PANPINA, ZAURIA eta KALI

Imagen de cabecera
Ikusi bideoa
  • Eman € 10

    Diskoa

    Panpin hautsien dantza II disko laburra fisikoan eta online deskargatzeko kodigoa.

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 10 Aldi bereko finantzakideak
  • Eman € 30

    Diskoa + A4 Fotograma

    Panpin hautsien dantza II disko laburra fisikoan, online deskargatzeko kodigoa eta fotograma inprimatua A4 tamainan. Behin bideoklipak grabatu direla, hainbat irudi emango dira aukeran norberak gustukoen duena eskatzeko.

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 14 Aldi bereko finantzakideak
  • Eman € 30

    Diskoa + Poltsa (E naz perfektua)

    Panpin hautsien dantza II disko laburra fisikoan, online deskargatzeko kodigoa eta E naz perfektua poltsa.

    Parte hartu nahi duzu?
    E naz perfektua, e naz liraina, e naz tonta, e naz histerika, e naz zulo bat, e naz zurea, .... Poltsa erosterakoan gure mezu bat jasoko duzu eta mezu honi erantzutera animatzen zaitugu zure hitz/adjektibo/sentimenduarekin. Hitz guztiak bildu eta poltsan idatziko ditugu. Feminitatearen esanahia askatasunez betetzeko. Berridatzi dezagun denon artean gure feminitatea. Zurea.

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 23 Aldi bereko finantzakideak
  • Eman € 50

    2 Disko + A4 Fotograma + Poltsa (E naz perfektua)

    Panpin hautsien dantza II disko laburra fisikoan, online deskargatzeko kodigoa, fotograma inprimatua A4 tamainan eta E naz perfektua poltsa.

    Fotograma A4. Behin bideoklipak grabatu direla, hainbat irudi emango dira aukeran norberak gustukoen duena eskatzeko.

    Parte hartu nahi duzu?
    E naz perfektua, e naz liraina, e naz tonta, e naz histerika, e naz zulo bat, e naz zurea, .... Poltsa erosterakoan gure mezu bat jasoko duzu eta mezu honi erantzutera animatzen zaitugu zure hitz/adjektibo/sentimenduarekin. Hitz guztiak bildu eta poltsan idatziko ditugu. Feminitatearen esanahia askatasunez betetzeko. Berridatzi dezagun denon artean gure feminitatea. Zurea.

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 12 Aldi bereko finantzakideak
  • Eman € 80

    Arte anitzetako lantegia (4 ordu - Hastapen maila) + Diskoa + Poltsa + Fotograma

    HATXE eta artista gonbidatuak sorkuntza lantegia emango dute. Hastapen lantegi bat izango da, beraz ez izan beldurrik. Ez dira ez musika, ez dantza, ez antzerki ezta pintura jakintzak eskatzen. Sorkuntzarekin jolasean aritzeko aitzakia bat da. Lantegian parte hartzeko 3 data jarriko dira eskuragarri eta egunean bertan - Panpin hautsien dantza II - diskoa, poltsa eta fotograma jasoko dituzue.

    Fotograma A4. Behin bideoklipak grabatu direla, hainbat irudi emango dira aukeran norberak gustukoen duena eskatzeko.

    Parte hartu nahi duzu?
    E naz perfektua, e naz liraina, e naz tonta, e naz histerika, e naz zulo bat, e naz zurea, .... Poltsa erosterakoan gure mezu bat jasoko duzu eta mezu honi erantzutera animatzen zaitugu zure hitz/adjektibo/sentimenduarekin. Hitz guztiak bildu eta poltsan idatziko ditugu. Feminitatearen esanahia askatasunez betetzeko. Berridatzi dezagun denon artean gure feminitatea. Zurea.

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 05 Aldi bereko finantzakideak
  • Eman € 200

    Piano kontzertu pribatua + 5 disko

    Elkarte txiki bat zara edota lagun batzuen artean kontzertu pribatu bat antolatu nahi duzu?

    Donazioak zerga-aringarri direla badakizu? Kalkulatu hemen: https://www.goteo.org/calculadora-fiscal.
    Prezioan EAE eta Nafarrorako bidalketa gastuak barne daude.

    > 03 Aldi bereko finantzakideak

Proiektu honi buruz

HATXE musika. 3 kantu 3 bideoklip 3 artista gonbidatu.

Beharrak Eginkizuna Gutxienekoa Hobeezina
Artistak
Lan-orduak. Artista gonbidatuen sorkuntza eta interpretazio lanak + dietak.
€ 1.800
Bideo
Zuzendaritza, grabaketa eta edizioa
€ 1.200
Musika
Grabaketa, edizioa eta masterizazioa
€ 850
Poltsak
Poltsa algodoi organikoz eginak eta serigrafia lanak. Serigrafia lanak bertako tailer artisau batek buruko ditu. (50 unitate)
€ 350
Diskoak
Disko fisikoen fabrikazioa (150 unitate)
€ 350
Fotogramak
Fotogramak inprimatu (50 unitate)
€ 250
Eszenografia eta atrezzoa
Bideoklipetan erabiliko den materialaren erosketa. Gehiengoa bigarren eskukoa izango da, existitzen diren objetuei beste erabilera bat emanez.
€ 400
Bidalketa gastuak
Sariak korreoz bidaltzeak dituen gastuak
€ 400
Tasak
Crodwfunding kanpainaren tasa gastuak
€ 400
Komunikazioa
TaPuntu kooperatibaren aholkularitza eta komunikazio lanak
€ 400
Musika +
Kantu gehiagoren grabaketa, edizioa eta masterizazioa
€ 850
Fotograma +
Fotograma gehiagoren inprimaketa
€ 200
Produkzioa
Bideoklipen produkzio gastuak
€ 500
Poltsak +
Poltsa gehiagoren fabrikazioa
€ 250
Tasak +
Crowdfunding kanpainaren tasa gehikuntza
€ 200
Artistak
Lan-ordu extrak
€ 1.000
Guztira € 6.000 € 9.400
Nahitaezkoa
Gehigarria

Informazio orokorra

Nor da HATXE?

HATXE Idoia Hernandez (1988) musikagilearen proiektu pertsonala da. Bere ibilbidea disziplinen arteko elkarlanean izan du oinarria, antzerki, dantza zein poesia ikuskizunetarako musika sortuaz. Hortik dator bere konposizioen berezitasuna.

Bi disko argitaratu ditu, Lehena (auto edizioa, 2017) eta Panpin hautsien dantza (Mukuru, 2020). Horrez gain, Oscar Manso poeta eta musikariarekin 2bat proiektua konpartitzen du, eta Metrokoadroka Sormen Laborategia kolektiboarekin ere hainbat ikuskizun performatibotan parte hartu du. Enkarguz ere lan ugari egin ditu, adibidez, EIZIE Elkarteak Senez aldizkariaren 50. alea ospatzeko kanta (2018); konfinamendu garaian, Errenteriako Udalaren Kultur Labea egitasmorako bideo poetikoa (2020); Oiartzungo udalaren Kulturbirusa egitasmoaren barruan, Eneko Gil dantzariarekin egindako Hiru binaka ikuskizun laburra (2020) eta abar. Booktegin bertan ere kolaboratu du HATXEk, Harkaitz Canoren Azken aurreko manifestuaren aurkezpen musikatuan (2018), hain zuzen ere. Bere azken enkargua Ai Do Proyect dantza konpainiaren (En Picado, 2021) ikuskizuneko musika sortzea izan da.

HITZA, Diario Vasco, Berria, Naiz Irratia, Eitb, Argia

Argazkia: Juxe Areta Goñi

Zer da Panpin hautsien dantza?

“Panpin hautsien dantza” HATXEk sortutako kontzertua da. Pianoa, ahotsa, gitarra, bibolina eta bateriarentzat idatzitakoa. Baina ez da ohiko kontzertu bat. Ezta ere bakarkako kantuen segida bat. Antzerki ikuskizunen antzera hasiera bat eta bukaera bat du. Kantuen arteko trantsizioak testuekin, argiekin edota inprobisazio eta material elektroakustikoarekin landu dira. Pieza guztiek bat eginez. Kantu hauen marrazketa sorkuntza asko bezala intuiziotik hasten da, baina paraleloki Teoria King Kong (Virginia Despente), Historia de españa contada a las niñas (Maria Bastarós), Antídotos contra la belleza (ana elena pena), Amek ez dute (Katixa Agirre), Malditas (Itziar Ziga), Madres arrepentidas (Orna Donath), Post Coño (Gabby Bess) eta beste hainbat libururen irakurketak eginez joango da. Honek, amaierako kontzertuaren kontzeptualizazioan eragina izango duelarik.

“Lo que se necesita para ser buena mujer. Porque es casi imposible, tienes que ser buena amante por la noche, buena trabajadora por el día, buena madre y al mismo tiempo buena ama de casa. Tener pensamientos justos, deseos sexuales justos. Todo esto simplemente no existe. Es una busqueda sin fin de la perfección que no existe. Y hay algo de la feminidad, de siempre intentar ser la mejor en todo lo que haces. Eso es imposible. Y no es útil. Ni te da felicidad ni nada más. Al final es simplemente un sentimiento de fracaso, de frustración, porque no lo has hecho todo bien. Obviamente, no lo vas a hacer todo bien. Es imposible." Virginia Despentes

Nondik dator proiektua?

Panpin hautsien dantza kontzertua 2020ko otsailean estreinatu zen eta honekin batera, 4 kantuko disko laburra argitaratu zuen. Panpin hautsien dantza (2020, Mukuru). Bildumako HISTERIA kantuaren bideoklip esperimentala Maria Elorza zinemagileak zuzendu zuen Azpeitiko Sorkuntza bekari esker.

"Histeriaren ideiatik abiatuta, unibertso surrealista bat sortzen saiatu ginen, inprobisazioa erabiliz. Atrezzo-aren hainbat elementuk lagundu gintuzten horretan: ispiluek, erraiak ziruditen sokek, jantziek. Irudiak lantzearekin batera, modu paraleloan musika sortzen joan gara. Bibolin eta bateria inprobisazioez lagundu gara irudiekin bat egiteko. Horrez gain, inguruko soinuak ere grabatu genituen: elizen kanpai hotsak, atearen burdineria, algarak. Baina musikaren funtsa pianoaren 5/8 erritmoan dago"

Oinarrizko ezaugarriak eta helburuak

Zertarako diru bilketa?

Maria Elorza zinemagilearekin elkarlana jarraituz, beste hiru kanturi beste hiru irudi jarri nahi dira, eta honekin batera - Panpin hautsien dantza II - disko laburra argitaratu da. Horretarako 3 artista gonbidatu egongo dira. Bideoklipez gain, disko laburra grabatuko da hiru kantu horiekin baina diru bilketa igo ahala kantu gehiago grabatu ahalko dira.

PANPINA, ZAURIA eta KALI. 3 bideoklip

Ainara Gurrutxaga antzerkigilea, Idoia Beratarbide ilustratzailea eta Myriam Perez Cazabon dantzari garaikidea izango dira artista gonbidatuak. Hiru ikuspegi feminitatearen kargaz hitz egiteko. Emakumeon objektualizazioaz, pentsamenduak gutxiestearen zamaz eta gorputzaren botereaz hausnartzeko parada izango delarik.

Panpina. iz. eta izond. Emakume polita edo ederki apaindua. (Harluxet)

Zauria. (hed.) Pena, nekea. Arimako zauriak. (Harluxet)

Kali. Madre universal destructora de la maldad y de los demonios. (Wikipedia)

PANPINA.
Hainbat elementuren presentzia eta teatralizazioa izango dira nagusi. Panpinak (portzelana edo trapuzkoa), jostailuak (garai bateko neskentzako jostailuak), telak (parpailak dituena edo kakorratzarekin landua), etxeko tresnak (lapikoak, te katiluak, mahai tresnak).

Panpinak gara.
Negar egiten dugu baina biberoia eman eta lasaitzen gara. Arropaz beteriko armairua dugu, izan festarako, kirola egiteko, lagunekin kafe bat hartzeko edota familia bazkarietarako. Poltsan denetariko objektu txikiak ditugu ilea txirikordatzeko. Garbiketa plazera da eta horretarako tresnen bilduma zabala dugu.
Konpainia ezin hobea. Zeinentzako?
Supermerkatuan aurki gaitzazue. Jostailu dendetan. Txinotan. Marka eta modelo ezberdinetan. Azal zuri, begi handi, ile luze, ezpain borobil, gerri estu eta hanka luzeekin.
Perfektuak. Zeinentzako?
Hauskorrak, negartiak, ahulak. Portzelanazkoak. Azal perfektuarenik eta zikintzen ez diren soineko zuri finez jantzirik. Plastikozkoak. Argalak eta mugimendu neurtuekin, besoak hautsiko zaizkigun beldurrarekin. Fabrikan diseinatuak. Objektu perfektuaren ezaugarriekin zerrenda luze bat atxikiturik.
Panpinak gara?
Edo pertsonak gara?

ZAURIA.
Animazio teknika erabiliko da. Emakumeen argazki erretratu zaharrak oinarri, lixiba, kuterra, tintak, lixa eta bestelako elementuekin plastikoki landuko dira.

Nire zauriak berrikasi nahi ditut.
Lotsak plazaratu
beldurrak jaso eta manta goxoaz babestu
malkoak kolorez tintatu
garrasiak paper zurian islatu
dudak lagunekin besarkatu
eta amorruaren gris zabalekin dantza eginez
onartu, bai, onartu
epaitu gabe, begiratu eta akaso, indarra banu, aurre eginez jarraitu

KALI.
Gorputzaren mugimenduak grabatuko dira eta post-produkzioan irudi bikoizketarekin jolastuko da, gorputzaren azal geruza ezberdinei erreferentzia eginez.

Begiratu nahi dut, baina ezin dut. Iluna da. Sakona. Ulertzeko zailtasunak ditut.
Bakarrik nagoenean handiagoa egiten da. Baina ilun jarraitzen du.
Ispilu baten laguntzaz, barrurantz argia islatu nahi izaten dut, baina topatzen dudana ... ez dut ulertzen.
Argazki bat atera eta Googlenen bilatzen saiatu naiz. "Imagen no encontrada"
Grabagailuarekin hotsak jaso eta deskodetzaile inteligente batean eskaneatu dut. Ez da ulertzen.
Elhuyarren ere ez dut emaitzarik topatu.
Baina saiatzen jarraitu nahi dut. Ulertu nahi dut. Hiztegi berri bat sortu behar bada ere.
Aurrera egin nahi dut.

Zerk bultzatzen zaitu eta zeini zuzenduta dago proiektua

Zergatik sortzen dugu?

Emakumeak gara. Emakumearen arauetan hezi gaituzte eta muga horiek onartu behar izan ditugu. Baina zergatik? Ezin ahal ditugu muga horiek suntsitu? Ni prest nago. Muga horiek suntsitu nahi ditut. Bidezkoa delako. Beharra dugulako. Eta horretarako sortzen dugu. Feminitatea hitza birmoldatu nahi dugulako. Gurea egin behar dugulako. Historikoki duen edukia hustu. Askatasunez bete. Sentimendu, hitz zein keinu berriekin osatu. Gure emozioei espazio anitz zor diegulako. Horregatik, etiketek atzean dituzten itzalekin jolastuko dugu. Forma aldatu eta berriak sortu. Feminitatearen esanahia gurera moldatuz. Zurera moldatuz.

- E naz perfektua - poltsa

E naz perfektua poltsan hitzak/adjektiboak/sentimenduak bildu nahi ditugu. E naz perfektua, e naz liraina, e naz tonta, e naz histerika, e naz zulo bat, e naz zurea, .... Virginia Despentesek Kink Kong teorian dioen bezala feminitatea putakeria da. Izaera perfektua ezartzen zaigu emakumeoi eta hori ezinezkoa da. Perfekzioa ez da existitzen eta honek ez dakar ez lasaitasunik ezta bizi pozik.

Parte hartu nahi duzu?

Poltsa erosterakoan gure mezu bat jasoko duzu eta mezu honi erantzun zure hitz/adjektibo/sentimenduarekin. Hitz guztiak bildu eta poltsan idatziko ditugu. Feminitatearen esanahia askatasunez betetzeko. Gure feminitatea denon artean berridazteko. Zure feminitatea.

Aldez aurreko esperientzia eta taldea

Artista gonbidatuak

  • Ainara Gurrutxaga - dejabu.eus
    Zuzendari, antzezle eta pedagogoa. Dejabu konpainiaren zuzendari artistikoa da Urko Redondo eta Miren Alcalarekin batera. Antzerki sortzailea, Komunikazio zientzietan lizentziatua (EHU), Hizkuntza, komunikazio eta semiotikan masterduna (ILCLI Institute) eta Arte Eszenikoetan graduatua da London International School of Performing Arts eskolan. Complicité (UK) , Philippe Genty (Frantzia), Roberto Swedski (Argentina), Xabi Bobés (Catalunya) eta Legaleon-T (EH) konpaniekin osatu ditu ikasketak. Ainarak hainbat antzezlan sortu eta zuzendu ditu. Aipatzekoak 2011an sortutako Gizona ez da txoria saritua (Subotika Theatre festivalen antzezle onenaren saria, ACT jaialdian lan onenaren saria), eta Gure bide galduak (2015) eta Arrastoak (2016) biak ere Donostia Antzerki Sariak jasotakoak. Antzezlan hauen testuak argitaratuta daude. Sormen tailerrak eta laborategiak gidatu ditu konpainia eta hezkuntza zentro hainbatetan (EHU, ADEL horien artean) eta Errenteriako Antzerki Labea eskolaren koordinatzaile eta irakasle da egun.

  • Idoia Beratarbide - idoiaberatarbide.eus
    Arte Ederretan Lizentziatua da. Metrokoadroka kolektiboaren bultzatzaile eta taldekide da eta honen baitan aktore, koordinatzaile, diseinatzaile eta arropa egile lanak egiten ditu. Edo! argitaletxean ere editore lanak egin zituen. Ilustrazioaren alorrean, Euskal Haur Literaturako hamar liburutik gora ilustratuak ditu. Azkenekoen artean daude Lur beldur (Uxue Alberdi, Erein, 2015), Koldo (Joxemari Carrere, Errenteriako Udala, 2016) edota Igel marroitxo (Pello Añorga, Haziak, 2016). Helduen literaturan ere, hamaika lan ilustratu ditu, azkenak Errenteriako Emakumeen aztarnak (Errenteriako Udala, 2018), Zauri Bolodia (Txalaparta, 2018), Mr. Señora (Txalaparta, 2016) eta Bihotzero (Maider Agirre editore, 2015).

  • Myriam Perez Cazabon - nerihari.com
    Goi mailako dantza garaikide ikasketak Rotterdameko CODARTS-en egingo ditu eta 2004 urtea ezkeroztik, elkarlanean dabil koreografo, konpainia eta disziplina desberdinetako hainbat artistekin, hala nola, MAITE ARROITAJAUREGI musikariarekin, VICTOR IRIARTE zinegilearekin, LARRAITZ TORRES disciplina anitzetako artistarekin, HIKA antzerki taldearekin, AI DO PROJECT, NODE, DOOS COLECTIVO eta KUKAI dantza konpainiekin, EVA VILLAR artista grafikoarekin, edota, NAGORE LEGARRETA eta AITZIBER ORKOLAGA argazkilariekin. 2016 urtean ematen dio hasiera, konpainia modura, bere ibilbide pertsonalari. "Dantzaren birtuosismoaz eta balio estetikoaz haratago, edukia eta benetakotasuna defenditzen ditut; keinu txikienen handitasuna eta mugimendu delikatuenen indarra azpimarratuz. Eta eszenatokian, dantzariak baino, pertsonak ikustearen ideia."

Kamara zuzentzen

  • Maria Elorza - mariaelorza.com/
    Gasteiz, 1988. Ikus-entzunezko Komunikazioan lizentziatu zen Bartzelonan eta Sormena eta Ikerketa Artean masterra ikasi zuen EHUn. Hainbat film labur zuzendu ditu bakarka eta Las Chicas de Pasaik kolektiboan, eta hainbat zinema-jaialditan izan dira ikusgai, besteak beste, Donostiako Zinemaldian, Malagakoan, Sevillakoan, Bartzelonako L’Alternativan, Filmadriden eta Bilboko Zinebin. Tabakaleran lan egiteaz gain, LUPA Dokumental Mostraren lantaldearen partaide eta Larrotxene kultur etxeko irakaslea da.

Hitzak

  • Elia Millán
    Psikologian lizentziatua EHUn eta Familia eta Bikote terapian masterduna. Antzerkia eta musikako hainbat formakuntza ere jaso ditu, nahiz eta hitzekin jolastea den gustukoen duena. Gaur egun, Kulunkan Psikologia zentroko lan-taldearen parte da.

Musikariak

  • Idoia Hernandez - Piano
  • Peru Galbete - Ahotsa
  • Jurdana Otxoa - Biolina
  • Ilargi Agirre - Bateria

Kantuen grabaketa eta edizioan Ander Fernandez egongo da.

Poltsak Xipiroi serigrafia artisauak egindo dituzte.

Giza konpromezua

Objetivos de Desarrollo Sostenible

  • Igualdad de género

    Lograr la igualdad entre los géneros y empoderar a todas las mujeres y las niñas