L.S.B, Ana - ¡El LESBICÓMIC!

2013ko abendutik aurrera Gehituk kaleratzen duen lauhilabeteroko aldizkarian Teresa Castrok sortutako pertsonai lesbiko baten komikiak argitaratzen dira. Ana izeneko pertsonai honek baikortasun eta umore onez aurre egiten die lesbiana izanagatik LGTBI kolektiboarekin zerikusia duten bizi dituen hainbat egoera eta arazoei.
Istoriotxo guzti hauek liburu bakar batean biltzeak lesbianitatearen gaia lantzen duen, irakurtzeko erraza den eta eduki interesgarriak dituen argitalpen bat eskura edukitzeko aukera emango digu eta aldi berean emakume lesbianen irudi baikorra islatzen duen eta askotan ezkutuan jarraitzen duen errealitate hau ikustaraziko digu. Dena den, LGTBI kolektibo osoaren bizi-baldintzak erakutsiko dizkigu, istoriotxoek kolektiboak pairatzen dituen hainbat gai ukitzen baititu.
Paperezko edizio elebiduna Gehituk Euskal Herriko eskoletan, eta kirol eta aisialdi taldeetan burutzen dituen sexoafektibitate eta genero aniztasunaren inguruan burutzen dituen tailerretan tresna lagungarria izango da.
Planteatutako hizkuntza guztietako edizio digitalek (inglesa, frantsesa, alemana, katalana, galegoa, e.a....) LGTBI biztanlegoaren sare espezifikoetan argitalpenaren hedapena ahalbidetuko digute. Horretarako Gehituk sexuafektibitate aniztasun arloan eta Mugen Gainetikek elkarlankidetza arloan dituzten harreman-sareak erabiliko ditugu.

Ikusezintasun lesbikoari buruz hitz egitea topiko bat da dagoeneko, baino berez onartua dagoen zerbait baino gehiago ere bada. Lesbianen ikusezintasuna lesbianismoaren eremuan lan egiten dugun emakumeoi kezkatzen gaituen gai bat da, izan ere, gayen agerpen publikoa geroz eta nabariagoa izan, emakumeen lesbianen egoera orduan eta gehiago izkutatzen den sentsazioa ematen du.

Ikusgaitasunak gure gizarteko gure gizarteko lesbianen ahalduntzearekin lotura handia du. Zentzu honetan, ikusgaitasuna bi dimentsio dituen prozesu bat bezala ulertzera eramaten da, batetik indibiduala eta bestetik kolektiboa. Indibidualean, emakume lesbiana bere erlazioetan erabakitzeko eta kudeatzeko gai den pertsona bat bezala agertzen da, eta aldi berean ezin da ulertu kolektbotasunarik gabe, non emakume lesbianek beren eskubide eta interesen kontzientzia hartzen duten talde moduan.

Hortaz, gure errealitatearen ikusgaitasunean aurrerapausoak ematea ezinbetsekoa da, hau orokorrean izkutaturik dagoelarik gizartearen begietara, baina baita erreferente positiboak eta eraikitzaileak aurkitzen ez dituzten emakume lesbianen begietara ere. Izan ere, gure gertuko diren gizonezko homosexualei baino indar gehiagorekin momentu oro armairuan ikusezin egiten gaituen gizarte heteropatriarkalaisla da honako hau.

Arrazoi hauengatik, ikusezin diren emakume talde honi komiki formatuan ahotsa ematea dugu helburu. Horrela beraien errealitatea plazaratu eta, beraien orientzazio sexuala arauetatik kanpo dagoela pentsatzen dutenentzat beraien onarpen prozesuan lagunduko dieten erreferente baikor, atsegin eta hezitzaileak ematea nahi dira.

Halaber, komikiak, hizkuntza bisual moduan, irakurtzeko ohiturarik ez duten pertsonei irakurketa errazten die. Honen bidez pertsonaiarekin azkarrago identifiikatzen dira eta hezitzeko eta beste errealitate batzuk erakusteko baliabide ezin hobea bihurtzen da.

Gaur egun anitztasun mota orori ahotsa eta lekua uzteko joera dute hedabide handi, zein alternatiboek. Berdin dio aniztasuna arauen kontrako sexoafektibitate espresioak, jatorria-etnikoak edo ezaugarri fisikoek sortutakoa izatea, berdin azaltzen dira hedabideetan zuriak ez diren pertsonaiak, edo musulmandarrak, gaiak, gizenak edo egokitzapen arazoak dituztenak. Joera hau sustatu beharra dago kulturak gure gizartearen aniztasun osoa erakutsi dezan. Zentzu honetan Antonio Altarribak, 2010ko Komiki Nazio-Saria jaso zuenak, L.S.B., Ana-ri buruz nabarmendu nahiko nuke: "...Oso lan interesgarria da, kronika pertsonala, belaunaldi baten adierazgarria, eta genero gaietan hedatzea Eta, batez ere, askatasunaren aldarrikapena."

Kanpaina honen helburu nagusia L.S.B.,Ana -ren istoriotxoen komiki-bilduma elebidunaren (euskara/gaztelania) 2.500 ale argitaratzea da. Ana LGTBI kolektiboko kide izateak sortzen dizkion bizipenei umore onez aurre egiten dien emakume lesbiana da. Bere sexuafektibitatea ezinbesteko osagai bezala hartuta suertatu zaizkion bizipenei aurre egiten dien pertsonai lesbiko baikorra da eta bere erreferenteak LGTBI kolektiboa osatzen duten letra guztien integrazioa eta ezagutza dira.
Argitalpen hau Gehituk Euskal Herriko eskoletan, eta kirol eta aisialdi taldeetan burutzen dituen sexoafektibitate eta genero aniztasunaren inguruan burutzen dituen tailerretan tresna lagungarria izango da eta errealitate lesbikoaren ikusgarritasuna behar den edozein ekintzatan ere erabili ahal izango da.
Aurrekontu hoberena lortzekotan, zuriz editatutako istoriotxo zaharrenak koloreztatu eta remaketatuko dira, LGTBI kolektiboarentzako interesgarriak diren gaiekin Anaren istoriotxo berriekin (horietako batzuk oraindik argitaratu gabeak) gehituko dira paperezko edizioan 112 edo 128 orrialde osatu arte (lortutako diru-sarreren arabera) eta 1.000 ale gehiago inprimitako dira biztanle gehiagora helduz. Kasu honetan, ordainsari gisa kamiseta duten ekarpena egindako pertsona edo erakunde guztiek L.S.B.,Anaren diseinu esklusiboa duen trixerta gehigarri bat jasoko dute.
Biztanlego guztia, GKE eta interesatutako erakunde guztien eskura jarriko dugu edizio digitala hainbat hizkuntzatan eta sexuafektibitate edo genero aniztasunaren inguruan lan egiten duten estatu zein Europa edo Latinoamerika mailako LGTBI elkarte eta taldee multzo zabal bati helaraziko diegu beraien proiektu eta tailerretan erabili ahal dezaten.
Egitasmo honek emakume lesbianen, eta bide batez LGTBI kolektibo osoaren, presentzia normalizatzea du helburu, eskura dagoen hedabide erraz bat erabiliz. Emakume lesbianak gizartearentzat eta are lesbianentzat ikustezin bihurtzean sortzen den diskriminazio bikoitza, arauen kanpoko sexuafektibitatea bizi eta aldi berean emakumeak direlako pairatzen dutena, txikiagotu nahi dugu ere. Halaber, emakume lesbiana batek gizarte heteropatriarkalaren inposaketetatik at bere bizitza osotasunez garatzea lortu dezakela azaltzea, paperean erreferente baikor bat erakutsiz, proiektuaren helburu nagusienetakoa ere bada.

Egileari buruz:

TERESA CASTRO. 2013tik Gehituko Gehitu Magazine aldizkarian L.S.B. Ana istoriotxoak eginez parte- hartu dut boluntario moduan. Istoriotxo hauek, lesbiana batek umorearen bitartez, modu positiboan, LGTBI pertsonen ohiko arazoei aurre egin behar dien kontakizunak aurkezten ditu. Gainera, 2016an La gallina Vasca/ Euskal Oiloa hilabetekari satirikoan parte-hartzen hasi nintzen, izaera sozial eta politikodun hainbat umorezko tira eginez. Urteak daramatzat amateur moduan marrazketa, idazketa eta komikietan jarduten . Horri esker hainbat sari irabazi ditut, horien artean, Gipuzkoako Aldundiaren Artista berrien leihaketarako hautatua izatea. Nire lanari buruz gehiago jakin nahiz izan ezkero nire web-orriak bisita ditzakezu:
teresacastrocomics.wordpress.com eta lesbianismoparaprincipiantas.tumblr.com

Talde laguntzailearen inguruan:

GEHITU, Euskal Herriko lesbiana, gay, bisexual eta transexualen elkarteak egitasmo hau babesten du sexu eta genero aniztasunari ikusgarritasuna eman nahi dion edozein instituzio eta elkarteetara GKE batek sortzen duen LGTBI aldizkari bakarraren argitaratzearen esperientziaren bitartez. Gainera komiki formatuan dagoen argitalpen berri honek gazte zein nerabeentzako irisgarriagoa den hizkuntza bisulagoa darabil. Elkarteko talde teknikoak, hortaz, material osagarritzat jo du Gehituk Euskal Herri osoan zehar ematen dituen formakuntza tailerretarako. gehitu.org/

MUGEN GAINETIK. Gehiturekin hitzarmen bat sinatua duen garapenerako GKE bat da. Lankidetza honen bidez Hego Ameriketako LGTBI biztanleriaren diagnosi bat egin ahal izan da, datu hauek komikia digitalki zabaltzea ahalbideratuko dutelarik. mugengainetik.org/

AUX MAGAZINE.Komikiaren bertsio elebiduna paperean maketatu eta inprimatzeaz arduratuko den enpresa da. Bizakian aski ezaguna den AUX Magazine hilabetekaria argitaratzen dute. auxmagazine.com/