Njombe Beyond " 2nd life of plastic satisfies local needs"

Imagen de cabecera
Ikusi bideoa
finantzatua 18 / 08 / 2019
Aldi berean finantzatuta!
Jasota
€ 8.038
Gutxienekoa
€ 3.910
Hobeezina
€ 6.160
99 Aldi bereko finantzakideak
Canal
  • Eman € 10

    Esker ematea

    Gure web orriaren esker-emate atalean zure izena agertuko da :) http://www.smartcentretanzania.com/

    > 16 Aldi bereko finantzakideak
  • Eman € 20

    Ilunabarra

    Web orrian zure izena agertzeaz gain, ustekabez Njombe-ko ilunabar baten argazkiak jasoko dituzu

    • Esker ematea
    • Ilunabarra
    > 19 Aldi bereko finantzakideak
  • Eman € 50

    Bideo(deia)

    Web orrian zure izena agertzeaz gain, tailerraren funtzionamenduaren eta pertsonen inguruko bideoa jasoko duzu ala zuzenena bideo-deiaz konektatuko dugu, zuk erabaki.

    • Esker ematea
    • Bideo(deia)
    > 19 Aldi bereko finantzakideak
  • Eman € 100

    Gure tailerrean birziklatutako produktua

    Web orrian zure izena agertzeaz gain eta bideo(dei)az gain, gure tailerrean birziklatutako produktu bat jasoko duzu. Gustukoen duzuna hautatu ahal duzu.

    • Esker ematea
    • Bideo(deia)
    • Gure tailerrean birziklatutako produktua +

      +2020ko udaberria baino lehen jasoko duzu. Bidalketak Espainiara soilik, gastuak gure kontura. Karbono aztarna kontuan izan ezazu, eskerrik asko ;)

    > 11 Aldi bereko finantzakideak
  • Eman € 250

    Makinei izena jar iezaiezu

    Web orrian zure izena agertzeaz gain, bideoaz gain eta produktu birziklatuaz gain, gure makinetako baten izena erabaki ahal izango duzu; zure izena ala nahi duzuna izan daiteke.

    • Esker ematea
    • Bideo(deia)
    • Gure tailerrean birziklatutako produktua +
    • Makinaren izena

      +2020ko udaberria baino lehen jasoko duzu. Bidalketak Espainiara soilik, gastuak gure kontura. Karbono aztarna kontuan izan ezazu, eskerrik asko ;)

    > 03 Aldi bereko finantzakideak
  • Eman € 500

    Njombe eta gure tailerra ezagutu ezazu

    Web orrian zure izena agertzeaz gain, bideoaz gain eta produktu birziklatuaz gain, abentura gustuko dutenentzat: 3 eguneko egonaldia Njomben, birziklapenaren inguruko kurtsoa gure tailerrean eta Njombe-ko lekurik bitxienak bisitatu. Karibu!

    • Esker ematea
    • Bideo(deia)
    • Gure tailerrean birziklatutako produktua +
    • Egonaldia Njombe-n eta plastiko birziklapen kurtsoa

      +2020ko udaberria baino lehenjasoko duzu. Bidalketak Espainiara soilik, gastuak gure kontura. Karbono aztarna kontuan izan ezazu, eskerrik asko ;)
      ++Egonaldiak hiru egunetarako janaria eta lo egiteko lekua bi pertsonentzat

    > 01 Aldi bereko finantzakideak

Proiektu honi buruz

Njombeko (Tanzania) ekintzaileak trebatzen, plastikoa birziklatzeko makina sinpleak erabiliz, bertoko beharrak asetzeko

Beharrak Materiala Gutxienekoa Hobeezina
Birrintzailea
Plastikoa maluta txikietan mozteko makina
€ 800
Injektorea
Jostailuak ala hezkuntza materialak bezalako gauza tixikiak ekoizteko makina https://preciousplastic.com/en/videos/build/injection.html
€ 430
4 molde
Aluminiozko moldeak injektorea, konpresorea eta estrusio-makinarekin lan egiteko
€ 1.400
Konpresorea
Teilak ala azulejuak bezalako gauza handiagoak ekoizteko makina https://preciousplastic.com/en/videos/build/compression.html
€ 230
Erremintak
Produktuen akaberarako erremintak
€ 550
Estruzio-makina
Plastiko haria lortzeko makina, lanpara ala aizto kirtenak ekoizteko adibidez
€ 320
Beharrak Azpiegitura Gutxienekoa Hobeezina
Goteo, banku eta ordain sarien gastuak
Goteo %4, bankua %0,8
€ 500
Beharrak Eginkizuna Gutxienekoa Hobeezina
Makinak martxan jartzea eta doiketa (2 hilabete)
- Entrenatzaile eta langile batentzako soldata: 500 € - Plastikoa: Njombe-ko plastiko biltzaileei erositako plastikoa: 130 € - Elektrizitatea: 200 € - Erreminten erabilpena: 360 € - Ofizina gailuak (papertegia, garraioa, botikina, garbiketa eta telekomunikazioak); 740 €
€ 1.930
Guztira € 3.910 € 6.160
Nahitaezkoa
Gehigarria

Informazio orokorra

Plastikoa! Are eta plastiko eta hondakin plastiko gehiago Njomben: kalean, lurrean, soroetan, ibaietan, behin-behineko zabortegietan errautsita, ... eta egoera ekiditzeko aukerarik ez!

Eta, plastikoa Njomben bertan eta eskala txikian birziklatzen badugu?
Eta, gure komunitatearentzat erabilgarriak diren produktu birziklatuak ekoizten baditugu, bide batez birziklapena ekonomikoki jasangarria eginez?
Eta, guk birziklatzeaz gain, herrikideekin batera egiten badugu?
Ba...has gaitezen!

Precious Plastic-en antzeko makina txikiak erabiliz, plastikoa birziklatzeko tailerra martxan jarriko dugu. Bertan, SMART Centre-rren estrategia eraginkorra jarraituz, tokiko ekintzaileak plastikoa birziklatzeko enpresak sortzen trebatu eta lagunduko diegu; hondakin plastikoen birziklapen ekoizpen-katea martxan jartzeko helburuaz. Hasteko, birziklapen makinak behar ditugu , frogak egiteko eta makinak gure testuingurura egokitzeko. Behin martxan, aurreko galderei erantzunak emateko gai izango gara.

"Hondakin plastikoak arazo beharrean, Njombetarrentzat baliagarri bilakatuko dira: ogibide berriak sortuz eta egungoak hobetuz, bertako komunitatearentzat erabilgarriak diren produktu birziklatuak ekoiztuz eta ingurumen kontzientzia handituz."

Gure buruan, proiektu hau, Njombe jasangarri (zirkular) izateko bidean gure lehenengo urratsa da eta izatez, haratago joan nahi dugu, "beyond". Egungo egoeraz haratago, gero eta hondakin gehiago sortzeaz eta kutsatzeaz haratago, ekonomia linealaz haratago.

Njombe eta bere 40.000 biztanleak Tanzaniako hegoaldean, koloretsuak dira, harrera beroa dira, irribarreak dira musikaren erritmora. Eta etorkizunean horrela izatea gustatuko litzaiguke. Wananjombe tuwe pamoja!

Oinarrizko ezaugarriak eta helburuak

Plastikoa birziklatzeko eskala txikiko tailerra martxan jarriko dugu. Precious Plastic-ri esker plastikoa birziklatzeko makinak fabrikatzen ikasi dugu:

  • makina birrintzaileak plastikoa malutetan mozten du.
  • injektoreak, moldearekin batera jostailuak ala hezkuntza materialak bezalako gauza tixikiak ekoizteko.
  • estrusio-makinarekin plastiko haria lortuko dugu, lanpara ala aizto kirtenak, adibidez, ekoizteko.
  • konpresorearekin teilak ala azulejuak bezalako gauza handiagoak ekoizteko.
  • post-produkziorako erremintak.

Gure tailerrean, makina hauekin, bertako ekintzaileek makinen muntaian zein makinak erabiltzen ikasiko dute. Halaber, haien plastiko birziklapen negozioa aurrera eramateko laguntza eta trebakuntza emango diegu, hala nola marketing-ean eta kontabilitatean.

Gaur egun, plastiko bilketa informalki egiten da; horregatik, plastiko biltzaileekin elkarlanean jarriko gara soldata duina eta lan baldintza seguruak bermatzeko.

Bertako empresa txiki, industria eta komunitateekin elkarlanean gabiz, tokiko beharrak aseko dituzten objetu birziklatuak zeintzuk diren ezagutzeko.

Eskolak Njombe Beyond-en parte izango dira. Txapelketa, hitzaldi eta tailer-bisitak bezalako ekintzekin, gazteek plastikoaren eragina ingurumenean eta baita plastikoaren balioa eta aukerak ezagutuko dituzte.

HELBURUAK:

Njombe Beyond-en oinarrizko helburuak Njombe-n xahutzen den plastikoa murriztea eta bertako komunitateak plastikoaren arazo zein aukeren inguruan jakinaraztea dira.
Horretarako, honako helburu zehatzak ditugu:

  • Plastikoa eskala txikian eta lokalki birziklatzen duen balio-katea ezarri.
  • Katea osatzen duten pertsonekin elkarlana egin eta lan baldintza duinak bermatu.
  • Komunitatea, eskolak barne, Njombe Beyond-en parte-hartzaile egin, plastikoaren inguruko arazoak zein aukerak ezagutarazteko.

BIDE-ORRIA

Hona ekarri gaituzten urratsak…

  • Njombe eta bertako pertsonak ezagutu.
  • Njombe-ko hondakinak karakterizatu eta hondakinen kudeaketa sistema ezagutu.
  • Plastiko fluxua Njombe-n eta Tanzania-n ikertu.
  • SHIPO-ko lankideekin batera “Njombe-n sortutako hondakin plastikoak zelan murriztu” bururatu.
  • Birziklapen makinak muntatzeko material, osagarri eta jakintza teknikoak Njombe-n daudela ziurtatu.
  • Bertakoek Njombe Beyond-en duten interesa ezagutu eta ekintzaileekin eta agintari politikoekin lan-taldea osatu.
  • Industria lokalak bisitatu eta elkarlan aukerak aztertu.

Eta hemendik aurrera…

  • Komunitateentzat baliagarraik diren produktuen eskaera aztertu eta plastiko birziklatuarekin horiek ekoizteko bideragarritasuna aztertu.
  • Makinen osagarriak erosi eta instalazioa gure tailerrean amaitu. Hasiera batean, injektorea eta moldeak erabilita eta Njomben txikitzen duten plastikoa erabiliko dugu. Geroago, bertoko birrintzaileak hobetu eta gainerako makinak eskuratuko ditugu, produktu gehiago ekoizteko.
  • Makinak funtzionamendu hoberenera doitu eta haiekin esperimentatu.
  • Plastiko biltzailekin elkarlan egin plastikoa lortzeko.
  • Njombe-ko ekintzaileak makinen muntaian, birziklatutako plastikozko produktuen ekoizpenean eta enpresa garapenean entrenatu.
  • Njombe-ko zenbait eskoletan plastikoaren inguruko ekintzak antolatu.

SMART Centre-ren ekintza guztien inguruan irakurri ahal duzu hemen (ingelesez).

image00003640.jpg

Zerk bultzatzen zaitu eta zeini zuzenduta dago proiektua

Orain dela urte bat edo, Morokon ginen, hondartzan. Gu bakarrik, ilunabarra ikusteko prest. Lekua bitxia eta lasaia zen; eragozpen bakarra zuen: plastikoz betea zegoen. Arratsalde horretan, Precious Plastic-en inspirazioaz eta 6 urtez ingurumenaren inguruan ikasitakoaz, amets egin nuen: Zer ba ez munduan zehar bidaiatu, hondakin plastikoak batuz eta tokiko pertsonentzat baliagarriak diren gauzetan bihurtu? Plastiko gabezia ez zen arazorik izango...

Leire Njombe-ra joan zen, SMART Centre-rren praktikak egiten. Tokia eta bertako pertsonek "harrapatu" egin zuten: aurreikusitako 6 hilabeteak 17 izan dira, momentuz ...

Njombe-n, Njombe Beyond-en beste bi haziak ezagutu zituen:
1. SHIPO SMART Centre-rren estrategia: bertako sektore pribatuari erronka lokalei (ura lortzea adibidiez) erantzuna emateko gaitasuna eman.
2. Herrian eta ingurumenean sakabanatuta dauden hondakin plastikoen kopurua.

Azkenaldian, bigarren puntu honen inguruan ikertu dugu, gaur egungo egoera ezagutzeko. Aurkikuntzek gure hautemateak baieztatu dituzte: Njombe hazten ari da eta egunero bere 40.000 biztanleek 35 tona hondakin baino gehiago sortzen dituzte. 28 tona inguru kontrolik gabeko zabortegian pilatzen dira, bertan maiz errautsi egiten dira espazio falta konpontzeko. Batzen ez diren hondakinak, etxeen inguruetan prestatzen dituzten zuloetan erretzen dira ala ingurumenean sakabanatuta bukatzen dute.

Hondakin hauen 10% inguru, plastikoak dira: 3500 kg egunero eta 1000 tona urtean zabortegian lurperatuta, errautsita ala ingurugiroan bukatzen dute.

2017 urtera arte, plastikozko botilak partzialki batu egiten ziren eta Tanzaniako empresek Txinara bidaltzen zituzten; hala ere, 2018tik aurrera Txinak ez du plastikorik inportatzen. Gaur egun, plastiko "gogorra" Dar es Salaam-en (Tanzaniako hiriburu ekonomikoa) birziklatzen da partzialki.

Njombe-n, plastiko gogorreko biltzaile informalek Dar es Salaam-en saltzen dute plastikoa, 700 km-ko bidaia egin eta gero. Ez dirudi aukera jasangarria.

Njombe-ko biztanleria hazkuntzak eta Tanzanian 2000 urtetik hona plastiko eta gomen inportazioen %400 igoerak [1], hondakin plastikoen arazoa areagotu baino ez dela egingo adierazten dute.

Izan ere, Tanzaniako (Njombe barne) eta oro har, Saharaz hegoaldeko Afrikako joera ez da batere itxaropentsua: biztanleria hazkuntza azkarra, kontsumoaren igoera eta beraz, hondakinen sorkuntzarena, eta azken hauen bilketa eta kudeaketa gabezia, jarduteko momentua orain dela adierazten dute, plastikoaren arazoa handiagoa bilakatu baino lehen.

Azkenaldian hondakin plastikoen generazioak eragindako arazoei buruzko kanpaina zein ikerkuntzen gorakadak pozten gaitu, batez ere, orain arte eman zaion garrantziarekin alderatuta.

Gure ustez Njombe Beyond eta plastiko birziklapena ez dute plastikoaren arazoa guztiz konponduko; proiektu hau hondakinen inguruko arazoak ikustarazteko, Njomben plastiko kontsumoa murrizteko, hondakin plastikoentzat kudeaketa jasangaria ahalbidetzeko eta Njombe-n ingurumen kontzientzia handitzeko helburuak ditu.

Njombe garbi eta osasuntsuarekin amesten dugu; eskala txikian plastikoa birziklatzen duten ekintzaileekin, eskola parte-hartzaileekin eta hondakinen inpaktuak ezagutzen dituzten eta hondakinak murriztu eta kudeatzeko ekintzen duten biztanleekin.

[1] Iturria: The observatory of economic activity

image00006640.jpg

Aldez aurreko esperientzia eta taldea

SMART Centre Tanzanian, SHIPO GKE lokalaren parte, hiru ingurumen ingenieru eta komunitate garapenerako aditu bat gara. SMART (Teknologia Sinple, Merkatuan oinarritua, “Asekible” eta erReparagarri) teknologiekin lan egiten dugu komunitateentzat ur horniketa, saneamendu eta orain, Njombe Beyond-ekin, hondakin kudeaketan, konponbideak eskeintzeko. Gure estrategia tokiko ekintzaileak trebatzean datza, SMARTech-ak sektore pribatuaren bidez heda daitezen. Horrela, GKE-k lana bukatzean teknologia hauen eskaintzak zein eskaerak bertan jarraituko dute. Estrategia honen emaitzak miresgarriak dira:

"27.500 pertsona baino gehiago, hospitalak eta eskolak barne, trebatutako ekintzaileek instalatutako putzu eta ponpen onurak jasotzen dituzte. 60 ekintzaile baino gehiago, sortutako 15 enpresetan jarduten dute gaur egun."

Njombe Beyond-en, CEFA GKE italiarrarekin elkarlanean gaude. CEFA-k 70ko hamarkadatik hona, Tanzania hegoaldeko mesetan lan egin du landa garapenaren alde, nekazaritza, energia eta ingurumen arloetan. Ingurumen taldeak, zehazki, hondakin solidoen kudeaketarako irtenbideak bilatzen ditu: kontzientziazio ekintzak eta hondakin eskulan tailerra antolatu dituzte emakumeekin. Produktu diseinatzaile eta ingurumen zientzien adituak osatzen dute Njombe Beyond-erako CEFA taldea.

Honakoak gure esku ditugu:

  • Tailerrerako espazioa eta zenbait erreminta.
  • Makinak muntatzeko jakintza eta Precious Plastic komunitatearen laguntza.
  • SHIPO-ko 20 lankideen laguntza alderdi tekniko, finantzari, komunitate garapen eta monitorizazioan.
  • Makinen atalak ekoitzeko gai diren Njombe-ko eskulangileekin kontaktua.
  • Agintarien eta Njombe-ko ekintzaileen babesa eta laguntza ditugu: Njombe-ko udalaren Ingurumen Sailarekin elkarlanean gaude; haien laguntzarekin Njombe-ko hondakin kudeaketa ezagutu dugu, bideorako ikusentzunezko materialak lortu ditugu eta proiektuaren parte izango diren pertsonekin kontaktua eraiki dugu. Horrela, Njombe-n plastiko biltzen eta Dar es Salaam-era bidaltzen duten ekintzaileak ezagutu ditugu eta Njombe Beyond-en interesa dutela egiaztatu dugu.
image000016402o4.jpg image000016401.jpg

Giza konpromezua