Kanpaina honen bitartez 60ko hamarkada amaieran Arangurengo elizaren inguruan sortu zen eskaut taldearen diapositiba bilduma historikoa digitalizatu nahi dugu. Taldea, garai horietan Arangurengo apaiza izandako José Luis Gutierrez Amestik jarri zuen martxan.
Zer zen Arangurengo eskaut taldea?
Arangurengo eskaut taldea urte haietan Arangurengo apaiza zen José Luis Gutierrezen ekimenez jarri zen martxan eta 1960-80 hamarkaden artean egon zen indarrean. Urte haietako Zallako zein Arangurengo gazteriaren aisialdiaren akuilu izan zen eta udarako oporretan antolatzen ziren udalekuena batipat.
Eta hau dena guztia, egokitasuna, aukera edo zuzentasuna bezalako mugak gaindituz, ekimen berriak martxan jartzeko eta Zallako gazteriari aisialdiko alternatiba bat eskaintzea lehenesten ziren kontu politiko zein sozialak pil-pilean zeuden garaietan. Eta jakina, hau dena guztia, udako kanpalekuen antolaketan buru belarri jardun ziren gurasoen partehartzearekin.
Kantabriako Liendon, urte haietan Arangurengo eskaut taldeak antolaturiko udako kanpalekuetan Zallako zein Aranguren hamaika gaztek parte hartu zuten eta José Luisek bertako egunerokotasuna dokumentatzeko etorkizun sena izan zuen.
Zer da diapositiba bilduma?
José Luis Gutierrez Amesti Arangurengo apaizak urte haietan Arangurengo eskaut taldeak antolatu zituen udako kanpalekuen jarduna jasotzen duten diapositiba bilduma da.
Bilduma 883 diapositibek osatzen dute eta beraietan udalekuen irteerak, jolasak eta egunerokotasuna jasotzen dira. Kopuru zehatza honatx:
- 35mm.tako 112 diapositiba.
- 16mm.tako 771 diapositiba.
Kanpainaren deskribapena osatzeko erabili ditugun irudiak Elena Otxoak -bere hastapenetan partehartzaile eta ondoren udalekuen begirale izandakoa- utzitakoak dira eta berari esker partekatu ditzazkegu kanpaina honetan.
Kanpaina osatzeko erabilitako irudietan ikusi daiteken bezala, beraien kalitatea eskasa da, .jpg formatoan daude eta etxean ditugun eskanerrak ez dira 16mm.tako diapositibak eskaneatzeko gai. Kalitatezko digitalizazioa bermatuko duen enpresa baten partehartze teknikoaren beharra daukagu.
Oinarrizko ezaugarriak eta helburuak
Digitalizazio lana, oinarri soziala duen Gureak enpresaren baitan kudeaketa dokumentalaz arduratzen den atalarekin egingo du.
Gureakek inklusio sozio-laborala eskaintzen du eta lan aukerak sortzen ditu, beti ere, desgaitasuna duten pertsonei lehentasuna emanez.
Bildumaren digitalizazioa egiterakoan, Gureakek duen gaitasun teknikoaz haratago, zailtasun egoeran dauden giza taldeekin egiten duen lan soziala lehenetsi dugu.
Hedapena
- Kanpainaren hastapenetako hedapena gure elkartearen Facebook orrian hasiko dugu.
- Herriko ZallaInfo udal aldizkariarekin harremanetan jarriko gara kanpainaren berri aldizkarian eta Udalaren sare sozialetako profiletan zabaldu dezaten.
- Enkarterriko hainbat medioekin harremanetan jarriko gara: Salgai, DEIA, El Correo, Berria...
Irudien deskarga
Bildumako irudiak online eskuragarri jartzerakoan, Flickr.com webgunearen hautua egin dugu.
Flickr.com
Flickr.com atariak, Wikimedia Commons eta Wikipediarekin bateragarria den Creative Commons lizentziaren aldaera ezberdinen artean aukeratzeko bidea eskaintzen du.
Hau horrela izanda, argazki bilduma guztia .jpg formatoan eta 1600 * 1200pix. erresoluzioan eta CC BY-SA 4.0 lizentzia librearekin Zallako Euskaltzaleak Kultur Elkarteak Flickren duen txokoan dohan partekatuko dugu. Kanpainaren sarien atalean, kanpainari diruz lagundu dioten herritarrek bilduma kalitate altuan eskuratzeko aukera ezberdinak azaltzen dira.
Argazki bilduma Flickr atarian partekatuaz, Aranguren eta Zallako bizilagunen laguntzarekin irudien agertzen diren egoera, une zein lekuei kontestu bat ematen lagunduko digu.
Zerk bultzatzen zaitu eta zeini zuzenduta dago proiektua
Euskal kulturaren patriarka izan zen On Joxe Miel Barandiaranen leloa jarraitu nahi dugu: Herritik jasoa, herriari itzuli.
Zallako Euskaltzaleak Kultur Elkartean, herritik jaso dugun altxor honek eskuragarri jarri digun herrira bueltan itzuli beharra daukan herri ondare kulturala dela sinistuta gaude. Hau horrela izanda eta bere digitalizazio profesionala lortzeko bidean, gure elkartean dugun eskarmentua eta denbora eskaini nahi ditugu jada Arangurengo zein Zallako historia eta memoriaren parte den diapositiba bildumaren digitalizazioaren helburuan.
Bildumaren digitalizazio profesionala lortzeko helburuan, digitalizazio gastuei aurre egiteko balioko duen crowdfunding kanpaina hau abiatu dugu.
Helburu hauek lortu nahi ditugu.
- Zallako herritarren partehartzea eta inplikazioa lortu nahi ditugu, herriak ondare hau berea dela sentiarazi nahi dugu.
- Bilduma online eta libreki eskuragarri jarri nahi dugu.
- Bildumaren erabilpen baldintzak Creative Commons BY-SA 4.0 baimenera atxikitu nahi ditugu.
- Ondare hau eskaut taldeko kide izan zirenei ezagutarazi nahi diegu, baina aldi berean, Zallako egungo zein etorkizuneko belaunaldiei ere jakinarazi nahi diegu.
Aldez aurreko esperientzia eta taldea
Crowdfunding kanpainaren garapena eta kudeaketa lantalde honek osatzen du:
Elena Otxoa
Udalekuetako partehartzaile bina rol izan zituen. Hastapenetako urteetan partehartzaile soila bezala, ondoren, udalekuetako begirale bezala. Elenak diapositiben informazioa osatzen eta kontestua ematen lagunduko du.
Zallako Euskaltzaleak Kultur Elkarteko kidea da.
2007tik Wikipediaren euskarazko atalean editore gisa jardun da.
2008-2011 urteetan GureGipuzkoa.eus atariaren sorreran eta kudeaketan jardun zen. Gipuzkoako Foru Aldundiko Kultura eta Euskara departamentuko webgune honetan, administrazio honek kudeatzen dituen argazki bildumak lizentzia libre batekin partekatzen dira.
Xabierrek kanpainaren eta lan taldearen arteko koordinazioak bermatuko ditu.
Koldo Gallarreta
Zallako bizilaguna, Zallako Euskaltzaleak Kultur Elkarteko kidea eta Zalla eta Arangurengo historiaren ezagutza sakonak dituen herritarra.
Koldok diapositiben informazioa osatzen eta kontestuan jartzen lagunduko du.
Jasone Acasuso
Zallako bizilaguna, Zallako Euskaltzaleak Kultur Elkarteko kidea eta Zalla eta Arangurengo historiaren ezagutza sakonak dituen herritarra.
Jasonek diapositiben informazioa osatzen eta kontestuan jartzen lagunduko du.