GOAZENUP

Gure esperientziari esker eta praktikatzen duten pertsona guztiei esker, argi ditugu SUP eta YOGAren onurak. Beraz, GOAZENUPetik beste urrats bat eman nahi dugu, errehabilitazio eta ongizatearen hobekuntza metodo berritzailea garatuz, metodo hori beste profesional batzuekin bermatuz eta edozein pertsonaren esku jarriz. Zelan egingo dugun jakin nahi al duzu?
GOAZENUPen barruan, Mikel Rotaetexek eramango du alderik teknikoena eta fisikoa, izan ere, eskarmentu zabala du SUPen, YOGAn eta motibazioan. Aketza Sanchezek kargu sozialagoa eta zientifikoa izango du elkartearen barne. Metodoaren garapen zuzena eta bere hedapena ikuskatzeko ardura izango du.
Ekintzak aldatu egingo dira erabiltzailearen esperientzia mailaren arabera, baina denek jarraituko dute honako protokoloa:

1. Harreraren ostean, lehendabiziko gauza erabiltzailearen beharrak ezagutzea izango da; bere minak, bere egoera emozionala, esperientzia, elikatzeko ohiturak eta helburuak. Horretarako galdera errazak biltzen dituen galdetegia eta ondoezen mapa bete beharko ditu. (Galdetegiak internet bidez jasotzeko aukera eskainiko dugu, konfidentzialtasuna bermatuz).
2. Helburu batzuk ezarri epe laburrean, ertainean eta luzean
3. Inguruaren ezagutza, materiala, azpiegitura eta motibazioari buruzko hitzaldia emango dugu.
4. Behin arean, materiala ezagutuko dugu, beroketa egingo dugu eta jarrera ezberdinak praktikatuko ditugu (asanak), uretara irteten garenean gehiago gozatu ahal izateko.
   ....ETA URETARA!
5. Egoeraren, esperientziaren eta helburuaren arabera, Plentziako ibaitik ala itsasotik joango gara.
6. Ekintza egiten dugun bitartean inguruaz gozatzeko aukera izango dugu zentzumen guztiekin, yoga praktikatzen, oreka eta koordinazio jokoekin, ariketa pixka batekin eta, azkenik, etzan egingo gara erlaxazio pixka bat egiteko. www.youtube.com/watch
7. Bukatzeko, denen artean jarriko dugu esperientzia taldean partekatzeko.
   Adibide hau malgua da eta taldearen helburu eta behar ezberdinei moldatuko dugu (indartu, argaldu, estresa kendu, une atsegina igaro ...).
   Ikerketak urtebeteko jarraipena izango du eta 30 pertsonei egingo zaie, bakoitzak, gutxi gorabehera 60 saio egingo dituelarik. Epe horretan, pertsona bakoitzak, bere patologia edo beharren arabera, bi hilero mediku-errebisioa izango du bertatik bertara (fisikoa, terapeutikoa eta fisiatrikoa -biomekanikoa- ). Asteroko errebisioak testen eta web bidezko galdetegien bitartez egingo dira.
   Material guzti hori, txostenak eta alderaketak bilduz, eraginkortasun frogatuta duen metodo oso bat sortuko dugu. Metodoa, gainera, edozein pertsonak ulertzeko eta erabiltzeko erraza izango da. Beste laguntzaile batzuek (klubak, eskolak, enpresak eta gizabanakoak) ematen diguten laguntza eta informazio osagarria ere izango dugu.

Zerk bultzatzen zaitu eta nori doakio proiektua
SUParen onurak egiaztatu ostean, zabaldu nahiko genuke, ahalik eta pertsona gehienengana iristeko. Nire kasuan, bizkar muineko istripua izan eta gero, atsegin nuen guztia eten egin zela ikusi nuen (kirola, lana, itsasoa…). Nire zaletasunak ezin izango nituela gozatu ematen zuen, SUPean berriz arraun egin nuen arte. Honek asko lagundu zidan maila fisikoan zein emozionalean, tonu gehiago eman zidan, baita oreka, relax eta azaldu ezin diren beste hainbat gauza. Orain berreskuratzen eta borrokatzen jarraitzen dut.
Hemendik sortu zen ideia. Mikel Rotaetxek asko lagundu zidan moldaketa prozesuan eta proiektu honekin hastea bururatu zitzaigun: SUParen onurei buruzko metodo bat idaztea.
Horrela sortu da GOAZENUP elkartea!!
Zu eta ni bezalako jendearentzat eginda dago, tarte batean deskonektatzea behar duen jendearentzat, natura-giro osasuntsu eta atseginean egoteko gogoa dutenentzat eta konpainia onean.
Eta beste alde batetik, beharrizan ezberdinak dituztenentzat ere eginda dago (estresa, antsietatea, bizkarreko kalteak, muskuluena, oreka edota psikomotrizitate falta, auto-estimu baxua, beldurrak, gehiegizko pisua edo fitness ariketa bezala baino ez) youtu.be/rYgHwJkNfrU
Proiektua interesgarria eta oso baliotsua da klubentzat, eskolentzat, era ezberdineko elkarteentzat eta baita gizabanakoentzat ere.
Denak gonbidatuta zaudete metodo berritzaile honen onurak ezagutu eta probatzera.

GOAZENUPen crowdfunding kanpainaren helburu nagusien artean honakoak azpimarratu nahi ditugu:

• Ongizate eta osasun metodo baten ikerketa finantzatu eta klub, elkarte eta eskoletan zabaldu ahal izatea, kostaldekoak zein barnealdekoak eta maila guztietakoak: herrikoak, herrialdekoak, estatukoak zein nazioartekoak.
  • SUPa zabaltzea osasun eta ongizate fisiko eta emozionalerako tresna gisa.
  • Gure elkartea herri eta estatu mailan ezagutzera ematea.
  • Ikerketaren eta erabiltzaileen beharrizanetara egokitutako materiala erosi ahal izateko dirua lortzea.
    Guzti hau dela eta, espero dugu gure proiektua atsegin izatea eta zuen interesekoa izatea, hedatzen, finantzatzen edo gurekin lan eginez lagun gaitzazuen.

Aurretiko esperientzia eta taldea
GOAZENUP Mikel Rotaetxek eta Aketza Sanchezek sortutako osasun eta ongizaterako kirol-elkarte bat da. Bere helburua, SUPa egiten maila fisikoan eta emozionalean hobetzen laguntzea da, kirol erraza bezain zirraragarria (Stand up paddleboard), YOGAren onurekin uztartuz eta natura inguru paregabean.
Proiektu honen bultzatzaileak pertsona bi hauek dira:

• Mikel Rotaetxe, "Sopelbike" multiabentura enpresaren sortzailea (surf, eskalada eta mbt), Zuriaitz jatetxe begetarianoaren gerentea. Egun, yoga eskola bat zuzentzen du eta yoga eta elikadura erretiroak koordinatzen ditu.
  • Aketza Sanchez, "Cabobillano S.L." enpresaren sortzaile eta gerentea eta kirol ekimenen antolatzailea. Egun, goi mailako kirolariak entrenatzen ditugu eta bizkar muineko istripu baten ondorioz errehabilitazioan nago.
    Bestalde, Aliza Ochandianorekin batera egiten dugu la, elikadura coacher moduan.
    Plentzian instalazioak ditugu, ibaitik 50 metrora eta hondartzan bertan, banakako dutxekin, takilak, aldagelak, etab. Urdulizen gure bulegoak eta gure yoga eta erabilera anitzeko gelak daude.