Canal 
Eman € 5
Anubis
- Eskerrak emailez eta sare sozialetan
> 01 Aldi bereko finantzakideak
Proiektu honi buruz
MURKOA euskarazko fantasia/terrorezko film labur bat da: Batzuetan arriskua urruntzen saiatzean gehiago hurbiltzen dugu… Nola jarraituko du?
Beharren zerrenda erakutsi
Azpiegitura
|
Gutxienekoa | Hobeezina |
|---|---|---|
|
Lokalizazioa
Laburmetraia etxe batean gertatuko denez, etxe perfektua edukitzea funtsezkoa da proiektua aurrera eramateko.
|
€ 350 | |
|
Garraioa eta dietak
Aktoreen grabazio egunetako jan-edana eta lokalizaziora iristeko garraio-kostuak.
|
€ 400 | |
|
Ekipoaren garraio eta dietak
Taldekoon garraioa eta dietak, proiektua gasturik gabe aurrera eraman ahal izateko.
|
€ 560 |
Eginkizuna
|
Gutxienekoa | Hobeezina |
|---|---|---|
|
Kudeaketa gastuak
Goteoren komisioa eta bestelako kudeaketa gastuak.
|
€ 160 |
Materiala
|
Gutxienekoa | Hobeezina |
|---|---|---|
|
Atrezzoa eta dekorazioa
Etxea janzteko beharrezkoak diren objektu eta materialak.
|
€ 200 | |
|
Material teknikoa
Teknikoki emaitza hobea lortzeko beharko dugun materiala.
|
€ 250 | |
|
Atrezzo 2.0
Etxea are hobeto janzteko material eta objektuak, eta horien ordezkoak, baten bat apurtzekotan
|
€ 70 | |
| Guztira | € 1.360 | € 1.990 |
Nahitaezkoa
Gehigarria
Informazio orokorra
Mondragon Unibertsitateko Ikus-Entzunezko Komunikazioko zazpi ikaslek sortutako talde bat gara. Aurten, klasean film labur bat egiteko aukera daukagu eta MURKOA film laburrarekin estreinatuko gara.
SINOPSIA
Gazte arduratsu bat dugu protagonista, Nila. Bere ama, Amaia, esploratzailea izan zen, baina gaixotasun bat pairatzen duenez, ezin da ez ohetik mugitu. Batak bestea baino ez du. Nila ahal duen heinean amaz arduratzen da, gutxi geratzen zaiola argi duelarik.
Amaren bulegoa garbitzen dagoela, hainbat objektu aurkitzen ditu. Horietako batek bereziki erakarriko du, eta momentu horretatik aurrera, ezer ez da berdina izango. Etxetik atera gabe eta konpainia bakarra ama izanda, nola egingo dio aurre Nilak gau ekaiztsuari?
ZERGATIK MURKOA?
Ikus-Entzunezko Komunikazioko ikasleak izanik, ikus-entzunezko euskal kulturaren garrantziaz jabetu gara, eta gure lekutik bultzada bat eman nahi diogu. Izan ere, azken urteotan euskal zinea arrakastatsu bihurtzen ari bada ere (Handia, Errementari…), uste dugu oraindik asko geratzen dela egiteko.
Hor ikusi dugun hutsune handienetako bat fantasia eta terrore generoetakoa izan da, eta horregatik egin dugu genero honetako film bat egiteko hautua. Gaur egun, euskal zinearen panoraman ez da genero hau gehiegi landu, eta ikasle moduan aportazio bat egin nahi diogu, sortzaile gazteon freskotasuna gehituz.
Hori dela eta, hasierako beldur eta dudak alde batera utzita, erronka hau gogotsu hasten dugu, baina horretarako zuen laguntza behar dugu.
ZERGATIK BEHAR DUGU ZUEN LAGUNTZA?**
Hau oso proiektu berezia da guretzako, gure lehenengo proiektu “profesionala” baita. Tamalez, dauzkagun baliabideekin oso zail ikusten dugu maila profesional horretara iristea. Azken finean, gutxinaka gutxinaka, hasieran gastu txikiak diruditenak batzen doaz, eta ezin diegu guztiei aurre egin: aktoreen dietak, garraioa, atrezzoa, dekorazioak…
Hori dela eta, edozein laguntza eskertzen dugu, txikia bada ere. Gastuekin bezala, laguntzak ere batzen dihoaz eta gutxinaka gutxinaka proiektu duin bat lortu dezakegula uste dugu.
ERREFERENTZIA BISUALAK
Oinarrizko ezaugarriak eta helburuak
Proiektu hau gauzatzeko hainbat fase egongo dira:
- Aurreprodukzioa: Orain fase honetan gaude murgilduta: gidoiari azken ukituak eman, aktoreak lortu, lokalizazioak bilatu, dena ondo antolatu... Lanez gainezka gabiltza!
- Grabaketa: Maiatzaren 17tik 21erako astean grabaketa astea izango dugu. Argiak, kamera, akzioa! 🎬
- Postprodukzioa: Edizio eta muntaiarekin maiatzaren 24ean hasiko gara, eta bi aste inguru ibiliko gara buru-belarri emaitzarik onena lortu arte.
- Banaketa: Behin filma amaituta, iritsi da zabaltzeko unea! Jaialdiak, sariak... Nork daki!
Film honen bidez, euskal kultura sustatu nahi dugu, euskaraz ere kalitatezko edukiak egin daitezkeela erakutsi. Aldi berean, gazteok sortutako kultura bultzatu nahi dugu, askotan alde batera utzitakoa.
Zerk bultzatzen zaitu eta zeini zuzenduta dago proiektua
Gidoia idazterako orduan, zerbait ezberdina egiteko gogoek bultzatu gintuzten Murkoa egitera. Normalean, drametara jotzen dugu, errazagoak izango direlakoan, eta terrorea bezalako generoek beldurra ematen digute (ironikoa, ezta?). Ez dizuegu gezurrik esango, proiektu hau erronka bat da guretzako, baina beldur horiek alde batera utzi eta aurrera eramatea erabaki dugu.
Gure proiektua euskal kultura kontsumitu edo sustatu nahi duen edonori dago zuzenduta, eta batez ere zinemazaleei. Gazte talde batek sortutako film bat denez, uste dugu publiko gazte bat erakarriko duela ziurrenik, gure ikuspuntutik eginda baitago, baina ez diogu inori aterik ixten! Beldur eta fantasiazko filma izan arren, ziur gaude zinema gustuko duen pertsona oro harrapatuko duela.
Taldea Ikus-Entzunezko Komunikazioko zazpi ikaslez osatuta dago.
- Zuzendaria: Aitor Abio (20)
- Produkzio burua: Ainhoa Uribarri (21)
- Zuzendari laguntzailea/Gidoilaria: Ibon Alberdi (20)
- Arte zuzendaria: Janire Rodriguez (20)
- Argazki zuzendaria: Manex Ancisar (20)
- Argiketari burua: Aroa París (20)
- Soinu burua: Andoni Ibargutxi (23)
Giza konpromezua
Kultura sortzea
Gure konpromiso soziala kultura sortzea da, jasotzen dugun laguntzarekin film labur bat egin nahi baitugu. Ikasle gisa, film labur honekin gazteek sortutako kulturari lagundu nahi diogu, askotan proiektu handiagoek eta esperientzia gehiagoko sortzaileek eklipsatzen baitute.
Euskaraz egindako proiektua denez, euskal kultura ere bultzatu nahi dugu, txikia izan arren ahalmen handia duela uste dugulako. Aurretik azaldu dugun bezala, ezinbestekoa iruditzen zaigu euskal kultura sustatzea ez zaiolako bezain beste garrantziarik ematen.
Horretaz gain, gure proiektuaren bitartez ikus-entzunezko munduko emakumeei garrantzia eman nahi diegu, mundu zail bat delako, eta emakumeak oraindik bigarren plano batean geratzen direlako. Aurten, Oscar Sarien 93. edizioan, bigarren aldia izan da emakume batek zuzendari onenaren saria irabazi duela! Mundu honetan ikusarazi nahi ditugu, eta horregatik erabaki dugu gure antzezle guztiak emakumezkoak izatea.
Objetivos de Desarrollo Sostenible
-
Igualdad de género
Lograr la igualdad entre los géneros y empoderar a todas las mujeres y las niñas
-
Reducción de la desigualdad
Reducir la desigualdad en y entre los países