagoan laSexta-n egin du lan, non albistegi zerbitzuetan hasi zen. LaSexta Columna-ren sortzaileetako bat izan zen, eta 2018ko ekainera arte Debate Al Rojo Vivo programako koeditore izan da. Maldita.es-en ardazteko beren lanpostuak utzi zituzten.
Gaur egun, Maldita.es-en David Fernández (Malditako ingeniari burua), Rocío Pérez (kaztearia, MALDITA CIENCIAko arduraduna), Nacho Calle (kazetaria, MALDITO DATOko arduraduna), Andrés Jiménez, Natalia Diez eta Fermín Grodira (kazetaritza lanetan praktikatzen) eta Stéphane M. Gruesok (ERAKETA arduraduna) hartzen dute parte.
Bestalde, MALDITO BULOko aholkulari gisa Mario Vera, Antonio Maestre eta Carlos Hernández-Echevarríak (kazetariak) laguntzen digute. MALDITA CIENCIAn aholkulari sarea medikuek, metereologoek, kimikariek, elikaduraren inguruko adituek, eta abarrek osatzen dute. Eta, nola ez, ez dugu nahi gezurrak bidaliz eta ezeztapenak zabalduz laguntzen diguten gure komunitateko milaka pertsona ez ditugu aipatu gabe utzi nahi.