EUSKAL MEMORIALA

artxibatua 31 / 03 / 2013
Artxibatuta...
Jasota
$ 1,454
Gutxienekoa
$ 3,868
Hobeezina
$ 7,321
29 Aldi bereko finantzakideak
Canal
  • Eman $ 5

    AITORPENA WEB ORRIALDEAN

    Aitorpena espazio birtualaren barruan dagokion atalean

    > 01 Aldi bereko finantzakideak
  • Eman $ 11

    AIPAMENA KREDITUETAN

    Aipamena bideo-grabazioaren kredituetan + aitorpena espazio birtualaren barruan dagokion atalean

    > 06 Aldi bereko finantzakideak
  • Eman $ 27

    BIDEO-GRABAZIOEZ OSATURIKO DVD-A

    Bideo-grabazioez osaturiko DVDa + aipamen berezia kredituetan + aitorpena espazio birtualaren barruan dagokion atalean

    > 02 Aldi bereko finantzakideak
  • Eman $ 38

    MATERIAL EXTRAZ OSATURIKO DVD-A

    Bideo-grabazioak bere osotasunean eta beste materialez (argazkiak, gidoiak…) osaturiko DVDa + aipamen berezia kredituetan + aitorpena espazio birtualaren barruan dagokion atalean

    > 01 Aldi bereko finantzakideak
  • Eman $ 55

    IKERKETAREN AURKEZPENA

    Bideoen proiekzioa eta ikerketaren aurkezpenerako gonbidapena + Bideo-grabazioak bere osotasunean eta beste materialez (argazkiak, gidoiak…) osaturiko DVDa + aipamen berezia kredituetan + aitorpena espazio birtualaren barruan dagokion atalean

    > 04 Aldi bereko finantzakideak
  • Eman $ 164

    ELKARTEEN LOGOA KREDITUETAN

    Bideo-grabazioen kredituetan donazioak egin dituzten elkarteen logotipoa agertuko da + Bideoen proiekzioa eta ikerketaren aurkezpenerako gonbidapena + Bideo-grabazioak bere osotasunean eta beste materialez (argazkiak, gidoiak…) osaturiko DVDa + aipamen berezia kredituetan + aitorpena espazio birtualaren barruan dagokion atalean

    > 00 Aldi bereko finantzakideak
  • Eman $ 383

    BANAKAKO AURKEZPENA

    Kantitate honekin laguntzen badiguzu eta EHEn sedea duen edozein entitatea (empresa, Elkartea, instituzio, taldea…) bazara zuen sedera joango gara ikerketaren aurkezpena egitera eta bideoak proiektatzera+ Bideo-grabazioen kredituetan logotipoa agertuko da + Bideoen proiekzioa eta ikerketaren aurkezpenerako gonbidapena + Bideo-grabazioak bere osotasunean eta beste materialez (argazkiak, gidoiak…) osaturiko DVDa + aipamen berezia kredituetan + aitorpena espazio birtualaren barruan dagokion atalean

    > 00 Aldi bereko finantzakideak

Proiektu honi buruz

Holokausto naziko euskal biktimen memoriaren aitortza eta berreskuratzea

Beharrak Eginkizuna Gutxienekoa Hobeezina
Elkarrizketen prestaketa eta burutzea.
Harremanetan jartzea, hitzordua, bidaiak, elkarrizketen grabazioa eta edukien aukeraketa.
$ 2,696
Bideo-edizioa
Grabazioen muntaia (elkarrizketak), soinuen nahasketa, etab.
$ 820
Goteo kanpainaren gastuak eta ordainketen komisioa
Goteok eskainitako zerbitzu ematearen komisioak eta transakzio ekonomikoak
$ 352
Bideoen azpititulazioa
Audioen transkribapena: azpititulazioa, azpititulazioen itzulpena euskaraz eta gazteleraz
$ 1,895
Azpititulazioen itzulpena
Azpititulazioen itzulpena euskaraz eta gazteleraz
$ 874
Artxibo birtuala
Bildutako materialaren digitalizazioa eta artxibo birtualaren antolaketa
$ 273
Wikipedian sarrera
Wikipediarako sarrera baten idazlana
$ 410
Guztira $ 3,868 $ 7,321
Nahitaezkoa
Gehigarria

Informazio orokorra

Gerra Zibilean, eta horren atzetik etorri zen diktaduran, milaka lagun izan ziren erbesteratuak, garaituak izan zirenen erbestea, hain zuzen. 1939an erbesteratuak izan ziren gizon eta emakume asko hainbat ideologiatakoak izan ziren (errepublikanoak, sozialistak, anarkistak, nazionalistak, eta abar). Muga zeharkatu zuten Frantziara iristeko, Espainiako Gerra Zibilaren errepresiotik alde egiteko, bai eta ezarri berria zen diktaduraren frankistaren errepresalietatik saihesteko ere.

Erbesteratu horiek, gainera, askatasunaren alde borrokatzen jarraitu zuten Frantziako Erresistentziaren baitan eta faxismoak okupatuak zituen bestelako guda fronte batzuetan.
Halere, milaka erbesteratu nazien kontzentrazio-esparruetara bidali zituzten, atzean familia eta aberria utzita, sekula ikusiko ez zuten aberria, kasu gehienetan. Europako geografia osoan zabalduta zegoen terrorezko ibilbide horietara (Mauthausen, Buchenwald, Ravensbrück…) gerturatu ziren lagunen artean, 185 euskaldun zeunden. Horietatik erdiak lortu zuen bizirik irautea. Alabaina, ez ziren basakeria horren biktima bakarrak izan: erregimen frankistak zapalduriko Euskadin gelditu ziren senitartekoak isiltasunaren legea pairatu behar izan zuten atzerriratuen senitarteko gisa. Euretariko askok, gainera, ez zuten jakin non zegoen eta zer gertatu zitzaien erbesteratutakoei senitarteko duela gutxira arte. Ez hori bakarrik, senitarteko asko hil egin ziren erbesteratuen berri izan gabe.

Gerra Zibilaren eta Frankismoaren biktimen aitortzaren alde esparru legalean aurrerapenak egin diren arren –Memoria Historikoaren Legea-, eta gizarte zibileko erakundeek modu isolatuan omenaldi ekitaldiak egin dituzten arren, tropa aliatuek kontzentrazio-esparru naziak askatu eta ia 70 urte eta gero, euskal herritar gehienek ez dute gertaera hauen berri izan, ezta erbesteratuok pairatu zutenarena ere. Ez hori bakarrik, atzerriratu horien senitartekoek sufritu behar izan zuten ahanztura eta errepresioa ere aintzat hartzekoa da.

Pertsona guzti horiei izena eta aurpegia jarri nahi dizkiegu, eta euren senitartekoek testigantzak kontatzeko aukera izan dezatela, testigantza hori gizarte osoak aitor dezan.

Oinarrizko ezaugarriak eta helburuak

Proiektuak etorkizunean oroitzapenezko, eta biktimak eta euren senitartekoak aitortzeko jarduerak garatu nahi dituen arren, proposamen hau nagusiki bi jardun-ardatzetan egituratzen da:

A. IKERKETA
Euskal erbesteratzearen inguruko informazioa lortzeko, eta biktimen eta senitartekoen materialak eta testigantzak biltzeko jarduerak. Ondokoak egingo dira:

  1. Euskal erbesteratuen errolda: euskal erbesteratuen errolda, artxiboen erkatzearen eta datuen zuzenketaren bitartez.
  2. Biktimen eta senitartekoen testigantzen bideo-grabazioa eta edizioa.
  3. Testigantza-balio handia duten materialen bilketa (gutunak, argazkia, eta abar).
  4. Berrikuspen dokumentala eta iturri historiografikoen ikerketa.
  5. Adituekin (historialariak) eta memoria historikoaren esparruan diharduten erakundeekin harremanetan jarri, eta proiektua ezagutarazi.

B. HEDAPENA ETA KOMUNIKAZIOA
Aurreko fasean jasotako informazioaren eta testigantzen hedapenerako jarduerak bi esparruren bitartez:

a. Gune birtuala: dosier historiografikoa, euskal erbesteratuen errolda, ikus-entzunezko testigantzak, memoriaren mapa (erbesteratzearen lekuak), materialen artxibategi birtuala, eta biktimei egindako kaltea ordaintzeko esparru legala.

b. Sare sozialak eta hedapenerako bestelako guneak: testigantzak zabaltzea sare sozialetan (twitter) eta euskal deportazioarekin loturiko artikulua sartzea Wikipedian (euskarazko, gaztelaniazko eta ingelesezko bertsioetan).

mg-0018_1r.jpg

Zerk bultzatzen zaitu eta zeini zuzenduta dago proiektua

Egungo euskal testuinguruan, non bake, bizikidetza eta adiskidetasunerako esparru komuna bilatzen den, aktore sozial guztiek edozein motatako indarkeria pairatu duten biktimak aitortzeko eta berreskuratzeko konpromisoa ezarri dute. Erbesteratuak eta Bigarren Mundu Gerraren deportazioaren euskal biktimak ez dira oraindik aintzat hartzen gure gizartean. Euren historia, biktimena eta euren senitartekoena, ez da ezagutzen, ezta aitortzen ere. Testuinguru honetan, biktimok ezin dira ahaztu.
Memoria historikoaren berreskuratze proiektu hau ez dugu soilik nazi erregimenaren euskal biktimen eta euren senitartekoen aitortza ekintza gisa ulertzen. Askatasunen eta demokraziaren aldeko borrokaren oroitzapenezko ekintza gisa ere ulertzen dugu. Hortaz, proiektu hau gure historia berrienean interesa duten pertsonei zuzendua dago; alegia, ez ahazteko beharrizanean sinesten duten, eta memoriaren eskubidea babestu behar dela uste duten horiei. Finean, diktaduren eta erregimen totalitarioen ondorioz hil ziren biktimak aintzat hartu gabe, gure askatasunen sistema eraiki behar ez dela uste duten lagunei.

Crowdfunding-eko kanpainaren helburuak

Egitasmo hau memoria historikoa berreskuratzeko eta kontserbatzeko daukagun konpromisoaren baitan ulertzen dugu. Izan ere, konpromiso hori mantendu egingo dugu behin proiektu hau amaituta bestelako jarduera batzuen bitartez.
Proiektu honen zati bat Gipuzkoako Foru Aldundiak finantzatu du. Diru hori dela medio, Lurralde Historiko horretan ikerketa prozesua eta testigantzen bilketa egiteko, baina diru hori ez da nahikoa proiektuan jasotako jarduera gehienak gauzatzeko.
Gure asmoa proiektuaren jarduerak gauzatzea da, Euskadi osoko biktima eta senitartekoen testigantzak eta materialak barne, horien hedapena biderkatzea, eta pertsonen borondatezko lankidetza lortzea jarduera jakin batzuetan.
Ondoko jardueratan, hain zuzen ere:

  1. Biktimen senitartekoen identifikazioan.
  2. Finantzazioan, elkarrizketak egiteko eta testigantzak grabatzeko.
  3. Oinarrizko finantzazioan, testigantzen ikus-entzunezko edizioa egiteko.
  4. Egitasmoaren gune birtualean, testuak zenbait hizkuntzatara itzultzeko.
  5. Gertaerekin loturiko materialaren bilketan.
mg-0020_1r.jpg

Aldez aurreko esperientzia eta taldea

Bakeolak (www.bakeola.org) eta EDE Fundazioaren Ezagutza Zentroak (www.fundacionede.org)batera garaturiko proiektua da Euskal Memoriala.
BAKEOLA gatazkak modu egokian ebazteko zentro espezializatua da, eta gizarte eta hezkuntza eragileekin egiten du lan ikuspegi integral batetik abiatuta.
Ondokoak sustatzen ditugu: bizikidetzaren hobekuntzarako prozesuak, Giza Eskubideen sustapena, garapen komunitarioa, eta eraikuntza soziala Bake Kultura lortzeko asmoz. Hori dela eta, Euskal Memorialarekin loturiko zenbait egitasmo garatu ditugu. Esate baterako, Oroimenaren Bidean: Espainiako Gerra Zibilean eta frankismoaren garaian hildako eta desagerturiko pertsonen berreskurapena lantzeko programa pedagogikoa.
EDE Fundazioaren Ezagutza Zentroa ikerkuntzarako, eta gizarte ekintzako eta hezkuntza esparruko informazioa hedatzeko gunea da.
Ezagutzaren sustapenean egiten dugun lanean hainbat proiektu egin ditugu, hala nola, memoriarekin loturiko egitasmoak hainbat esparrutan, esaterako, Oroiteka proiektua: esperientziaren artxiboa, gure nagusien bizi historiak biltzeko eta hedatzeko egitasmoa.
Diziplina anitzeko lantaldea eratu dugu proiektu honetarako: soziologo bat, gatazken bitartekaritzan eta erregulazioan espezializaturiko tekniko bat, eta historialari bat. Hainbat diziplina, baina ezaugarri komun baten inguruan ardazten direnak: gertaera hauek zabaltzea eta ezagutzea garrantzitsua dela, eta biktimen eta euren senitartekoen memoria gogoratzeko beharra dagoela.

Giza konpromezua