FLORES DEL SÁHARA

finantzatua 10 / 01 / 2016
Aldi berean finantzatuta!
Jasota
€ 6.287
Minimoa
€ 6.000
Hobezina
€ 26.000
26 Finantzakideak
Jartzen € 25
«MARGARITAK» | SAHARAKO LOREAK [01]
>> «Aprendiendo de los procesos de Paz» Liburua. Gakoa Bilduma, Mundubat-ekoa. 17. zenbakia. Liburuak «Visiones desde el Sáhara» atala dakar non Ahmed Ettanji-k Giza Eskubideen aktibista idazten du, "Equipe Media"-ko Presidentea izanik, Okupatutako Lurraldetako Mendebaldeko Saharan.
> 07 Finantzakideak
Jartzen € 50
«Basamortuko arrosak» | Saharako Loreak [02]
>> «Aprendiendo de los procesos de Paz» Liburua. Gakoa Bilduma, Mundubat-ekoa. 17. zenbakia. Liburuak «Visiones desde el Sáhara» atala dakar non Ahmed Ettanji-k Giza Eskubideen aktibista idazten du, "Equipe Media"-ko Presidentea izanik, Okupatutako Lurraldetako Mendebaldeko Saharan. >> "Saharako Loreak" kanpainako argazkia.
> 05 Finantzakideak
Jartzen € 100
«Haizeetako Arrosa» | FLORES DEL SÁHARA [03]
>> Higinia Garay-k marrazki eta ilustrazioekin eginiko eramateko poltsa. >> "Saharako Loreak" kanpainako argazkia.
> 03 Finantzakideak
Jartzen € 150
«Kalak» | PRODUCTO: FLORES DEL SÁHARA [04]
>> Higinia Garay-k marrazki eta ilustrazioekin eginiko eramateko poltsa. >> "Saharako Loreak" kanpainako argazkia. «Aprendiendo de los procesos de Paz» Liburua. Gakoa Bilduma, Mundubat-ekoa. 17. zenbakia. Liburuak «Visiones desde el Sáhara» atala dakar non Ahmed Ettanji-k Giza Eskubideen aktibista idazten du, "Equipe Media"-ko Presidentea izanik, Okupatutako Lurraldetako Mendebaldeko Saharan.
> 00 Finantzakideak
Jartzen € 300
«Saharako lorategia» | Saharako Loreak [05]
>> Higinia Garay-k marrazki eta ilustrazioekin eginiko eramateko poltsa. >> "Saharako Loreak" kanpainako argazkia. >> Higinia Garay-k Mundubat-i ilustrazioekin eginiko kamiseta.
> 01 Finantzakideak
Jartzen € 500
«OASIS» FLORES DEL SÁHARA [06]
>> Tote Bag with an illustration of Higinia Garay for Mundubat. >> Photography of 'Flowers of the Sahara "campaign. >> "Learning from peace processes» Mundubat's Gakoa Collection . Includes Chapter Number 17. "Visions from the Sahara" by Ahmed Ettanji, human rights activist, President of "Equipe Media" in the occupied territories of Western Sahara.
> 00 Finantzakideak

Proiektu honi buruz

#SaharakoLoreak - Giza eskubideen defendatzaileei bideo-kameren eta grabazio-ekipamenduaren bidez laguntzea
Eginkizuna Minimoa Hobezina
Giza eskubideen defendatzaileei bideo-kameren eta grabazio-ekipamenduaren bidez laguntzea
Giza eskubideen defendatzaileentzako ekipamendua erostea eta bidaltzea (argazki-kamerak, grabagailuak, telefono mobilak)
€ 6.000
NBE-ren AURREAN AFAPREDESAri LAGUNTZEA
Genevako Giza Eskubideen Kontseiluan, AFAPREDESAko ordezkaritzari Marokok Saharan egindako urraketak salatzen laguntzea
€ 20.000
Total € 6.000 € 26.000
Nahitaezkoa
Gehigarria

Informazio orokorra

«SAHARAKO LOREAK» kanpainan, Saharako Herriaren giza eskubideen (GGEE) era guztietako urraketa etengabeei buruzko benetako informazioa eta tresnak sortuko dira.

Azken berrogei urteotan, Mendebaldeko Saharan, Marokoko Erresumako legez kanpoko okupazio ankerra izan da nagusi, eta, bertan, Saharako Herriaren oinarrizko eskubideak urratzen dira etengabe. Okupazio hori, gainera, nazioarteko legezkotasunaren eta Nazio Batuetako Segurtasun Kontseiluaren nahiz Batzar Nagusiaren ezin konta ahala ebazpenen aurkakoa ere bada. NBEk Saharako Herriaren Autodeterminaziorako Eskubidea aitortzen du.

«SAHARAKO LOREAK» kanpaina MUNDUBATek bultzatu du Saharako Preso eta Desagertuen Senideen Elkartearen (AFAPREDESA) eta Saharako Errepublika Arabiar Demokratikoari (SEAD) laguntzen dioten beste erakunde batzuen koordinaziopean.

Kanpainak Saharako giza eskubideen defendatzaileei lagundu nahi die bideo-kameren eta zenbait tresna teknologikoren bidez. Ekipamendu horiei esker, hain zuzen ere, giza eskubideen urraketa etengabeak dokumentatu ahal izango dituzte arinago. Gainera, Saharako Herriko emakume eta gizonen lau belaunaldiren oroimen historikoa ere azaldu ahal izango dute 40 urteko kanporaketan eta okupazioan.

MUNDUBATen JARRERA POLITIKOA
«Mendebaldeko Sahara: 40 urte nahikoak dira. Konponbidean parte hartu dezagun. Madrilgo hitzarmenak salatu ditzagun». Horixe bera da SEADi eta autodeterminaziorako eskubideari laguntzeko eragin politikoari begira gaur egun abian jarri dugun kanpainaren leloa, Saharako Herriari lurraldeak eta nazio moduan bere estatusari buruz burujabetasunez erabakitzeko duen eskubidea kendu zizkioten Madrilgo Hitzarmenen sinaduraren 40. urteurrena betetzen denean.
Estatu espainolak ez zeukan inolako eskubide burujaberik, Mendebaldeko Saharako lurraldea Mauritaniari eta Marokori transferitzeko, Madrilgo hitzarmenetan adierazi nahi duten bezala.
Mendebaldeko Sahararekin elkartasunez lan egiten dugun taldeok egoera bete-betean berrikusteko eskatzen dugu, bakerako eta justiziarako oinarriak kontuan hartuta. Honako hauxe eskatzen diegu alderdi politikoei, estatu espainoleko gobernuari eta nazioarteari:

- Madrilgo hitzarmenak salatzeko konpromisoa
- Mendebaldeko Saharako deskolonizazioa
- Autodeterminaziorako erreferenduma

SAHARAKO HERRIAREN GIZA ESKUBIDEEN EGOERA
Lau hamarkadotan, herri osoa biktimizatu eta haien giza eskubideak urratu dituzte modu larrian, eta ez da inolako nazioarteko mekanismorik abian jarri, egoera horiek egiaztatzeko eta, are gutxiago, justizia ezartzeko eta biktimei ordaina emateko.

Mendebaldeko Saharako Erreferendumerako Nazio Batuetako Misioak (MINURSO) ere ez dauka egiaztapenerako agintaldirik, bakerako beste misio batzuetan halakorik badu ere.

Nazioarteko mekanismo hori ez dagoenez, Saharako erakundeek eurek giza eskubideetako beste erakunde batzuen laguntzaz garatu dute Saharako Herriak giza eskubideen urraketa etengabearen ondorioz jasandako egoera larria behatzeko eta salatzeko funtsezko zeregina.

Erakunde horiek nahitaezko desagerpenak, judizioz kanpoko exekuzioak, atxiloketa arbitrarioak, torturak eta oinarrizko eskubideen beste urraketa larri batzuk dokumentatu dituzte egoera izugarri horren erakusgarri.

Ehunekotan, eraildakoen edo desagertutakoen kopurua giza eskubideen urraketa larri bezain ezagunetakoa baino handiagoa da; esate baterako, Argentinako edo Txileko diktaduretakoa edo talde sozial osoak eraildako herrialdeetakoa (Guatemalakoa, adibidez). Desagertuen eta ezkutuko atxiloketa-zentroetan sartutakoen ehunka kasu dokumentatu dira. Saharako emakumeek bete-betean jasan dute okupazioko indarren indarkeria.

Oso zaila da giza eskubideen urraketak behatzea eta salatzea. Giza eskubideetako erakundeak debekatuta daude Mendebaldeko Saharan, nahiz eta arlo horretan nazioartean dauden estandarrak zeharo urratzen diren.

Biktimak, ekintzaileak eta giza eskubideen defendatzaileak jazarri eta eraso egiten diete etengabe. Izan ere, modu arbitrarioan atxilotzen dituzte, torturatu egiten dituzte, krudelkeriaz eta laidoz tratatzen dituzte eta behar besteko bermerik gabe prozesatzen dituzte. Askatasunez adierazteko, elkartzeko eta manifestaldiak egiteko eskubideak murriztuta daude erabat.

Zailtasunok zailtasun, erakundeek Saharako Herriaren giza eskubideen urraketak behatzen jarraitzen dute. Biktimen eta haien senideen lekukotasun historikoak eta oraintsukoak biltzen dituzte, eta legezko laguntza zein emozionala ematen dizkiete. Biktimen bozgorailuak dira, eta haien egoera salatzen dute nazioarteko jendaurrean. Horixe bera egiten du Saharako Preso eta Desagertuen Senideen Elkarteak (AFAPREDESA). Izan ere, nazioartean bertan, erreferente etikoa da Marokok Mendebaldeko Saharan egindako barrabaskeriak salatzeko orduan. «SAHARAKO LOREAK» kanpaina bera ere koordinatzen da AFAPREDESArekin.

Oinarriko ezaugarriak

Mendebaldeko Saharako giza eskubideen defendatzaileei zenbait frontetan lagundu behar zaie haien zeregin eskergan. Mendebaldeko Saharako egoera behatu beharra dago etengabe, eta, aldi berean, biktimen nahiz haien senideen bizipenak ere dokumentatu eta bildu egin behar dira (El Ajungo Kartzela Beltz ospetsuko lekukotasunak, esaterako). Modu berean, nazioarteko laguntza juridikoa ere eman behar zaie foru militarpean egindako epaiketetan, GdimIzikeko kanpalekuko ekintzaileen aurka egindakoetan bezala, esaterako. Horrelako egoerak etengabe salatu behar dira jendaurrean, komunikabideen eta giza eskubideak babesteko nazioarteko mekanismoen bitartez.

«SAHARAKO LOREAK» kanpainak AFAPREDESAren gaitasunak indartu nahi ditu, Mendebaldeko Sahara Okupatuko giza eskubideen urraketak behatzeko, dokumentatzeko eta salatzeko funtsezko zeregina bete dezan.

«SAHARAKO LOREAK» kanpainak ikus-entzunezko materialaren bidez lagunduko die giza eskubideen defendatzaileei, giza eskubideen urraketen jarraipena egin eta islatu dezaten. Kamerak, grabagailuak eta telefonoak erabiliko dira horretarako. Ekipamendu horiei esker, unean bertan, Espainiako antzinako koloniako lurraldeko benetako egoera eman ahal izango da jakitera sare sozialen bitartez, eta, horrez gain, giza eskubideen urraketei buruzko txostenak indartzeko ere erabili ahal izango dira.

Era berean, salaketarako eta eragin politikorako ekintzak ere babestuko dira estatu espainolean nahiz nazioartean. Horrez gain, giza eskubideen defendatzaile gehiago ere egongo dira nazioarteko foroetan.

Zerk bultzatzen zaitu eta nori doakio proiektua

Saharako giza eskubideen defendatzaileen aurkako indarkeria antzinakoa bada ere, Marokok errepresio-estrategia larriagotu berri du nazioarteko foroetan gero eta oihartzun handiagoa duten ahotsak isilarazteko, nazioartean bertan ospe marokoarra jarri dutelako kolokan.

Estatu espainolak erantzukizun historikoa dauka Saharako Herriaren etorkizunean, gaur egungo Mendebaldeko Saharako administrazio-potentzia moduan. 2016. urtearen amaierara arte, Espainia Segurtasun Kontseiluko kide ez-iraunkorra izango da, eta kontseilu horrek nazioarteko segurtasunari eta bakeari eusteko funtsezko erantzukizuna dauka. Hori dela eta, zeresan handia izango du Mendebaldeko Saharako gatazka konpontzeko orduan.

Une honetan, erabakigarria da Saharako Herriaren giza eskubideen urraketa estatu espainoleko agendaren barruan egotea Segurtasun Kontseiluan. Era berean, giza eskubideak babesteko nazioarteko tresnek ere izan behar dute urraketa horien berri, behar bezala aurre egin ahal izateko.

Crowdfunding-eko kanpainaren helburuak

Saharako herritarren giza eskubideen urraketa larrien jarraipena egitea, dokumentatzea eta salatzea.

Honako ekintza hauek garatuko dira:

1. Giza eskubideen defendatzaileei laguntzeko ekipamenduak hornitzea (kamerak, grabagailuak, telefono mobilak).

2. Behaketako txostenak egitea eta giza eskubideen urraketa larriak salatzea.

3. Salaketak giza eskubideetako nazioarteko erakundeen eta, batez ere, Nazio Batuetako mekanismo berezien aurrean aurkeztea.

Aurretiko esperientzia eta taldea

MUNDUBAT Garapenerako Lankidetzarako Gobernuz Kanpoko Erakundea da (GGKE).
Hiru hamarkada daramatzagu hegoaldeko emakume, gizon, elkarte eta erkidegoekin lan egiten, bertako garapen eta eraldaketa soziala lortzeko. Konpromiso solidario eta etikoa dugunez (iparraldean ere bai), giza eskubideak eta giza garapen jasangarria defendatu nahi ditugu bi hemisferioetan.

MUNDUBAT 1988an sortu zen «Hirugarren Mundua ta Bakea» izenpean, gaur egun MUNDUBAT FUNDAZIOA bada ere.

MUNDUBATek eta AFAPREDESAk urteak daramatzate elkarrekin lan egiten, Saharako Herriaren oinarrizko eskubideak defendatzeko. Harreman politiko eta instituzional horri esker, adiskidetasuna eta konpromisoa sendotu ahal izan dira bi erakundeen artean, eta Saharako Errepublika Arabiar Demokratikoak (SEAD) bere etorkizuna askatasunez eta modu demokratikoan erabakitzeko daukan eskubidearen defentsarako helburu bateratuan daude oinarrituta.

MUNDUBATeko taldeak etengabe daude Tindufeko errefuxiatu sahararren kanpalekuetan. Aldian-aldian bertara bidaiatzen duten 50etik gora teknikari eta boluntario ditugu. Kanpalekuetan bertan dago AFAPREDESAko egoitza nazionala.

Compromiso social