Baninduaien kantatzera: folk teknologiko emanaldia

Eman € 5
Eskerrak

"Eskertza kartel digitala" bidaliko zaizu emailez, behin prozesua bukatuta, mezenasgoan parte hartu dezuten guztien izenekin batera.

Gogogoratu abantaila fiskalak:
https://eu.goteo.org/calculadora-fiscal

> 00 Aldi bereko finantzakideak
Eman € 10
Abestia (+ Eskerrak)

Emanaldiko parte den abesti bat bidaliko zaizu emailez edo deskargarako esteka bidez.

Gogogoratu abantaila fiskalak:
https://eu.goteo.org/calculadora-fiscal

> 02 Aldi bereko finantzakideak
Eman € 20
Sarrera (+Eskerrak+Abestia)

Emanaldirako sarrera bat.

(covidaren arabera ikusiko da non, noiz eta nola egingo den. Berriak emailez bidaliko zaizkizu.)

Gogogoratu abantaila fiskalak:
https://eu.goteo.org/calculadora-fiscal

> 06 Aldi bereko finantzakideak
Eman € 25
CDa (+Eskerrak+Abestia)

Orain arte bateria gisa grabatu eta diseinatzaile gisa editatu zein maketatu dituen bildumetatik bat eskuragarri. Aukeran:

  • Low Riders Banda-ren Forgive your enemies (2016)

  • Frank Blackield-en Still free 'n rockin' (2020), Love & Loneliness (2018) edo We gotta move on (2017)

Taldeari salmentagatik dagokion portzentaia emango zaio.

Gogogoratu abantaila fiskalak:
https://eu.goteo.org/calculadora-fiscal

> 09 Aldi bereko finantzakideak
Eman € 35
Biniloa (+Eskerrak+Abestia)

Lehenagotik bateria gisa grabatutako biniloak, baita diseinu lanak eginak ere: Low Riders Banda-ren Forgive your enemies (2016) edo Plays Lee (2014).

Taldeari salmentagatik dagokion portzentaia emango zaio.

Gogogoratu abantaila fiskalak:
https://eu.goteo.org/calculadora-fiscal

> 01 Aldi bereko finantzakideak
Eman € 40
Sarrera bikoitza (+Eskerrak+Abestia)

Bi sarrera, nahi duzuna emanaldira gonbidatzeko eta elkarrekin gozatzeko.

Gogogoratu abantaila fiskalak:
https://eu.goteo.org/calculadora-fiscal

> 09 Aldi bereko finantzakideak
Eman € 75
Barrenak erakutsi (+Eskerrak+Abestia+2sarrera)

Programazioaren barrenak eta loturak, bere lan ingurugiroa, erakutsiko dizkizu ordubetez.

Gogogoratu abantaila fiskalak:
https://eu.goteo.org/calculadora-fiscal

> 02 Aldi bereko finantzakideak
Eman € 100
Abesti guztiak (+Eskerrak+sarrera bikoitza)

Emanaldian eskeiniko diren abesti guztiak jeisteko aukera izango duzu emailez bidalitako estekatik.

Gogogoratu abantaila fiskalak:
https://eu.goteo.org/calculadora-fiscal

> 13 Aldi bereko finantzakideak
Eman € 150
Tailerra (+Eskerrak+Abestia+Sarrera)

Zure aukeran, erabiltzen dituen Ableton edo Touch Designer programetako baten inguruko 2 orduko tailerra.

(covidaren arabera ikusiko da non, noiz eta nola egingo den. Berriak emailez bidaliko zaizkizu).

Gogogoratu abantaila fiskalak:
https://eu.goteo.org/calculadora-fiscal

> 00 Aldi bereko finantzakideak
Eman € 200
Logoa (+Eskerrak+Abestia+Sarrera)

Zure enpresaren logoa azalduko da lehen 10 emanaldietako komunikazio guztietan.

Gogogoratu abantaila fiskalak:
https://eu.goteo.org/calculadora-fiscal

> 00 Aldi bereko finantzakideak
Eman € 1.000
Emanaldia

Antuxunaren emanaldia izango duzu: etxean, tabernan, herriko antzokian, plazan...

Espazio horiek guztiek ezaugarri ezberdinak dituzte eta horren arabera, emanaldia moldatu eta beharrezko ekipo tekniko guztiaren gastuak gehitu beharko lirateke: soinu-teknikaria, soinu-ekipoa, argiztapena, proiektoreak...

Gogogoratu abantaila fiskalak:
https://eu.goteo.org/calculadora-fiscal

> 00 Aldi bereko finantzakideak

Proiektu honi buruz

Folk teknologiko-elektronikoa: abesti zaharrak teknologia berriekin birsortuz
Materiala Gutxienekoa Hobeezina
Ordenagailua
Datu guztiak (audio, bideo zein data) ongi mugituko dituen ordenagailua. Gutxi gora beherako ezaugarriak: CPU: intel core i7 Grafika: 4GB GDDR6 RAM-a: 16GB DDR4 Disko Gogorra: 1TB SSD Irteerak: Thunderbolt 3/HDMI
€ 3.000
Ableton Live 11
Audioa lantzeko ezinbesteko programa.
€ 599
Focusrite Scarlett 18i8 3rd Gen
Soinu txartela audioarentzako.
€ 375
Derivative Touch Designer (Commercial Licence)
Datuak sukaldatu eta ikusizkoak lantzeko programa.
€ 510
Shure Beta 57 A
Abesteko mikrofonoa
€ 133
Azpiegitura Gutxienekoa Hobeezina
Soldata
Hilabetez, astean 40 ordu sartuta.
€ 1.000
Komisioak eta gastuak minimoarentzat
Balio minimoaren gainean: Goteoren %5a + Bankuaren %0,8a
€ 339
Ordain-sariak
Taldeari dagokion portzentaia+bidelketa gastuak (10CD+10Binilo)
€ 350
Soldata 2.fasea
Proiektua aurrera ateratzen bada, autonomoetan alta eman eta 5 hilabetez astero 30 ordu sartzeko.
€ 4.300
Komisioak eta gastuak hobeezinarentzat
Balio hobeezinaren gainean: Goteoren %5a + Bankuaren %0,8a
€ 636
Ordain-sariak
Taldeari dagokion portzentaia+bidelketa gastuak (10CD+10Binilo)
€ 350
Guztira € 6.173 € 11.592
Nahitaezkoa
Gehigarria

Informazio orokorra

Joxan Artzeren gisa, zaharra berri egitea da konposizio honen helburua: «Iturri zaharretik edaten dut,/ ur berria edaten,/ beti berri den ura,/ betiko iturri zaharretik»

Proposamen hau euskal kantutegi zaharraren birmoldaketa elektroniko eta guztiz digitala da, gaur egungo baliabide teknologikoak erabiliz, ikus- entzunezko emanaldia sortzeko. Hau da, programazioaz baliatuz, zuzenean jotako musikak sortuko ditu ikusizkoak momentu horretantxe bertan.

Hasiera batean abesti ezberdinak badira ere, elektronika gisako saio batena da proposamena. Beraz, emanaldia hasi eta bukatu egiten da, tartean giro ezberdinetan murgilduz eta giro horiek sortzeko aitzakia abestiak izanik.

Emanaldiaren abesti edo pasarteok orotariko iturri-zaharretatik datoz: Resurección Maria de Azkueren kantutegia, jendearen grabazioak, artisten diskografiak (Oskorri, Amaia Zubiria...).

Erreferentziak edo bestelako inspirazio iturriak, honakoak: Mercedes Peón, Rodrigro Cuevas, Vicente Navarro, Pirámida, Nosaj Thing's, Flying Lotus, Punto y Raya Festival, Matmos, Binkbeats, Sakura Tsuruta, Gesamtkunstwerk (R.Wagner), e.a.

Oinarrizko ezaugarriak eta helburuak

Lau dira HELBURU NAGUSIAK

1- Artisten lana duintzea: enplegu egonkor eta duin bat sortzea artistarentzat.
2- Euskal kantutegi zaharra eguneratzea “euskal kultura” jendarte zabalagora iristeko, “folklorismotik” haratago.
3- Teknologia berriak eta guztiz digitalak erabiltzea: ordenagailuak, programak, datuen analisi eta eraldapena, ea.
4- Emakumeak plazaratzea: oholtzan denetariko kalitatezko proposamen zintzoak aurkeztu daitezen.

ZER DIRA TEKNOLOGIA BERRI ETA GUZTIZ DIGITALAK?

Emanaldi honetan ez da musika tresna tradizional edo analogikorik erabiliko (gitarra, bateria, pandero, piano, txirula, e.a). Erabilitako tresna guztiak ordenagailu bidez sortu eta jotakoak izango dira, eta beraz, digitalak.

Musika-tresna digital hauek erabiltzeko, alde batetik soinu edo notak sortu behar dira eta bestalde, nota horiek jotzeko aukera izan. Hori egiteko, beharrezkoak dira:

1-Ordenagailua: bera da osagai guztiak hartuko dituen lapikoa.

2-Soinu-txartela: ordenagailuari soinua prozesatzen laguntzen dio eta ezinbestekoa da mikrofono zein altabozak erabili ahal izateko. Kasu honetan, abesteko beharrezko mikrofonoa eta aretoko soinu-ekipoa erabiltzeko.

3-Ableton: soinu-programa. Bertan soinuaren inguruko lan ezberdinak egiten dira. Besteak beste:
a- Gero jo ahal izateko instrumentu guztien sorkuntza. Aurretik grabatutako soinuak antolatuta edo MIDI deritzon hizkuntzaren bidez egin daitezke.
b- Jotakoa grabatzea. Zenbait abestitan ezinbestekoa izango da grabatzea, abestia zuzenean eraikitzeko.
c- Zuzeneko seinalearen eraldaketa. Ahotsari efektu ezberdinak momentuan jarri edo kentzea adibidez.

4-MIDI-kontrolagailua: aurretik programan sortutako instrumentuak jotzeko tresna da. Mota eta forma ezberdinetakoak daude (piano itxurakoak, botoidunak....)

Behin tresna digital hauek jotzeko prest edukita, emanaldia ikusgarriagoa egite aldera, irudi abstraktuak gehituko dira. Irudioi abestien letrak emango die zentzua, poetikoki. Ikusizkoak sortzeko, beharrezkoak dira:

a-Ordenagailua

b-Touch Designer Programa (TD): bertan edozein motatako datu zein seinale mota sartu (data, pixelak, audioa, arduino, kinekt, ea.) eta nahi besteko eraldadetak egin daitezke beste seinale mota batzuk bidaltzeko: proiekzioak, roboten kontrola, soinuak, argien kontrola, ea.

Kasu honetan, Abletonak MIDI eta audio seinaleak igorriko dizkio Touch Designerri, bertan seinale horiek eraldatu eta irudi abstraktuak sortu ditzan. Hau guztia aurretik grabatu eta programatu daiteke, "play" botoiari eman eta karaoke gisakoa eginez. Baina ez, musikaria izanik, ahalik eta gauza gehien zuzenean jotzea da asmoa, ez dadin "karaoke" bihurtu. Hots, zuzeneko hartuemana sortzea gizaki eta makinaren artean.

ZERTARAKO?

Zaharra berrituaz, kultura tradizionalak jendarte zabalagora iristeko, ezberdina dena errespetatzen ikasteko, denok elkarrekin. Horregatik abesti zaharren eta teknologia berrien nahastea; bi mundu eta garai ezberdinen nahastea.

Hain globalizatua eta homogeneizatua dagoen mundu honetan bakarrak egiten gaituena “euskaldun” izatea da.
Hala ere, ezin ahaztu 2021ean bizi garela eta garaiok ere badituztela gauza onak, eta beraz, orain artekoaren eta gaur egungoaren arteko nahaste bat garela. Baina zer da euskal kultura gaur? Abesti zaharrak hartu eta gaurkotzea sustraietara jo eta gaurko gizarte euskaldunari zentzu edo erro bat bilatzeko aitzakia besterik ez da.

NOLA?

Prozesuak atal ezberdinak ditu:

1- Ikerketa
Abestiak bilatu eta aukeratzea, bilduma, partitura zein diskoetan.

2- Abestien moldaketa, grabaketa eta ikasketa
Ableton programa eta soinuarentzat beharrezkoak diren soinu-txartel zein mikrofonoak erabiliz.

3- Imaginario edo ikusizko ingurunea sortzea abesti bakoitzarentzako
Touch Designer-ekin, Abletonak bidalitako audio/Midi seinaleez baliatuz.

4- Sinkronizazioa
Bi programen arteko lotura egin datuen eraldaketa bermatu eta hotsak irudia sortu dezan. Musikarik ez bada, ez da zer ikusirik egongo.

Ahalik eta gauza gehien zuzenean jo eta sortzea da nahia, horretarako aurretik gauzak programatu behar dira, bai Ableton-ean eta baita TD-an ere, bizirik dagoen saioa izan dadin aldiro ñabardurak aldatuz. Horretarako, bi programek elkar ulertu behar dute eta kasu honetan, Ableton-ak bidaliko dizkio informazioa eta datuak TD-ri ikusizkoak sortu eta eraldatu ditzan.

5- Eszenografia
Emanaldia espazio ezberdinetara moldatu behar da, espazio horiek dituzten ezaugarri eta infraestrukturarekin ahalik eta emanaldi hoberena eskeintzeko.

Pantaila baten gaineko proiekzio sinple batez haratago, gaur "mapping" deritzon teknikaren bidez, edozein azaleratan proiektatu daitezke gauzak, edozein forma zein tamainatan. Emanaldiak giro berri bat eskeiniko badu, ez da gauza bera pantaila bat ikusi edo planetario batean bezala antzoki guztian zehar izatea irudiak, adibidez.

6- Formakuntza
Helburua garbia den arren, prozesuko atal bakoitzean gauzak ongi nola egin ikasi beharra dago: armonia eta konposizioa, audioa zein ikusizkoak sortzen eta lantzen, beharrezko materiala identifikatu eta erabiltzen, beharren araberako lan-ingurua moldatzen, ea.

Beraz, etengabeko ikasketa prozesua ere izango da emanaldia osatzea.

ARTISTON DUINTASUNA

Guzti hau ongi egiteko lan eta denbora asko behar da, eta bizitzeko, dirua. Beraz, artisten kolektiboak oro har duen arazoa izanik, behingoz aurre egin behar zaio eta sortzaileek egiten dugun lanari balorea eman soldata duin baten bidez, besteak beste.

Sortzaileek gure lana ongi egiteko, espazio eta material baliabideez gain, denbora behar dugu: ikerketa zein ikasketa orduak, ensaioetakoak, ideiak garatzekoak, promoziokoak, administraziokoak...eta ez dira kontuan hartzen, gaur gaurkoz.

Dagokigun horretan ongi jardun eta gauza berriak proposatu nahi baditugu, dirua ere behar dugu, soldata bat alegia. Gaur egun, artista gehienek sortzaile/interprete lanaz gain, beste ogibide bat ere behar dute bizitzari aurre egiteko, eta horrela, ezin zaio behar bezainbeste denbora eta gogo eskaini benetan gurea den arteari. Ezin gara profesional onak izan, eta horrek kalitatean du eragina.

Bada orduan “euskadin rock&rollak ez du dirurik ematen / inon baino alaiagoa izanen da” esaldiarekin behingoz bukatzeko ordua.

Zerk bultzatzen zaitu eta zeini zuzenduta dago proiektua

Antuxuna gaur egungo artista euskalduna da. Alde batetik gaurko teknologiek eta bestetik "Euskal-kultura" ulertu nahiak bultzatzen du. Bi gauzok uztartuta, “Folk teknologikoa” proposatzea da bere nahia; estetika, egiteko modu eta sonoritate finko bat dituen “folklore instituzionalizatutik” haratago.

Folk teknologiko eta elektronikoa, ez diskotekarako musika izango delako, baizik eta erabilitako materiala erabat digitala eta elektronikoa izango delako (ordenagailua, midi kontrolagailua, datuen eraldaketa, ikusizkoak, e.a.)

Kulturaren sustraietan oinarritua dagoen etenik gabeko saioak mundutik espaziorako bidea eginaraziko digu, ingurugiro ezberdinetatik (abestietatik) igaroz.

Helburu nagusietakoren batean interesa duen orori dago zuzendua. Hau da:
1- Artistok langiletzat hartu nahi gaituztenoi.
2- Kultura tradizionalaren beste ikuspuntu bat nahi dutenei.
3- Teknologia berrien zaleak direnei.
4- Betiko kontzertu eta bideoklipez gain, emanaldi esperientzia berria nahi dutenei.

Aldez aurreko esperientzia eta taldea

Nagore Etxabe, Arte Ederretan Lizentziatu ostean eta INCREARTE masterrean ziarduen garai berean, 2013an, hasi zen musika munduan benetan murgiltzen. Harrezkero, 80-100 kontzertu inguru eskeini ditu urtero eta baita dozenaerdi bat bilduma zein hainbat single kaleratu ere.

https://www.linkedin.com/in/nagore-etxabe

Bateria jole gisa, talde zein artista hauekin lan egin du edo diardu oraindik: Ezten Giro Erromeri Taldea, Gugaz Erromeria, Hemengattun erromeria, Zurartean Txalaparta Elkartea, Bidebietako Gaiteroak, Syrah, Perlak, Urko Menaia, Low Riders Banda, Frank Blackfield Band, Joseba B. Lenoir, Rafa Berrio, Makulu Ken eta Mairu, esaterako.

Taldean jarduteaz gain, bakarka (“Nago ta ni” eta “Antuxuna”) nahiz binakako proiektuak (Antuxuna Ta Patx: Itoizezank) ere abiarazi ditu azken urteotan bateriaz haratago musikaren beste arlo batzuk lantzeko konposizio, produkzio eta abeslari lanak hartuz, besteak beste.

Arte Ederrak aldea batera utzi gabe, animazio abstraktuaren inguruko “Punto y Raya Festival” lehiaketa internazionaleko sail ofizialean parte hartu du ia edizio guztietan. Hainbat bideoklip zuzendu eta editatu ere egin ditu: Olatu (Perlak), Emakume Kuantikoa (Perlak), Berandu da (Antuxuna ta Patx), Freedom (Frank Blackfield Band), ea.

https://www.puntoyrayafestival.com/es/tv/artists/etxabe-nagore

Beraz, deialdirako proiektu honetan, musikarekin batera, ikusizkoak egongo dira, musikak berak jo ahala zuzenean sortutakoak, emanaldia bera beste mundu batera eramanaz. Horrela, artearen arlo ezberdinak uztartuko ditu oraingoan Antuxunak, R.Wagner-en “Gesamtkunstwerk” ideia/lanen antzera, musika izango delarik denaren oinarria.

https://vimeo.com/channels/antuxuna/

Giza konpromezua