Incubegg

finantzatua 02 / 06 / 2014
Aldi berean finantzatuta!
Jasota
€ 560
Minimoa
€ 500
Hobezina
€ 750
24 Finantzakideak
Jartzen € 10
Eskerrak blogean
Laguntza luzatu digunari eskerrak (mila aldiz) emango dizkiogu proiektuko blogean
> 01 Finantzakideak
Jartzen € 20
Kamiseta
Incubegg logodun mauka motzeko kamiseta zoragarria + eskerrak gure blogean
> 16 Finantzakideak
Jartzen € 30
Bideokonferentzia bidezko proiektuko aurkezpena
Zure ikastetxea Euskal Herritik kanpo badago, bideokonferentziaz aurkeztea daukagu proiektuaren gorabeherak (DBH-Batx) edo txiten jaiotze-prozesua azaltzeko (LH) elkarrekin adostutako datan
> 01 Finantzakideak
Jartzen € 50
Proiektuaren azalpena
Zure ikastetxera joango ginateke (Euskal Herrian soilik) proiektuaren gorabeherak (DBH-Batx) edo txiten jaiotze-prozesua azaltzeko (LH) elkarrekin adostutako datan
> 01 Finantzakideak
Jartzen € 70
Proiektuaren azalpena + inkubagailua hilabetez
Aurreko saria + inkubagailua hilabetez ikastetxean izango zenuketen txiten jaiotze prozesua zuzenean ikasleekin bizitzeko
> 01 Finantzakideak

Proiektu honi buruz

Ikasteko inkubagailua
Materiala Minimoa Hobezina
Elektronika materiala
Proiekturako behar den elektronika guztia: Arduino, sentsoreak, servoak, erresistentziak, enegi iturriak...
€ 200
Bestelako materiala
Inkubagailua egiteko behar diren beste materialak (egurra, bisagrak, isolatzailea...)
€ 100
Azpiegitura Minimoa Hobezina
Kamisetak
Kamiseten ekoizpena
€ 200
Bidaiak
Eskoletara proiektua azaltzeko bidaien gastuak
€ 250
Total € 500 € 750
Nahitaezkoa
Gehigarria

Informazio orokorra

Tolosako Hirukide ikastetxetik, DBHko ikasle talde batek eta bere teknologiako irakasleak dozena bat txita aurrera ateratzeko gai den ikubagailua egin nahi dugu. Horretarako hardware irekia den Arduino plataforma erabiliko dugu. Inkubagailu honekin ikasleek inkubatzeko eta baita tamaina honetako proiektua egiteko prozesua ezagutuko dituzte.

Behin proyektua bukatu ondoren, inkubagailua Lehen Hezkuntzako ikasleei uzteko asmoa dugu, ikasle hauek animali mundua gehiago ezagutzeko, ekintza dibertigarria eta erakargarria dela uste baitugu.

Oinarriko ezaugarriak

Gure eskolako Lehen Hezkuntzako lehenengo zikloan txitak arrautzetatik nola jaiotzen diren ikasten dute. Irakasleek inkubagailu baten bidez hobeto ulertuko zutela pentsatu zuten. Horrela, irakasleek Teknologiako irakasleari klasean egitea proposatu zioten, eta guk proiektu teknologiko bezala aurrera eraman nahi dugu.

Inkubagailuaren muinan Arduino plaka bat jarriko degu. Honek inkubagailuko tenperatura eta hezetasuna kontrolatuko ditu (37º eta %80). Dozena bat arraultz aurrera ateratzeko gai izango da 21 egunetan. Orduro arraultzak iraultzeko gai izango da Arduinori lotutako servo bati esker.
Beroa erresistentzi elektriko batek sortuko du: Arduinok piztu edo itzaliko du tenperatura sentsoreak markatzen dion arabera.
Inkubagailu barruan hezetasuna igotzeko ontzi bat urez beteko dugu eta barruko beroak ur hau lurrunduko du. Hezetasuna gehiegi igotzen bada beste servo batek leihotxo bat irekiko du.
Prozesuko aldagaiak, tenperatura, hezetasuna, ur falta, denbora... LCD pantailatxo baten ikusi ahal izango dugu.
Proiektu honetan ikasitako esperientzia komunitate osoarekin partekatuko dugu, horrela edozein ikastetxe edo partikularrak gurean oinarrituriko antzeko proiektua egiteko aukera izango du.

Zerk bultzatzen zaitu eta nori doakio proiektua

Egitasmo honi esker DBHko ikasleek proiektu bat aurrera ateratzen ikasiko dute, talde lanean arituz. Bestalde Arduino eta errobotikan lehen urratsak eman ahal izango dituzte.
Lehen Hezkuntzako ikasleak aldiz, arraultzen jaiotze prozesua zuzenean ikusi eta ikasi ahal izango dute.

Esperientzia hau errepikatu nahi duten beste ikastetxeetako ikasle eta irakasle, prozesuan dauden maker, geek, hacker, Arduinorekin saltseatu nahi duena zein orokorrean ikasleak motibatu eta benetako proiektuetan murgildu nahi duen hezkuntza komunitate osoari zuzenduta dago.

Lagundu mesedez ikaskidetza, teknologia eta dibertsioaz beterik dagoen esperientzi ikaragarri hau aurrera eramaten!

Crowdfunding-eko kanpainaren helburuak

Inkubagailua ekoizteko behar dugun dirua lortu nahi dugu, bai barruko elektronika (arduino, sentsoreak, servoak...) baita inkubagailua egiteko materialak erosi ahal izateko.
Proiektu honi esker ere ikasleen artean zientzia eta teknologiari lotutako proiektuak aurrera ateratzeko konpetentziak barneratuko dituzte.

Aurretiko esperientzia eta taldea

Talde honetako irakasleak Arduino plataforma eta bestelako proiektu teknologikoekin esperientzia zabala du. Proiektua aurrera eramaten dabilen taldea Tolosako Hirukide ikastetxeko bost ikaslez osatua dago. Euren arteko harremana oso ona da eta proiektuarekiko motibazioa oso altua da, beraz, gustura aritzen dira lanean.

Compromiso social