Aita Manuelen ipuinak

Jartzen € 10
Orri-markatzaile bat
Ondorengo hauek izango dira ordainsariak. Denak ezinbestekoak izango dira, denak baliagarriak. 10€: orri-markatzaile bat ipuinaren irudi batekin.
> 06 Finantzakideak
Jartzen € 20
Orri-markatzailea+ ipuinaren marrazki bat.
20€: Orri-markatzailea+ ipuinaren marrazki baten lamina bat.
> 13 Finantzakideak
Jartzen € 50
Orri-markatzailea+ ipuinaren marrazki bat+ ipuin ale bat
50€: Orri-markatzailea+ ipuinaren marrazki baten lamina bat+ ipuin ale bat
> 36 Finantzakideak
Jartzen € 70
Orri-markatzailea+ ipuinaren marrazki baten lamina bat+ ipuin ale bat+ zapi moratua ipuinaren irudi batekin.
70: Orri-markatzailea+ ipuinaren marrazki baten lamina bat+ ipuin ale bat+ zapi moratua ipuinaren irudi batekin.
> 06 Finantzakideak
Jartzen € 100
Orri-markatzailea+ ipuinaren marrazki baten lamina bat + ipuin ale bat + zapi moratua ipuinaren irudi batekin+ gehi solasaldi-afaria autoreekin .
100€: orri markatzailea+ ipuinaren marrazki bat + ipuin ale bat + zapi moratua ipuinaren irudi batekin+ gehi solasaldi-afaria egileeekin.
> 13 Finantzakideak

Proiektu honi buruz

Aita Manuel, Pasai San Pedroko traineruko patroi handiaren figura historikoa azaltzen duen haurrentzako ipuin liburu bat argitaratu.
Azpiegitura Minimoa Hobezina
Ipuinaren inprimaketa: 500 ale inprimatzeko: 2950€. Maketazioa eta Eskanerra 740€
Proiektua aurrera ateratzeko gastu nagusiak inprentakoak dira. Inprentakoek emandako aurrekontuan oinarritu gara.
€ 3.690
Eginkizuna Minimoa Hobezina
Goteoko komisioa eta bankuena 400€ gutxigorabehera, jasotzen dugun diruaren baitan
Proiektuaren gastuen barruan, Goteok eta bankuen komisioak suposatuko duten gutxi gorabeherako kostua.
€ 400
Ordainsariak: 1000€
Jasotzen dugun diruaren truke, emango ditugun ordainsarien kosteak.
€ 1.000
Ipuina erabiliz, zenbait ekitaldi antolatu.
Ipuin kontalariekin saioak antolatu; Txapelketa bat egin haurrentzat Aita Manuelen bizitzaren datuak oinarritzat hartuz. Ipuina oinarritzat hartuta musikagile baten eskutik, ipuinari musika jartzea.
€ 3.000
Total € 5.090 € 8.090
Nahitaezkoa
Gehigarria

Informazio orokorra

Gure proiektua, esan daiteke, herritik sortzen dela eta herrira itzultzeko pentsatua dagoela. Hau izango litzateke gure lehenengo urratsa, gure lehenengo helburua baina Bernardo Atxagaren hitzak erabiliz dena izan daiteke partikularra eta unibertsala batera.
Haurrei Aita Manuel bezalako pertsonai bat aurkeztea, gure herriaren izena eta sentimendua hain urrutira eraman zuena, hunkitzen gaitu eta interes soziokulturala izugarria daukala uste dugu. Ezinbestekotzat jotzen dugu gure haurrek beraien erroak non dauden ezagutzea, beraien herriaren historia zein den, arbasoen bizi modua, zerekin par eta negar egiten zuten.
Herri txiki bat gara historia handia daukana. Ibilbide historiko honetan denok daukagu funtsezko toki bat, bai urte-liburuetara pasa zirenak zein, era apalean, bere herriaren maitasuna transmititu zutenak. Erreferente bat da gure bizitzan gure herria eta baita ere identitate ikur paregabea gurekin beti joango dena.
Arraunketa ez da izan guretzat kirol hutsa, bizi modu bat izan da, sentimendu bat, ulertzeko era bat. Baita ere herria batu duen zerbait, lotura garrantzitsu bat alegia. Testuinguru honetan kokatzen da gure pertsonaia, Aita Manuel, Manuel Arrillaga Arzak, traineruetako patroi lanetan arrakasta paregabea izan zuena, herrira bandera asko ekarri zituena, eta gaur egun oraindik, errekorra daukana, bera baita Kontxako sei bandera jarraian, patroi bezala, irabazi duen bakarra. Irabazitako bandera bakoitzarekin, ilusioa ere irabazten zen, elkartasuna, mirespena eta harrotasuna ere, hau da, herriarengan eragin positiboa zituzten baloreak berreskuratzen genituen eta gure historiaren zatitxo bat ere, itsasoarekin zuzenki lotuta egon den iragana sendotuz.
Hau dena gure ondarea da, zaindu nahi dugun ondarea hain zuzen, eta baita transmititu ere denbora aurrera joatean inork ez ahazteko nor izan zen Aita Manuel.
Ipuin bat sortu nahi dugu haurrek bere edukiarekin disfrutatzeko baina baita ere beraien herriaren historia ezagutzeko eta maitatzeko.
Proiektu honen helburua beteta ikusiko genuke, lortuko bagenu egunen batean gure haurrak hunkitzea gu hunkitzen garen bezala gure arraunketa munduaz hitz egiten dugunean, Aita Manuelez hitz egiten dugunean.
Proiektu honen berritasuna Aita Manuel pertsonaia ipuin batean aurkeztean datza. Orain arte beste formatuetan aurkeztu izan da, badira liburuak, argazkiak edo artikuluak, bere bizitzaz hitz egiten dutenak, baina haurrentzat zuzendua materialik ez dago. Hauxe da hain zuzen, berrikuntzarik nabarmenena eta interesa piztu dezakeena, formatu didaktikoan haurrei zuzendua.

Oinarriko ezaugarriak

Gure proiektua, ipuin bat da. Ipuin honek bi pertsonai nagusi ditu, Aita Manuel eta bere itsas txakurra Izpi. Ipuinak hiru zati ditu, hau da, hiru historia ezberdin protagonista berdinekin. Bukaeran hiztegitxo bat jarriko dugu. Denera 60 orri inguru izango ditu, testua eta marrazkiak barne. Haurra eduki dugu kontutan eta era didaktikoan idaztea beti izan da gure lehentasuna.
Marrazkiei dagokienez, garrantzia eman diogu kantitateari eta formari, hau da, kantitate aldetik, pentsatua dago marrazkia testuaren laguntzaile bezala, testua errazago ulertzeko baina baita ere haurraren irudimenari bere tartea uzteko. Marrazkiak oso garrantzitsuak dira baina bere neurrian, haurrari laguntzeko baina beti bere irudimenari uko egin gabe. Koloretan izango dira eta erakargarriak. Errespetatuko dugu Aita Manuelen figura erreala baita San Pedroko tokiak zein paisaiak ere.
Testua Lehen Hezkuntzako lehenengo zikloari, hau da, 6,7,8, urteko haurrei zuzendua dago Testua, irakurtzeko, adin horretan kokatu dugu, gutxi gora behera, eduki aldetik aldiz, edozein adinarentzat dela azpimarratu nahiko genuke. Beraz irakurtzeko eta kontatzeko bi alde horiekin jolastu dugu, bi aukera horiekin.

Zerk bultzatzen zaitu eta nori doakio proiektua

Proiektu hau egiteko izan dugun motibazioa da, azken urte hauetan badagoela herrian mugimendu kultural bat oso interesgarria. Horren barne, Aita Manuelen figura dago, omenaldi bat egin zitzaion, bera jaio zen etxean bere argazki bat jarri zen, eta orain gure ginda jarriko diogu mugimendu horri gure ipuinarekin.
Gure proiektua San Pedroko herriari zuzenduta dago baina baita ere, kanpoan bizi diren sanpedrotarrei edota, sanpedrokoa ez izan arren, arraunketa mundu hura ezagutu zuenei ere. Azken finean, itsas kulturan interesa daukanari, eta kultura horren barne arraunketa munduan zeuden baloreekin identifikatzen denari.

Crowdfunding-eko kanpainaren helburuak

Kanpaina honen helburua bi zatitan banatu dezakegu:
Alde batetik epe luzera, non garrantzi haundia duen helburua memoria historikoa gordetzearena den. Hontaz gain, aurraunketaren munduan zer izan ginen balioan jartzea eta arraunketaren munduan zeuden baloreak erakustearen helburuak ere kontutan hartuko genituzke.
Beste alde batetik epe laburrera beteko direnak. Kasu honetan Aita Manuelen pertsonaia haurrei era didaktiko batean aurkeztea; memoria historikoa haurrei transmititu eta gure historiaren garrantziaren baioa azpimarratzea.

Aurretiko esperientzia eta taldea

Gure ekipoa bi lagunek osatzen dugu, biak herri berekoak eta aspalditik ezagunak garenak: Idoia Larrañaga Fachado, Arte Ederretan lizentziatua, marrazketa irakaslea, artisaua eta kaligrafoa. Marrazkiak egingo ditu.
Testuak: Gema Ces Alkorta, Pedagogian lizentziatua eta Logopedian diplomatua. Irakaslea lanbide heziketan eta zortzi urtez Donostiako EHUan irakaslea izandakoa. Zortzi urtez ere bertako egunkari batean, Oarsoaldeko Hitzan,hain zuzen, artikuluak idatzi zituena.

Compromiso social