Eman € 20
Inaugurazio jairako gonbitea + A3 afixa
Ekitaldiaren berri emanen dizugu eta espazio berriaren inaugurazio ekitaldiko afixa emanen dizugu. Ahal baduzu zatoz espazio berrira laminaren bila.
> 48 Aldi bereko finantzakideak
Proiektu honi buruz
Urratsez - urrats irudimen politikoa uztartzeko gune berri baterantz
Beharren zerrenda erakutsi
Azpiegitura
|
Gutxienekoa | Hobeezina |
|---|---|---|
|
Lehioak konpondu
Leihoetako zura konpondu eta leihoetan Climalit jarri.
|
€ 6.000 | |
|
Sabaia
Sabaia konpondu eta isolatuko dugu.
|
€ 5.000 | |
|
Espazioaren banaketa
Espazioa hiru eremu autonomotan banatuko da eta oihal baten bidez soinua bereiziko dugu.
|
€ 3.000 | |
|
Eszenatoki mugikorra
Eszenatoki mugikorra kontzertu, performantze eta antzezlanetarako.
|
€ 6.000 | |
|
Proiektorearentzako pantaila
Pantaila ia-profesionala, motorizatua eta tolesgarria.
|
€ 1.300 | |
|
Aldi bereko interpretaziorako kabina intsonorizatua
Hitzaldien aldi bereko interpretaziorako kabina intsonorizatua.
|
€ 4.000 |
Materiala
|
Gutxienekoa | Hobeezina |
|---|---|---|
|
Ahulkiak
Zure gogozko hizlariak ikusten duzun bitartean eroso eseritzeko ahulkiak
|
€ 3.000 | |
|
Proiektorea
Proiektore ia-profesionala 5000 lumenekoa
|
€ 800 | |
|
Aldi bereko interpretaziorako ekipamendua
Ekipamenduak honako elementuak dauzka:
- FM sistema: 600 euro
- Interpretaziorako mahaia: 400 euro
- Transferentzia digitalerako zentroa: 835 euro
- 28 hartzaile: 3165 euro
|
€ 5.000 |
Eginkizuna
|
Gutxienekoa | Hobeezina |
|---|---|---|
|
Hormak margotu eta konpondu
Egungo hormak garbitu eta lizatu margo berria jarri ahal izateko. Margoa ordaintzeko ere balioko du.
|
€ 3.000 | |
|
Ekitaldien zabalkundea
Aretoa konpondu eta moldatu nahi dugu kultur ekitaldi eta dinamika politikoak sustatzeko. Horregatik inbertsio hau afixak eta bestelako materialak banatzeko erabiliko dugu.
|
€ 3.000 | |
| Guztira | € 20.000 | € 40.100 |
Nahitaezkoa
Gehigarria
Informazio orokorra
Finantziazio kolektiboa zertarako?
Erabilera anitzeko areto bat nahi dugu irudimen politikoa lantzeko.
Borroka bakoitzak eta garai bakoitzak bere lekuak ehotzen ditu. Plazak, tabernak, ateneoak, foro birtualak, liburudendak, gaztetxeak, zentro sozialak. Izen bakoitzak errebeldia sustatu den leku ezberdin bat zedarritzen du. Subjektu ezberdinen topalekua dira. Eztabaidak aberasteko eta tresna dialektikoak zorrozteko lekuak dira.
Hormiga Atomicarentzako espazio berri bat imajinatu genuenean iraultza behetik pentsatzeko eremu bat nahi genuen, badakigulako administrazioak ekintza politikoak egiteko zailtasunak jartzen dituela geure hirian, zentsura publikoa ohikoa dela.
Testuinguru honetan geure ekarpen garrantzitsuena hiriari eremu komun bat eskaintzea da: erabilera anitzeko 150 metro koadro hitzaldietarako, jardunaldietarako, kolektiboen bileretarako, ekintza kulturaletarako eta tailerretarako. Birika sozial bat Alde Zaharraren erdian, esperimentazio askerako laborategi bat.
Zer da Hormiga Atomica eta zer izan nahi luke?
La Hormiga Atómica Liburuak 2006ko urrian batzen hasi zen hiriko politikan liburuekin eragiteko asmoz. Urtebete beranduago ireki genuen lokala. Kafetegi-liburudenda izan gara erabilera anitzerako areto batekin. Apurka zentro sozial moduko baten itxura hartu du. Kooperatiba batek kudeatzen du. Liburuekin politika egin nahi izatetik urrunerago heldu da.
Geure jarduera ekonomikoa helburu politikoek zuzentzen dute eta gainbalioa jarduera politikora bideratzen dugu. Horregatik, geure espazioa, lanaldia eta militantzia batzarren bidez antolatzen dugu. Funtsean, beste subjektu batzuekin jardun nahi duen kolektibo politikoaren, zentro sozialaren eta enpresaren arteko hibrido bat gara.
Azken 5 urteotako esperientzian geure lurraldeko borroka batzuekin aliantzak eratu ditugu eta erreferentzia puntua izan gara, topaketarako eta ekimen politikoetarako eta kulturaletarako. Krisi ekonomikoaren eta erakundeen zilegitasun galera sakonaren unean eskala aldaketa bat gauzatzea erabaki dugu. Uste dugulako krisiak ireki duen une berri honetan politika geure bizitzen erdigunean egongo dela alternatibak eratzeko gai izan nahi badugu. Uste dugu, gainera, behin-behinekotasuna gainditu nahi badugu eta geure gaitasunak handitu nahi baditugu ezinbestekoa dela tamaina aldaketa, eta horixe bera izango da Hormiga Atomicaren proiektu berria. Lokala aldatuko dugu, hiru bider liburu gehiago izanen ditugu, hiru aldiz biderkatuko dugu kooperatibisten kopurua eta agenda politikoan lan egiteko gaitasuna ere biderkatu nahi genuke.
Gune hau Iruñeko bihotzean dago eta aurreko fasearen apostua mantendu nahi du: metropoli mailako dinamika errebeldeak sustatu nahi ditu, erakundeen arrazakeriari aurre egin nahi dio, txiroen arteko gerrari aurre eta lurraldearen suntsiketari ere aurre.
Gune berriko funtsezko eremua erabilera anitzeko aretoa izango da. Lokal zaharrean areto txikia genuen, bertan hiriko beste talde batzuekin harreman egonkorrak uztartu ditugu. Bertan prestatu dira grebak, bizipiketeak, bankuen eta etxeen okupazioak. Bertan aurkeztu dira finantzen gobernua suntsitzeko lagungarri diren liburuak. Bertan aurkeztu dituzte ere zenbait kultur taldek haien proiektuak, kontzertuak eta ekitaldiak.
Funtsean, uste dugu, erabilera anitzeko gelak ondasun komunen apustua laburbiltzen duela. Hiri hau hankaz gora jartzen laguntzeko proiektu bat izan nahi dugu eta aldi berean bideragarria enpresa ikuspegitik.
Oinarrizko ezaugarriak eta helburuak
Erabilera anitzeko gela eraikinaren bigarren solairuan dago. 140 metro koadro dauzka, 4 bat metroko sabaiak eta argi natural oparoa sartzeko leiho zabalak. Hitzaldiak, eztabaidak eta performantzeak egiteko aukera itzelak dauzka baina gaur egun ez ditu gutxieneko baldintzak: ez dauka isolamendu termiko egokirik ezta nahikoa argirik ere. Sabaiek eta hormek lanak behar dituzte, margotu behar dira ere. Gainera, funtsezko altzariak falta zaizkio: aulkiak, mahaiak eta baita proiektoreak eta pantailak ere.
Funtsean, zeure eskuzabaltasuna nahi dugu erabilera anitzeko areto hau subertsiorako, kulturarako eta umorerako makina bat izan dadin. Bakarrik ezingo dugu: lagunekin bai!
Zerk bultzatzen zaitu eta zeini zuzenduta dago proiektua
Enpresa politikoa lantzea da geure helburua, hirian parte hartzeko tresna txiki bat nahi dugu behin-behienkotasuna atzean utzi ahal izateko. Konspirazioak, erreboltak eta mobilizazioak sotoetan, tabernetan eta zentro sozialetan gertatu dira. Hurrengo iraultza geure espazioan ere irudika dezatela!
Crowdfunding-eko kanpainaren helburuak
Erabilera anitzeko gela konpondu nahi dugu bertan bilerak, asanbladak, jardunaldiak, performantzeak, antzerkia, zinea edota erakusketak egin daitezen. Talde eta norbanakoek usu erabiltzea nahi genuke. «Egin beharrekoen» atalean azalduko dizugu crowdfunding-eko dirua zertarako erabiliko dugun.
Taldea 12 lagunek osatzen dugu, kooperatibistak gara eta bizitzan ibilbide ezberdinak izan ditugu lan-munduan eta eraldaketaren munduan baina la Hormiga Atómica Liburuak-en inguruan egon gara azken 6 urteotan.
Gutariko batzuk aktiboki egon gara kafetegi-liburudendako lan ekonomikoan eta politikoan eta proiektuaren erabakitze eremuetan. Kudeaketaren esperientzia honetan funtsezko bi aldagai azpimarratu ditugu proiektu berriari aurre egiteko:
–Lokalaren kudeaketa ekonomiko eraginkorra. Kooperatibista gehiago izango gara, ordu gehiago egongo gara irekita, eskaintza handituko dugu eta ekintza politikoetarako baliabideak sortzeko aukera izango dugu.
–Lokalaren politikaren kudeaketa asanblearioa eta horizontala. Zailtasunekin baina gai izan gara proiektuarekiko inplikazio maila ezberdinak izateko (batzuk langile gisa beste batzuk ez) eta beste proiektu kideekin egin dugu lan (Eguzki Bideoak-ekin adibidez) edo beste esperientzia politiko batzuekin (Iruñerria Piztera Goaz!, Etxe-kaleratzeen aurkako plataforma, AHTaren aurkako asanblada, M15a, Herri Harresia).
Giza konpromezua
Partekatutako materialak
-
Guía de Empresarialidad Política
Ez dugu bolbora asmatu nahi, baina geure prozesu politikoaren eta enpresa proiektuaren inguruko argibideak emateak akaso beste batzuk anima ditzake beste lurralde batzuetan antzeko ekimenak martxan jartzera. Gida honen helburua kolektiboekin edo talde politikoekin geure 6 urteetako lan kooperatiboa partekatzea da. “Enpresa ekintzailetasuna” asuntu arraroa izan daiteke, edo munduko arauak ezartzen dituen %1aren antza handiegia duen mintzaera bat. Gida honen eraldaketa sozialerako tresnen zailtasun eta aukerak azaldu nahi ditugu.CC - Onarpena
Creative Commons Lizentzia (ondasun arrunt sortzaileak) egiletzaren onarpenarekin -
Webgunea
Kode irekian egindako webgune bat (GPL lizentziapean) ekitaldiak eta sareko denda kudeatzeko. Drupal izanen da geure oinarria, kode librearekin lan egiteko kudeatzaile bat. Mundu guztiko komunitate batek sortu du kode hori.General Public License
GNUren Lizentzia Publiko Orokorra, sofware-aren banaketa, aldaketa eta erabilera libre baterako -
Audioak eta geure hitzaldien materialak
Geure webgunean Jakintza Komunen ikastaroetako audioak eskegiko ditugu. Beste ekitaldien audioak ere jarriko ditugu teknikoki posible denean. Kasu bakoitzean lizentzia zein den adieraziko da.CC - Onarpena
Creative Commons Lizentzia (ondasun arrunt sortzaileak) egiletzaren onarpenarekin