Eskatu duzue! Irrikitan zeundeten! Eta hazi nahi dugunez, hirugarren denboraldirako saioak gehitzea proposatzen dizuegu, emanaldi estra batekin! 2017ko ekainaren 17an, udako turista horda baimenarekin, protagonista izateko aukera emango dizuen emanaldi oso berezi bat prestatuko dugu. Baina fama ez da musutruk, sakela atximurtu beharko duzue... Esan gabe doa ekarpenak behar bezala sarituko direla. Igo gurdira lau sosen truke!
Oinarrizko ezaugarriak eta helburuak
Emanaldi hau berezia izatea nahi dugu, oraindik parte-hartzaileagoa, eta baita uda girokoa ere. Bang Bang-eko betiko formatoari, estrarako zehazki pentsatutako sorpresak gehitu nahi dizkiogu. Gainera, partaide orori, Bang Bang Zinema karneta emango zaio, hurrengo hilabeteetan argitara emango ditugun hamaika ustekabez gain.
Zerk bultzatzen zaitu eta zeini zuzenduta dago proiektua
Proiektu hau zinema maite duen orori dago zuzenduta, eta zehazki, giro onez betetako areto batean filmak ikustearekin gozatzen duen orori. Bang Bang Zinemaren emanaldi bikoitzak geure bizitzako pelikulez zinema-areto batean gozatzeko aukera ezinhobeak dira! Eta noski, denboraldi bakoitza bukatzean gehiago nahi zenutela esaten zenutenek orain duzue demostratzeko aukera!
Crowdfunding-eko kanpainaren helburuak
Kanpainia honen helburua orain arte lau saioez osatutako denboraldiari bosgarren saio bat gehitzea da. Ohiko denboraldia apirilean bukatzen da normalean eta hurrengo denboraldiaren hasierara arte tarte gutxiago izateko ekainean estra bat antolatzea pentsatu dugu. Horrez gain, uste dugu uda-giroak Bang Bang-i jai-amaiera bikaina eskaintzen diola.
Aldez aurreko esperientzia eta taldea
Ez gara soilik zinemarekin obsesionatuta dauden lau zoro. Geure bizitza pertsonal eta profesional osoan zehar egon gara zinema babesteko borrokan, emanaldiak programatzen, zine-klubak antolatzen edota kamikaze moduan bideo-klub bat martxan jartzen.