Canal 
Eman € 10
Esker ona
Zeuk adierazitako izena www.ropalimpia.org webguneko esker onen atalean jarriko dugu.
> 52 Aldi bereko finantzakideak
Proiektu honi buruz
Ekin ehungintza-sektoreko esklabotzaren aurka. Sostenga ezazu Arropa Garbia Kanpaina!
Beharren zerrenda erakutsi
Azpiegitura
|
Gutxienekoa | Hobeezina |
|---|---|---|
|
Funtzionamendua
Webgunea mantentzea, ostatatze-zerbitzua, trafikoa, domeinuak, telefonia, komunikazioak, bulego-gastuak…
|
€ 750 | |
|
Crowdfunding kanpainaren gastuak
Sariak eskuratzeko eta ekoizteko kostuak, bidalketak, eta Goteo fundazioarentzako ehunekoa.
|
€ 500 | |
|
Crowdfunding kanpainaren gastuak
Sariak eskuratzeko eta ekoizteko kostuak, bidalketak, eta Goteo fundazioarentzako ehunekoa.
|
€ 500 |
Eginkizuna
|
Gutxienekoa | Hobeezina |
|---|---|---|
|
Clean Clothes Campaign nazioarteko sarearekin koordinatzea
Arropa Garbia Kanpainako arduradunak Clean Clothes Campaign nazioarteko sarearen koordinazio-espazioetan parte hartzea: bidaiak, egonaldiak eta kuota (estatuko AGKren ekarpena, Clean Clothes Campaign mantentzeko).
|
€ 750 | |
|
Arropa Garbia Kanpaina Espainiako estatuan koordinatzea
Arropa Garbia Kanpaina Espainiako estatuan kudeatzeko behar diren lan-kostuak, Clean Clothes Campaign nazioarteko sarearekin koordinatuta.
|
€ 3.000 | |
|
Premiazko ekintzak
Arropa Garbia Kanpainaren premiazko ekintzen sistema koordinatzeko lan-kostuak: oso mekanismo eraginkorra da, kontsumitzaileak mobilizatzen dituena moda-markei presioa egiteko, langileen eskubideen urraketak gertatzen direnean. Sistema horren bidez, laguntza-eskarien kasuan, halakoak jaso eta egiaztatzen ditugu, eta zabalkundea ematen eta jarraipena egiten diegu. Zabalkundea ematen eta jarraipena egiten diegun eskariak langileek berek egindakoak dira, lanpostua zein segurtasuna bera arriskupean jarrita.
|
€ 3.000 | |
|
Ikerketa, sentsibilizazioa eta komunikazioa
Lan-kostuak: batetik, ehungintzako langileen egoera ikertzeko, herrialde arropa-ekoizleetako langile-antolakundeen sarearen laguntzarekin; bestetik, kontsumitzaileak kontzientziatzeko eta mobilizatzeko.
|
€ 3.000 | |
|
Elkarrizketa-lana enpresekin
Espainiako moda-enpresa nagusiekin etengabe elkarrizketan egoteko lan-kostuak, erantzukizuna beren gain har dezaten eta haien produktuak lan-baldintza duinetan fabrikatzen direla ziurta dezaten.
|
€ 1.000 | |
|
Arropa Garbia Kanpaina Espainiako estatuan koordinatzea
Arropa Garbia Kanpaina Espainiako estatuan koordinatzen duen pertsonaren lanaldia luzatzea, premiazko ekintza gehiago kudeatu ahal izateko, marka handiei jarraipen eta presio handiagoa egiteko, eta zabalkunde, sentsibilizazio eta mobilizazioko jarduera gehiago egiteko.
|
€ 10.500 | |
|
Itzulpenak
Clean Clothes Campaign-ek Espainiako markei buruz eta/edo Espainiako merkatuan presentzia duten markei buruz eginiko ikerketen itzulpen profesionala, halako ikerketak Arropa Garbia Kanpainaren presio, sentsibilizazio eta mobilizazioko jardueretan erabili ahal izateko.
|
€ 1.500 | |
| Guztira | € 12.000 | € 24.500 |
Nahitaezkoa
Gehigarria
Informazio orokorra
Ez da sekretua janzten dugun arropa gehiena erosten dugun tokitik milaka kilometrora josten dela. Baina, badakigu nork egiten duen eramaten dugun arropa? Zer baldintzatan lan egiten duten eta bizi diren langile horiek? Eramaten dugun arropa badago esklabotzatik garbi?
Milaka langilek lan-baldintza onartezinak jasaten dituzte miseriazko soldata batzuen truke.
Arropa Garbia Kanpainan, 30 urte baino gehiago daramatzagu jantzigintza-industriako langileen borroka sostengatzen. Haien esplotazio-egoera salatzen dugu, bai eta marka handien merkataritzako eta lan-arloko praktikak ere, ehungintzaren eta oinetakogintzaren industrian lan-baldintza duinak lortze aldera.
Orain, laguntza ekonomikoa behar dugu, aurrera jarraitu ahal izateko.
Oinarrizko ezaugarriak eta helburuak
Badakizu arropa zikina zer den? Badakizu nondik datorren janzten dugun arropa?
Hariari tira egitean, jakiten dugu eramaten dugun arropa gehiena munduaren beste muturrean egiten dela. Jostura bakoitzaren atzean, hari berarekin josiriko bi errealitate ezkutatzen dira: ehungintzako langileen lan-esplotazioa eta arroparen kontsumoa.
Arropa merkea... noren bizkar?
• Miseriazko soldatak.
• Lanaldi amaigabeak: egunean 18 ordu ere, eta astean 7 egun.
• Fabriketako segurtasunik eza: 2013. urtean, Bangladeshen, Rana Plaza eraikina behera etorri, eta 1.138 pertsonaren bizia eraman zuen. Ez zen aurreneko hondamena izan, eta ez da izan azkenekoa ere.
• Laneko osasungarritasunik eza: tindaketan eta arropa-garbiketetan erabiltzen diren kimikoek eta gaizki aireztaturiko espazioek arriskuan jartzen dute langileen osasuna, bai eta ingurumenarena ere.
• Sindikatuen errepresioa: herrialde ekoizle askotan, gobernuek sindikatu independenteak debekatzen dituzte, bai eta negoziazio kolektiboa ere. Sindikatuetan afiliatzen direnek mehatxuak, kaleratzeak eta, sarritan, indarkeria fisikoa jasaten dituzte.
Hori guztia, merkatu kontsumista eta kapitalista baten ekoizpen-eskakizunak direla medio. Bizkor, polit eta merke.
Nola garbi dezakegu arropa bidegabekerietatik?
Jantzigintza-industriako langileak (herrialde ekoizleetako lan-indarraren % 80 dira ia) beren eskubideen alde borrokatzen dira sindikatuekin edo lan-eskubideen aldeko erakundeekin bat eginda, soldata zein lan-baldintza hobeak lortze aldera. Eta gure esku dago borroka horri laguntza ematea, haiek josten duten arroparen kontsumitzaile garen aldetik.
Pertsona askoren sostenguarekin, Arropa Garbia Kanpaina nazioarteko sarean, fabriketako langileekin batera, lorpen handiak izan ditugu azken 30 urte hauetan, gure arropa josten duten pertsonen bizitza hobetzeko:
• Bangladeshko Suteei buruzko eta Eraikinei buruzko Akordioa: Rana Plaza eraikina erori ondoren, eta moda-marken gaineko nazioarteko presioaren ondorioz, 220 arropa-enpresak izenpetu zuten segurtasun-arloko akordio hori, legez loteslea, fabriketan ikuskapen zorrotzak egitea barne hartuta. Akordio hori abian jartzeak berekin ekarri zuen heriotza gehiagorik ez gertatzea suteen ondorioz edo fabriken kolapso estrukturalaren ondorioz, ikuskapena burutu eta berrikuntza-lanei ekin zitzaien fabriketan.
• 2017. urtean, Europako Parlamentuak “Jantzigintza Sektoreko Europar Batasunaren Ekimen Enblematikoa” deritzonari buruzko txostena onartu zuen, giza eskubideen errespetuari buruzko legeak egiteko eta hura zaintzeko, arropagintzaren eta oinetakogintzaren industrien hornidura-kate guztian.
Animatzen zara gure arropa garbitzera?
30 urtetik hona, SETEMek Arropa Garbia Kanpaina bultzatu izan du Espainiako estatuan, dozenaka antolakunderen nahiz milaka kontsumitzaileren konplizitate eta inplikazioarekin. Gaur egun, zailtasun handia dugu honelako kanpaina batek eraginkorra izateko behar duen gutxieneko egitura mantentzeko. Pertsona baten beharra dago, gutxieneko arduraldi bat duena, honako hauek aurrera eramateko:
• Nazioarteko koordinazio-espazioetan egotea, hots, erabakiak hartzen eta jarduerak antolatzen diren espazioetan.
• Espainiako estatuan sentsibilizazio, mobilizazio eta salaketako jarduerak koordinatzea.
• Espainiako moda-enpresa nagusiekin elkarrizketan egotea.
• Premiazko ekintzen sistema mantentzea.
Bada oraindik asko egiteko, eta zure sostengua behar dugu gure lanean aurrera egiteko eta marka handiei –Mango, Desigual, Armani, D&G eta beste askori– presioa egiten jarraitzeko, soldata duinak ordain ditzaten eta langileen lan-eskubideak bete ditzaten.
Zerk bultzatzen zaitu eta zeini zuzenduta dago proiektua
Inditex, Mango, Desigual, El Corte Inglés, Adolfo Dominguez... horra hor munduko ehungintza-banaketako talde handienetako batzuk, eta Espainiako estatuan kokaturik daude. Multinazional handi horiek negoziazio-botere handia dute, eta beren langileen –gure arropa josten dutenen– lan-baldintzak zer-nolakoak diren kontrola dezakete. Azken horiek bizitza duina izatea merezi dute, eta horren alde borroka egiten jarraitu behar dugu.
Funtsezkoa da ikerketa-lana, elkarrizketa-lana nahiz Espainiako moda-marken gaineko presio-lana egiten jarraitzea Arropa Garbia Kanpainaren bidez, nola estatuan hala nazioartean. Horretarako, zure laguntza behar dugu. Proiektu hau ez zaie interesatzen multinazional handiei, eta zailtasun ugari du aurrera jarraitzeko. Horregatik, laguntzeko eskatzen dizugu, crowfunding-kanpaina hau zabalduz eta/edo ekarpena eginez. Edozein ekarpen eskertuko dugu oso! Eskerrik asko :)
**Esklabotzaz zikindu gabeko arropa baten alde
Arropa garbi baten alde!
ArropaGarbiaBeharDut**
Arropa Garbia Kanpaina hainbat GKEk, sindikatuk, antolakunde feministak eta kontsumitzailek osatutako nazioarteko sare bat da, jantzigintza-industria globaleko langileen bizi- eta lan-baldintzak hobetzeko lan egiten duena, 30 urtetik hona.
Europako 17 herrialdetan dagoela, Clean Clothes Campaign 250 erakundez baino gehiagoz eratutako sare bat da, kontsumitzaileei presioa egiten diena nahiz ekintzetara dei egiten diena, ehungintza-industriako langileen lan-eskubideak aldarrikatzeko.
Estatuan, SETEM Federazioak koordinatzen du Arropa Garbia Kanpaina, Isabel Martín fundazioaren laguntzarekin.
ZER EGITEN DUGU?
• Ikerketak egiten ditugu giza eskubideak urratzen dituzten enpresak agerian jartzeko.
• Presioa egiten diegu enpresa eta gobernuei, erantzukizuna beren gain har dezaten eta haien produktuak lan-baldintza duinetan fabrikatzen direla ziurta dezaten.
• Lan-eskubideen urraketak salatzen ditugu, halakoak ehungintza-industriako langileek berek jakinarazita.
• Kontsumitzaileak kontzientziatu eta mobilizatzen ditugu, kontsumo-katean dugun botereaz baliatuta.**
Giza konpromezua
Solidarioa
Kontsumitzaileok joko-arauak aldatzeko gure esku dugun boterea erabiltzen du Arropa Garbia Kanpainak. Presio-ekintzei esker, ehungintzako langileen eskubideak errespetatzea lortzen dugu. Egunez egun, errealitatea eralda dezakegula frogatzen dugu, eta inoren oinarrizko eskubideak urratzen ez diren mundu batean bizitzea lor dezakegula.
Objetivos de Desarrollo Sostenible
-
Fin de la pobreza
Poner fin a la pobreza en todas sus formas en todo el mundo
-
Igualdad de género
Lograr la igualdad entre los géneros y empoderar a todas las mujeres y las niñas
-
Trabajo decente y crecimiento económico
Promover el crecimiento económico sostenido, inclusivo y sostenible, el empleo pleno y productivo y el trabajo decente para todos
-
Reducción de la desigualdad
Reducir la desigualdad en y entre los países
-
Producción y consumo responsables
Garantizar modalidades de consumo y producción sostenibles
-
Alianzas para lograr los objetivos
Revitalizar la Alianza Mundial para el Desarrollo Sostenible