25
maiatza
2022
ONLINE

Tailerrean zure proiektua prestatzen eta zure crowdfunding kanpaina planifikatzen ikasiko duzu, zure arrakastarako aukerak ahalik eta gehien indartuz.

Igerilekura salto egin aurretik ura dagoela ziurtatu behar da

Gipuzkoako Foru Aldundiak eta Goteok bultzatutako matchfunding PiztuMeta! deialdiaren zazpigarren edizioaren esparruan, crowdfundingari buruzko online prestakuntza antolatu dugu, irekia eta doakoa, bi datatan: lehena, maiatzaren 25ean, eta bigarrena, ekainaren 8an, zure agendara hobekien egokitzen dena hauta dezazun.

PiztuMeta! 2022 Gipuzkoako gizarte zibilari egiten zaion dei bat da, lurraldeko kultura sareari lotua, hura garatzeko edo sustatzeko finantziazioa lortze aldera. Proposamenak partikularrek zein erakundeek sustatu ditzakete, eta crowdfunding proiektu gisa aurkezten dira Goteo.org webgunean, deialdiaren oinarrietan zehaztutako irizpideen arabera. Hautatutako proiektuek bultzada ekonomiko oso erakargarria izango dute: herritarrek proiektuei ematen dieten euro bakoitzeko, Gipuzkoako Foru Aldundiak euro bat gehiago gehituko du.

Doako prestakuntza tailer honetan, Goteoren arabera crowdfundinga zer den azalduko dizugu, eta hainbat formula ezagutuko dituzu herritarrek zuren proiektua kofinantzatzeko laguntza eman dezaten. Gainera, zure idea lantzen hasi ahal izango zara. Ikasi egingo duzu nola prestatu eta planifikatu zure crowdfunding kanpaina propioa, arreta berezia jarriz banakako sarietan, emaileengan eta konpromiso sozialean. Hori guztia, zure komunitatetik jaso dezakezun babesa handitzeko zure ikusgaitasuna areagotuz eta zure kanpainaren eragina handituz.

Zure kultura proposamena 2022ko PiztuMetara aurkeztu nahi duzu? Ba al duzu Gipuzkoan finantzaketa behar duen ideiarik edo proiekturik? Edo, besterik gabe, crowdfundingari buruzko jakin mina duzu?

Orduan ez ezazu aukera hau galdu eta eman izena meta crowdfunding META! doako tailerrean.

✏️Maiatzaren 25eko tailerrean parte hartu nahi baduzu, eman izena hemen
✏️Ekainaren 8ko tailerrean sartu nahi baduzu, eman izena hemen

  • PiztuMeta! 2022 deialdiari buruz gehiago jakin nahi baduzu, egin klik hemen.
  • Matchfundingari buruzko informazio gehiago nahi baduzu, egin klik hemen.
  • Eta zalantzarik edo iruzkinik baduzu, idatzi hona: meta@goteo.org
16:00 - 20:00