02
iraila
2022
ONLINE

Tailerrean zure proiektua prestatuko duzu eta zure crowdfunding kanpainarako komunikazio-ekintzak planifikatuko dituzu, zure arrakasta-aukerak ahalik eta gehien indartuz.

Garrantzitsua da jakitea norengana jotzen duzun, zein den zure publikoa, eta komunikazio bide bat bera ere ez ahaztea (Gema Ces, Aita Manuelen ipuinak)

Gipuzkoako Foru Aldundiak eta Goteok bultzatutako matchfunding PiztuMeta! deialdiaren zazpigarren edizioaren esparruan, gure bideratze taldeak crowdfunding kanpainetarako komunikazio tailerra dinamizatuko du, hautatutako 15 proiektuei soilik zuzenduta.4 orduko prestakuntza izango da, 120 minutuko bi saiotan banatuta.

Doako prestakuntza tailer honetan, kontuan hartu beharreko elementuak eta zure ekimena zabaltzeko eskura dituzun tresnak ezagutuko dituzu, eta zure komunikazio plana lantzen hasiko zara, modu dinamikoan, kanpainaren une garrantzitsuen bidez.

Ikusiko duzu komunikazioa funtsezko elementua dela finantzaketa kolektiboko kanpaina baten arrakastarako. Behar bezala planteatutako crowdfunding batek komunikazio kanpaian gisa ere funtzionatu dezake, ekimenari ikusgaitasuna eta proiekzioa ematen baitizkio. Gainera, eragina handitu egiten da, ekimenek ikusgarritasun eta zilegitasun handiagoa lor baitezakete, matchfunding deialdi baten bidez bultzatzen baitira, Gipuzkoako Foru Aldundia bezalako erakunde publiko batek lagunduta.

  • Lehenengo saioa: irailaren 2an, 17:00etatik 19:00etara.
    Taldearen beraren prestakuntza maila eta proiektuaren indarguneak eta ahulguneak ezagutuko ditugu hura hedatzeko orduan, eta arrakastaren gakoak aztertuko ditugu, adibideen bitartez. Amaitzeko, ariketa praktiko bat egingo dugu, helburu publikoak eta kanpainan zehar praktikan jarriko dituzun komunikazio ekintza garrantzitsuenetako batzuk definitzeko.

  • Bigarren saioa, irailaren 5ean, 17:00etatik 19:00etara
    Komunikazio estrategiak eta kanalak aztertuko ditugu, kanpainan zehar lortu beharreko helburuak sortuko ditugu, edukia behar bezala hautatzeak duen garrantziari erreparatuko diogu, kanpaina hedatzeko moduari, jardunbide egokien adibideekin batera, komunikazio planean oinarritutako dinamika batekin amaitzeko.

PiztuMeta 2022!ri buruzko informazio gehiago hemen duzu.

Eta zalantzarik edo iruzkinik baduzu, idatzi hona: meta@goteo.org

17 h - 19 h