Disco de IZARO

finantzatua 16 / 07 / 2016
Aldi berean finantzatuta!
Jasota
€ 4.416
Gutxienekoa
€ 3.443
Hobeezina
€ 3.853
199 Aldi bereko finantzakideak
Eman € 5
Sofatik packa

Diskoa online deskargatzeko aukera eskuratuko duzu.

> 10 Aldi bereko finantzakideak
Eman € 12
Behatxulotik begira packa

Diskoa online deskargatzeko aukera eskuratuko duzu eta disko fisikoa etxean jasoko duzu.

> 123 Aldi bereko finantzakideak
Eman € 25
Pack aktiboa

Aurretik eskura daitekeen guztia gehi aurkezpen kontzerturako bi sarrera eskuratuko dituzu.

> 50 Aldi bereko finantzakideak
Eman € 50
Bihotz biguntxoaren packa

Aurreko packak eskaintzen duena jasoko duzu, eta "soberan" dauden 25€-ak Europan sartu ezin duten errefuxiatuei laguntzeko bideratuko dira.

Errefuxiatuekin lanean ari diren zenbait proiektu aurkeztuko dizkizuet, eta zuek aukeratu nora nahi duzuen bidali dirua.

> 16 Aldi bereko finantzakideak
Eman € 300
Pack abenturazalea

Disko fisikoa jasoko duzu eta zure etxean kontzertu pribatu bat izateko aukera. Kontzertu hauek Euskal Herriko etxeetara helduko dira soilik.

> 01 Aldi bereko finantzakideak
Eman € 450
Pack exotikoa

Disko fisikoa jasoko duzu eta zure etxean kontzertu pribatu bat izateko aukera. Kontzertu hauek estatu mailako etxeetara helduko dira, irletan dauden horietara izan ezik :( sentitzen dut.

> 00 Aldi bereko finantzakideak

Proiektu honi buruz

Lagundu nire lehen diskoa produzitzen
Azpiegitura Gutxienekoa Hobeezina
kanten grabaketa
Grabaketa estudioaren erabilpena eta bertan dagoen material tekniko eta informatikoarena.
€ 700
Masterizazioa
Estudioetan grabatutako kanten masterizazioa.
€ 420
Gastu aldakorrak
Gastu hauek diskoen bidalketei eta gastu burokratikoei dagozkie.
€ 547
Materiala Gutxienekoa Hobeezina
Diskoaren diseinua
Disko fisikoaren diseinu grafikoa: tipografia, argazkiak, logoa, etab.
€ 720
Eginkizuna Gutxienekoa Hobeezina
Diskoen kopiak
Disko fisikoaren 500
€ 1.056
kanten grabaketa
Uso del estudio de grabación y del material necesario para grabar.
€ 410
Guztira € 3.443 € 3.853
Nahitaezkoa
Gehigarria

Informazio orokorra

Lagunok, poz-pozik nator nire proiektua aurkeztera. Bai aurretik ezagutzen nauzuen horiei -gaur hemen egoteko indarrak eman dizkidazuenak-, bai oraindik ezagutzen ez nauzuen horiei.

IZARO dut izena eta hau guztia 2015ean hasi zen nire lehen abestiarekin: Paradise. Ikustaldi asko izan zituen YouTuben eta, geroago, Pikadero filmeko soinu bandarako aukeratua izan zen, Donostiako Zinemaldian parte hartu zuena.

Orain, pertsona zoragarriz inguratu eta gero, nire kantuak entzuten eta ikusten jakin dutenak, prest gaude erdi jantzita daukagun disko hau egi bihurtzeko. Espero dugu gustatzea. Zuek eman dezakezuen guztiarekin eta nik eman dezakedan guztiarekin ea zerbait polita bezain gurea sortzeko gai garen.

Oinarrizko ezaugarriak eta helburuak

Diskoa 12 (+1) kantuk osatuko dute. Sei euskaraz, hiru gaztelaniaz eta hiru ingelesez. Hiru hizkuntzatan konposatzen dut: euskaraz (nire ama hizkuntza), gaztelaniaz (nire bigarren hizkuntza) eta ingelesez (beti interesatu izan zaidana eta melodikoki egokiena zaidana). Diskoa hirueleduna da, ni bezala, hizkuntzak elkar osatu eta elikatzeko direla sinesten dut; bihotza eta burua aberasten dizkigute.

Diskoa lizentzia honetan izango da banatua: Creative Commons.
Reconocimiento – NoComercial – SinObraDerivada (by-nc-nd): No se permite un uso comercial de la obra original ni la generación de obras derivadas.

Zerk bultzatzen zaitu eta zeini zuzenduta dago proiektua

Proiektu hau bere parte sentitzen den orori zuzendua dago. Melodiaren bat edo beste abesten duen horri, esaldiren bat gogoko duen horri, portada soilik gustatzen zaien horiei, eta ni abesten entzun nahi nauen horri (taldean, zein bakarka).

Herri txiki bateko mendien magalean dagoen nire etxeari zuzendua dago, nire amari eta nire aitari bizitza zoriontsu bat emateagatik, eta nire ahizpari desberdintasunean hain hurbil egoteagatik. Nire alboan hazi eta hezi den neska kuadrillari, behi eta txahalei buruz hitz egiteagatik. Ondo maite nautenei, zaintzen eta mimatzen nautenei. Kontzertu guztietara datozen aurpegi atseginei beti lehen aldia balitz bezala entzuteagatik, prezioari, lekuari edo orduari begiratu gabe. Nire ondoan orduak sartu dituzten horiei kanpaina hau egiten, web orria eraikitzen eta kalkulu guztiak arintzen. Musika nire azalean idatzita ikusten duen pertsona berezi horrentzat, ordu luzez hausnartu ondoren diskoaren izena argi eta garbi ikusi zuena. Eta, noski, kantu bakoitzaren atzean ezkutatzen den sentimendu eta sentsazio bakoitzari.

Baina, batez ere, kantu hauekin pixka bat sendatzen diren horientzat da hau guztia, beraienak baitira, jada, nireak baino gehiago.

Crowdfunding-eko kanpainaren helburuak

Crowdfunding honen bitartez Yon Bidaurri Muir Estudioaren izenpean bizi diren bere pazientzia, denbora, aholkuak eta (noski) grabaketa estudioa eta jakituria teknikoa ordaindu nahi genioke. Baita ere bere denbora, edertasuna eta gaitasuna eman diguten musikariei. Baita ere kamara eta pantailen atzean gure esentzia harrapatzen duten horiei, gu hain polit eta natural islatzearren. Gorputz fisikoa ere lor nahi genioke gure lan musikalari, gutxi gora behera 500 disko inguruko tirada CD-Digipack (+liburuxka) formatoan. Materialak prezioa dauka eta diseinatzaile grafikoen ideiek eta denborak ere bai.

Badakit proiektu honetan parte hartu duten askok ez dutela diruagatik egin, badakit, baina lan oro profesionalizatzearen eta indartzearen aldeko hautua hartu dut, talentudun jende gazte langilea badelako, hurbil eta asko.

Azkenik, plataformaren gastu teknikoak eta gobernuaren burokrazia ere ordaindu nahi dugu. Sobra lortzen dugun dirua (lortzen baldin badugu, saiatuko naiz), errefuxiatuei laguntzeko bideratuko da.

Eta zuen babesak, beno... horrek ez du preziorik. Baina agian interesgarriak izango zaizkizuen hainbat pack proposatzen dizkizuet.

Aldez aurreko esperientzia eta taldea

Nire marinelak

"Azkar heldu nahi baduzu, zoaz bakarrik. Baina urrun heldu nahi baduzu, zoaz taldean."

Betirako izango dut gogoan kontzertu baten ondoren mutil bat hurbildu zitzaidanekoa. Oriol Flores deitzen zela esan zidan eta kontzertua asko gustatu zitzaiola. Zerbait grabatua ote neukan edo bakarrik ote nengoen galdetu zidan gero.

Oriol Floresek Iker Lauroba aurkeztu zidan, eta begi garbi-garbiekin esan zidaten lagundu nahi nindutela, trukean ezer jaso gabe. Urte erdi beranduago proiektua, eszenatokia, barreak, aitormenak eta laguntasun osasuntsua partekatzen dugu. Eskerrik asko abentura honetan nirekin egoteagatik, eskerrik asko eszenatokian nirekin egoteagatik, eskerrik asko bakarrik igo nahi dudanean ere indarra bidaltzeagatik. Eta eskerrik asko zuen etxeetako ateak irekitzeagatik behar dudan guztietan. Eskerrik asko bihotzez, benetan.

Hona hemen nire familia:

Oriol Flores Arisa: Musikenen lizentziatutako perkusionista. Pedagogia Musikalari buruzko master bat amaitzen ari da. Proiektu/talde ugaritan hartu du parte: Sortuko dira Besteak, Gozategi, Iker Lauroba, Amor de Tokyo, Oso Fan, Charlie & The Colours, etc. Euskara ikasten ari den katalana.

Iker Lauroba Alonso: Lauroba taldeko abeslari eta gitar-jolea. Kantautorea da bere bakarkako ibilbidean Iker Lauroba bezala. Proiektu askotan (asko askotan) parte hartu du. Baina bere benetako pasioa txiste txarrak dira.

Ane Bastida Saiz: Ospitaleak ikasgelengatik aldatu zituen erizaina, eta biolina baxuagatik aldatu zuen musikaria. Baxu-jolea, erizaina eta irakaslea. Talde askotan parte hartu du: Skandalue, Indigo, Eztake, etc. Lauroba y Amor de Tokyoko baxu-jolea da egun. Kondairak dioenez: egunean bi behi janda ere ez litzateke lodituko.

Yon Bidaur: 20 utez proiektu ezberdinetan murgilduta ivili den musikari, sortzaile eta produktorea (AMA eta Havoc, egun). Bere Muir estudioan, disko honen azken zatia grabatuko du, eta, ondoren nahastu. Mutiko zinez jator baten aita.

Izaro Andres Zelaieta: Komunikazioko ikaslea eta konpositorea. Bere buruaren abeslaria. Musikalki IZARO izen artistikoarekin egiten du lan, bestela ez du lanik egiten, eta goiz esnatzea gorroto du.

Giza konpromezua