“Gora desberdintasuna, Juliette” 5 eta 9 urte bitarteko umeei zuzendutako ipuin irudiztatua da, euskarazko eta gaztelerazko bertsioak dituena. Helburu nagusia da, eguneroko egoeren bitartez, haurrei aniztasunak duen garrantzia transmititzea.
Ipuin hau trilogia bateko azkena da; “Juliette, neska ausarta” izan zen bilduma honetan argitaratutako lehenengo ipuina, berdintasuna eta genero-estereotipoak lantzen dituena. “Juliette eta Lur izeneko planeta bat” izan zen bigarrena, haurtzaroan kontsumo arduratsuaren eta ingurumena zaintzearen garrantzia lantzea helburu duena.
Oraingo honetan, “Gora desberdintasuna, Juliette!” ipuinarekin, hiru ikuspuntutatik landu nahi dugu haurrekin desberdintasunak duen garrantzia. Ikuspuntu horietako bat da desberdina denarekiko errespetua. Bestalde, aniztasunak ematen digun aberastasunetik landu nahi dugu gaia. Eta, azkenik, gaia bakoitza berezia, desberdina eta errepikaezina izateak duen garrantziaren ikuspuntutik lantzea da helburua, era horretan haien nortasuna indartuz.
Bilduma honen jatorria nire alaba Lucíarekin lotuta dago; egun batean, ikastolatik etxera etorri eta kontatu zidan bere lagun onenetako batek esan ziola ez zirudiela neska bat, erantzun egiten zuelako. Hortik sortu zen haurtzaroan genero-berdintasuna lantzeko eta gizartean nagusi diren estereotipoekin hausteko ipuin bat idazteko beharra. Eta horrelaxe sortu zen “Juliette, neska ausarta”. Harrera ona izan zuenez, bildumarekin jarraitu dugu, pertsonaiari abentura berriak bizi araziz, baina beti haurtzaroan balioak transmititzeko helburuz.
Oinarrizko ezaugarriak eta helburuak
“Gora desberdintasun, Juliette!” ipuinarekin, aniztasun etnikoaren, genero-aniztasunaren, aniztasun funtzionalaren... aldeko mezua transmititu nahi dugu, desberdina izateak gizartean duen balioaren garrantziaren aldeko mezua. Kuatrikomian inprimatutako ipuin irudiztatua izango da, azal gogorrekoa, 240 mm-ko zabalera eta 170 mm-ko altuerarekin.
HELBURU OROKORRAK:
- Haurtzaroan balioak lantzea
- Haur-literaturara eduki didaktiko eta bisualki erakargarria ekartzea
- Pertsonaia femeninoa erakustea balioen erreferente gisa (gaiak bestelakoak izan arren, berdintasuna lantzen jarraitzea)
- Aniztasuna ikuspuntu zabal batetik lantzea (funtzionala, etnia, orientazio sexuala…)
- Gipuzkoako askotariko kolektiboekin lankidetzan jardutea, eta aniztasunaren inguruan sinergiak sortzea.
BERARIAZKO HELBURUAK (zergatik egiten dugu crowfunding bat?):
-
Ipuin irudiztatua inprimatzeko gastuak finantzatzeko. Proiektua handinahia da, baina oraindik txikia, eta crowfundingari esker, ipuin irudiztatua inprimatu eta horrekin lotutako gastu guztiei aurre egin ahal izango diegu.
-
“Juliette unibertsoa” jende gehiagori ezagutaraztea. Crowfundingak ekonomikoki laguntzeaz gain, jende gehiagorengana iristeko eta “Juliette unibertsoa” eta orain arte argitaratutako ipuinak ezagutarazteko modu oso baliagarria izango dela uste dugu.
INDARGUNEAK ETA BEREIZTEN GAITUZTEN PUNTUAK:
- Ipuinak haurrekin haiek kezkatzen dituzten askotariko gaiak lantzeko tresna oso baliagarriak dira.
- Ez dago genero-berdintasuna, ingurumena zaintzearen garrantzia edo aniztasuna bezalako gaiak lantzen duen eta haurrengana zuzenduta dagoen material askorik.
- Ipuineko ilustrazioak oso erakargarriak dira.
- Ipuina entretenigarria da, irakurtzeko erraza eta oso bisuala.
Aurretiaz ere badugu esperientzia proiektuan, bi ipuin irudiztatu argitaratu baitugu, horietako bat haurtzaroan genero-berdintasuna eta -estereotipoak lantzeko helburua duena. Besteak jasangarritasunarekin eta ingurumena zaintzearekin lotutako balioak jorratzen ditu. Ipuin biak daude argitaratuta eta herrialde osoko liburu-dendatan banatuta, eta “Juliette, neska ausarta” ipuinaren lehenengo edizioa agortuta dago eta argitaratu berri dugu bigarren edizioa.
Zerk bultzatzen zaitu eta zeini zuzenduta dago proiektua
Proiektuaren motibazio nagusia da, formatu bisual erakargarri baten bitartez, haurtzaroan balioak landuko dituen hezkuntza-edukia eskaintzea. Haurrak kezkatzen dituzten gaiak lantzeko tresna oso indartsuak dira ipuinak eta, Juliette pertsonaiaren eskutik, balioak transmititzen dituen ahaldundutako pertsonaia femenino indartsu batekin identifikatuta senti daitezen lortzen dugu, edozein haurri gerta dakizkiokeen eguneroko egoeren bitartez.
Baina, horrez gain, gizarteratzen lagundu nahi dugu eta, behar besteko aurrekontua izatera iristen bagara, braillez idatzita argitaratuko dugu “Gora desberdintasuna, Juliette!” ipuina. ONCE erakundea arduratzen da braillez idatzitako ipuinen edizioz, ikusmen-urritasuna duten umeak alfabetatzen laguntzeko. Ezarritako helburua lortzen badugu, ONCE erakundeari emango dizkiogu braillez idatzitako ipuin horiek, haurrentzako haien liburutegian aniztasunaren aldeko Juliette-en abenturak irakurtzeko aukera egon dadin. Lagun iezaguzu helburu hori lortzen!
Hauei zuzenduta dago proiektua:
- 5 eta 9 urte bitarteko haurrei eta haien familiei.
- Ikastetxeei.
- Liburutegiei.
- Kultura-etxeei eta haurtxokoei.
- Elkarteei.
Aldez aurreko esperientzia eta taldea
Lantaldea:
Nerea Kortabitarte, egilea.
Kazetaria lanbidez, eta komunikazioaren eta kulturaren zale amorratua. Orain dela hogei urtetik profesionalki horretan lan egiteko zorte ikaragarriarekin. Sektore pribatuan (Fnac, Telecinco, Cadena SER, Irusoin) zein publikoan (Donostia Kultura, Plan Estrategikoa) lan egin dut, hainbat kultura-proiektutarako. “Juliette, neska ausarta” eta “Juliette eta Lur izeneko planeta bat” ipuinak idatzi ditut.
Ruben Barriga Caballero eta Pablo Garcia de la Fuente, ilustratzaileak.
Pablo eta Ruben ohartu ziren, arkitektoa eta filosofoa izateaz gain, eurek izan nahi dutena izan daitezkeela. Sortzaileak dira lanaldi osoz, eta ez dago haiek mugatuko dituen orririk edo mihiserik. Kartelen diseinua, erakusketak eta baita dekorazioa ere; haien eskuetatik pasatzen diren arte-modalitateetako batzuk besterik ez dira. “Juliette eta Lur izeneko planeta bat" ipuinak etengabeko sormen-bilaketa hori pertsonifikatzen du, eta sortu berri duten MKF Studio markarekin elkarrekin egin duten lehenengo lanetako bat izan da.
Lehenengo ipuina idaztearekin hasi zen proiektu hau. Rubeni berehala berotu zitzaion gogoa ipuina ilustratzea pentsatze hutsarekin… eta hortxe hasi zen magia. Behin Juliette pertsonaia sortu ondoren, itxura hartzen joan zen abentura. Bigarren ipuinean sartu zen Pablo proiektuan. Rubenek eta Pablok ematen diete forma ilustrazioei, ipuina maketatzen dute, eta markaren diseinu grafikoaren arduradunak dira. Eta Nerea arduratzen da ipuinak idazteaz, Komunikazio-planaz eta beste batzuekiko kolaborazioez.
Kolaborazioak:
- Irungo Udala. Gazteria eta Kultura saila
- ONCE
- SOS Racismo